鮨政 (已結業)

啱啱出咗糧，梗係要食好西啦。同事帶咗我黎香港仔嘅鮨政，大概12點45分到達，全店都full左要排隊，如果想食嘅記住打電話book位或者早少少嚟啦。我哋等左一陣大概10分鐘到啦就入去，行入去果時間餐廳入邊有啲日本師傅負責整刺身，感覺上都幾正宗。我嗌左一個剌生飯既set，入邊有三文魚帶子蝦，一碗烏冬，一個沙律，一個茶蒸碗，晏晝來講要一百幾蚊其實都算貴架，所以間唔時食下都已經好開心，聽講佢夜晚好貴添，所以如果想試嘅話可以先試佢哋嘅晏晝。味道食落都正常，剌食幾好食，三文魚好肥美，但帶子有少少腥。

一間位於香港仔既高質素壽司店，果真一試難忘！係會令人想一試再試既日本餐廳！梅﹑蘭﹑菊﹑竹四君子可以親眼睇到師傅做壽司既過程壽司：拖羅，三文魚，帶子，饅魚，牡丹蝦，筋子，海膽（仲有幾款我唔記得左係咩）三文魚同拖羅都非常肥美，油脂好豐富！帶子鮮甜大隻又厚身，仲大過舊飯，鰻魚亦燒得好香口～　壽司一吃便知非常出色香蔥吞拿魚蓉卷我本身唔係好鐘意食吞拿魚蓉，所以依款壽司我無咩期待，都無咩失望原諒我影得唔係咁好　哈哈。。。天婦羅炸蝦好大隻，外皮酥脆，唔係脆得黎硬果種，亦唔會有粉多而蝦肉過少既情況軟殼蟹卷軟殼蟹都幾大件，鐘意食軟殼蟹既話必點！牡丹蝦頭味增湯牡丹蝦壽司用剩既蝦頭仲可以用黎做味增湯，好似要加＄10 ，唔係好記得了三文魚親子丼其實已經夠飽，但都忍唔住叫左個刺身飯，食完真係好滿足，啲三文魚好靚，推介！

香港仔一係就多大型連鎖餐廳，一係就好地既茶記or 粉麵！Lee 間野都算幾特出，之前食過晚餐，都少少貴！但佢個lunch set 就係好底啦！around $90-120 既lunch set!! 好食，鮮甜，師傅地都係 真•日本日Tim 🇯🇵我食左碎呑拿魚腩飯定食，定飯有普通既沙津伴日式芝麻醬，茶碗蒸蛋-食得出係用雞湯去蒸，但有少少太鹹！，烏冬-尚可，唔難食，但又講唔上好食。主角：碎呑拿魚腩飯😍。好鐘意佢好多好多蔥，一個圈圈住個碎呑拿魚腩❤️

成日見到人地食大盆魚生飯，今次終於試到。餐廳環境乾淨，而且枱又長，好闊落，坐得幾舒服。上次去食已經想叫，但待應話賣哂，唯有下次早d去。今次終於食到，一開始比佢賣相嚇親，2個人點食得哂，重要配埋2碗湯烏冬。呢盆木桶飯有好多魚生，有三文魚、吞拿魚、甜蝦、魷魚、蟹柳、玉子，非常抵，可以一次過食哂咁多野。除左木桶飯，重有午市餐牌，呢個餐食完都非常足夠。壽司既魚生新鮮，蒸蛋亦鮮嫩滑。如果蟹籽手卷可以轉其他魚生就好！

補祝生日的一餐，每次開心同唸起日本就會嚟呢到食壽司。每次嚟到都食到材料新鮮味道不錯壽司，今次叫左茶碗蛋蛋味濃郁又夠滑，特上拼盆款式有10件各有特色味道夠鮮，另有吞拿魚小卷清淡一口，軟殻蟹手卷係我至愛每次都會食，今次冇食北海道海膽，試左另一款普通海膽做軍艦果然味道大不同，有小小（聲）味我唔喜歡。牡丹蝦麵豉味道鮮美，最後叫左三文魚壽司同三文魚子軍艦各有特式。總括每次嚟都好滿足感覺，仍然路途遙遠九龍到香港仔都係值得架，最想就係九龍開間分店就好啦！提外話見到店長同店員忙過不停都親親有禮值得一讚！

一行三人八點零去左鮨政食晚飯, 外子話他D同事不時都黎食. 佢就第一次. 見隔離枱叫刺身飯. 我地唔執輸叫埋一份, 仲要叫個大嘅. 點知一上枱成個面盆咁大我地三個人叫多左個大size 天婦羅, 加三杯野飲. 每位唔駛$180. 抵!! 講番味道. 個刺身飯係ok, 如果D飯黏性強D, 多少少醋會仲好食. 天婦羅就average, 唔叫得上係好食到dum 一聲. 但一碟有成幾隻蝦. 好足料下但整體食物係ok gei, service 都唔錯. 行過都可以一試

上環同香港仔嘅鮨政都有試過，第一次去香港仔分店，質量同上環嗰間一樣都好好味雖然區內嚟講算係貴，但質素同服務都值呢個價，店員都幾 nice 好有禮貌，魚生亦食得出係新鮮，賣相都唔差👍而且師傅好似真係日本人嚟🇯🇵人唔算多，尤其同上環比，上環成日都要排好耐🙈食嘅前一日有打去訂位但其實唔訂應該都有；而且餐廳入面都算靜，同朋友坐咗3個鐘都冇人催，覺得好free 唔洗話趕住走，都幾啱同朋友一齊食飯傾計。食物份量亦都適中，唔會話太精緻好少食唔飽👍👍👍👍👍

好耐無食壽司，今日等埋老公放工係香港仔食埋lunch 先番屋企，鮨政既質素係香港仔黎講算唔錯，好多時都有人排隊。Lunch 都有好多set 選擇，而且份量好多，我地叫左一個壽司set 同天婦羅加刺身set，佢每個set 都有沙律，茶碗蒸。兩個set 都仲有個烏冬非常豐富，壽司每件都好新鮮，帶子好甜，海膽比平時係香港食既鮮甜，唔會帶有鯹味，天婦羅唔會炸到好厚同乾晒，有番薯、蝦、菇、茄子，蟹柳，個細既魚生飯都有幾種魚角切，新鮮程度無壽司咁好。總括黎講，全部都好味，價錢亦算便宜。

放lunch，最開心就係和同事出去揾食好的~係香港仔食日本料理的店不多，呢間餐廳午餐精選也不錯。原本想食豪華壽司刺身盆，又買晒只好食定食，不要小看，定食也不簡單。精選定食呢個壽司配烏冬，真係要有番咁上下食量的人先好點嚟食。啱晒心思思的為食脆。因為壽司已有少量飯，但刺身又好大件，但件件都好鮮味，一路食到點點頭，會停不下來。炸雞定食朋友點的炸雞定食，忍不住想食一件，炸雞真的很香，即叫即炸，又有肉汁，一點也不柴，好好食親子雞肉井定食朋友點的雞肉井，還有麵豉湯，茶碗蒸和沙律小食朋友話全部食完都飽撐了

呢間位於舊大街嘅壽司店係香港仔少有嘅正宗日本壽司店，店內嘅師傅都係日本人，入去已經見到師傅同日本客人係到傾計~由於我地係平日中午去，所以有lunch set選擇，我地分別叫左:雜錦魚生飯定食，呢個定食有沙津、燉蛋、烏冬同魚生飯，魚生飯內嘅油甘魚同三文魚新鮮肥美，帶子大粒，甜蝦蝦肉飽滿，海膽亦鮮美，特別讚賞睇落平平無奇嘅酸薑，醃嘅味道唔會過酸亦唔會太甜，味道剛剛好，配上蟹子同飯一齊食，味道一流。讚歧烏冬食落煙韌，同係日本食無分別，配上蔥粒同天婦羅脆脆令烏冬食落更有口感，整個定食食完好滿足。鰻魚飯定食附有沙津同燉蛋，定食嘅鰻魚份量絕不欺場，每片饅魚都非常厚肉，加上鰻魚燒汁同芝麻只睇賣相已經令人胃口大開。鰻魚放入口中鬆化，口感彈牙，慢慢咀嚼魚味突出，配合燒汁令口中留有甜味，配搭白飯簡直一絕。店舖職員一見到我地無茶就會幫我地倒，服務態度殷勤，麥茶味道好香好好飲，臨走前見到原來呢度嘅飯係用北海道嘅米，食魚生飯時食到師傅係用暖飯已經覺得好貼心，呢d小細節令我對呢間店舖加分！

比較少有的高品質日本菜在香港仔開，這店的職員大部分都是日本人，溝通都是用日文，只有一、兩位是本地人，入到餐廳好似去了日本的感覺。午市套餐之前是沒有的，今次嚟就見到有，又比大家多d款揀吓，每日都有不同的選擇，另外亦有其他定食，而且價錢都算合理。如茶改用綠茶粉就加多d分三文魚刺身是另外order，不是跟餐的，三文魚好新鮮我就特別喜歡特上政壽司定食($128)，個烏冬及湯好正，味道完全是在日本食的一樣，而且這個定食好豐富，首選推介。

今日去香港仔行山，記得之前經過香港仔好多人排，今日特登去試下。好彩排5分鐘就入到去，坐bar 枱Lunch menu幾多選擇，見壽司師傅係日本人，梗係揀壽司定食，另外叫咗個海鮮丼。可能太多人關係，坐低咗好耐未有茶，後尾原來啲杯未洗好，好彩等多一陣就有茶先上個海鮮丼，隨丼附送沙律、烏冬及篜蛋。我初初以為個烏冬係迷你版，點知係大碗，雖然有啲稔。沙律菜尚算新鮮，蒸蛋都幾滑。海鮮丼尚算新鮮。再來係壽司定食，附送嘅野一樣，壽司料新鮮，呑拿魚比無雪味，可惜紫菜唔夠脆。定食價錢$100-$120非常合理

友人推介，盡管來試吓先，等了約十分鐘，三人前安排坐進卡位，一入去就見吧枱两日本壽司師傅忙著造壽司，十分認真。店舖環境不錯，細看餐牌，價錢略高，但環顧四周，坐無虛，都該不會貨不對版掛。點了鰻魚飯，壽司拼盤，海鮮火鍋，蒸蛋，魚頭湯，再黎個冰凍生啤，啤杯從雪櫃取出已結霜，冰涼透心，老板夠細心。壽司的確新鮮，比連鎖店高上好幾籌，蒸蛋細滑，較底食算是鰻魚飯，肉質肥美，啖啖美味，還配送麵豉湯，火煱算大路，冇咩驚喜。埋單$799，人均消費$270，算偏高了點，食品質素對板，節日飯可一試。

此店一大賣點係日本人主廚，侍應大多懂日粵雙語，環境、食物質素有一定水準。晚市比較常吃那三種壽司併盤，畢竟性價比較高。魚生新鮮自不待說，醋飯調味亦合宜。我不喜歡吃玉子燒，尤其是那種討厭的批發膠狀玉子。但這裡的玉子明顯是傳統卷煎，看得出師傅的用心。味道不會太甜，相當合我口味。晚市便宜之選乃豪華海鮮丼，二人份量，賣相不差。當然，午市定食連烏冬等物比較抵食，哈。講起烏冬，值得一提。烏冬外表平凡，但食後方知烏冬味道不錯，而且爽滑彈牙，唔唔......不是一般的爽滑彈牙。午市炸雞餐比單點炸雞，肉更大更厚。酒類叫價不算黑，而且有些比較少見的酒，可以一試。冷飲的話侍應會給你冰桶將酒凍住。一夜干係偏甜的送酒菜，如果無飲酒之意淨食會相當甜膩。鹽漬物則偏鹹，同理。環境裝潢不錯，有部份係高腳坐位，其他係四人坐。但二人同行亦會讓你坐四人位便是。

香港仔美食唔多但幾年前開左呢間日本餐廳由日本師傅主理 我住係附近 多數都係黎食lunch set我個日食嘅係天婦羅set每個set 都包沙律 茶碗蒸 同烏冬咁天婦羅set 就有埋迷你魚生飯同我一齊去的家人就叫左sushi set食物全部都好高質素一個女仔食一個set 係會好飽雖然要成80up 一個set但睇番份量 同質素 係超值嫁我個人就最鐘意黎呢到lunch 不過好多時都full house 所以最好book 定位或者過左peak hour 先去就最好啦👍🏻