鬼金棒

营业中

休息中

日式煎餃：💖💖💖💖餃子係即煎的，外皮酥脆，大細適中，調味就偏甜，餡料有豬肉同椰菜，肉汁都算濃郁，45蚊6粒嘅價格都尚算可以。炒芽菜辣味噌拉麵：💖💖💖💖.5叫左小辣中麻，以為好辣（因為呢間出名辣）但又ok，芽菜清爽，拉麵彈牙唔係偏軟嘅，仲有舊肉同加左嗰味玉，粒蛋係半流心超正，肉就半肥瘦，但好淋唔會痴牙，都幾好食（唔食肥肉嘅朋友可以直接滅走。增量叉燒辣味噌拉麵：💖💖💖💖叫左小辣小麻，可能係因為芽菜會出水，反而呢碗湯頭辣啲濃啲，舊叉燒真係好大舊，三分肥七分瘦，本身都有芽菜配搭，都加左味玉，令碗拉麵添左分清爽，係點晴之筆！拉麵好大碗，兩個女仔食係食唔晒，下次可以試中辣，食得辣嘅朋友建議直上大辣！

東京過江龍辣麻味噌拉麵店，以日本鬼怪作主題，店內裝潢較暗黑，來港開店幾年間，已經擴展至三間分店！除了吧枱的拉麵位，較入位置亦有四人座位！⤫ ⤫ ⤫ ⤫ ⤫ ⤫ ⤫ ⤫ ⤫ ⤫<味玉辣麻味噌拉麵> $105<玉米筍辣麻味噌拉麵> $105全部拉麵的湯底都是辣麻味噌湯底，客人按喜好再選辣度和麻度，最高級別去到鬼增ʟᴇᴠᴇʟ！不太吃得辣的話，可以選小辣小麻，是容易接受的程度！麵條是粗身一點的拉麵，咬起來帶彈性，叉燒是經長時間炆煮厚切五花肉，脂肪跟肉相間超邪惡😈玉米筍及芫茜辣麻味噌拉麵都比較特別，在拉麵上會放上大量玉米筍或芫茜！⤫ ⤫ ⤫ ⤫ ⤫ ⤫ ⤫ ⤫ ⤫ ⤫<煎餃> $45/ 6隻煎餃是拉麵店常見的小食，這裏的煎餃一客六隻，日式煎餃皮薄香脆，旁邊附上特調辣醬汁🥟

係鬼金棒食左一份煎餃子,個醬汁幾特別,餃子皮薄餡靚。另外叫左一杯肉燥飯、溫泉蛋同埋肥char siu.就咁已經好飽。溫泉蛋既汁液同飯完美交融。肥char siu好大件,個汁好岩送飯,char siu肥到入口即融另外叫左一罐可樂,好開心呢度既擺設好得意,有好多隻鬼金棒下次黎真係要試下呢度既主打,鬼金棒拉麵,有唔同既spicy程度,仲可以加錢追加配料,芽菜睇黎係呢度既特色食拉麵黎講呢度算抵食,可以試試

朋友從廣州來港探親，大家順便聚舊，他是一個很喜歡吃東西的開心果，叫我帶他吃特別的，好吃的。來到鬼金棒門前，他先來一個自拍，入到店內見到紅黑的主色配襯著日本神怪公仔，蠻有趣。芫荽控的他點了小辣中麻的芫荽辣麻味噌拉麵，他說芫荽多夠多很滿意，對著肥厚的叉燒，他說很入味而且一層肥一層瘦，入口稔滑好香味，讚我好介紹。我叫的特製辣麻味噌拉麵，喜歡濃濃骨湯的味道，叉燒、炒芽菜、玉米筍，味玉除了醬油味道更有濃香的蛋味，橙黃的流心好吸引，麵條是粗的好有口感，伴隨著還有太鼓的音樂啊！

鬼金棒 Kikanbo📍尖沙咀金馬倫道20號地舖又一次去尖沙咀睇牙覆診，搞掂都已經接近7點半，返工返到好攰嘅我哋都想快啲食完晚飯，所以就決定食我哋至愛嘅「快餐」—拉麵！附近嘅拉麵店我哋都未食過，心怕會伏嘅我哋以9秒9嘅速度，衝去食過一次嘅鬼金棒，希望可以趕喺客滿前入座。事實證明我哋嘅策略係成功嘅，坐低無耐就開始不停入客，幸好我哋有加快腳步，先可以坐得舒舒服服咁食個快飯！ 💰$115芫荽辣麻味噌拉麵 🍜因為怕太辣頂唔順，所以上次我嚟到好傻咁叫咗碗走麻走辣嘅拉麵，後來先知咁樣食好浪費quota，因為唔食辣同麻，根本食唔到鬼金棒嘅精髓。所以今次我要一雪前恥，叫返碗小辣小麻，加埋芫荽，食盡佢哋嘅招牌口味！睇相都見到，成個拉麵碗都被滿滿嘅芫荽覆蓋，連五花厚叉燒都被埋沒，份量真係驚人！話說我同朋友都唔係芫荽大fans，但我哋都唔討厭食芫荽，仲不約而同地覺得佢嘅香氣好獨特，配搭唔同食材、唔同菜式都可以有唔同發揮，令食物味道昇華。加咗咁多芫荽落拉麵度，多多少少湯底都有沾上芫荽嘅清香，湯底本身嘅味噌味唔算重，但蒜香撲鼻，再加上辣麻兩種重口味調料，湯底濃而不油，多飲幾啖都唔怕膩。粗身帶麥香嘅麵條就煙煙韌韌

咁凍嘅天氣係要再嚟食❤️ 煙韌彈牙嘅拉麵配上濃濃厚實嘅湯底，而且今次仲要有好多蒜頭碎，湯底味道非常之濃郁勁香口惹味，叉燒瘦得黎又唔會好嚡口，份量一樣都係大大件厚切！唯一少少美中不足嘅就係拉麵份量，如果可以再多啲就更好啦😁 有拉麵湯就梗係要配返佢哋個大肉飯，飯粒依然粒粒分明，飯香味濃！撈埋啲拉麵湯一齊食，飽肚得黎好滿足。又飯又麵又肉怕太邪惡，另外再加多個玉米筍同豆芽，咁就可以平衡返唔怕食多幾啖肉✌🏾

特別的重口味拉麵，大口吸面請小心保護好衣服啊！位置：在金馬倫道上，因為人行道很窄，加上招牌高、店的門臉小，容易走過環境：可以選擇坐吧檯，看著自己的面在面前被一步步做出來，也可以選擇坐另一側的2/4人座餐檯，規格和大多數拉麵店差不多。店內掛著的兩排魔鬼形態的燈籠很有氣氛，但是向店內走，光線還是不錯的！芫荽辣麻味噌拉麵（高辣小麻）➕$35 加叉燒 鋪滿整個碗的芫荽，蓋住了所有拉麵，甚至蓋住了面的熱氣和辣味，只能聞到香菜的香味，這絕對是香菜愛好者的福音要是更新鮮一些就更完美了 輕輕撥開香菜叢，水蒸氣帶著辣味和叉燒的香味進入鼻腔，我嘗了一口湯。厚重的油脂裹著滾燙的湯汁，加上香菜，真的太爽了！面軟硬適中，裹上又油又辣又麻的湯汁，把香菜提前放在匙羹裡，一齊送入嘴中，太香了！再來上一口叉燒，滿口肉香，肥瘦正合適。叉燒被煮得很軟爛，但是不會散架。但是有點肉膻味，不值得特別加叉燒 總體還是很有特色的，值得一試，但是不必要專程來

鬼金棒👻鬼金棒呢間拉麵店，相信大家都唔陌生，佢哋嘅叉燒真係大大嚿又肥美，好好食😋！另外佢哋嘅麻辣湯底真係好惹味，令到我食完返尋味啊！今次去到我哋分別揀咗 增量叉燒辣麻味噌拉麵🍜（小辣，小麻）$120 同埋 辣麻味噌拉麵🌶️（小辣，中麻）$95，建議大家唔食得辣嘅話可以揀唔辣小麻，咁樣就會唔辣得黎又可以增添湯底嘅風味，都幾正㗎！佢哋嘅叉燒真係特別好食，如果係食肉獸嘅話建議大家叉燒揀增量，咁就最滿足啦！🥰🥰今次想食個小食，就揀咗佢哋poster大大張貼出嚟嘅煎餃🥟（六隻） $45，佢哋嘅煎餃都係即叫即整嘅，上枱熱辣辣外皮香脆，叫佢嚟拉麵加餸都唔錯喎！😜😜

今次去左間日本過江龍拉麵店食，外面既裝修好有日本風格🫰🏻未食已經加分——————🐽 增量腩肉叉燒辣麻味噌拉麵佢嘅湯底好濃郁，帶有一種獨特嘅辣麻味噌味，食落去好濃厚香口。拉麵麵軟硬度啱啱好，完全吸收咗湯底嘅味道。加埋增量腩肉叉燒2大舊，腩肉好軟嫩，入口即化，中有啲炭燒嘅味道，非常美味🐽 炒豆芽菜腩肉辣麻味噌拉麵以成坐山甘高既炒豆芽菜同腩肉為主，湯底同樣有獨特嘅辣麻味噌。豆芽菜炒得恰到好處，保留咗豆芽菜本身嘅鮮甜口感，同湯底完美嘅配搭。腩肉同豆芽菜一齊炒出嚟更加豐富嘅層次感。麵條嘅質感同樣出色，咬落去有彈牙嘅口感

朋友介紹如果喜歡食麻辣，又喜歡拉麵，必定要試鬼金棒的拉麵，一定會令你一試難忘，甚至會上癮記憶中未食過麻辣拉麵，通常都第一時間諗到都係豚骨、醬油、鹽味，好少會諗起食拉麵，會想食麻辣，但今日之後從此改觀，以後諗起食拉麵，湯底多左一個選擇，就係鬼金棒的麻辣拉麵。一入到鬼金棒餐廳內，店如其名，兩排裝飾都有不少鬼面具，都幾有特色。Menu 主打都係麻辣湯底的拉麵/伴麵，而辣度同麻度都可以自由選擇。最後叫左一個增量叉燒辣麻味拉麵，一個辣麻肉碎伴麵，另外追加左個煎餃子增量叉燒辣麻味拉麵一捧上枱，估唔到個叉燒大大份，仲要有兩大舊，第一次黎，驚太麻太辣，所以叫左小麻小辣，第一啖食落去，有驚喜，個拉麵掛晒湯，好入味，湯底飲落好惹味，會好不自覺食多幾啖，可以話係出色辣麻肉碎伴麵呢個伴麵驚喜有小小大於拉麵，加入左特製醬汁，小麻小辣好惹味，撈埋肉碎、黑木耳等配料，再加埋芽菜，食落好爽之外，令到個口感好豐富煎餃子個煎餃相比坊間，皮無咁厚，煎到岩岩好，食落好味。下次有機會必定試多點辣多點麻。

必食爆多芫荽增量叉燒拉麵莞荽辣麻味噌拉麵🐰叫左中辣同埋小麻，莞荽完滿甘佈滿係表面而且勁新鮮，食落好重莞荽味簡直係勁滿足到🐰係莞荽控，中辣對🐰黎講剛好湯底真係好惹味！增量叉燒x2 辣麻味噌拉麵朋友要左小辣同埋無麻，叉燒勁厚身又大塊，叉燒炆到勁入味而且又肥美，🐰同朋友都食得勁滿足呀！飲品方面要左可樂Zero和芬達，每張枱都放左紙巾、一大壺凍水十分方便，加上店家好貼心有需要可以問店員攞圍裙，甘食拉麵就不怕整到成身都係，好適合🐰使用！裝修都好日本風，仲可以睇住師傅整食物好賞心悅目。📍鬼金棒👣尖沙咀金馬倫道20號地舖

呢日想食拉麵🍜，同朋友商量咗幾秒鐘，就決定嚟呢度食拉麵🍜🤣$125「特製麻辣味噌拉麵」同埋 $140「增量叉燒 x 2 麻辣味噌拉麵」，兩碗都加咗 topping $15「豆芽菜」🤩$125 嘅「特製麻辣味噌拉麵」：有2件中型嘅日式🇯🇵叉燒😆，仲有糖沁蛋、 玉米筍🌽等；拉麵較粗身有啲啲咬頭🤩「增量叉燒x2 麻辣味噌拉麵」：有2件好巨型嘅日式🇯🇵叉燒😆，大大件依然煮得好軟熟，叉燒約85%瘦肉15%脂肪😋麻同辣嘅 程度可以分開選擇，兩碗都揀咗「中辣中麻」🤩炒豆芽菜 新鮮爽脆😋

位於尖沙咀金馬倫道的鬼金棒是一家值得一試的拉麵餐廳。餐廳的裝潢設計充滿了日式風格，營造出寧靜舒適的用餐環境。而他們的拉鍊則融合了傳統和創新的料理，可選擇增量豆芽菜，玉米筍或芫茜！今次點了味玉辣麻味噌拉麵，這道拉麵的湯底以豚骨和麻味噌熬製而成，呈現濃郁的風味。辣味的加入使得這道拉麵更加刺激味蕾。拉麵的麵條煮得剛好，帶有彈牙的口感，而配料中的豚肉，蔥花和豆芽則為整體提供了豐富的層次和口感。如果嗜辣或重口味的朋友應該會很喜歡❤️小總結❤️❤️❤️📌濃郁拉麵📌日式地道風味

皆好友去食拉麵，ngjohn 最愛有得揀的鬼金棒，自己可選擇麻辣的程度，午餐時段客人比較多好熱鬧。鬼金棒店舖門面好顯眼，有支巨大的狼牙棒，好似有鬼神守護般，入到店內更有不少日本傳統的鬼怪公仔好有氣氛，有趣。「特製辣麻味噌拉麵」 （小辣、中麻）兩大件叉燒，其實是五花肉，入味、入口溶化、有肉香，要試過才感受得到，還有芽菜、玉子和粗身拉麵，個麵好掛湯又彈牙。「炒豆芽菜麻辣味噌拉麵」 （小辣中麻）好鍾意即炒豆芽菜的爽口感覺又可除草青味，將它和拉麵一起進食，既爽口又可提升麻辣香油的層次，口感豐富。我另外加了兩隻味玉，味玉充滿醬油香，蛋黃半熟流心呈橙黃色，味道濃郁，吃兩隻也不覺膩。兩個人可以分享一碟餃子，皮薄煎得好香脆，裹面是比較清淡的高麗菜和肉碎，浸湯食也可以啊。

濃郁豚骨系拉麵，特別加上少少辛辣，拉麵粗身有嚼勁！配料有炒芽菜同入味厚叉燒，係不肥膩的炆煮五花肉！不過玉米筍就硬咗少少⭐️味玉辣麻味噌拉麵$100⭐️玉米筍辣麻味噌拉麵 $100