鮨政 (已結業)

係平民的香港仔街道，有間裝修日式的小店，價錢唔街坊，但絕對係高質的日本餐廳，如果番工想近近地食個好d 午飯，呢度一定係首選。店不大，有四分一係廚師show place ☺️有幾個吧枱位置，另外都有10 張枱左右。有好幾款午市定食，價錢80零蚊起，基本上都有沙律，蒸蛋，湯/烏冬 （睇你食咩餐啦）。佢個蒸蛋好正，食得出用魚湯的味道😋 烏冬都係鰹魚湯底，食都幾飽都一定要食埋呢碗烏冬呀🙌 今次點的是黃瓜吞拿魚腩蓉飯（$98），吞拿魚好新鮮喔，魚蓉實係整得好蓉，混埋飯一齊食一流👍🏻 定食有咁多野食，性價比高

早幾日同事帶我去左香港仔一間日本嘢食lunch， 水準不錯，裝修日式很簡約，有卡位坐得幾舒服。我地三個人都點左同一款套歺，就係呑拿魚腩飯定食，套餐仲配左一碗湯udon， 整體水準不錯，魚生飯上的吞拿魚腩份量充足，入口肥美，個烏冬都几彈牙，QQ地，份量不太大，剛剛好。中午時份餐廳都好Full, 我地如果唔係一早訂左位，估計都未必可以等倒位置。雖然人多，但係服務不錯，不會好嘈，以後中午就又多一間飯堂了，可以一周一試

香港仔嘅食肆好多，日本餐廳都唔少，但係呢一間係個人認為最高質嘅日本餐廳。舖面唔算好大，但係都幾多位，重點係有得坐bar枱，望住日本人師傅整壽司。我地嗌咗個壽司拼盤(上) ($300)，有油甘魚腩、吞拿魚腩、大吞拿魚腩、玉子、三文魚腩、鯖魚、左口魚、池魚、深海池魚、熟蝦、三文魚子、吞拿魚蓉、三文魚細卷六件。一共有18件壽司，真係件件都好好食。所有魚生都好新鮮，份量啱啱好。個人最鍾意佢嘅大吞拿魚腩，真係超級肥美。另外我哋仲嗌咗個雜錦天婦羅，一共有三隻天婦羅蝦同埋天婦羅冬菇、南瓜、茄子。佢嘅天婦羅蝦同一般嘅日本餐廳好唔同，因為佢入邊嘅蝦好新鮮好大隻，所以好有口感同彈性，同一般嘅凍蝦有好大分別。大家如果嚟食嘅話，一定要試吓佢嘅天婦羅蝦。最後我哋仲嗌咗個三文魚牛油果卷，一共有三件。冇諗過鋪係卷物上面嘅居然係三文魚腩，夾埋啲牛油果同埋青瓜一齊食，真係好正。希望下次可以試埋其他菜式啦。

鮨政算係香港仔來講幾正宗一間日本壽司店，晏晝去食，要12點15分前拎位，如果唔係好快會無位～我叫咗一個壽司set，有前菜沙律，有一碗湯，有一碗烏冬，同埋有八件壽司加兩件卷物。前菜沙律過醬都好味，點菜都新鮮同好爽⋯烏冬份量剛好唔算太多……八件壽司裏面，有三文魚壽司，唔夠油份⋯有蛋壽司，我覺得隻蛋就偏甜，但都可以。魷魚壽司，本人一向對魷魚都係麻麻，所以我都認為係一般般。其他仲有吞拿魚壽司，都唔錯。值得一讚最好食就係吞拿魚茸軍艦同埋海膽軍艦，依兩件好味程度完全覺得成個set都值回票價，海膽完全冇苦味，好新鮮⋯間唔中食下呢一間鮨政，都係一個唔錯選擇，價錢夠平....

好滿足,好幸福. 本來係blue Monday.. 食完立刻變左 hAPpY Monday~! 見到咁大桶既豪華海鮮飯. 咩都開心番哂.之前有晚去食過上環嗰間鮨政, 試肥吞拿魚蔥飯同帶子壽司, 已經覺得好新鮮, 好好味. 嗰次帶子壽司仲encore左3次.今次再encore香港仔哩間… 睇下set lunch餐牌先. 喺香港仔黎講唔算係平. $98- $230 一個set. 另再加一.我地今次試左$230 既豪華海鮮飯定食.. 係二人份量黎既..原來哩個定食會每人有一份蒸蛋, 烏冬同沙律… 真係未食海鮮飯就已經半飽. 蒸蛋超滑, 沙律菜好fresh, 烏冬好滑.登登登登~~~ 主角出場~~ 真係睇相都感受到嗰d 魚味~~ 好鮮甜~ 好幸福~~ 要轉圈圈了~~~~!! 木桶夠哂大, 飯好似裝唔滿咁. 但其實我地每人都食左3碗滿既飯. 所以咪睇少哩個木桶. 再要食埋碗烏冬. 強烈建議咪食哂嗰烏冬先... 真係食完海鮮飯, 唔夠飽先再食.哩個set夠新鮮, 又有質素, 我會俾佢98分. 個人覺得差左嗰2分就係差嗰甜品. 唔洗太多, 可以係一粒少少地既雪米糍, 就會更加錦上添花同完美!

今日係香港仔食飯 食左呢間性價比幾高既日本菜🤤午市定食價錢由$88-148不等 我叫左個蝦天婦羅烏冬配迷你魚生飯定食 貪佢咩都有得試滿足哂我3個願望😆 天婦羅唔失禮一共有5件 炸得岩岩好好鬆脆🍤烏冬唔算彈牙不過味道都唔錯 魚生飯有好多魚生 係三文魚粒同呑拿魚粒 新鮮好食🤤定食仲有沙律同我好鐘意食既茶蒸碗丫好滿足😍😋

今天一個人中午前要到香港仔取件，去搭巴士回公司見到這間《鮨政》日本料理未試過就入去試一下，這裡的午餐由$88起都有多款，今天我選了$138的B餐 特上政壽司定食，十分鐘左右定食就來了，壽司味道新鮮不錯，餐還有一碗烏冬麵，加埋也相當飽，但$138 抵不抵就見仁見智了！

試過午市walk-in，即使見到有吉檯，但都被拒絕，所以上一星個期就book 定位，今日終於可以入嚟食。餐廳唔大，不過未致於逼，仲可以近距離見到廚師整嘢食。午市每日都推出不同定食，今日星期一就叫咗個【迷你鰻魚丼刺身定食$148】，再叫一份【五點刺身拼盤$330】和一份【雜錦天婦羅 $148】一齊share。最先到的是五點刺身拼盤。有帶子、吞拿魚、油甘魚、甜蝦和三文魚五款，每款3至4件，質地OK, 但沒有想像中應有的鮮味。雜錦天婦羅都係有5款，炸漿有水準，味道至好係要算是大花菇，肉地夠厚。迷你鰻魚丼刺身定食，有5款嘢，除咗有細碗鰻魚飯之外，還有烏冬、蒸蛋、沙律和幾塊刺身，樣樣有啲咁囉，勉強夠一個人食嘅。整體而言，食物尚算OK， 價錢以呢區嚟計算好貴，喺尖沙咀、銅鑼灣地區好多地方平過呢度，質素亦好過呢度。

同事話呢間日本嘢係香港仔都幾出名有咩咁出名？因為好食囉🤤午飯時間又係唔訂枱都食唔到既餐廳所以早早訂定位 準時入座☺️今次點咗個lunch set 🔻碎吞拿魚腩黃瓜飯定食好豐富呀🤤有沙律、蒸蛋同碗飯而且佢呢個set仲跟多個烏冬😳蒸蛋一般都會有啲冬菇同雞肉係入面好彩佢既雞肉處理得好 無個啲羶味 而蛋都蒸得好滑 沙律尚算新鮮吞拿魚蓉好新鮮 食埋個烏冬真係太滿足啦烏冬口感彈牙 湯底清清地唔會好咸份量亦唔會話因為有個飯而得好少👍🏻以呢個價錢嚟講 真係好抵食～

我最鍾意食正宗日本菜，喺香港仔日本餐廳真係買少見少，呢一間係唯一一間最好食嘅，雖然價錢較連鎖店貴少少，但係佢勝在食材新鮮美味，連我年老的家人都忍唔住要食多幾魚生。如果中午食就更經濟實惠。美味刺身新鮮沙律🥗炸蠔

小妹鍾意食日本野，為左食係可以去到好...... 遠😂是日係香港仔隱世高質日本小店「鮨政」潮聖，總覺得有個「鮨」字就係好野.. 果然冇錯！三文魚🍣 + 帶子刺身一個字：鮮 .. 仲要厚切..好正囉.. 圖文相符.. 😋😋海膽豆腐又係好新鮮囉.. 海膽少少腥味都冇 牛油果🥑吞拿魚漬 （好似係咁上下名😆）兩隻材料夾出黎效果唔錯.. 冇互搶風頭.. 味道鮮明 八爪魚蕃茄沙律勁開胃.. 用檸檬汁🍋 而且蕃茄甜八爪魚爽 💕燒多春魚燒野技巧一流，冇爛仲唔會燒乾水.. 仲肥o都o都架 ，好多春呀玉子壽司 + 蟹柳壽司三文魚籽壽司 + 芥辣八爪魚壽司

香港仔近年變化很大，由以前有人情味的舊區 至今日不少大型連鎖商店。食肆種類也很多，有得有失 兒時最愛的粉麵店相繼結業。 不過還有不少小店服務街坊舊大街前一條街 開了一間日本人主理的壽司店。 店面簡簡單單 以淺色木為主調，把日本的壽司店帶到香港。 沒有花巧的裝潢專心做好壽司，座位不多，但也設有6/4人卡座。而我最欣賞吧枱位置，看著師傅製作新鮮壽司 有如置身在日本築地星期一至日也有午市套餐，日式小店的貼心優惠款式種類多，不愛魚生的你都可以選擇熟食。今日留意到這家的雞肉是來自日本徳島県 ，店內有證明牌。上一次試過他們的炸雞定食，即叫即炸 且保持肉質嫩滑多汁🔶吞拿魚腩黃瓜定食 $108 評分8/10魚生定食會配有 沙律前菜 烏冬 和茶碗蒸 定食的配撘好有日本Feel 包保夠飽肚 一個價錢兩個主菜。 烏冬份量並沒有因為是配角而減少，相反同刺身丼大小相等 吞拿魚蓉份量十足，口感幼滑 和蔥粒拌好後提升香味 魚蓉鮮甜🔶跟餐烏冬 評分8/10烏冬用上稻庭烏冬，入口滑流流 配撘鰹魚湯底 清淡的口味加上昆布 恰到好處 🔶海鮮三色丼 $108 評分8.5/10三文魚 甜蝦各三件 另有帶子兩粒切開一半 共四

香港仔有咩好食？如果想食壽司，我就一定會揀鮨政喇。只有香港仔同上環2間分店，難得過海，是我個人來說的必食次選！點解是必食之選？因為係香港可以食到日本的味道，真的很難得除左食到日本味之外，店入面仲有日本侍應呢，服務有禮認真，真的好像置身日本的感覺！午餐是最抵吃的選擇差不多每一個set都配沙律，烏冬及蒸蛋真的超豐富而且魚生鮮甜新鮮吃過返尋味茶味濃三文魚親子飯定食三文魚厚切肥美魚子大大粒，一點鯹味都沒有烏冬是幼的讚岐烏冬烏冬湯夠濃而不會覺的鹹蒸蛋非常滑Deluxe Sushi Set壽司全部都非常高質海膽最正，超鮮甜帆立貝超珍寶玉子甜而滑，是我吃過最有水準的Sushi Set此set比較多熟食的壽司適合小朋友吃午餐吃鮨政真的很值啊！當然也要預時間等位喇！

壽司黎講 一般都係連鎖店 小店有水准 但如果係市區一般冇等番1個鐘 都吾洗指意有食香港仔e間小店 位吾多 但食物堅有水准 e個set 吾洗100蚊壽司新鮮即造 飯仲係熱 同一般日本食既壽司一樣 芥末已經係壽司裡面手卷紫菜脆 絕對吾係做好好耐放埋一邊加上鳥冬 湯底吾過咸 份量岩岩好朋友就叫左天婦羅配小魚生飯天婦羅脆 吾油 其實要特別強調係吾油其實叫之前好驚一咬成口都係油 咁先係天婦羅

係香港仔工作一段時間，經常睇下附近有咩好食，無意中睇到呢間大大盤嘅魚生飯，好似好吸引咁。午飯時間比較緊張，一般都係隨便就一餐，咁啱今日中午時間比較充裕，正好可以試一下大盤魚生飯嘅水準。之前都了解過，個店員話個魚生飯無得訂，先到先點，賣晒就無，每個時段只有幾個供應，一般早嘅先有。咁我想試肯定要確保有得食，打個電話去睇下先，佢話仲有。咁就急急腳行過去，跟住去到佢同我講無位，只有吧檯位，我無乜所謂嘅。原來呢間餐廳好旺場，要訂埋位先穩陣。吧檯都幾好坐，仲可以睇住師傅點去整個料理。有個應該係日本師傅，廣東話有口音。目標好明確就是大盤魚生飯，即係豪華魚生飯230蚊。好快就送嚟兩份烏冬，沙律，仲有一個茶碗蒸，量都幾足。萬眾期待嘅大大兜，大大盤嘅魚生飯終於送嚟啦，呢個簡直係一個打卡利器，唔食得都睇得先。就咁睇佢都幾足料，有玉子，三文魚，蝦，蟹子，蟹柳，魷魚，好似仲有D油甘魚。要咗少少入碗，可以睇到飯都唔算少，唔算薄，唔係用係盤嚟呃人，都算真材實料。我三個人嚟食都算夠食，但佢本身係2人份嘅，如果比較大食少少應該唔夠食。埋單3位253蚊，人均80+，如果2個人就人均120+比佢部分嘅定食仲要貴。總括嚟講，