魚川居 (已搬遷) 新店位置

觀塘工業區都有高質任食火鍋😍 由冷盤、熱食、炸物、火鍋配菜到甜品都各有特色各有睇頭！第一次見任食火鍋放題嘅冷盤有凍蟹凍賴尿蝦🤩 仲要係任食🤣 太多款式，涼菜都未有時間去品嚐。大力推介炸物同燒茄子😙😙 蒜蓉香味十足，又香又嫩，食完一條即刻想再拎。炸年榚都好好食，甜甜的🙂 仲有紫菜響鈴！食到咁上下，雞煲到🙌🏻🙌🏻 中辣夠香辣惹味，雞件嫩滑。加湯就開始打邊爐，火鍋配料比較特別嘅有台灣腸同脆鯇，至於大蜆就小心有沙。至於特選海鮮有兩隻蟹、帶子同鮑魚，除咗出面嘅配料仲有得寫紙仔要各款新鮮肉類。推介牛肩胛、生蠔。最後記得食埋甜品，係Movenpick 雪糕😍😍😍朱古力雪糕冇得輸

午餐.餐廳燈光夠光猛 睇落都算乾淨企理午餐時段接近堂食滿座 另外都有好多嚟買外賣嘅.- 酸菜魚米線 + 柚子茶未食過酸菜魚 所以想試下如果唔食芫荽嘅 記得走咗去 魚都有十幾塊 全部都無骨㗎 開心☺️米線煮得軟硬適中 不過份量就無譚x咁多味道不錯 唔算太酸 反而無預計到佢係有麻辣辣就唔算好辣 反而麻感比較重不過食完好暖笠笠 開心😌另外叫咗杯柚子茶 味道正常見都好多人叫淮山麵 下次試下先.另外夜晚時段仲有得打邊爐 食雞煲睇落債錢都ok 可以一試

觀塘工業區中午時分人頭湧湧，大家都趁着午膳時間四出搵食，不平很少踏足觀塘工業區的我，今天跟朋友來執平嘢，順道在附近的工廈用膳。上網搜了一下，我哋揀咗魚川居，佢嘅午市套餐價錢大眾化，最重要係入邊坐滿人，人多幫襯嘅地方，出品一定是有水準。酸菜魚紅薯粉酸菜魚近幾年相當火，我個人認為酸菜魚最重要的是湯底，魚川居的湯底不單有魚鮮和酸菜的鹹酸外，還有小許花椒的麻辣，這個不但能把魚片提鲜外，更讓紅薯粉吸收湯汁後，煙煙韌靭，超好味。魚川醬手撕雞米線手撕雞和米線分開上枱，米缐的湯底偏向胡麻味，很開胃。手撕雞分量超多，拌上麻醬和特製魚川醬後，惹味十足。

未入滿口陣花椒麻味已撲埋來之前經常到四川工作，食麻食辣平常時令人懷念既味道😋水煮魚夠曬滑，配料亦十足一入口，麻既感覺即刻衝上來🤪川菜就係要呢個feel🤣口水雞都非常入味另外叫左個鮮墨魚都非常鮮甜彈牙👍🏻食辣當然要配可樂😆滿足既一餐

最鍾意搵工廈美食 中午同同事周圍覓食😋其實中午觀塘真係好多人 仲要搵好食嘅川菜真係唔容易 😂😂😂我同同事都叫咗酸菜魚米線 選擇好多另外頌有 水煮魚可以配肥牛雞翼豬扒我同同事怕水煮系列會好辣 叫左酸菜魚同小食佢午餐頌有好多選擇 可以叫手撕雞等等環境都10分闊落 不過建議早少少去中午時間12:30後就開始多人始終觀塘比較難搵好食嘅川菜 大家不妨去試吓同埋佢選擇都有好多 如果大家怕唔食辣 都可以食下其他嘢 唔使怕 哈哈哈

放假去食任食火鍋，試咗呢間出名酸菜魚同埋水煮魚嘅餐廳。星期五/六/日/假期前夕90分鐘放題$258。鍋底可以揀酸菜魚、水煮魚、烤魚、雞煲、椰青雞是但一款。食完就加湯打邊爐。雞煲質素唔錯，醬汁惹味，雞肉都算嫩滑。每枱有一盤特選海鮮拼盤。有肉蟹、鮑魚、帆立貝、花螺。肉蟹同鮑魚都好鮮甜。只係拆蟹嘅時間比較耐。牛肩胛、牛板腱、肥牛、黑豚肉都係任食。有少量嘅海鮮都係任食。牛肩胛同埋牛板腱肉味香濃，幾值得試。自助區有凍蟹同埋賴尿蝦。不過賴尿蝦比較迷你，基本上冇咩肉食🥲。反而炸雞軟骨、炸雞、蝦丸嘅質素唔錯。任食嘅火鍋配料款式好多，但食完雞煲同埋牛肉之後差唔多只係食得落蔬菜😂。蔬菜新鮮翠綠，比較驚喜係佢哋有竹笙任食。另外蜆肉大隻又鮮甜，值得試下。但相對地丸類質素比較普通。餐廳有桶裝嘅movenpick任食。建議襯雞煲未嚟就食咗先。打打吓邊爐好易唔夠時間食🤫。

最近轉左新工，喺觀塘搵食。晏就嚟到一個工廈入面，試吓招牌酸菜魚薯粉，呢個係一個人都食到既酸菜魚！我哋叫咗酸菜魚同埋酸菜墨魚，果然好多酸菜，湯底濃美未到媲美12/13酸菜魚，呢度冇左個d椒，所以唔食辣嘅人都可以食到👍魚片都比較多，唔會得兩三塊，你食麵嘅時候每一啖都可以有餸食。第一次見酸菜墨魚，比想像中有彈性，唔會好難咬斷。呢間嘅土匪雞翼可以揀三隻或者五隻，其他米線係煎燒，呢間係炸，有港式乾脆嘅感覺。飲品配紫貝天葵親岩晒啦

💕【觀塘超水準】胡椒豬肚💕天氣凍凍地，特別想食熱騰騰嘅湯。仲有胡椒豬肚可以驅風驅寒，今日就去咗食啦！豬肚爽口又咬勁，加咗手撕雞，有少少鹽焗雞嘅鹹香，配上脆口嘅鹹菜給芬香撲鼻嘅胡椒湯底，用呢個嚟泡飯，食完個人真係好warm🥰🥰🥰 $66食到咁嘅質素真係好值！另外餐牌上面都有鮮魚湯泡飯，麻酸辣招牌手撕雞或豬手撈米線，晚市仲有任食海鮮火鍋（龍蝦，鮑魚，生蠔，蟹🦀️⋯⋯)下次一定要返嚟食！雖然位置唔算顯眼，但係現場座無虛席，證明呢度嘅食物真材實料，而且性價比高。魚川居📍 觀塘開源道54號豐利中心5樓507室

同事收到單張，見到公司附近既工廈入面，呢間樓上海鮮雞煲放題睇落好似幾抵食～試完覺得性價比幾高，最開心係有movenpick 雪糕任食!!❤️海鮮盛 計人頭份量，每檯都有一份既海鮮拼盤，有大大隻肉蟹+帆立貝+鮑魚+海螺🧡酸菜魚湯底 酸菜湯底，可以自己拎九肚魚落去煮做酸菜魚，煮完d 配料唔洗點醬料都好夠味💛海鮮x肥牛 配料可以無限追加新鮮大蝦+日本魷魚+花甲貝類，任食牛肩胛 牛板腱，打邊爐必備既丸丸丸 炸魚皮 水餃呢d 基本野都有齊～💚冷盤熱食 冷盤有凍蟹 瀨尿蝦 口水雞 好多選擇，熱食最中意蒜香茄子好似bbq 燒茄子隻味!!

酸菜魚打邊爐你試過未🐟🐠- lv1任食特級肥牛&海鮮 $228湯底有幾款揀：酸菜魚 水煮魚 招牌烤魚 雞煲 同椰青雞 小編就揀左酸菜魚 酸味啱啱好 啲魚係即時落落去滾 所以好綿滑 而且冇骨 正除左魚佢有一份海鮮 包括蟹 鮑魚 帶子 同螺 另外仲可以攞蝦 蠔等其他海鮮 都幾抵食肉方面呢個lv係食肥牛 牛肩胛 牛板腱 為主 肥牛就肥左啲 油脂感重啲 而呢外兩款就肉質感實啲 睇個人鍾意食咩多出面都有唔少丸啊腸啊菜啊揀 正常發揮 仲有啲炸物熟食 有得叫雞翼 即炸俾你 熱辣辣 唔錯飲品就有汽水 亦有自家制涼茶咁 雪糕就要自己一羹羮片 要出啲力同要技巧 …………………………………🌝任食有海鮮都ok抵食 湯底特別🌚二人枱有啲細 要分幾次攞嘢食…………………………………

好耐冇食過 #酸菜魚 喇！家姐最近就發現觀塘有一間平價又好味嘅酸菜魚，身為觀塘人緊係要一齊去試試喇🥳 呢度除咗有午市嘅酸菜魚、粉麵、飯，仲有晚市嘅任食邊爐㗎，超正！🐠 酸菜魚 紅薯粉 （$60）我同家姐都係叫咗呢款午市酸菜魚，$60超抵食，我哋兩個都係叫較健康嘅紅薯粉😋 紅薯粉好入味又煙韌，正😋 酸菜湯底超正，酸菜味道啱啱好，就咁飲都好正🙆🏻‍♀️ 魚嘅份量都不錯、全部魚都冇骨方便進食💗 仲有超多嘅酸菜啱晒我！

觀塘區返工每一日都忙碌， 中午搵餐晏晝都唔係咁容易。朋友介紹， 工廈入面有一間川菜係優質嘅， 而且午餐價廉物美， 今日決定一戰。中午嚟講呢度嘅人流唔算真係好多， 所以都可以算係休憩嘅好去處。水煮魚米線，$60。 呢度嘅秘製水主系列有好多唔同嘅材料選擇， 除咗魚之外， 仲有雞翼，豬肉，同埋羊肉等等。 水煮魚個湯夠麻夠辣， 味道算係幾濃烈， 同米線一齊食係十分好味。 水煮魚嘅魚都十分彈牙， 而且魚嘅份量唔算少， 整體嚟講算係幾足料。

-魚川居 🐟今個星期突然凍左好多 大家記住著番多件衫🥶除左著多啲衫 少不免繼續打邊爐😌今次就去左觀塘既魚川居打邊邊~✨Level 1 任食 特級肥牛&海鮮 （$258/90mins）🐟水煮魚湯底 其實仲可以揀酸菜魚/ 椰子雞/雞煲今次揀左水煮魚湯底 質地濃稠唔似係水煮 係類似羊腩煲既質地唔會好辣 而家鍋入面其實冇魚的需要去自助區拎脆肉鯇番黎淥淥🦀餐廳會有送特選海鮮盤上黎當中有肉蟹 鮑魚 帆立貝 同花螺每樣海鮮都好新鮮同啖啖肉的🥩肉類會包左3款 分別係：特選牛肩胛 特選牛板鍵 特選肥牛呢度既牛肉唔會碎上 都算幾大片🥢自助區 可以任君選擇包括炸物 涼拌同放鍋煮既配料有鴨血 韭菜餃 腸 魚 丸等等所以都一定會夠飽的

魚川居的menu lunch set唔算好貴，$50-70，性價比ok，午餐時間坐無虛席，由此可見有一定客源，食物質素應該不錯。另外我很欣賞桌子寬闊，不狹窄，即使4人枱間開一半後，依然坐得舒服，讚👍酸菜魚配飯(有米線，薯粉，淮山麵等）$60魚片很滑，有厚度，無骨，一碗有十塊多的魚片，好正，幾乎每啖都可以有魚有飯，很滿足🥰 而湯底方面，仲有鹹酸菜，豆芽，唔油，唔太咸，酸酸辣辣好醒胃，如怕辣可以落單時要求少辣，今次我叫少辣，味道上稍為淡d，正常辣度就較濃味過癮推薦度4/5混醬手撕雞麵（可配其他醬）$58混醬麻香味濃，伴麵一流👍麻醬雞絲數量不少，整整一碟，而雞絲下係生菜，有菜有肉，飽而不膩👍唯一美中不足是雞絲不算滑😕推薦度3.5 /5豆漿 配餐加$8豆味香，甜度適中，正常推薦度4/5

今日收工喺觀塘搵咗一間位於工廠大廈入邊嘅隱世美食。工廠大廈上到去5樓之後行到最尾有一間近排新開張嘅任食火鍋餐廳，入到去就好快揀咗食邊一個餐，因為第一次上到去揀咗最平嘅嗰一款套餐，但係呢一個套餐已經好夠食。至於湯底方面，餐廳店員推介個酸菜魚湯底，同埋出邊任食海鮮其中一款有魚可以選擇，所以酸菜魚都係其中一個好夾嘅湯底。L1 任食特級肥牛 & 精選海鮮鍋底：酸菜魚基本上嘢食都係出邊自取，首先有熟食區，飲品區，同埋蔬菜+海鮮。熟食區方面有泡椒豬腳鳳爪，麻辣豬腳鳳爪豬耳雲耳等等。飲品區除咗有兩款餐廳沖嘅嘢飲可以選擇之外，仲有好多唔同罐裝包裝嘅飲品。蔬菜及海鮮類方面有好多唔同嘅選擇，而且海鮮類嘅嘢食都幾新鮮。至於牛肉豬肉方面，每一個套餐都有果款套餐嘅紙可以落單，我哋都係叫咗每樣一款去試吓，但係最令我感到驚喜嘅係餐廳有土匪雞翼同埋炸雞軟骨可以俾你落單，新鮮炸起嘅呢一類食物真係冇得輸。整體來講，呢個價錢CP值都幾高，但係餐廳位置就比較偏門少少，不過今次我知道咗之後下一次會預早book定位，其實都幾唔錯好好食。