馬哥孛羅咖啡廳

今日本來好開心，同家人book咗嚟呢間酒店食自助午餐，點知真係如其他食評所講，食物質素非常差，令到家人吃得不愉快。海鮮冷盤，蝦，蜆，翡翠螺都唔新鮮⋯食完好快就要去廁所排毒😣😣，食物品種選擇不多，價錢唔算平，侍應態度差，冇人執枱，初段時間取食物的碟子也未有補充番，要行去較遠的地方取碟子裝食物，熟食檔的侍應好喜歡質問客人⋯甜品也不多，對五星級酒店服務極度失望，係我去過食自助餐最差的一間，絶對不會介紹朋友去幫襯🤒️🤒️🤒️

從來都未食過咁低水平但價錢唔平的buffet心想負評不少但又想去試這間酒店的自助餐，所以便膽粗粗去試試！ 結果和衆多負評一樣：食品欠質素、存放太耐唔熱、賣相不佳！面對一些食品連想夾起放到碟裡的衝動都沒有真係浪費金錢和時間！

今次去咗marco polo自助午餐，本身以為係出名酒店，自助餐應該唔太差。可惜。。。😢一入去已經感覺裝修好舊，燈光昏暗，地板仲黐立立。食物種類唔多，一個圈行哂。最失望係食物質素差，d肉好鞋，甜品都唔多。木糠布甸得cream,完全唔係木糠布甸🤨唯一好就係有Häagen-Dazs 雪糕。唔會再嚟😔

錯誤book咗呢間餐廳嘅自助餐，一入門口已經知錯咗，再睇埋啲環境同嘢食，就好明白點解佢咁容易就 book倒位。種類少，味道同質素差（我阿媽食倒佢一舊炸魚係臭的），價錢貴。嘢食係一眼可以睇哂，基本你行兩轉，已經係唔想再出去拎冷熱盤食， 因為冇一樣嘢食係會令你想再食。甜品種類都係好少，但質素算唔差，但都係一兩轉就已經收手。 我成日都同屋企人去食自助午餐， 都試過好多間，呢間真係暫時最差嘅一間，同埋係食唔飽同唔滿足嘅一間，根本係二百蚊都唔會想再去，更何況佢折埋再加埋長者優惠平均都要三百幾蚊一位。以呢個價錢，可以搵倒更好。再加埋佢啲裝修，非常古舊簡陋。空間感係好夠， 因為根本唔多客人， 但環境令人唔舒服，感覺一啲都唔似喺一間酒店，連基本嘅洗手間都係用商場個廁所。最好攪笑係當中有一個侍應，係連廣東華都聽唔明，淨係識聽普通話呢。今次經驗真係好差呢！

錯誤book了這間Marco Polo HK hotel的cafe buffet，一進餐廳看到舊式裝修 心感不妙。但到處看食物之後，覺得食物也算豐富，種類數量也合理，不過熱盤明顯較着重國內口味。冷盤有龍蝦、生蠔、刺身、藍青口、小龍蝦；熱盤有羊架、牛扒、還有土耳其烤肉；不過生蠔肉質極薄 味道一般，龍蝦是逐少放出來，要等侍應添加。因為不太愛熱盤，所以那些中式蒸魚等食物沒有理會。直得一讚餐廳安排，每人一件鵝肝多士，多士上面有酸甜梅子醬 令鵝肝感覺清新，沒有「太漏」的油膩感覺。因為小朋友生日，餐廳侍應主動送上一件芝士蛋糕並點上蠟燭，還為我一家拍照；侍應勤快，添水和收碟也快速，又會主動告知自助飲品位置，招呼周到。甜品種類有十多款，每件一口的size,可以試多幾件；最愛Häagen-Dazs雪糕雪條，細杯裝啱晒鍾意試味的小朋友！

之前經電話join 咗member，所以屋企人連續幾次慶祝都黎換蛋糕，基本上有7-8款選擇，食過幾次都好滿意，芝士蛋糕，拿破倫，黑森林等等，設計唔係新式花巧嘅蛋糕，係屬於傳統簡單款式，夠大體。蛋糕黎講唔會太甜，所以完全無膩感，可惜今次個鮮果忌廉蛋糕敗筆於奇異果上，我唔知係咪為咗挺身擺盤靚d，但個奇異果係生到接受唔到，爽到食緊蘋果咁，仲要酸到五官乸埋一堆...係幾影響今次食蛋糕嘅體驗。但撥開d 奇異果，蛋糕依舊係好食，唔甜，唔膩，鬆軟好食。

琴日生日🎂開開心心咁同屋企人一齊去Cafe Marco 食lunch buffet 🍽第一次同埋啲小朋友一齊嚟食👧🏻🧒🏻以lunch buffet嚟講覺得佢真係抵食👍🏻鍾意海鮮同壽司嘅朋友會可能覺得少款唔夠喉～但質素唔差，今日嘅翡翠螺、藍青口都好鮮甜❤️至於熟食方面，佢真係「環球美食」，包羅萬有！中、西、日、印 都有～其中必食嘅係「🦞龍蝦意粉」、「🌶印度咖哩」、「🐤雞肉粥」～我地大人滿意之餘，我2個小寶都讚好食💯至於我最緊張嘅甜品方面🍰，款式唔算好多但又係樣樣都叫有啲～味道方面就普普通通喇，冇乜驚喜，但又唔係唔好食～所以整體都係抵食冇伏👍🏻👍🏻

八月生日月又到啦為咗慶祝MM爸牛一🎂蕉媽今日晏晝請佢食自助餐😋中年人新陳代謝減慢夜晚唔敢食太多嘢😆唯有改中午食自助餐啦食前仲要加包「賢者」先敢食😂蕉媽揀咗Marco Polo Hotel 嘅Cafe Marco海港城嘅Coupon終於發揮作用😆Cafe Marco地方唔算好大但食物種類出奇的多味道亦不錯基本盤嘅沙律（6+款）、麵包、粥品、炒飯、炒麵唔少得，亦有幾款印度咖喱、Naan、印度脆餅日式食品有冷麵、壽司、日本刺身（4款包,口括三文魚、墨魚、希靈魚、劍魚）中式粉麵Bar, 意大利pizza, 燒牛肉、燒羊髀估唔到仲有煲豬腳薑同㊙️龍蝦意粉甜品款式亦超多、除了多款蛋糕，仲有整桶豆腐花、木槺布甸、芒果布甸….雪糕櫃有五款Häagen-Dazs雪糕（朱古力、芒果、哈密瓜、士多啤梨、咖啡）再加上Chocolate Fondue ,甜品控應該夠晒滿意啦😆服務員收碟加水亦爽手，一食完就執，值得加分。

本人喜愛吃自助餐，夏天炎熱天氣最好吃自助餐，休閑的吃下坐下，看到很多人寫負評給cafe Marco 曾使我卻步，在懷疑下啲起心肝今天吃了下午茶，事實證明，質素有保證，不攻自破！五星級即是五星酒店!

個fruit tart 話哂都$330 一打, 仲要加一為返起都成$30件喎~諗住5星酒店出品應該冇死啦.仲打算留返黎下午茶慢慢嘆 唉我地都係期望正正常常一個撻嘅size 呀嘩嘩嘩 大佬 你比粒5蚊銀咁大嘅tart 我?!一啖就食得完嘅one bite size?!真係嚇親 都已經唔計較個味道唔好食生果又唔係有幾特別 但個size 都唔係咁唔合理吧老實講咁樣賺錢真係好離譜點講都係個大brand酒店點解要搞到自己咁cheap?我買kfc 葡撻嚟食都仲好味得多啦, 條氣仲唔洗谷住tim.

由於屋企人係會員嘅關係又有海港城coupon變咗成日幫襯呢間自助餐因為有羊架同埋龍蝦啱口味其實話好好食又未必係但其實咁你選擇咁嘅價錢係好抵食嘅幫襯食嘅呢晚係星期二嘅晚上諗住食完熱食先食甜品甜品都好快被掃清光之前有個龍蝦湯撈飯都幾好食冇咗lu仲有咖哩都換咗擺嘅位置嗰晚仲出咗一啲粉絲蒸帶子都拎得好快後尾都有再refill咗多幾轉餐廳仲送咗啲類似鵝肝或者鴨肝嘅食物整體嚟講都唔錯嘅平價方便嘅選擇有coupon同埋做會員嘅情況下可以一試

生日有做咗會員之前有個優惠就係早幾日前訂就可以送個生日蛋糕由於唔記得咗訂生日食完之後第二日再去拎蛋糕意大利芝士餅蛋糕味道唔差沒放入雪櫃都冇溶芝士幾香咖啡都好香啲餅都唔差唔錯有機會買都唔係好貴百幾蚊一個可以再食

作為酒店美食會嘅會員（2019-2020，2021-2022），有折頭又有現金券，當然要試齊咁多間餐廳啦。今日因為父親節帶埋媽媽太太同個仔一齊去Cafe Marco食自助午餐。之前係OpenRice 睇咗好多所謂中伏嘅劣評，心情一直都好忐忑。直到今日去親身食過，老中青三代都對Cafe Marco嘅食物都讚口不絕！無論係燒羊腿燒肉眼扒沙律等等，以至到中式嘅唔麻辣貴妃雞、豉油雞同燒鴨等嘅水準都屬於中上！魚生就例牌啦，不過不失。意料之外就係甜品嘅選擇亦非常豐富，而且食得出係有誠意嘅，尤其是栗子蛋糕、雜果鮮忌廉蛋糕、豆腐花等等，同埋臨走前出咗一鍋紅豆沙簡直係超水準之作！我個人認為寫食評係要compare Apple to Apple, Cafe Marco 唔可以同半島酒店比較，不過CM性價比高, 絕對值得返嚟食多幾次！原來親自食過試過，先知道果啲所謂中伏嘅槍手評價係假嘅, 而且假得好誇張, 同事實非常之不符!想借此讚下餐廳嘅所有服務人員，態度非常誠懇，而且好有效率。負責照顧甜品枱個位廚師姨姨更加係非常熱誠，我問佢係咪冇晒雜果鮮忌廉蛋糕，因為我85歲嘅母親非常之鍾意食。佢叫我等一下，果然30秒

去staycation當然不能錯過附送的自助早餐，馬可孛羅香港酒店的自助早餐真令人目不暇給，種類繁多，不但有牛角包、菠蘿包、香蕉蛋糕而且亦有各種味道的cupcake，簡直是包羅萬有❤️當然也少不了我火腿香腸蕃茄瓜類薯餅菜類等等欣賞連食粥的配菜也很豐富，有幾十種選擇，而且也有點💕，牛肉很好味，對於不喜歡吃西餐的人來說也有不少選擇。 點心之外，也有雲吞、魚蛋、排骨麵和卤水雞翼等，還有多種醬油給你配👍🏻👍🏻環境也不錯，座位闊落，不算太多人。最有趣的是早餐時段有職員即場為你扭氣球，為大家帶來不少歡樂😍😍

刺身只有油甘魚，希靈魚，三文魚都無海鮮只有熟蝦，翡翠螺，青口刺三文魚多士得幾件，仲要無又唔refill基本上所有食物都refill得好慢朱古力撻直情入唔到口甜品選擇少到不能再少仲要難食到不得了