馬家莊清真館 (已搬遷) 新店位置

今晚同老公去了馬家庄清真牛肉館，之前都試過去，但竟然係東主有喜，休息四天，可能係小店才會這樣有性格吧！我們今次點了五樣東西：清燉羊肉湯很甜，很香羊肉味，加上少少粉絲，兩個人剛剛好！雞肉卷中間有點南乳，非常香口，頂瓜瓜！牛肉餅咸了些，但也很不錯，不過老公話好像九龍城店多汁一點蔥爆羊肉麵湯底鮮味，好足料豆漿好有豆味，不錯不錯總而言之，一定會再幫襯！下次會試埋佢o的咖哩。p.s. 呀！不得不提的就是那裡的洗手間，比我想像的乾淨，掂！

今日出開太子, 老爸說要到這間清真館試試, 因為有雜誌介紹, 說是九龍城那間的同門云云, 於是專程去一試.店子很少, 但地方尚算光猛. 坐下後, 老爸看看午餐, 說不合口胃後, 便看餐牌點菜. 先點了牛肉餅, 大餅羊肉卷, 牛脷担担麵.牛肉餅, 一碟兩件, 賣相不俗. 皮很薄，牛肉汁也多但較鹹, 椰菜份量頗多, 但牛肉味道只是一般, 而最大的敗筆就是牛肉餅不熱, 只是微暖而已, 質素和九龍城的相比, 相去甚遠!大餅羊肉卷, 上碟時羊肉卷已經切開四件, 其實是用蔥油餅, 卷上了羊肉而成. 加汁, 餅皮不算薄, 蔥油香只是一般; 羊肉味切成條狀, 有點像卡巴, 羊味一般, 帶有丁點膻味, 但居然帶甜味! 原來是蔥油餅上塗抹了甜醬, 就是吃腸粉時用的甜醬! 作用大概是把羊肉的膻味減低吧! 但味道甜甜的, 不是我的心水.牛脷担担麵, 看起來有很多牛脷, 但實際上只是廚師的技倆, 把牛脷切得極薄而已. 牛脷由於太薄的關係, 說不上有甚麼味道. 担担麵的湯帶丁點麻醬香味, 可惜麵條太淋, 與以賣担担麵起家的那間相比有一大截距離.吃完以上食物後, 老爸說未飽, 所以額外點了個醬牛肚湯麵午餐配豆漿

師傅每日喺監房都過緊非人生活, 真係好苦, 咁可想而知衛詩佢有幾難捱; 為左對自己好d, 師傅決定放監就去搵好野食, 於是問下封筆食家"今餐食乜好"有冇興趣啦, 佢又話得喎, 再問下封筆食家"今餐食乜好"有咩好食? 封筆食家"今餐食乜好"就話要帶師傅去食羊, 而地點就揀左呢間食店!兩條冷都差唔多八點半到先到達, 一望之下發覺都幾多人喺門口度等位, 正喺度諗緊轉場與否之際, 突然間有位不扣鈕的女孩喺師傅面前出現, 春光乍洩, 真係癢眼非常, 亦因為咁樣師傅就不經不覺咁等到有位喇! 好, 言歸正傳, 既然有位當然可以入座, 入到門口發覺地方光猛, 不過就細左少少, 而老闆就安排左一張卡位, 不過係要搭枱, 師傅同封筆食家"今餐食乜好"兩個男人, 唯有單邊坐, 好煙韌呀!坐底就第一時間睇下有咩好食, 封筆食家"今餐食乜好"即刻柯打呢道最出名嘅京蔥羊肉鍋貼, 同埋京蔥羊肉餡餅, 再加多一碟草原羊肉粗炒, 冷盤就要左牛筋拼牛舌, 最後老闆問要唔要菜, 而封筆食家"今餐食乜好"就問有咩好介紹, 於是老闆就介紹左魚湯浸菜苗; 當師傅兩人正在考慮之際, 老闆又再發功話呢個魚湯浸菜苗好好味架, 好多客人

見呢間野都開咗一段時間，但還未有時間去試。於是琴日同阿媽去咗試吓。要了兩個午市套餐 + 兩個牛肉餅。牛市套餐為大路野，有d同茶記無分別，e.g. 菠蘿雞絲炒飯、滑蛋牛飯、麻婆豆腐飯等。我地叫了醬牛肚湯面 + 上海粗炒。醬牛肚湯面：有4-5塊牛肚，見佢有個"醬"字，以為會有醬汁浸住牛肚，又或者比較濃味。但其實同街邊牛什無甚分別。味道偏淡。炆得夠火候，很淋，唔韌。面條質地唔靚，既淋且削。個湯仲唔掂，完全無香味，似鹽+水+生抽，有色無香無味。上海粗炒：幾大碟，油膩是預計之內。有木耳絲、牛肉絲 (少許)同椰菜。炒得色澤均勻，但味道其淡。唔夠鑊氣。炒得一d都唔香。粗面唔靚，口感一般。至於牛肉餅，質素和九龍城的都有一段距離。皮雖然也很薄，個淋唔夠多。倒出來只得大概一匙羹，無爆汁之感。牛肉唔夠嫩滑，反而椰菜份量幾多。環境幾逼，坐得不太舒服。以午餐來說是平，但散叫食物，價錢偏高。服務真的麻麻，那個貌似老闆娘的女人，樣好兇，禮貌一般，有待改善。

今天第一次試此店, 此店舖面細細, 似一般茶餐廳格局, 食物尚可, 不過價錢不算平, 例如牛肉餅一件12蚊 (雞/羊肉同價), 餃子30蚊6隻, 拍青瓜24蚊一碟, 以此區來說, 算是有一點少貴吧? 反而午市套餐才26或28蚊一客, 有飯或麵, 加一杯豆漿或汽水一罐, 相比小吃小菜當然是抵吃得多。因為是午飯, 我們四人共點了四個午市套餐, 及兩個餅來分著吃。午市套餐印象中大概有八個選擇, 都是很大路的飯麵之類, 味道也沒什麼驚喜, 反而牛肉餅和羊肉餅真的爆汁, 也應是即叫即煎, 很鮮美。不過, 此店有一位狀似老闆娘的阿嬸, 態度頗差, 很有趕客意味。事例一:因見幾乎每檯都幾乎有點牛肉餅, 所以在點菜的當兒先來兩個當頭盤, 我跟阿嬸落單說要一件牛肉一件羊肉, 那位阿嬸就問我:「你地四個人?」我答:「係呀, 我地分來吃試吓 (因為估到佢想講乜)。」阿嬸:「每樣一件貴d架wor! 因為要師付得登整!」我:「吓? 係咩? (明明餐牌寫兩件24蚊, 一件12蚊喎...) 」跟住我指俾阿嬸睇餐牌, 阿嬸:「咦? 一件12蚊, 一樣喎!」事例二:到我正式落單, 點四個午市套餐, 點完, 阿嬸要我聽

第一次食馬家莊是在加拿大。 一來vancouver 間鋪近屋企 ( walking distance) 。加上真係好好食。 但自從馬生返左黎香港後就冇機會食牛肉餅 一路都不知原來返左黎香港開，所以一知道後就想黎食下， 回味下。 最後終於有機會同一班在加拿大回流/探親的朋友去食下。。我們一行十個人（只有一張大桌，所以多人去記得訂位） 。 去到門口都有人等位叫左9個菜左右（連點心） 首推： 牛肉餅， 咖喱牛腩 牛肉餅多汁（小心D食） 而咖喱牛腩就係一路以來的喜好。 好多香料好味推介： 羊肉鍋貼，酸辣湯，回鍋肉， 羊肉鍋貼， 幾特別， 出面唔係到到食到。 酸辣湯， 開胃回鍋肉， 可能會有D辣，但因為我個人鐘意俍辣， so i just love it 最失望： 我和我的友人都希望可以食返係個邊食到個個甜品，唔記得個名， 好似似乜乜芋泥。。。 老闆話因為香港個爐太細焗唔到 ：（ 所以好失望

今個星期嚟咗兩次食嘢。唔係佢Ｄ野好好食。只係佢Ｄ葱油餅整得好好味。第一 次叫 ，葱爆羊肉麵，嚟到聞到好香，試一啖麵當堂冇胃口，Ｄ麵太淋唔彈牙，Ｄ湯淡，羊肉乸到冇味。担担麵又係麵淋，唔香冇嘜麻醬味，湯又淡失敗之作。牛肉餅唔好食，冇牛肉鮮味，唔知食緊嘜野。羊肉餅比牛肉好Ｄ，起碼有Ｄ羊肉穌味。最正就係大餅牛肉，牛肉係用牛肉，可惜孤寒Ｄ，一碟四舊餅，每舊得薄薄一片牛肉，佢舊葱油餅又香又脆又冇油淋淋，真係超正。第二次去食，唔再叫湯麵，轉叫炒雞Ｃ麵，碟麵好夠鑊氣，不過就雞Ｃ少Ｄ同埋油左Ｄ，再叫大餅牛肉，都係佢最好味，所以下次再嚟只係食佢就夠，其他可以慳番。

週日, 和女友原本打算在太子找間茶仔醫下肚算, 但實在想不到去那一間, 而且週日中午, 實在太多人了, 於是稍後往後退, 行向老區方向, 看看有沒有什麼好吃了.原本想去金鳯看看有沒有什麼午餐, 但見到對面, 有一間說是吃清真菜的, 心生好奇, 又想起, 應該會有牛肉餅吧. 於是便去看一下.見到門面貼著牛肉餅, 羊肉卷之類的食品, 肚子便發狂的打鼓了. 忍不住, 要食野啦!入內, 見到餐牌, 有 咖喱羊腩麵, 以我這個有麵食麵, 有羊食羊的習性, 當然是叫了. 女友見到, 又叫了個咖喱牛腩麵. 另多叫一客牛肉餅 (2隻)麵先上, 分量好大, 女友已鐵定吃不完的了, 是上海麵的類型, 不知什麼時是很短碎的麵, 但應該是手打吧 ? 不太知道. 但如果是用那些蘭州拉麵, 應該會更好. 咖喱後上. 羊腩不羶, 其實是有點失望, 不過加了咖喱後沒羶味也是正常的. 肉很腍, 不錯, 咖喱也很惹味. 可惜精髓之一, 薯仔不夠腍, 美中不足. 女友的牛腩極腍, 帶根, 很好吃.牛肉餅, 其後上桌. 新鮮整. 很多湯汁, 好美味, 牛肉味也很濃, 值很一試的菜款但食後感覺, 似乎為了在香港生存, 應該已

看過蔡瀾介紹ge牛扒,今日一家完本打算去試下. Check過openrice食評指數一半好一半壞,心裡十五十六,但都想一試,去到發現有十幾二十人在門外等位,算! 走人.行前少少,見到有間新餐廳,發現呢間鋪頭有賣有點像九龍城那間,係"老翻"定係分店? 門口雜誌介紹是加拿大的報導,莫非在港開分店? 決定一試. 原來是九龍城正版家族成員回流開業, 相信有一定水準. 本人比較喜愛吃小食,因為小食不會那麼容易飽,可以食多幾樣.在老板推介下, order 左以下:1. 牛肉餅 - 跟九龍城那間一樣正, 「皮薄」、「爆汁」、「熱辣辣」, 一咬就爆汁, 太強.2. 大餅牛肉 - 特級超正. 用蔥油餅加牛肉加汁, 餅皮薄而鬆化有蔥油香又有牛肉味. 除牛肉餅外另一進介,超人氣....正正正3. 牛肉鍋貼 - 跟牛肉餅一樣的餡, 一樣的多汁, 外皮煎得好香, 因size比牛肉餅小, 可多食幾只, 真係好好味.4. 魚湯菜 - 除魚湯, 還有好多魚肉, 好得,我幾喜歡！5. 蔥爆羊肉 - 鑊氣夠, 蔥同羊肉爆得好香. 三個字: "冇得彈"!!!! 6. 咖哩羊腩 - 牛腩剛剛好,不太韌不太林,口感相當鬆化,咖

我以前係九龍城讀書果陣經常去清真牛肉館食野，以前好好架，個牛肉餅又比現在平，上年暑假同女朋友重游舊地就發現野貴左分量又少同埋好串，可能生意好啦，成日都等位，好似唔憂做咁，自從那次之後我都無再去啦......直至上個禮拜五，回家途中發現呢間感覺有點像九龍城那間又是標榜牛肉餅好食的鋪頭，初初以為係“老翻”啦，但係由於想食牛肉餅好耐就二話不說走入去買兩個打包，同老板詳談之後發現原來係有親戚關係既，九龍城係細佬，呢度係家姐，當年移民去加拿大現在回流，歷史更追數至我老豆後生果個年代佢地第一間係尖沙嘴寳勒巷開既添.....講返牛肉餅，正！多汁又多餡，而且20蚊2個比九龍城平，而且比九龍城方便，太子站行過來5分鐘左右（好多人等位既金鳳牛扒再行前些少過馬路就係！）星期六第二日我地全家又正式走過來試其他野，叫左一個紅燒牛肉面，一個牛肚冷面，一個摩囉雞炒飯，全部30蚊樓下一份包豆漿一大杯，抵！而且味道都很不錯。1. 牛肉面多牛肉，湯又得2. 牛肚冷面我阿媽就唔太like，嫌濟，我幾喜歡！3. 摩囉雞炒飯，即係雞肉炒飯加咖喱粉吵，惹味delicious!最後我地又再同老板討論牛肉餅，佢話佢呢度既牛肉餅比九龍