馬華餐廳 (已結業)

原來佐敦有間舊式餐室「 馬華餐廳 」❁據聞喺 新加坡菜🇸🇬招牌海南雞飯🐔 咖哩🥘但我嚟講最～～～～～～出色喺扒餐🥩🥰(其實我喺抱住私心🙈為鐵板餐衝着而來)價錢相當親民🫶🏻 又大碟夾抵食但就算正值晚市時段😯入座率都頗低⁡停留70年代復古裝潢 💃🏻🪩🕺🏻 線條粗獷🟤🟢🔴🟠大膽鮮明用色🔴⚪️🟢🟡應該有五十年歷史🤔🤔整間餐廳一件一物充滿歲月痕跡 ❁☝🏾懷舊☝🏼唔代表破舊！翻新過嘅橙黃色真皮櫈🧡仍充滿彈性又無限制用餐時間😌🧡 💛 🧡用餐體驗相當舒適💛 🧡 💛⁡💭 💭聽住👩🏻‍🦰細說想當年💭 💭：呢類餐廳周圍都有，好似依家啲茶餐廳一樣普遍，但絕對喺奢侈嘅消費💸，細個時屋企好窮，極少外出用餐，有得入去鋸扒已經叫好犀利喇，奢侈Level差唔多同我哋依家去outback~酒店自助餐之間…💭⁡🥩 大蝦拼牛仔柳 ❁精選晚餐❁ $85-· · · 配 洋葱汁🧅 羅宋湯、水果沙律· · · 👩🏻‍🦰話「 你一定要show俾其他人睇到我隻大蝦🍤幾大隻😤😤 」所又棟起比我打咭🤣太可愛吧～· · ·羅宋湯夠熱騰騰，酸酸甜甜味道濃郁，唯獨美中不足係太多紅蘿蔔🤯每一啖都好明顯紅蘿蔔味 (🥵我成世人最憎就喺🥕)· · · 水

到佐敦附近，必定馬華餐廳懷舊一番。一行入去就已經時光倒流到70年代，同行的老人家會非常開心，立即回想到他們後生嘅時間。雖然餐廳最好食係咖喱，但由於今日幫襯嘅時間係下午茶，所以只係叫咗下午茶餐，比較其他茶餐廳呢個價錢好抵食！

用餐日期：2023/12/15用餐時段：下午茶，2:30pm-5:30pm用餐費用(每人）：$48.5餐廳環境：環境整潔乾淨 冷氣足 檯與檯之間較近 人多時可能要搭檯 服務：服務員服務態度好 點菜上菜都快味道：點了揚州炒飯+ 秘製貴刁揚州炒飯：份量足 飯和配料炒得鑊氣十足夠熱夠香 飯不硬但有點油 如炒飯可少些油 附多些蔥菜更好 推薦秘製貴刁：份量足 炒貴刁鑊氣足但偏油偏咸 不推薦飲品：送一杯熱茶+選了熱檸水 味道正常總結：這家環境舒適 下午茶時段不多人 室內很多座位 可自由選自己喜愛的位置 下午茶價錢合理 份量足 包一杯熱茶+1杯自選熱飲 可在寧靜的環境下慢慢輕鬆進食是一種幸福 炒飯和炒貴刁推薦炒飯 是值得推薦的餐廳

用餐日期：2023/11/24用餐時段：午餐 用餐費用(每人）：$74.5餐廳環境：環境整潔乾淨 冷氣足 檯與檯之間較近 人多時可能要搭檯 服務：服務員服務態度好 點菜上菜都快味道：點了海南雞飯+海南羊肉飯 味道超好 推薦海南雞飯：1: 雞油飯：有雞油香 飯夠香夠稔不乾硬 是難得好味的雞油飯 推薦 2: 海南雞：雞煮得剛好 肉質軟滑有雞味 不會過生有血或過熟肉質變硬 雞肉也不肥 配的油炸花生也咸香鬆脆 推薦3: 冬瓜紅蘿蔔湯：湯份量足清甜不油不咸 推薦海南羊肉飯：1: 羊肉：這個羊肉份量足 醃得入味 羊味十足 肉夠稔味道很好 湯不過咸 湯內有大量菇 腐竹 黑木耳配料 推薦2: 白飯：飯夠軟稔 味道正常 總結：這家價錢合理 海南雞飯和海南羊肉飯都是做得很有水準 味道正宗好味 不是套餐也有一杯熱茶 是值得推薦的餐廳

睇Youtube介紹後去了試食，午餐時段比較多人，要搭枱，叫了兩個午餐，餐湯和飲品都是正常，牛扒意粉味道唔錯，而海鮮炒烏冬就一般。座位與座位之間很貼近。裝修比較舊。

馬華餐廳是一間開了很久的餐廳，地方很大，但卡位就稍為狹窄，我係七八十年代幫襯過，對佢嘅海南雞飯連綿不忘，今日我們點了海南雞飯，海鮮雜菜煲及支竹牛腩煲。海南雞飯的雞很嫩滑，伴有脆花生，可惜啲花生淋咗，只係50文，有湯及飲品，必食。支竹牛腩煲則略嫌 較鹹及瘦，鞋鞋地。海鮮雜菜煲竟然有一塊大炸魚柳，好特別，同一般嘅茶樓唔同。另外d湯很清甜, 一點肥油也沒有，讚。整體上價錢大眾化，畀多少少$，坐得舒服，有人服侍，好過去快餐快餐店。

上午和爸爸伊院覆診，報告一切正常，為咗慶祝，同佢去佢一直心心唸嘅馬華食午餐。我哋大約12:15到，好快就等到位。待應們係有行動不太方便嘅老人家都好好照顧。我哋叫咗咖哩牛腩飯，加海南雞飯。咖哩牛腩飯，飯汁唔錯，香而不辣，椰香比較重，牛方面有牛腩同牛筋，但牛腩比較柴口；另外薯仔得一舊咁多，如果多一，兩舊就好啲（薯仔先係精粹嘛）海南雞飯，偏瘦啲，有雞翼同雞槌位，皮脆唔會肥林林，旁邊有脆花生，唸起細個去酒樓食飯餐前嘅淮鹽花生；配油飯，個texture 唔知有啲似糯米飯。

因為餐廳近返工地點，耐不時都會光顧，貪方便來食中午。午餐時段顧客不算多，座位都舒適。只憑外觀就知這裡食鋸扒，午餐有餐湯，飲品，主菜價錢大約60元都合理。今天點這個雞扒跟意粉配黑椒汁。雞扒有2塊，意粉都不少，份量很多，雞扒煎得好香脆，正常味道，都是吃黑椒汁的味道啦。意粉是甜甜的茄汁炒意粉，今日都是這個，但就變了煮得過腍的發脹茶記意粉。完全不合格。這個午餐份量很多，食唔晒。呢度晚餐有小絲最愛的羊扒都可以帶她來試試，重點是不太貴🤭。

在七八十年代，香港曾經有多間呢類標榜，賣馬來食品嘅西餐廳，而揾食肥華亦是在，嗰個時期在呢類餐廳，學識食海南鷄飯呢樣，人間美食，但隨着時光飛逝，物換星移，呢種馬來餐廳在香港成為稀有物種，所剩無幾，3月11日肥華與靚媽，咁啱，路過，經過呢間在港開業有五十多年歷史嘅，馬來餐廳見到個午餐，都算經濟實惠，咁就同靚媽入内午饍，順便發思古之幽情，感覺此店除食物 ，冇懷舊價錢外，其他裝修，格調，氣氛，都保持到七八十年代情懷，而此店提供嘅午餐，質量都對得住顧客所俾嘅價錢，到此店懷舊打卡係絕對，值得👍👍

好耐冇去佐敦嘅馬華食飯.今日咁啱午餐時間喺附近,而之後趕住要搭地鐵,就揀咗喺呢邊食.午餐選擇都算ok! 55蚊加一有湯有嘢飲仲有牛扒食,其實都唔算貴.雖然佢係一間豉油西餐廳,但係重點佢坐得好舒服又唔使同人搭枱,呢樣嘢係好加分嘅！嘢食部分55蚊嘅牛柳你都唔會諗住有咩好大驚喜,牛柳幾嫩又唔算有好大鬆肉粉味,都算係咁！ 薯條都幾好,不過不失! 個黑椒汁都ok.整體就是一個約70分嘅狀態.如果你唔想用好多錢又想搵一個坐得舒服啲嘅地方, 又咁啱想喺佐敦食午餐嘅話, 呢個係一個幾好嘅選擇!

一班波友踢完波搵間餐廳試下啦，見呢間野屹立不倒咁多年就捧下場，由門口以及內部裝修都維持古式派別，昏暗既燈光，老舊既裝潢，靜靜地都舒服既食物：難得黎到一定係試佢既扒啦，嗯，老實講，同細細個去扒房食既味道一樣，冇起有落，喚起兒時既味道同回憶；紅豆冰佢係好特別咁要用匙食唔係單單飲既，而雪糕亦係細個時候食既味道可以話想懷舊可以黎下試呢間野，但唔好期待佢有變化有驚喜！

行到佐敦，又係揾食時間N十年前已經幫襯過呢度佢嘅馬來咖喱豬扒湯烏冬係超正入便裝潢冇咩點變好有懷舊feel但今日見個午餐菜牌，已經冇哂馬拉味。。。就點咗個牛扒意個粟米忌廉湯頗濃，幾好飲但如果落多的粟米粒就更理想嘞牛扒意粉整體算是唔錯，味道幾好，塊肉唔會𢲡到冇哂味，亦唔會過淋，幾好食好唔好食？睇一下隻碟～我今日好肚餓😅飲埋杯咖啡，開工去也！＃行到邊食到邊＃經常獨食但又肥嘅阿伯

「叫自己做馬來餐廳，但餐牌大部分都係港式茶餐廳食物。」我心想，隱隱有份被騙的感覺。路過呢間馬華餐廳，見到門面同店舖頗為懷舊，又見寫住馬來食品，就二話不說入去食返個下午茶。入去坐低望望餐牌，卻心中不禁暗叫有伏。睇真啲，其實除左貴刁同海南雞飯，無乜邊樣係真係馬來食品。而且呢兩樣食品周圍都係，算不上馬來專屬。姐姐幫我落完單，好快亦送回單據，呢個時候我再睇，又一大伏！一間普通茶記，閒日（當日禮拜四）下午茶時段都學人加一！炒烏冬同奶茶終於上枱，奶茶來講普通發揮啦；炒烏冬方面，叫就叫XO醬炒，但食上去只有豉油味濃，XO醬的香口，麻辣就一啲都食不出了。整體黎講，馬華餐廳裝潢係有特色，餐具都有自己餐廳logo包裝，感覺似走進一間九十年代茶記。但食物只係普通，而且自稱馬來食品，實在有被騙感覺。

嘩，呢期lunch唔知食咩到走左去馬華餐廳🙄係佐敦搵食咁多年都冇諗過要食嘅馬華餐廳呀！我竟然走去試😂馬華餐廳嘅風格有啲似我以前係尖沙咀返工成日食嘅世華餐廳，都係個味野！洋蔥豬扒飯$41我幾肯定自己係掛住世華所以先黎試馬華😂講返今餐呢個洋蔥豬扒飯！要試一間港式餐廳好唔好食，一定係試呢個飯！味道係可以，不過飯拎到過嚟就凍凍地囉！份量正常！熱檸茶普通冇特別，唔算好飲！總結以呢個價錢黎講都算幾好！

適逢喺附近放學老公來接我放學我哋就約咗喺馬華度開餐見到佢個餐牌好似冇乜加過價咁同記憶中嘅價錢差唔多嗱嗱聲入去坐低先然後我坐咗去最入嘅卡位但係我發現入邊最入嗰啲位完全收唔到訊號😱好彩我入去之前已經通知咗老公跟住發現裝修依舊等到老公入嚟嘅時候我哋大家嗌咗自己嘅餐 我食龍利柳，老公食香草汁牛仔柳講起個餐湯老公揀咗嘅白湯等如忌廉湯同我嗰個龍利樓上面個汁係一樣😂好彩我整木嗌咗紅湯羅宋湯汁最後我發現馬華應該係出名食咖喱😂所以我同老公嗰兩個餐都係普普通通啦不過嚟呢度係食佢嘅情懷😌