魯一居利寶閣宴會廳 (已結業)

又1位朋友二十大壽在此先說句生日快樂生日飯@魯一居叫左下列食物:奶油津白菜螃蟹醬牛肉生煎包小籠包(x2)紅油抄手酸甜魚豆沙窩餅白飯(x7)(以上食物名字如有錯誤懇請見諒)上述食物質素都幾好但質量比較小唔係太飽+夠個酸甜魚真係抵讚! 脆脆地好香口個汁亦都非常開胃雖然之前都食過類似既魚但呢條真係一流值得試!津白同生煎包就真係唔抵食前者得7條後者得4個而小籠包雖然好多湯但入面舊肉冇乜肉味認真麻麻7個人食埋單每人百零蚊都唔算貴但真係唔飽PS.有hsbc信用卡會有8折有既記得帶埋去

三個人行mega box, 因為用滙丰信用卡可以買一送一, 所以想試試這裡的買一送一套餐。這個套餐的食物包括: 醬牛肉香薰素鵝(味道普通)、砂鍋雲吞雞(無特別)、蔥燒大明蝦(好好味,夠香口)、糖醋里背(味道ok)、鮑汁扒津白(唔夠味,份量奇少)、豆沙酥餅(算好味, 但非常油膩,碟底紙肥晒)。這個所謂兩人套餐,份量實在太少了, 兩個人一定唔夠食,又何妨我們有三個人, 所以我們另外還叫了兩客小籠飽、一客蘿蔔絲酥餅和一客擔擔面。小籠飽真的好味, 肉汁不會太肥,皮不會太厚, 好味過在上海食的很多呢! 而蘿蔔絲酥餅都算唔錯, 夠熱上枱。最差的就是擔擔面了, 好似人家吃剩似的, 賣相又難看, 食又唔好食, 差勁呀! 服務方面尚算可以接受啦, 但食物上枱時,侍應的動作有點粗魯,似大牌檔feel 囉!

Total柯打咗七樣嘢，我覺得只有兩樣可以接受，其他都唔係咁OK。首先值得一讚既就係小籠包，六隻二十四蚊算抵食，小籠包內湯汁滿瀉，外皮厚薄適中，熱辣辣好燙口。盤絲餅亦較特別，香港很少地方可以食得到，麵團做得非常幼細，炸成餅形很有口感，上層加埋糖霜食，好味而且有新鮮感，可見師傅既心機及功力。魯家魚餃就不過不失啦，未試過既不坊一試。擔擔麵少辣，麵質不太彈牙，好普通，沒有花生碎影響整體口感。炸醬麵唔掂，肉醬較鹹。炸鱔又係較鹹，雖然炸得頗為香脆可口，但略細條，不能做到外脆內軟既效果，作為小食較好，但不是我們預期既炸鱔，所以有些失望。不過全晚最唔抵食既係綉球全魚（半條），以魚肉蒸做成魚丸形狀，得六舊但賣成一百三十八蚊，又貴味道又麻麻哋。侍應安排我哋坐喺半圓形既卡位，靠窗位置，四個人坐好舒服。八折後埋單三百六十幾蚊，唔貴，係條魚最唔抵。最好book定檯先，因為都有幾多客人。

April 19, 2008與家人吃午飯，點了盤絲餅、小籠包、羊肉餃子、魚餃及沙窩雲吞雞環境及裝修不錯，坐得很舒適，小籠包及餃子真能做到皮薄餡靚兼軟而不易破，肉汁鮮味溢滿，魚餃更是驚喜，沒想過魚餃可以如此美味。盤絲餅是心機包點-- 將一大團麵粉拉到像龍鬚糖般咁幼身然後再焗呢個餅，上面加D糖粉，幾特別-- 唔錯！沙窩雲吞雞-- 足料，ok

星期一至五去Mega box的食肆, 你會嚇一跳, 每間也只得小猫倆仨隻, 或者是時間的關係, 我們倆個人差不多七時到達, 食肆都算多, 但客人不多, 行了差不多七八間, 腳仔軟, 隨便擇了魯一居, 叫了下列食品。肴肉–冷盤, 這裡肴肉的啫喱部份較多, 啫喱部份會溶在口中, 味道很好, 做得不錯。合桃雞丁–雞肉的軟滑的, 合桃是脆脆的, 不過如果合桃可以先伴點蜜糖的話會更好吃。擔擔麵–我不知道正宗的是否帶酸味, 我沒有吃過有酸醋味的擔擔麵。不過麵質還可, 不會太腍或太硬, 而麵上又沒有花生碎, 湯也不夠花生味。紅油抄手–買相不俗, 是薄皮雲吞加上辣油及豉油, 有點點川椒的辣。環境方面, 坐得很舒適, 也頗靜(因為人少的關係吧。)待應質數麻麻, 木口木面, 開茶時我們說要滾水, 她馬上用其低沉的聲音說, 滾水也是每位8元, 她好像以為我們嫌茶錢太貴而飲滾水, 我說8元就8元, 因為不能喝茶…她的態度很有問題, 一點禮貌也沒有。

我同我bf叫了兩客lunch, 點知我已經食完我個noodle, 我bf的飯尚未到, 追左個waiter兩次先拿碟飯出來, 我問waiter點解咁遲, 佢毫不客氣話剛剛抄出來, 跟著就走了, 服務態度奇差, waiter做野慢, 好似唔優做, 最離譜是茶錢要成8元一位, 完全不值!!

原想去riso cafe, 但睇睇下本指南, 又想試下魯一居喎, 再加上早排睇雜誌介紹過~~在餓神的驅使下, 就揀0左呢間LU~~~侍應唔夠SMART, 態度亦真的有待改善...不過環境都幾好, 唔太多人唔會嘈, 間隔亦夠寬闊~左諗右度之下, 揀了以下5道: (按上菜次序排列)盤絲餅--- 其實係一團炸麵, 不過炸得0黎裡面都有D係濕軟位, 唔至於成團0野都乾曾曾, 同埋都真係睇到師傅0既心機, 試想想將一大團麵粉拉到咁幼身去做呢個餅, 少D心機都唔得呀~! 上面加D糖粉, 唔錯0既~! 可以一試~搶湯羊肉麵--- 今日的至愛之一! 飲第一啖湯已經高呼"我愛這道!!"原因: 濃香的羊羶味XDDDDDDd麵好彈牙!!!! 羊肉夠羶唔使問XDDD 一碗大大碗都係$42, 我覺得值!水煮魚片--- 花椒味好香, 魚片好滑!!! 好夠麻辣!!!! 菇菌都煮得幾爽~!! 仲有D滑滑粉皮!! 汁底幾好!! 佢比起我上次睇電視見到的水煮羊肉少油好多~!!GOOD!!!清湯雞豆花--- 真係好好食!! 清清地之餘, 個雞豆花做得好滑!! 細佬一路食一路難以相信呢個係雞肉做出0黎0既XD高力豆沙香蕉--

野食都ＯＫ，不過服務真係好差。首先係唔夠侍應，叫極都無人應。不過最激氣係我地叫左既盤絲餅，等左半個鐘，催左第二次之後個ＸＸ部長先同我地講話得一個爐，所以仲未開始整！仲話唔知要等多半個鐘！真係好激氣！！

今天中午心血來潮,行去megabox食lunch本來想去d快餐類食店,不過發覺人太多,逛下逞下來到九樓,見到呢間標示正宗魯菜,就覺定試下呢間餐廳環境幾好,裝修不錯,好幹淨,沒有好像其他中餐館般嘈雜,地下同桌上沒有水跡自己叫咗一個甜酸排骨飯套餐(唔記得確切名稱,因為都幾難記個名), 同行朋友叫咗個家鄉炒年榚餐甜酸排骨幾好食,不過並不是好過街外好多,朋友說炒年榚有鍋氣,食落熱得來又不太幹,好像意思火候把握得幾好水蜜桃汁唔錯,味道夠香又不太甜服務不錯,不過好像有點不熟練下次會來,不過應該會叫招牌菜而不是套餐,始終套餐沒有很特出的地方

除夕夜黎到呢度食飯~ 唔使等位... 其實已經係第二次黎, 上次覺得幾好..所以再度捧場~~擔擔麵: 個湯幾濃..幾好~~辣味小籠包: 比想像中更辣.. 叫左幾樣辣辣地0既野..呢個係最辣~~ 怪味雞: 隻雞炸左之後加左D醬汁..熱食時都唔錯..幾香口~ 凍左之後就真係有D怪..家鄉炒雞米叉子餅: 好大碟餸但只有四件餅(兩個餅每個CUT開一半) .... 少左D..都唔夠包..結果好多都就咁食~~ 紅油抄手: 好食~~ 抄手上好多類似炸香左0既蒜子0既東西.. 又唔太過辣~ 剛剛好~~食飽飽..暖晒!等睇煙花.......

不知所謂的(招牌炒飯),千萬唔好食!搵人笨勁過份,要$198一碟無味的炒飯,普通茶餐廳任何一碟炒飯都掂過佢!無下次無以後!

星期三睇完3D電影,7 點幾去左呢間野食dinner, 可能時間尚早, 無乜人, 兩個人都可以坐"O"形梳化,好舒服, 侍應極力推介peking duck, mon - thur 半價，百幾蚊有二食, 我地得兩個人, 兼且唔係好"刷"得之人, 所以無叫到,都係食小點算lu:--燻素鵝卷：冷盤黎,味道ok好味，青青地做頭盤都唔錯-話梅醉乳鴿:一般醉乳鴿食得多，用話梅黎吊味既都係第一次食，估唔到話梅既酸味同酒味幾夾，應該話balance 番ｄ酒味,令隻鴿更易入口，鴿肉仲夠嫩滑，切到一片片咁上碟，細細塊容易食,岩晒我地ｄOL,依家都仲回味緊　　　　-油酥餅：熱騰騰上枱,好鬆化,都幾熱氣,正合小妹口味-魯家餃子:真係一絕, 佢係北方既食法,無湯跟住上, 餃子既皮一ｄ都唔厚,仲好柔軟,一口咬落去,d肉汁標晒出黎, (效果同食小籠包既差不多),一隻餃子漏出黎既肉汁居然可以裝滿一個spoon,真係第一次有咁既experience,超讚呀!-煎窩貼:都做得同樣出色啊，窩貼皮唔會乾同硬，入面肉汁都係好豐富，掂呀！　-甜品要了酒釀丸子，my favourite, 丸子超多，滿滿一碗，＄22個大洋絕無欺場，

我去過這間幾次，第一次我地就覺得個北京填鴨俾人呃咁, $280一隻，但係好細隻，不過佢d 鍋貼同埋小籠飽都幾多食，所以我地都有去第二同埋第三次，第二次去食晏, 個經理介紹我地食個炸春段，幾特別同埋好食，同埋個經理介紹我地食條什麼魚，話每日只整兩條，我地話今日少人唔食住，遲些來食過，仲叫佢幫我book定位，其實這個經理d 服務態度都幾好，我地終於試了這條魚，係起了骨跟住就用蛋包返住去炸再整返條魚型都幾特別呀!個鍋貼好好食係因為薄皮又好肉汁，我地又試埋個黃金蝦球，好大隻蝦呀!個生煎飽都幾多肉汁呀!這間都幾好, 只係個北京填鴨都係北京樓抵食同埋好食d呀!

齊魯在春秋戰國時代就是現今的山東, 而魯菜大約可粗分三大路線,一是醬色濃厚,滋味濃郁的濟南菜,一是媲美宮廷菜的孔菜,一是海鮮為主,崇尚清淡的膠東菜.而在滿清時期,宮廷的御厨可說全是山東人,而他們所供給皇宮內用的山東菜,就是我們現今的京菜.京菜以味道清淡為主,上海菜(滬)以味濃為主,而四川菜以麻辣,香料為主,所以基本上可從味道分辨出是什麼菜種.這店子雖然沒有傳統山東的風味,但環境寬敞,擺設簡單就已經給人一個很舒適的環境.菜式雖然只有約三至四＋種傳統山東菜,其他為京菜,滬菜和川菜,迎合社會上不同的人就是現今香港飲食文化值得推介菜式黄瓜狀元餃-餃子在香港大多以大白菜,豬肉,魚肉,蝦膠,但以黄瓜為主真是絕無僅有,味道清新.清湯雞豆花-先用雞胸肉搓蓉,再用清湯燉約五小時,出來感覺像豆腐花,雞豆花-用雞肉做的豆腐花,據講有養顏功效宮爆明蝦球-蝦球的大和彈牙,秘製的宮保汁,絕配,不講不知,宮保汁是清同治年間山東巡撫丁寶禎引進四川,才演變為現今的其中一道四川菜鍋禢帶子-鍋禢為傳統山東煮法,意是用蛋皮包裹食物後再兩邊煎香,帶子彈牙有咬口,中間夾著蝦膠,不配調味料都已感覺很入味山東大鹵麵-山東另外一種有名

剛過了的星期日,去到MegaBox行,順便找嘢食,嘩,食肆雖然多,但特別嘅就好少,魯一居,聽起嚟好似食舊式菜,所以決定去試試.座位寬濶,令我沒有壓迫感,這是現今所有餐廳缺少,裡面原來仲有貴賓房,成班friends一齊真係最好不過D服務員真係好nice,攪到我個BB鬼咁開心,最令我驚喜就係佢居然有套米奇BB餐具,Surprise!聽經理講,原來山東菜又叫御膳菜,所以樣貌會特別吸引,招呼皇帝鮁 .而其他菜式就以京菜為配,聽佢講,好多人誤會係上海菜,其實在香港大部份上海菜館都是京川滬菜館,單一樣上海菜,香港人未必接受,所以大部份都加了其他菜,有名了,客人就當係上海菜,佢問番我,小籠飽是上海菜還是京菜?答案原來是京菜.經理幫我揸fit點了些菜,芝麻西芹絲- 不錯的冷盤,刀功幼細突出山東菜的細膩,配上香蒜白醋汁,令人胃口大增山東春段-即是山東春卷,用蛋皮代替春卷皮,令春卷變得無咁油,一個字形容'正'必食小籠飽-即叫即揉皮,簡直無投訴.鍋禢桂魚盒-正宗山東做法,原來食魚可以咁食,好嘢搶湯羊肉麵-手拉麵再加上鹵這種湯水,令我真想叫多一碗.盤絲餅-入口鬆化,一條條絲整成一個餅,夠特式,真難相信只係$2