饗 車仔麵 (已結業)

這間位於西九龍中心的車仔麵店，有多款的麵底的懷舊車仔餸可選擇，而且價錢貼地，兩餸都是$30，標榜湯底由豬骨及蔬菜熬制，絕無味精，正合我這些健康一族。日式豬軟骨+墨魚腐皮卷+牛筋+咖哩魷魚+菠菜麵+腩汁豬軟骨炆至入口溶化，魷魚爽脆，牛筋就未夠腍，仲有我最仲意既菠菜麵，腩汁都好夠味。柱侯牛腩+牛筋+大腸+蝦肉腐皮卷+幼麵+大辣汁老公個碗就有大大舊既豬皮，炆得好入味，牛腩炆至鬆化，辣汁味道很香惹味，但唔算太辣。蝦多士蝦膠厚身彈牙，多士炸至金黃香脆。醉雞翼有淡淡酒香，外皮爽口，不過個人喜重酒味版。

支持#黃色經濟圈 💛深水埗的街坊車仔麵，經濟實惠，還貼心的有菜底，適合不愛吃粉麵的客人😋menu用過膠紙，可以循環再用♻️我點了通菜底，加上腩肉和醉饗蛋🍳番茄湯當然不及另一家有名#黃店 番茄師兄般香濃，但入口清爽，不會吃膩👍🏻醉饗蛋的酒味不算很重，溏心口感一流😋腩肉只有兩片，份量較少🤔小食我選擇了蒜香雞翼，本來以為像蒜泥白肉般是焯雞翼，原來是炸雞翼🧄口感香脆，炸蒜也挺香～平日中午較少人，但假日通常都會排長龍，要注意哦‼️

以食車仔麵黎講..真係好難唔同出面d傳统既車仔麵做比較既呢到真係坐得舒服乾乾淨淨 食都食得安心好多..黎到門口 等一陣就有位好特別既設計 用舊式信箱黎做放餐牌既地方環保設計想食咩用白板筆寫係張過左膠既餐牌上面就得重點係呢張餐牌都好乾淨 睇得出店主應該都係注重乾淨既仲要好多個湯底揀所以佢唔係普通既車仔麵豬腸 魚皮餃 牛筋 芝士腸牛筋夠淋夠入味 豬腸都洗得乾淨 仲好夠味添貪得意扮健康食番個菠菜麵餸有豬腸 貢丸 墨魚春卷 搭條菜 煮得岩岩好唔好太老墨魚春卷 幾好食wo 煙煙韌韌 爽爽脆脆地醉饗雞翼28蚊有4隻蝦多士咬落去啖啖肉 薄薄既多士做底埋單 3餸+個小食 飲埋野都係$75嗌麵食 加7蚊有野飲

今日去到深水埗見到有間車仔麵都幾多人等位就看餐牌都多食物選擇就和朋友一齊食等晚餐，幸好都好快有位坐，我們各自點了一個麵食和二個小食，沒想到份量咁大都吃不完碗麵。 首先來的是蒜泥白肉，蒜味十足又夠辣，白肉又夠爽口。蝦多士有四件和二件選擇，我們二人要了二件，十分新鮮，等一陣食剛好，包好軟熟又不油，蝦夠爽口又多。而這裡的飲品凍檸檬茶都大杯又抵飲，茶味都濃不會太甜。 車仔麵二碗來到十分大碗，一夾好多麵，我要的是幼麵爽口，河粉又滑，秘制辣汁仲有分大中小辣，我要了小辣都夠惹味，大腸好入味而且口感軟熟，雞中翼大大隻，柱候牛腩入味又淋身，蘿蔔好大舊夠清甜。咖哩豬皮惹味帶微辣，仲叫了大件腩肉和豬紅，最後麵太多都吃不完。

早上和朋友們行過獅子山，見時間尚早，順道到深水埗買少許應節裝飾。購物前先醫肚，找來西九龍對面、對正警署的饗車仔麵；小店有米豬蓮認證，店內海量文宣，之前催淚彈放題後更關門徹底清潔，感覺視食客健康為首要考慮。 溏心蛋豬軟骨米粉 $30 選了兩個自家製配料，醉溏心蛋滑溜濃郁，豬軟骨入味軟稔，加上惹味秘製辣汁，在不知不覺間完食。 小店坐位不多人手緊拙，排隊等候都需要一些耐性；說實話味道驚為天人算不上，但以這價錢實在享用到又美味又飽肚的麵食，滿足矣。

最近成日去開西九龍附近 見到對面有間轉角位車仔麵經常排長龍 今日較早食晚餐未見有人龍於是去一試 餐牌選擇很多 湯底麵底也有超過10多款 車仔麵餸菜選擇亦高達30多款包保有一樣適合你胃口 每碗就可自選二至四款餸 我選擇了懷舊陳皮魚蛋+自家製滷水牛舌+南乳豬手+韭菜豬肉餃 魚蛋細細粒非常彈牙 豬手浸得好入味 骨膠原滿滿 朋友選擇了自家製醉饗蛋+柱侯牛腩+粟米豬肉餃+麻辣雞腎 牛腩都非常入味 店舖亦提供多款小食 日式煎餃子 一份有五件 煎得香脆 醉饗雞翼 略嫌不夠入味但勝在夠大隻

深水埗的確好多車仔麵，都好多出名既都食過，依間係第一次試。而家大部份車仔麵都係膠牌自畫，饗都唔例外。但饗既好既地方係湯底選擇多，清湯，沙爹，麻辣，傳統車仔麵湯底，腩汁。我辣湯底都有四個辣度我係揀左沙爹一隻辣椒度。佢係用價錢分定左幾餸既，咁加一餸就十一蚊，我揀左三十八蚊三餸。大腸，牛柏葉，牛腩，米線。大腸唔少，係正路，切法就唔浮誇。牛柏葉再淋d會更正。牛腩好入味，但都係唔夠淋。整體個人覺得願意再食既，因為湯底好，味到位，三餸價錢唔算浮誇好過（麵x）

車仔麵梗係要又抵食又多選擇又好食先至吸引啦🥰俾我搵到啦🙋🏻‍♀️依一間位於深水埗街角既車仔麵店一到夜晚已經有人龍🤤不過排咗大約15分鐘左右 就已經入得位啦☺️我一定係叫最多餸個款 $46只係46蚊就有四個餸啦！你話抵唔抵！仲要好多選擇（唔止餸連湯底都係）我點左一碗米線麻辣湯底小辣 四餸包括醉饗蛋（溏心蛋）日式豬軟骨 大腸同牛筋😋朋友就叫咗一碗油麵腩汁 四餸包括豬軟骨滷水雞中翼 蘿蔔同芝心丸當然唔夠喉啦😆我哋仲叫咗兩個小食 包括蝦多士$45 同蒜蓉雞翼$28 蝦多士蝦肉好豐富 覆蓋晒成塊多士👍夠晒足料 蝦肉彈牙 多士又脆口！又金黃又好食！唔錯唔錯😋蒜蓉雞翼熱辣辣 好香口 煎得好均勻👍都幾入味介紹吓個車仔麵先 溏心蛋做到流心嘅效果 唔會熟得滯 而且好特別 有醉香味😆豬軟骨都好淋 大部份骨都可以食埋 大腸同牛筋又淋又有咬口 剪左細細舊 入口更容易👍好食又豐富又黃又好食 值得支持✨值得支持✨

深水埗真係有好多美食！今次要出post讚嘅係呢間車仔麵🍜暇日lunch time都有唔少人排隊，我同男友大約等咗10分鐘。門面同店內都有好多靚靚文宣🌸車仔麵底都有幾種，配菜又多，真係睇到眼花花🤪我揀咗牛柏葉、魚皮餃、豆卜、溏心蛋🥚，粗麵麵底，經典車仔麵湯底，仲有得嗌多蔥🤭🤭溏心蛋幾好食，食得出唔係用普通醉雞汁整，而係有酒香味，食完唔會渴🤙🏻牛柏葉好爽口新鮮🐮湯底都適中，好怕有啲車仔麵嘅湯底咸到嘔😵我男友就揀咗豬軟骨、大腸、溏心蛋。豬軟骨肉質鬆軟又入味，我勁中意😆男友食嘅時候不斷讚配菜同麵都好足夠，啱晒男仔食😋價錢又唔貴，附近嘅學生都可以試試💛💛💛其實香港有好多值得支持嘅小店，大家要加油呀💛🏡

星期六竟然要開OT🙀，做埋啲嘢3點3收工啱啱好夠鐘食Tea！呢日決定去近嚟爆紅(黃)嘅饗車仔麵舖試下啦，因為閒日返緊工食唔到下午茶時段🙈。果然不出我所料，小店門外有條小小嘅人龍，好彩等咗10分鐘到就入得。等嘅同時，睇下個餐牌同啲文宣先，成間餐廳真係填滿咗各式各樣嘅poster💛，環境變得好有個性同富有濃濃嘅香港情懷🇭🇰。下午茶時段點車仔麵送飲品，我同同事一人點咗一碗3餸車仔麵($38)，再加咗小食。車仔麵有唔同湯底同麵揀，餸嘅選擇亦都非常多，全部餸劃一價錢，4餸後每加1餸加$9，🌸花多眼亂呀！蕃茄濃湯菠菜麵(+$2)，餸要咗鹵水雞中翼、墨汁墨魚丸同麻辣雞腎。首先抵讚嘅係湯底非常夠熱，食哂成碗都仲出緊煙👍，第二就係蕃茄湯🍅幾好味，唔係用茄膏開的，唔酸唔甜，啱做湯底。而菠菜麵就同平日食開拉麵狀圓身嗰啲唔同，依到係扁扁的，望落好淋咁，但食落ok。至於啲餸就正正常常啦，🐔雞翼同墨丸都各有2件，雞腎食得出有麻辣味，個別有一兩嚿咬唔開。我同事要咗咖哩汁米粉，餸要咗🦑咖喱魷魚、咖喱豬皮同鹵水大腸。咖哩汁記得要撈匀，如果唔係會有啲辣，米粉幾時都好食。至於啲餸，我只係試咗魷魚，味唔錯，份量算多。但我同事

今晚同男朋友決定想去懲罰一下黃小店，就發現有呢間車仔麵店成間店都貼症好多抗爭海報 我地一人叫左4餸麵，另外叫左兩份小食。佢就叫左豬手，尤魚，牛舌同腐皮卷招牌湯底。我就叫左麻辣湯底，試左佢個蛋，豬紅等等 個湯底好正，小小辣可以刺激到胃口，令人想食更多野，個湯底都幾濃，啲餸都好新鮮，同其他傳統既車仔麵有啲分別，食落麵覺得佢係有比心機落餸雖然個湯底幾好但我覺得小食就有啲淡味，可以濃返少少再野味啲！而飲品方面佢係獨立包裝一支支上，唔驚唔乾淨！而店內一早已經坐滿人，我地放工即刻去都已經無曬位要等一等，好彩都好快入得 食左陣出面已經好多人等緊，所以我諗應該都好多人支持同埋佢真心好食

朋友深水埗番工，平日放工想揾快靚正野食，諗起深水埗多車仔麵，決定試下呢間！餸同湯底都算多選攞，另有小食😋😋地方幾企理我叫左個幾4餸🤤🤤🤤醉饗蛋，麻辣鴨腎，蘿白，金菇配蕃茄湯底，米粉份量好足！醉蛋係推介，好食流心！麻辣鴨腎不錯，辣辣地鴨腎爽脆蘿白金菇正常蕃茄湯算幾濃，米粉吸完湯汁好正🥰🥰朋友都係4餸醉蛋，粟米豬肉餃，墨魚腐皮卷，生菜配經典車仔麵湯底，米線朋友話湯底有五香味，幾好餃子，腐皮卷都正常見到餐廳推介既小食就試吓～蝦多士剛炸起熱辣辣好食炸粉唔厚唔太油，推介👍🏻👍🏻醉饗雞翼我係雞翼控，雞翼都算大隻厚肉，有花雕酒香味，但可能未浸夠時間，我覺得浸耐d會更好更入味🤤🤤🤤總括來説，食物服務都不錯，經開深水埗想食車仔麵可以試下～～

餐廳：饗 車仔麵 (深水埗)地址：深水埗基隆街391號地下今日黎到深水埗基隆街呢間黃到發金嘅車仔麵店🎗，店名叫饗 車仔麵🍜，餐廳一直都有幫助抗爭者，仲有抗爭貼紙同聖誕卡捐款，希望可以支援有需要嘅手足同補貼文宣工作👷🏼‍♂️👷🏻‍♀️，非常有心車仔麵有1️⃣0️⃣款粉麵同4️⃣0️⃣幾款餸菜，亦有唔同嘅湯底可以揀，腩汁、咖哩汁、蕃茄湯呢啲基本啦😎，鍾意辣嘅仲可以揀唔同程度辣味嘅秘製辣汁添🌶，3餸都係$38咋另外比較吸引嘅仲有小食，叫左個人氣蝦多士($45/4件)同辣醬魷魚🦑($38)。蝦多士夠香口，蝦肉彈牙又夠重蝦味🦐；辣醬魷魚辣味好足，非常惹味，鍾意辣嘅千其唔好錯過下次再黎多多懲罰，你又準備好荷包過黎未呢

師傅一支公做完所有嘢，透支到一個點，加上又係放飯時間，就諗下可以食啲乜嘢。一支公決定由油麻地行去深水埗，為的就是要光顧呢一間食店。呢條基隆街好多良心食店，但唔知點解一路行師傅都搵唔到呢間食店。沿著基隆街係咁行係咁行，最後要行到去 近西九龍中心個位先至見到呢一間食店，爭少少師傅以為要食水門雞飯呀。入到去食店，人都唔算多，可能都比較夜，接近九點左右，於是求其有個位師傅就坐低。攞起嗰張牌點餐紙，攞埋一支筆，就諗下食乜嘢好。一如以往師傅揀左豬紅，豬腸，豬皮，再揀咗牛筋，咖哩魷魚，墨魚卷同埋鹵水牛舌，而麵底就揀左油麵，加埋沙爹汁同腩汁，就將張單交咗畀侍應。點知侍應話畀師傅知今日豬皮沽清，當下都有少少失望，雖知喺師傅眼中車仔麵三寶同五大訴求一樣，係缺一不可架嘛。但冇豬皮點算好，唯有揀另一個餸，師傅就揀左咖哩魚蛋。其實呢間食店魚蛋都有兩款，有陳皮魚蛋同咖哩魚蛋，師傅就姑且先試下佢呢個咖哩魚蛋係咩料。老老實實落完單，等候嘅時間都唔算快，不過正所謂，好嘅嘢係要等耐少少，加上呢度文宣咁靚，圖畫咁正，周圍影下相留下念，都不失為一個消磨時間嘅方法。再過多一陣，師傅碗車仔麵就擺咗喺面前。謝主隆恩後，即刻開餐。先

假日去開深水埗就黎饗食車仔麵一去到就見到長長人龍，好彩翻桌率速度快，唔洗等好耐就入得配料同湯底都有幾多選擇，直接用marker劃落餐牌就可以落單兩餸一麵餐 $30南乳豬手+咖喱魷魚+米線+蕃茄濃湯落左單之後先發現個配搭都幾奇怪，3種濃味的食材擺埋一齊南乳豬手係好入味，而且香滑軟腍，但我都係唔太識食豬手咖喱魷魚同樣都入晒味，口感偏爽蕃茄濃湯真係好濃郁，食食下仲會有南乳味不過份量就唔係好多，食完唔係好夠飽兩餸一麵餐 $30陳皮魚蛋+醉饗蛋+米線+腩汁陳皮魚蛋同腩汁湯底同一般茶餐廳都一樣，無乜特別醉饗蛋顧名思義係用酒醃製的蛋，食落好香酒味，仲要係溏心蛋樓面只有2個人，要安排入座、落單、上菜，所以都比較難叫到佢地餐廳通道同座位都比較狹窄，整體都坐得舒服