魯一居利寶閣宴會廳 (已結業)

小弟的第二百食評，選擇了位於 Megabox 的魯一居，一早已試過將軍澳分店的質素，對其點心及麵食的品質有一定信心，今次便跟友人點了二人餐($168)，包括有素鵝拼肴肉、鮑參魚肚羹、牡丹蝦仁、京燒豬軟骨、擔擔麵、高力豆沙香蕉，另加一客小籠包($24)，連茶錢加一，三人結賬只約 $250，算幾抵食先評食物: 素鵝拼肴肉 - 二人餐關係，份量少，素鵝味道不錯，肴肉較普通 鮑參魚肚羹 - 只是普通的湯羹，沒甚特別牡丹蝦仁 - 蝦仁爽滑，炒得太會太油京燒豬軟骨 - 賣相不佳，但肉質不差擔擔麵 - 湯底重芝麻味，少辣，麵條粗幼不一，有改善空間高力豆沙香蕉 - 新鮮，足料，比王家沙好上幾倍小籠包 - 是香港數一數二的小籠包，皮薄不易散，肉餡味鮮甜，一流!總的來說，魯一居還是以點心為重，建議點一些湯麵，配一些京式點心，應比小菜更好，價錢什至更便宜呢作為旗艦店，店舖裝修不錯，坐得舒服，環境不嘈吵，唯店內服務員態度只是一般，埋單更要三推四請，有改進的必要寫到這裡，二百食評，算是一個小小的里程碑吧 食，一直還在....

上星期去了這間舖食lunch，其實不嬲都有去開這間o野食，之前都俾過食評，都話幾好，點知這間舖開了一年之後，d o野就差了，今次仲俾了有釣的鋼線我地食呀!這個係什麼苿莉齋鵝，竟然食食下有條鋼線，好彩唔係小朋友食到，唔係一定吞了落去，我地有叫小籠包，生煎飽、鍋貼，北京填鴨，炸春段，但係這些o野都冇以前咁好食，個炸春段就好似炸得乾得濟，個小籠包、生煎飽同埋鍋貼就冇以前咁多肉汁，個北京填鴨就最過份，個女侍應片完隻鴨就只係放低，我地問d 皮呢？佢話唔關佢的事，咁我地唯有等呀!但係等到d 皮都開始凍我地就問佢地點，佢地話幫我跟，我地又問佢咁d 皮點，佢話只可以幫我烤返熱去呀!我話咁咪唔脆，佢話唔會，咁咪試下，點知整完熱返來都唔脆同埋"鞋"呀!d 侍應同經理都換晒，d 態度又差呀!所以都唔會有下次呀!

2/7/08, 晚上八時, 不用等位, 但也有大半客人, 坐四人枱.叫了:龍井蝦仁 --- 一個鹹字, 蝦仁還算爽口魯一居蒸餃(6隻) --- 跟三鮮餃差不多, 也美味春巻(3條) --- 太鹹, 但頗脆, 也可以紅油炒手(6隻) --- 好味的菜肉雲吞, 大大粒, 不太辣白灼菜 --- 沒有期望, 同樣叫侍應走鹽走油總括來說, 相信它的餃子類食物質素較有保證, 其他餸菜相對較鹹, 麵則保持不到水準, 相信我再到來的原因會是想食餃子, 而且午市會有較多餃子選擇, 但隻數會較小. 侍應基本上服務也合格, 我光顧數次也遇不到其他人的情況, 可能是我好彩罷.

看完最近的食評, 才發覺自己忘記了給它一些評語. 其實在大約兩個月前試過晚市, 想再試午市才給此處下食評, 結果忘記了. 六月尾再到此試了兩次午市, 終可下定論.第一次是9/5/08, 星期四晚七時多, 舖內沒有太多客人, 我們給安排坐四人枱, 環境舒適, 我不知什麼是山東菜, 總之食物好吃便可. 食物的質素跟另一食評人bbchun100於28/4/08, 的食評差不多, 由於我只得兩個人, 食完買一送一套餐後真的不太飽, 再叫了一客叉子燒餅, 並將剩餘的糖醋里脊加入內, 也頗美味. 價錢也不貴, $26x, 服務也不錯, 見它的餐牌上有我最愛的小籠包和鍋貼, 決定要再來一次.29/6/08, 下午一點, 舖頭內不算太多人, 被安排入四人坐位, 有電視在頭頂的, 午市又有不同的選擇, 有一張點心紙, 我們叫了:小籠包(4隻) --- 皮薄, 餡靚, 肉很滑, 湯汁也美味鍋貼(3隻) --- 皮底煎得很脆, 肉同樣很滑很美味擔擔麵 --- 湯汁濃且杰, 麻味很濃, 不太辣, 食完一啖立即想食第二啖, 但卻有麵頭麵尾白灼菜 --- 本來菜還可以, 但竟然將豉油由頭淋到腳, 可以叫做豉油

突然決定去 Megabox 睇戲，未有上 openrice search 過有咩好既餐廳，去到搵左幾間食店，終於選擇左魯一居，因為之前無試過以 “山東菜” 做賣點既食店~無頭緒山東有咩名菜，所以搵左店員推介一下，包括：苿莉香薰素鵝：冷盤，有苿莉既清香，內里有些爽口既瓜菜，口感很好，好好味！魯家高湯小籠包：好多湯汁，D 湯汁很鮮甜，皮既厚度亦適中。我一向唔好小籠包，但覺得呢度既小籠包比其他出名既上海店整得好食！魯家雞豆花：燉湯，很清甜鮮味，一 D 油都無！飲落有雞和瘦肉味，雞豆花好滑，入口即融化！以上幾味菜都清甜鮮味，食後又唔口渴，應該無咩味精！清淡得黎又好味，正！另外，我地自選左兩個有興趣既菜：蔥爆羊肉 + 叉子燒餅：我地將蔥爆羊肉釀入叉子燒餅內食，味道麻麻！蔥爆羊肉唔夠鑊氣，羊肉唔新鮮；燒餅皮太厚，無香味！山東川鹵麵：麵太淰，湯底係大雜會樣樣材料有 D，味道一般！店員服務好，有禮貌，而且幾有效率。依家上 openrice 見到好多人話呢度 service 差，我覺得佢地依家有好好既改善！雖然我地自己選擇既菜味道麻麻，但店員既推介真係唔錯，都值得去試下！

21/6夜晚一行4人到MEGA BOX到食飯, 因為之前黎過魯一居, 覺得都OK, 點知....今次出事喇....!上次黎食已經覺得d waiter態度麻麻, 點知今次仲差! 簡值不知所謂!! 叫左6樣野, 我地一路傾一路等...等左大約半個鐘, 先黎左個煙薰素鵝, 其實呢個都唔錯, 薰得好香, 但朋友唔鐘意, 接受唔到...另份量少左d.跟住再黎左個魯家水餃, 肉汁頗多! 好過上次黎食果個魚餃!食完呢兩樣之後起碼半個鐘都未黎其他野!個個waiter都好似聽唔到, 見唔到我地叫佢地咁!咁佢地追單不下3,4次, 次次追完無下文, 唔會答你任何野!個男經理仲衰, 同佢講話d野食成個鐘都未到, 佢好出奇地呻一呻就咁走左去, 咁即係咩意思呢!? 簡直垃圾級嘅service!!到最後先至有個我諗係好級少少的waitress過黎同我地講還欠甚麼, 同廚房對一對單! 我地幾個問佢係咪頭先個waiter落漏單, 佢死都唔認, 但如果唔係落漏單, 你地唔係可以係電腦到check到曬我地order嘅野咩!?隔了數分數, 佢已遞來盤絲餅, 說送給我們吃....之後再來怪味雞, 因我太肚餓了, 已唔太清楚記得

星期五晩訂左五位食飯, 坐左係所謂既房, 其實只係一塊板隔住隔離枱, 都好嘈下..睇完 MENU, 叫見到幾多選擇, 叫左:鮮肉蒸包, 素鵝, 上湯莧菜, 話梅乳鴿, 炒拉麵, 魯家魚餃, 唔知咩魚肉球, 鴨舌問個侍應個魚肉球係點整, 佢竟然超大條道理咁話 "下, 好老實講, 我今日第一日返工, 我真係唔知喎, 呢D廚房先知".. O 哂咀, OK, 唔為難佢.. 落完ORDER, 上菜都幾快, 野食好一般, 乳鴿唔好食.. 魚餃OK.. 炒麵好油..後來再加左個小籠包, 漏左單, 問左兩次同一個人, 都話跟緊, 第三次黎問係咪要取消.. 冇乜客都好似好忙咁... 64X蚊.. 唔值.. 早知去試喜百合/百樂門好過, 起碼裝修都靚D.. 呢到D位密質質咁.. 冇下次~

上次黎食已經覺得d waiter態度麻麻, 點知今次仲差! 簡值不知所謂!! 叫左6樣野, 我地一路傾一路等...等左大約半個鐘, 先黎左個煙薰素鵝, 其實呢個都唔錯, 薰得好香, 但朋友唔鐘意, 接受唔到...另份量少左d.跟住再黎左個魯家水餃, 肉汁頗多! 好過上次黎食果個魚餃!食完呢兩樣之後起碼半個鐘都未黎其他野!個個waiter都好似聽唔到, 見唔到我地叫佢地咁!咁佢地追單不下3,4次, 次次追完無下文, 唔會答你任何野!個男經理仲衰, 同佢講話d野食成個鐘都未到, 佢好出奇地呻一呻就咁走左去, 咁即係咩意思呢!? 簡直垃圾級嘅service!!到最後先至有個我諗係好級少少的waitress過黎同我地講還欠甚麼, 同廚房對一對單! 我地幾個問佢係咪頭先個waiter落漏單, 佢死都唔認, 但如果唔係落漏單, 你地唔係可以係電腦到check到曬我地order嘅野咩!?隔了數分數, 佢已遞來盤絲餅, 說送給我們吃....之後再來怪味雞, 因我太肚餓了, 已唔太清楚記得味道, 太致是半隻酥炸過的雞, 再用d怪味汁淋上!還有松子桂花魚, d甜酸太甜喇! 太漏喇! 比我之前係灣仔食果個私

星期日去Mega Box明知多人,早D去到,12點就間間都有位,入到去坐到卡位都幾舒適.叫咗個套餐($88)有雙併即係青瓜配鴨胸,香茜餃子,担担麵兩碗,高力豆沙及飲品兩杯,要咗豆槳同桃汁,再加咗甜酸里脊,紅油抄手及川鹵麵.阿仔話鴨胸好食但我鍾意食青爪多D,香茜餃子D皮麻痲但D餡就靚,担担麵就少少辣,麵身幾硬,甜酸里脊即係咕嚕肉,幾脆口好好味,川鹵麵無乜特色,湯麵一碗,紅油抄手就幾香但唔辣,高力豆沙新鮮炸起,唔算多油,豆沙仲好正,豆槳味道濃.順帶一提,佢地D茶比一般茶樓好,收$8位都好值.整體水準唔差,個別出品仲好正,不過價錢貴咗D,一碗麵都要40幾,始终都係旺地無辦法喇!

上個星期日,我同男朋友去左Mega box 食飯,見到衣間餐廳佢之前有報導過,我地諗住應該都唔錯,小籠包個皮太厚,同翡翠,霸王山莊相比簡直天同地比,仲有五香牛肉麵d麵太硬,d肉太薄無口感。怎料d服務仲差,埋單唔會有人理你,等得太耐,令人煩躁。衣間咁嘅餐廳,請我都唔會再黎。

22-5-08 (四)平日早上，商場水靜河飛，逛完一輪，選食肆午飯，花多眼亂下終試試魯一居。因為看中其午市二人套餐有幾樣食物可試，價錢適中。獲安排坐臨窗的大梳化，窗外雖無甚景緻，室內裝飾也不俗。先來了兩杯凍飲，一般。很快就來了兩碗牛肉麵，只有幾片又小又薄的牛蹍，麵頗好吃。再來就是煎餃子和糯米糍，也可以。前菜反而最遲來，是鴨胸和另一款我不知其名的小食，鴨胸也不錯。兩人都吃得很飽了，後來有幾對二人同行的客人來到，待應也推介這個抵食套餐。茶具看來蠻精緻，可惜茶杯燙手非常，根本不適合飲熱茶。非繁忙時段光顧，不但座位舒適，且服務貼身，整體滿意。

聞說MegaBox魯一居「Ok好」，再看各路高人撰寫的食評均以讚賞為多，所以今次午餐決定與一眾同事到此地一嚐箇中真我。環境具風格獨特魯一居的外表，總是給予人們一種風格高尚的獨特，想像應該是很高價的食市。內裡的擺設也十分像樣，所使用的茶具和食具都看得出不可能是廉價物品，亦有提供衛生紙，讓食客不用為了儀容發愁。"D野飲等極都唔黎?"如果是正常食市，飲品大概要在落單後三、四分鐘就會送上。不過傳說中的魯一居，單是飲品就讓我們等了接近十五分鐘，進來的工作人員卻不是奉上飲料，而是跟我們說：某熱飲因為賣完，所以只能夠轉凍，也罷。於是再過五分鐘，飲品出現，可是兩杯因「售罄」被迫熱轉凍的，就多等了十一分鐘。等也罷了，問題在於飲品的質素非常惡劣。所謂的水蜜桃，太濃太甜，難以入口。最奇怪是玻璃杯沒有填滿飲品，而是半滿。不知道是供應不足還是素來都是這樣？其他飲品不提也罷，也許只有豆漿才可以叫做正常，除非已過期。莫提: 凍飲根本唔凍 實況等到頸都長料理的時間過長，是廚房人手不足？或者廚師們忙於收看「都市閒情」的關係，午餐最少等了三十分鐘才開始捧上來。當中兩碗著名「豬軟骨拉麵」的等候時間甚至超過了四十分鐘，等到本

呢間野不知所為, 食個Lunch 要人等足個幾鐘, 態度又差, 你追佢都唔幫你,仲好意思收加一收茶錢,野食又搵笨...冇下次la

今日特登去megabox買o野, 行到肚餓, 見呢間居然有套餐食就入去試下. 周日下午一點幾, 店內仍然有位, 只有約六成滿. 叫了兩人套餐A, 另加炸銀絲卷和羊肉餃.套餐A包括:蔥油窩荀拚煙燻鴨胸-- 送上枱的並不是蔥油窩荀而是小黃瓜, 味道都幾好, 不過鴨胸只有四小片, 實在太少.姥姥牛肉湯拉麵-- 賣相很差, 有點辣, 基本上冇牛肉, 但係就有牛筋幾舊, 唔得!山東蒸餃-- 幾多肉汁, ok馬豆糕-- 賣相不錯, 不過甜左d.山東水蜜桃汁-- 同普通紙盒裝水蜜桃汁冇分別炸銀絲卷和羊肉餃-- ok啦不過餸的份量都較細, 似小食多d, 而且加一之餘茶錢重要成8元一位, 太貴啦!!有hsbc信用卡會有8折, 不過只限散叫; 如果叫左套餐既話就算再散叫都冇折扣!!

因為老細話來食麵,所以就來試下,叫左個炸醬麵連飲品。飲品好快就上,但係個麵等左半個鐘都無,吹過d waiter好多次都係之吾以對,無認真理過於是找左個著西裝應該高級d 0既投訴,佢聲稱整緊,跟住見到另一個waiter拿住幾碗麵,就即刻話"有啦有啦"然後雞咁腳就走,sorry都無,點知都係無我地的麵。足足等左我地40分鍾才有這碗勁難食的麵,d炸醬勁多花生醬,根本係碗花生醬撈麵,無晒其他應有的味道。非常難食!埋單都等左5mins,結果遲到啦,好在老細係道!呢間餐廳真係要black list!