魚米家魚湯米線 (已結業)

其實食過兩次，但夾埋一次寫啦！食過以下既嘢：魚腐米線（啲魚腐真係幾好食，但有啲咸）紅燒豆腐（超滑，水準比好多酒樓仲高）東坡肉（我唔記得係咪叫呢個名，總之係肥豬肉物體：好好食，好入味同好腍）紅豆冰（好麻麻，水多過豆）薑茶（類似既熱飲，好一般，好似係開粉嗰隻）佢哋有套餐，下午茶時段超抵。另外就算係正餐時段，只要叫一個正餐加一蚊就有飲品喇。啲伙計好似好忙咁，要努力先引到佢哋注意過嚟幫你寫單，實為須改善既地方。

星期日下午茶時段人客不少, 但幸好只是等不太久便有位, 而相比起不遠的太興這裡明顯旺場得多. 被安排坐二人卡位, 位子雖不太寬落, 但因與鄰檯有段距離, 所以也算好坐和不太嘈吵. 下午茶選擇也不少, 兩個人點了兩個麵餐外, 還加個小食, 吃完肚子也頂著蘿蔔牛腩米線 - 來到賣相有點嚇人, 淨肥膏的也佔上幾件, 為著健康和體重著想當然會棄之, 餘下的牛腩炆得不算太腍, 吃著還有點黐牙, 魚腐店還是吃回主打比較穩陣蜜汁脆雞翼拼粟米 - 餐牌上寫著超甜, 但粟米吃下卻淡而無味, 兼且質感過腍不夠爽口, 其實現在的粟米隨處買到的都是超甜, 真不明這裡是供應問題, 還是它們炮製方法出亂子?魚腐米線 - 這個終似點樣, 魚肉味濃, 味也不會帶腥, 至緊要是夠軟腍, 之後再買半磅淨魚腐回家, 用來打邊爐確一絕. 本是只值喊臉的, 但因這個總算拉回點分

個日去親友屋企附近, 講起可以去呢個新的商場搵下食, 唔想左揀右揀之下去左呢間了, 3個人叫左3大1小: 炸魚腐(小食) - 呢個幾好食, 外面香口裡面軟滑豆腐豬軟骨煲(蕃茄湯底) - 湯底幾甜, 真材實料金銀蛋浸豆苗 - 冇乜特別啦, 不過煮既時間好似有點唔夠, 上枱時d菜身都唔係好軟小籠包砂鍋雞煲 - 幾有新意, 所以就叫左啦, 發覺d小籠包比較普通, 可能因為要煲, d皮要厚d先頂得住唔穿; 雞既雞味亦唔濃其實食物泥講都ok 啦 (所以比ok) 但係細節方面有好多改進既地方- 火候: 食物有點係厨房煮唔夠, 豆苗應該係煮得淋d先上枱的 (除非d菜唔靚煮唔淋 - 不過食落覺得d菜其實唔差); 另外兩個煲, 佢係厨房煑耐少少咁到泥咪可以快d滾快d食,但唔係喎, 兩個煲都係上到枱都唔熱 (可以徒手捧個煲唔覺得熱!), 咁就要望住佢煲成15分鐘! 雞亦都因為咁, 而唔夠淋! 有少少生! 要用枱係用個一點仔火去煲熟半隻雞.....係呢點上, 佢地只要做多少少, 成餐可以唔同哂. 或者各位有緣讀到呢篇文章的朋友, 要叫煲仔的話, 可以指明呢點要佢地厨房d煲煮得透d先上枱- 服務: 人手不足,

來這分店晚飯都有兩,三次,每次感覺都只是ok而己...星期日晚不知吃什麼好,也不太餓,又來這裡我點了鎮江骨配泡飯,小食選了豆沙煎堆仔以前覺得個湯底幾垃圾...今次進步了...最讚是鎮江骨,味道酸甜開胃,肉質okay煎堆仔是略油了一點,但味道可以呀平時一定會另點炸鮮奶,水準不錯,可惜今晚太飽,留待下次再品嘗la...

考AL Geog，即係最後一科既lunch。考完SQ，手部做足運動，肚子打鼓，行去君薈坊睇下有咩好食。見到有間米線，正合我心意，就入左去食個lunch啦。入去座位係自己選既，因為根本冇人serve。睇兩睇就叫左香茅雞翼米線，有個小食送，要左燒墨魚丸，飲凍奶茶。十分鐘唔洗就黎碗米線啦，見冇筷子，就問阿姐拎對筷子啦。點知有個較高級既侍應(個頭gel到好行既二十歲左右既年青人)，急步行過黎，拉開枱邊既一個櫃桶，轉身走左去。咁我第一次食點知果度有個櫃桶呀，洗唔洗咁既態度…講返碗米線，奶白色既魚湯冇咩魚味，有清甜味但喝完口渴。香茅雞翼亦冇香茅味，好似普通炸雞翼。墨魚丸就彈牙，有墨魚味，幾好。奶茶就普通質素。食食下，我見到個年青侍應話:「大陸人呀，我都唔知佢講乜野」（夾雜粗口），叫個阿姐去幫內地客落單。唉…今時今日咁既服務態度，點得呀。

夜晚九點，友人放工後專程入將軍澳找我，由於我已食完DINNER，所以叫了一杯椰香特飲，一直陪佢食飯傾計。朋友點了魚肉腐皮米線套餐，跟炒四季豆及香芒特飲，一共$59...我的椰香特飲，味道清甜。另一方面，朋友就一直盛讃魚肉腐皮米線好味，我也試了一塊，的確係有水準之作!，至於四季豆也是一個不錯的伴業小碟選擇!結果我同友人傾了接近一小時，很輕鬆的談天說地，的確是一種好事!

其實魚米家係下午茶時段2-6pm好抵食, $22有米線、小食及飲品, 而且轉冷飲不用加$小食有3款, 包括蜜糖wings 兩隻或栗米或司華力腸或火腿奄列我推介蜜糖wings, 炸得幾好味, 而且新鮮熱辣。外皮稍硬但有肉汁, 加上糖漿, 好正!不足之處, 係米線比平時較細碗, 而且米線的配料有限制, 例如只有蘿蔔牛腩或xx丸, 或魚皮gao等米線有時比較\'林\'其實我亦覺得湯底質素在遞降, 味精愈來愈多但下午茶絕對抵食, 學生之選。

來這兒多次了，沒有一次想讚。這次可以讚一讚了，魚腐米線真的不錯，值得一試。

完全係好離譜!!!我上星期六差不多9點幾入去食, 店入面已經好少人.叫左個照燒煎蛋飯+ 熱奶茶. 個女侍應拎左杯熱奶茶離, 好唔小心咁倒晒左差不多三分一, 攪到張台污穢晒, 急急腳走左去, 以為佢會拎塊布離抹下去, 點知原佢真係就咁走左佢就算!!! 張台咁污穢點食飯ar??? 個飯等左成半個鐘都未離, 只不過係一塊雞扒, 煎隻蛋, 放o係飯上面, 淋個汁, d飯都唔駛炒, 完全諗唔明點解要等咁耐. 叫左個侍應佢追, 佢完全冇追入左員工房. 等多10分鐘真係忍無可忍, 好惡咁叫第二個去追, 先有野出離, 出到離隻蛋仲要係穿左囉!食食下, 見到個侍應走人, 拎左塊抹台布去抹鞋, 就算抹完拎去洗, 我都唔覺得乎合衛生.之前我去食tea, 多一個依家一倍人, d野都唔會咁慢, 咁離譜.我以後都唔會入去食夜晚!!!

雖然上次試過小食麻麻, 但見佢滿$100就有得送, 就叫三樣野齊夠數, 魚腐米線係膽必叫, 另加兩樣食送如下~豬軟骨百葉結- 軟骨位唔多, 肉地仲有D柴皮, 不過最敗筆係竟然有膿味, 唔掂黑椒牛仔骨- 牛仔骨幾軟腍, 不過應該係梳打既功勞

因送朋友仔回去，那就順道來此吃吃朋友仔首選仍是順德魚腐米線，仍然是主打，亦算不錯，我選了的東坡肉米線，米線尚可，但東坡肉就太廋又未硬身，可能炆得過火；小食花枝丸就無特別，但腐皮卷就很香口，再點了風沙牛肉，這算是最好味的一款，牛肉都算娕滑，汁煮得入味又幾香．但幾位青年侍應，服務真的有待改善，點菜時叫了多次，而且亦很大聲仍沒有人理會，只是圍著談話，落單時又沒精打彩，希望好好改善，雖未必是自己喜歡的職業，但也該敬業為客．

重九放假係呢頭買完小吸塵機, 特價後二百五以為好平, 點知之後睇吉之島二百鬆仲抵...下次都係行吉之島先...蜜椒雞翼- 雞中翼一開二切開, 個醬好杰身令到雞翼黐埋一舊, 味道唔甜唔鹹怪怪地七味粉大蝦- 七味粉滿佈大蝦面, 入口只係食到七味粉既辣, 而蝦身無味, 食一隻都嫌多魚腐米線- 同食開無分別米線還OK, 但小食就真係唔掂囉

這間分店真的跟其它分店差很園, 食第一次以為係自己問題, 覺得野唔熱, 之後來第二、三次都係咁, 上菜又慢, 侍應叫極都唔睬, 非迫不得已都唔想再去這間分店食！

星期六同朋友仔出九龍灣搞D事, 到三點幾都未食野, 經開呢頭就順路係到食個TEA腐皮魚肉米線+凍檸水($22) - 魚肉外面包住層腐皮, 薄薄數片, 食落鹹鹹有少少魚味蜜汁雞翼粟米($18) - 可能未食LUNCH所以覺得份量少. 粟米切開幾多汁, 但無牛油都係差咁D

事前，上網看過評價很差，去過後，發覺... 果然很差。套餐: 順德魚腐米線+ 豆沙香蕉酥+ 飲料= $38**順德魚腐米線**米線... 煮太久了嗎？發脹了嗎？才剛端上來就這樣了。魚腐... 變成「一pat o野」，軟趴趴的。魚湯... 不很香，喝了一口就沒有再喝了，因為好像跟網上說一樣，有味精。之前在「香港仔魚蛋粉」喝到的魚湯才讚呢!! 那豐郁的魚香... ... 正!**豆沙香蕉酥**這個本來也沒多大期望，因為我知道是買現成回來炸的，之前我在「易牙妙手」吃過，那時覺得不錯，所以這天encore。豈料，一上桌，就發現原來水準低的餐廳竟可真的這麼差，連「現成貨」也處理不好。一看就知道是炸得太過份了，果然，吃時覺得很乾、很「燥熱」。裡面真有香蕉和豆沙，上次我在「易牙妙手」吃時，覺得有兩種味道，很妙! 不過，這天，我只覺得很「熱氣」，滿口都是「油炸」的味道。另外點的小菜：**川香爆吊片$ 30** ─是因為放久了嗎？因為一點也不脆。不過裡面的吊片不錯。**椒鹽九肚魚$28** ─這個不錯。**順德炸鮮奶$28** ─早就聽朋友E 說過了，所以很期待，網上看見也有好評。以前在某家素菜館吃過，