鮮入圍煮花膠雞海鮮火鍋

营业中

休息中

之前有朋友介紹鮮入圍煮嘅湯底唔錯今日下午有時間就去試下坐低職員就有調味料比我地落豉油冇其他餐廳咁鹹 有好多款唔同嘅湯底 今次就試花膠雞湯底湯底一上就已經聞到香味我地叫左細份 但都有好多件花膠雞都有好多件 大大件 但都好滑咁濃嘅湯真係要飲返碗 補充骨膠原🤣之後再加都係加湯唔係加水 所以個湯一直keep住好甜好濃打邊爐一定要點牛點左份安格斯 花紋好靚 唔肥唔瘦 又滑又有牛味 Lunch食唔落太多野 下次可以試埋其他牛仲叫左娃娃菜 要讚下洗得好乾淨 冇左出面老果層牛柏葉吸左雞湯嘅味 好正不過牛柏葉真係滾一陣就好掛住傾計一下唔記得左就老左我地lunch去唔係太多人都係一個幾好傾計嘅地方雖然地方細細 但係枱唔會擺得好迫坐得都幾舒服😆餐廳有缸養住海鮮 都幾多種類 新鮮下次多d人去食就可以試多d唔同野

超足料花膠雞煲🌸濃厚原隻雞煲花膠湯$288(半隻)⭐️⭐️⭐️⭐️⭐️一上雞煲滾左，傻婆們即時𢳂左1碗黎飲，清香而不膩既雞湯👍跟住店員就好貼心黎幫手剪雞。雞十分新鮮👍有一大隻雞髀，都多肉嫩滑，點埋醬油食就十分正。花膠亦都好大塊，已經煲到好淋易咬，完全滿滿既骨膠原，食到最後傻婆們𢳂晒雞湯黎飲，十分濃郁精華既雞湯👍🌸牛骨髓$58⭐️⭐️⭐️⭐️⭐️有差不多十條，全部都大大條，滑捋捋，完全冇血腥味！再點埋蒜蓉醬油簡直絕配！🌸蔬菜麵(紫薯)非油炸$22 ⭐️⭐️⭐️⭐️☆係壽桃牌既非油炸蔬菜麵，係雞湯入面煮到淋晒，每條麵都掛滿濃郁雞湯黎食簡直一流。🌸巨峰提子梳打$28 ⭐️⭐️⭐️☆☆玉泉梳打十分夠氣，巨峰提子十分足味，不過太甜。🌸蜜桃特飲$28 ⭐️⭐️⭐️☆☆蜜桃味出，還有寒天粒。醬油$15/位有蔥、蒜蓉、炸蒜、辣椒、花生、沙茶醬環境乾淨企理，座位舒適，冷氣足夠，需加一服務費，枱面有紙巾提供。======詳情======鮮入圍煮花膠雞海鮮火鍋尖沙咀厚福街8號H8 8樓================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨

尖沙咀養生花膠雞湯今次到訪餐廳鮮入圍煮，餐廳位於尖沙咀厚福街，餐廳主打新鮮雞湯火鍋，今次我地中午去所以叫左半隻花膠雞鍋同蟹籽墨魚滑。花膠雞一上枱時已經心心眼，店員仲會好貼心問需唔需要幫你剪開，成鍋雞湯呈奶白色，好鮮甜。唔落料之前就試下佢湯先，鮮甜濃厚，每一啖都覺得好養生，好適合女士。一鍋入面大約有5-6塊花膠💁，每塊都好Q彈有咬牙而且有番一定厚度😍最後叫多份蟹籽墨魚滑，新鮮彈口，入面仲食到好多墨魚肉～好讚

💕先入圍煮餐廳裝修古色古香，花膠雞湯係佢地signature🧡一煲兩食，可以先飲雞湯，再加豬骨湯打邊爐🥢.🌈招牌濃湯花膠雞 $288真材實料有半隻雞係湯入面，店員會在上菜之後即場為我地剪開雞肉🥘雞湯味道濃郁，加入花膠熬製，湯底質感豐厚，滿滿骨膠原，健康又養生🥰飲完雞湯，就得到一個鮮味嘅打邊爐湯底喇✔️.🌈脆肉鯇骨腩魚肉色澤唔錯，食落亦好新鮮口感堅係爽脆🥹雖然有骨但其實都係大骨怕細骨嘅朋友（即係我本人🙈）都可以放膽食🥰今次食完有少少愛上脆鯇骨腩添.🌈稻庭烏冬🍜生菜🥬有咁清甜嘅湯底，當然要點返個菜同烏冬生菜份量都唔少，兩個人share啱啱好🧡烏冬滑嘟嘟，煙韌彈牙，同湯底係絕配🥰.另外值得一讚呢度嘅服務🏅店員有禮貌而且醒目細心，令人對餐廳留下好好嘅印象👍🏽

大家見到呢間咁特別嘅餐廳名，會唔會聯想到原來係打邊爐呢？😂😂一直聽聞呢間餐廳嘅海鮮好新鮮，我但係今次反而想試吓佢哋最新推介嘅花膠！真係食過返尋味😋😋😋.1. 半隻花膠雞湯 ($288)大家睇吓幅相就知，花膠有幾大塊😘😍感覺淡淡食緊啲骨膠原入肚！無論男士女士都大滿足！除咗花膠好食，雞肉仲非常鮮嫩，雞皮出奇地夠晒薄同埋滑，減緊肥嘅，我都忍唔住食曬😍😍😍雞嘅份量亦都非常充足，夠晒大件！.2. 牛骨汁濃湯牛丸 ($48)一食呢隻牛丸，就諗起食神嘅瀨尿牛丸😂一咬落去新鮮嘅牛骨汁就爆開，我同朋友都忍唔住狂食😍非常推介！👍🏻👍🏻👍🏻鍾意牛丸嘅朋友，一定要去試！.3. 芝士流心牛丸 ($48)身為牛丸控嘅我，見到濃湯牛丸咁好食，忍唔住叫埋芝心牛丸！一咬落去啲芝士即刻爆曬出嚟！呢種口爆嘅感覺好正！😍😍😍.4. 蔬菜麵(辚醬）($28)呢個蔬菜麵啱晒想減肥一族！質感同公仔麵有啲似！👍🏻.5. 蟹籽鮮蝦滑 ($98)呢個鮮蝦滑都冇令我失望，蝦肉味道好出！大家不妨試下！😁😁.總括而言，呢間餐廳食材十分新鮮，最推薦大家試吓花膠雞，啲花膠真係快到你唔信！大家快啲約朋友一齊去尖沙咀試吓！😍😍😍

呢度真係好熱鬧呀 次次黎到都滿座🥳好彩有book位🫶湯底揀左招牌濃湯花膠雞($288)🐔可以係打邊爐之前 share左個雞湯先🫶有半隻新鮮雞係湯入面 冇加好多水 所以雞味好濃郁 花膠足料 健康又養生🤤飲完雞湯 店員幫我地加番d豬骨湯底就可以打邊爐喇🥰餐單都非常豐富 有肉類🥩 蔬菜🥬 粉麵🍝 肉丸🍡 雲吞🥠等🤗叫左好多唔同既海鮮 全部都好新鮮😻特別係d蜆 見到佢地有偷偷地伸條脷出黎呼吸😆食得好滿足🤩☁️店員都好nice 見我地倒瀉嘢 即刻比濕紙巾我哋抺🤣🤣

喺尖沙咀嘅下午，有一日想食下午茶，覺得自己好似好耐冇飲過湯，就諗吓有乜嘢地方可以飲個湯食吓嘢。老婆就話不如去打邊爐，因為佢話佢未試過飲過鮮入圍煮嘅花膠湯。雖然有少少瘋狂，但係不失為一個幾好嘅意見。兩個人，乜都唔叫先整個花膠雞湯先，混個醬，呢個下午茶真係唔係好多人會試，但係絕對係一個好好消磨時間嘅活動乙一如平時，點了半隻雞份量已經好足，花膠又較多。最喜歡佢嘅花膠真係夠爽而且唔會就住就住咁俾你。每次叫半隻雞都會有一隻雞髀，雞肉又唔會太韌唔好食。講真兩個人淨係飲呢個湯都已經好開心。由於我哋真係食下午茶唔係正餐，都費事叫牛肉或者海鮮乙所以叫咗一啲食物來點綴，唔知點解總覺得萵筍好襯呢個花膠雞湯，叫左一碟黎食。上次食過呢個爆漿牛丸我記得係幾好，今次都要再叫。雖然好熱應該飲下啤酒，但係呢度見到有養生嘅飲品當然一人一杯，桂圓茶同柚子蜜，滋潤一下。埋單必定比你平時食一個架嘅下午茶平得多，睇你點睇，好彩我老婆同我癲，當然唔會有酒店咁好彩，但係咁樣坐，以幾好嘅價錢就渡過一個悶熱嘅下晝都係一個幾好嘅選擇。

我自己一直都喜歡打邊爐🍲，覺得湯底真好重要❗️最近食過有間用上花膠雞湯好好味！小店位置方便就在尖沙咀旺區，同我朋友四個人一起到，環境都夠大，冇華麗裝修，但食物都有水準。其中他們使用三黃雞的花膠雞湯作為火鍋🍲的湯底，所以出來的味道鮮味十足！我們只選半份雞的份量都大份之餘，而且相當嫰滑, 加上湯底有花膠,我會當湯飲呢！另外有們點了海鮮，其中喜歡白饍片好新鮮又有口感！鮮入圍煮尖沙咀厚福街8號H8 8樓全層

之前已經聽聞過呢間火鍋！諗住今日放假中午又可以唔洗排隊，就同朋友去試吓！一定係要叫最出名既花膠雞湯，不過因為得兩個人食，就唔敢叫太多餸～ 免得浪費呀😅😋 花膠雞湯底（半隻雞） $288好濃郁嘅雞油脂，花膠都算足料！大大塊咬落好爽口唔會過淋，第一次試呢種湯底覺得好新鮮！ ‼️好食指數8/10 ‼️推介指數8/10 😋 芝士流心牛丸 $48呢個牛丸好有驚喜，牛味濃郁，芝士真係會流出黎，而且芝士味🧀🧀都好香濃 ！ ‼️好食指數9/10 ‼️推介指數9/10 😋 手切頂級安格斯牛肉 $248呢碟牛肉已經好夠兩個人食，去到尾聲差少少食唔晒，份量足夠！味道同肉嘅質地都十分唔錯！‼️好食指數 9/10 ‼️推介指數 9/10 擔心唔夠食再叫做娃娃菜、稻庭烏冬、出前一丁配個湯底！果然冇失望，因為湯底都好鮮甜配娃娃菜非常夾，而且烏冬掛湯嘅能力好強，每一條都食到雞湯味道！ 總括嚟講都唔錯嘅👍🏻👍🏻👍🏻不過建議多啲人食，可以食到唔同嘅款式配料！ 🍽️ 鮮入圍煮花膠雞海鮮火鍋 📌 尖沙咀厚福街8號H8 8樓 ☎️ 2782 2003⏰ 星期一至日 12:00 - 24:00

阿媽教落女人要對自己好d! 今日去咗尖沙咀行街血拼血拼完梗係要醫肚啦！喺厚福街行吓行吓，見到H8呢個商場見到樓下依個廣告都幾吸引喎，於是就上咗8樓試吓依間火鍋店嘅彈性，呢間位於H8廣場8樓嘅火鍋店叫鮮入圍煮，係專食花膠雞嘅！我哋兩個人上到去即刻嗌咗個濃湯原隻花膠雞湯火鍋先，因為係得兩個人關係，我哋就嗌咗2-4位用既半隻雞啦果花膠雞湯底真係真材實料啊，有好大隻嘅花膠，亦有約十件雞件，包括雞翼雞脾同雞頸食物方便我哋嗌咗四粒帶子豬肉餃，紅薯粉同埋手打墨魚滑，墨魚滑係店員極力推介嘅手打系列帶子豬肉餃每粒都脹卜卜，我睇過我食嗰兩粒餃子，每粒入邊都有三粒細帶子，好足料㗎紅薯粉吸左啲花膠濃湯🍲，超級好味😋！佢啲紅薯粉亦都好有彈性，比出邊嗰啲米線譜食嘅更加好味！手打墨魚滑真係冇推介錯啊，好大碟份量好足，仲食到粒粒墨魚粒，好好味😋我諗我哋每人食咗約10幾粒，真係好大碟好性價比高！順帶一提，呢間店舖有一個放海鮮的水缸，你所叫嘅海鮮都係佢會喺你面前捉上嚟俾你睇，就好似我哋隔離嗰台嗌咗半斤花甲都係望住佢喺魚缸撈啲花甲出嚟，再喺個open kitchen處理㗎

今日啱啱放學 喺尖沙咀附近想食好啲 然後見到喺厚福街有一間火鍋店就入咗去食🥰🥰🥰🥰🥰餐廳位置喺小巷嘅盡頭要想大廈先搵到 係有少少難搵的！我同朋友坐低首先餐廳幾乾淨～對於火鍋餐廳來講真係一讃❤️‍🔥❤️‍🔥❤️‍🔥之後我哋叫咗個必食嘅花膠雞湯火鍋！然後再叫咗幾個火鍋配料😚😚😚我哋叫咗兩個烏冬 一個蔬菜拼盤仲有叫咗餃子同埋牛丸🤭🤭🤭🤭叫呢幾樣嘢食係因為呢幾樣嘢食都非常之吸湯😋😋一定要讚吓佢個火鍋湯底！濃郁到爆炸😭😭😭😭好好食！我同朋友都忍唔住飲咗幾碗湯😎🤓🤓同埋佢啲配料都好份量多！有好多嘅花膠同埋好多舊雞件所以絕對係抵食抵食抵食🤪🤪🤪我同朋友都話下次要再嚟幫襯！

尖沙咀厚福街有好多餐廳，今次lunch揀咗H8 8樓呢間打邊爐，餐廳裝修感覺貼地懷舊，特別係紅色吊燈，好有舊香港feel，越嚟越鐘意lunch打邊爐，可以有多啲時間消化下😆我地兩個人叫左份小既花膠雞湯，有半隻雞同5-6塊花膠，餐廳幫手剪成雞件方便食，花膠都大件同厚身唔會有腥味😍，我地一人飲左兩碗花膠雞湯，之後加豬骨湯打邊爐我地叫左5樣嘢打邊爐1️⃣炸響鈴平時我鐘意快浸會脆d,今次因為個湯，試左一次快浸同煮耐d,發現煮耐d吸晒湯既精華更好味2️⃣新鮮淮山片煮完都仲係好爽脆3️⃣手工韮菜餃煮完個餃子片都好滑4️⃣因為花膠雞湯底我地揀咗娃娃菜，煮到淋晒吸晒d湯好好味😍5️⃣蟹子墨魚滑，一份都好多，食落好彈牙

·鼎鼎大名嘅花膠雞湯火鍋店——『鮮入圍煮』️📣原來由旺角登打士街搬咗去👉🏻尖沙咀厚福街❗湯底唔洗諗一定係揀返招牌🐔《濃厚原隻雞煲花膠》半隻(2-4位用)💰288呢個湯底真係必試😍👍🏻極力推薦⭐️⭐️⭐️雞味超級濃郁(✧∇✧)見到咁金黃色就知有幾足料去煲雞肉肉質非常之嫩滑 雞胸位都唔會鞋烚烚！花膠大約有6舊 大大塊 係啖啖骨膠原嘅感覺～( ✿＞◡❛)每人大約飲咗5碗湯先捨得加湯打邊爐😂淨係飲埋啲湯同食曬啲雞肉都開始7成飽咗兩個人食嘅話叫多2-3配料已經超級飽肚🤰🏻👇🏻配料推介：🔷花甲(半斤)💰98一嚟到見到份量都比得幾多吓🤩抵食！肉質肥厚 味道夠鮮甜😋最緊要係唔會有沙煮一陣好快就開曬口 真係好新鮮～～🤤🟠原粒帶子鮮肉水餃🥟(4粒)💰56一咬開就見到2-3粒帶子bb( ⸍ꔷ͈ᗄꔷ͈⸌)o個皮都包得好薄🤌🏻餡料都調得好香口📍鮮入圍煮花膠雞海鮮火鍋(尖沙咀)厚福街8號H8 8樓

簡約嘅裝修，估唔到係臥虎藏龍。一入嚟梗係點返個最出名嘅濃厚花膠雞湯先啦！佢一拎出嚟已經知道個湯一定好好飲，顏色奶黃色，應該係熬左好耐嘅雞湯。湯非常香濃，雞香味撲鼻而來，湯質好杰身充滿骨膠原，我飲咗好多碗湯 隻雞都好大隻，有雞味之餘，肉質嫩滑，唔怪得個個都推介！花膠大大隻，有成半隻手掌大，兩個人食一定夠！飲到一半之後，就開始打邊爐了！手切牛真係好食好多！安格斯牛淥10秒，有濃郁嘅牛肉味，入口即溶，高質平平無奇的生菜，吸收晒雞湯的日月精華，有驚喜，有雞味的菜原來好好食😆。生菜🥬翠綠，非常新鮮。出街叫菜最怕係細細棵，唔抵食，呢度嘅份量都唔少 。下次要一大班人嚟烚吓烚吓！ 試多啲唔同嘅菜先得

今日收工出咗尖沙咀，厚福街好多食肆選擇。H8樓上食肆都唔少選擇。椰子雞食得多，花膠雞都係第一次聽。見到呢間火鍋店即刻入咗去試。我哋當然點左花膠雞湯底。一上個湯底，金黃色好似好濃咁，一試真難忘！超鮮甜之餘濃濃雞味。隻顏色真係無花無假！攪下個湯底，有數唔到幾多塊厚花膠，所以食咗一陣個湯底已經好厚，好膠😅要加水！要再講多次，湯底真係好濃厚。真材實料熬製，半隻雞好新鮮，冇雪味！嚟到必試！脆肉鯇魚腩啲鯇魚腩大大塊，超厚切。好少出去打邊爐會有呢啲size嘅魚腩，肉身脆到不行了。自己喺街市買都好難買到。性價比高！鮮腐竹食材新鮮！豆香味濃！有質素！蔬菜類都好多選擇，好新鮮！