鳥棲日本料理 (已結業)

嚟到工廈，你期望見到啲咩？正在返工嘅大隻仔？工廠嘅開倉優惠？工廈內嘅抵食canteen？原諒你嘅膚淺，因為我都無諗過工廈內會有行和風路線嘅鳥棲日本料理，食物質素充滿驚喜。麻辣青瓜牛舌坐低之後，店員就送上麻辣青瓜牛舌。原來呢款係免費前菜，麻辣味唔重，青瓜同牛舌都爽口，係個唔錯嘅開胃菜。唐揚淮山條淮山用唐揚方式去整，口感就好似扭扭薯條咁，又脆又有咬口，非常驚喜。鳥棲盛盒 呢款係由廚師發版嘅串燒盛盒，入面有雞皮、雞頸肉、雞尾、雞軟骨、免治雞肉棒、雞胸骨、雞肝同埋手羽。雖然8串串燒都係由廚師安排，不過辣度可以自己選擇！另外，店員亦細心提醒，盛盒內有內臟，如果唔食內臟嘅話，佢地可以另外安排其他款式架！全部串燒都燒得啱啱好，雞皮、雞尾、雞軟骨同雞胸骨燒到脆卜卜，雞尾同免治雞肉棒好juicy，值得推介！壽喜牛肉鍋壽喜燒汁同牛肉絕對係完美配搭。鍋底仲配有金菇、娃娃菜、粉絲，牛肉鍋連火爐一齊上枱，一路滾個壽喜汁，配菜一路慢慢吸晒壽喜燒汁，十分惹味。巨峰富士山、藍桔富士山呢2杯富士山特飲絕對係打卡之選！入面有粒閃燈冰塊，甜度適中，不過不失。

觀塘一直都有好多隱世食店, 工廈裡面嘅多隱世食店都好多。平日午飯時間都座無虛席, 今晚就去食晚餐, 諗住冇咁多人, 點知….😂😂😂呢間係駱駝漆大廈3座5樓啂日式料理, 風格行比較簡樸家庭路線, 舖內大部都係梳化位, 坐得舒服, 而且價錢都係大眾化, 食物都多元化, 鍋物, 串燒, 特色飲品同燒物都有, 我哋做咗第一枱客, 但坐坐下就開始多人啦。餐廳 用QR Code 落單, 超方便。鳥棲盛盒 - $248鳥棲盛盒其實係有8串🍢🍡不同嘅串燒。有雞腎, 雞後頸, 雞皮, 雞尾, 雞羽, 雞胸軟骨, 雞心, 免治雞肉串, 串串都燒得好惹味, 店員放低都話比我地地聽有咩串燒, 其中雞後頸, 雞尾, 雞胸軟骨都好特別。雞皮, 雞腎燒得超香口, 幾邪惡。呢啲串燒佐酒一流。👍🏻他他醬魷魚圈 - $58魷魚圈🦑好酥脆, 粉漿剛剛好, 而且即叫即炸, 熱辣辣, 配埋他他醬, 減咗啲油膩感, 冇咁邪惡呀!松葉蟹鉗海鮮鍋 - $148海鮮鍋🍲除了有4隻松葉蟹鉗🦀外, 還有大蝦, 日式魚蛋, 冬菇, 豆腐, 蔬菜, 粉絲等, 足料豐富, 呢個真係幾抵食, 好味, 幾新鮮, 湯頭清甜, 松葉蟹鉗打開曬, 蝦又

見咁多好評就同同事一行四人去食 12:15去到落單叫咗：（1）豚肉定食 HKD 72（2）炸雞定食 HKD78 *2 加HKD5 轉烏冬（3）鯖魚定食 HKD 75前菜有一份好細嘅沙律同麵豉湯 （1）豚肉定食最快上到 正常水準 （2）炸雞定食等咗15分鐘 炸雞新鮮炸唔錯 但加錢轉嘅烏冬勁細碗 應該得半個烏冬 本身都成HKD78 額外加錢咁細碗烏冬嚟講 有啲搵笨（3）同事叫嘅鯖魚定食等咗超過40分鐘 等咗15分鐘嘅時候同侍應講咗 但冇任何有用嘅回覆 再之後25分鐘嘅時候 同咗另一個侍應講 得到嘅回覆係「因為鯖魚定食係即叫即整 所以正常要等15分鐘」 如果係咁嘅話menu應該要特別寫明 始終lunch time唔係個個人都有咁多時間等15分鐘 同埋最後佢等咗超過40分鐘先上到 就算味道唔錯，但都令人冇晒胃口同場有幾枱客人 由原本傾偈有講有笑 等到最後已經黑晒面 希望餐廳接唔到咁多客 就預先同客人講定上菜需時 唔好坐低等咗半個鐘先知伏咗 就好似個鯖魚定食咁 唔係我哋問都唔知原來要等至少15分鐘 另外喺白飯俾咁多嘅情況下，其他人額外加HKD5先得個拳頭咁細嘅烏冬 落差太大 建議增加個份量

蕃茄豬骨豚肉鍋 $128觀塘啲工廈係幾多好餐廳發掘嘅，今次一支公試咗駱駝漆入面一間綜合熟食日本菜，揀咗個豚肉鍋都幾唔錯肉眼可見豚肉份量係好足，湯頭個蕃茄味好重。我會先食晒啲豚肉先，因為煮太耐就會質感變差～而下面就有好多豆腐同其他蔬菜，營養均衡！餐廳有好多梳化位幾好坐，整體環境都幾有Feel鳥棲日本料理 Tosu觀塘開源道60號駱駝漆大廈第3座5樓S室#HKFN #hkfoodnu #營住食 #HKFN觀塘 #HKFN營選

第一次同同事去食，大約12:45入座，落單要用手機掃QR code。我落單叫左個鯖魚定食，然後等左半個鐘都未有野食，期間都催過2-3次啲職員，得到嘅回覆係：「因為啲魚係即時煎嘅 所以會等大約15分鐘」，然後我再答：「但係我已經等左超過半個鐘，我同事個飯都食完喇」，之後個職員覆左句：「幫我睇睇」，但依然無人再處理。再過左大約10分鐘，個定食餐終於上左，果時我都已經等到黑曬面，個職員係咁意講左句：「唔好意思」之後就急急腳走左..而我完全感受唔到道歉個誠意係邊。總括黎講，服務態度真係好差同埋效率好慢，如果明知係即煎嘅魚要等，唔該至少係menu寫明，不過我唔認為會有邊位客人會願意係lunch hour 等40分鐘上一個餐？同場亦都見到其他客人等左好耐都未有餐上，效率有極大改善空間。食物方面都算唔錯，條魚都煎得幾好又無乜大骨，但因為等左太耐，又餓又無心情食，下次都唔會再考慮食多次。

今日中午帶90歲的母親和30歲坐輪椅的殘疾兒子來食午飯。從進門開始到食完飯，那位中年女士對我們的關注和服務可以說是無微不至，主動又貼心，讓我們感覺很暖心，在此感謝再感謝。

觀塘駱駝漆大廈雖然係工廈，但呢度嘅消費其實都唔平鳥棲暫時係我食過嘅日式食肆中價錢最實惠的一間呢度雖然食日本野，但裝修都幾西式餐廳大部份都用上呢種梳化椅，坐得好舒服~胡麻汁牛肉 $78呢個其實就係我慕名而來的菜式鐵板仔細細個，好得意，好似玩具咁~ 唔好以為佢細個就無咩力，佢燒起上同平時的韓燒爐一樣咁勁~雖然只是 78蚊，但牛肉都有成十塊咁多~ 牛肉望落有小小肥，但燒完之後就剛剛好啦~我最鐘意佢D牛肉處理得好好，可以成塊夾起，唔會雪到一夾就碎哂個種~燒牛肉加胡麻醬，又真係幾唔錯喎~食落無咁膩唯一要留意係呢個菜燒嘅時候會有D油彈出黎 (最好交俾男人做~)餐廳話佢地好快就會轉MENU, 遲D就會無左呢個ITEM好可惜呀~ 想食嘅朋友就快D去試下啦~ 黑胡椒煮蜆 $88成個湯底都好濃郁，黑胡椒味好濃~  蜆好大隻，隻隻都有肉，D肉仲係漲卜卜架~我地2個人食，待應攞左3個碗俾我地其中一個係裝殼的，又幾細心~大蔥雞肉稻庭烏冬 $78呢個烏冬真係好傳統嘅做法，依家出面街已經好少見佢用上傳統的粉紅色魚蛋， (依家已經用哂鳴門卷啦)仲有我最愛的油揚和大蔥~雞肉是全瘦無皮雞肉，再配上清湯底，啱哂注重健康同怕

呢間未黎過，好似新開的壽喜燒用既牛肉質素不差 口感算嫩仲有油脂香無諗過擺左好多肉 ，湯底淡淡香甜味蔬菜都好入味，用既係似薯粉的［粉絲］ 口感較滿足，浸滿甜甜湯汁半生牛肉他他燒靈魂是醬汁，一定要配搭埋食半刺身口感好新奇 食到肉鮮味辣蘿蔔偏港人口味唔會好辣清淡中帶點辣味道唔會太單調最愛係鰻魚飯，飯中加左青紅椒點增加咬口感而且仲有青紅椒香味 增色不少 大大又厚身鰻魚 甜甜醬汁包裹提提大家試下個飯加啲壽喜燒湯底 絕對美味加倍心思思再點個海鮮鍋 果然無錯見到既啖啖肉 成鍋好鮮味！

一向都知觀塘多美食，尤其係大廈裏面，前排經過觀塘就去咗呢間——🌟鳥棲日本料理🌟見到環境有梳化位，坐得好舒服，店員服務亦好好，上菜速度一啲都唔會急吹你，食完一樣還一樣👍🏻._.🦀｜松葉蟹鉗海鮮鍋｜🦀海鮮鍋好吸引，仲要有松葉蟹鉗，係我最鐘意嘅組合配搭，成個海鮮鍋湯底清清地但有海鮮嘅解味，海鮮都好豐富🤩松葉蟹鉗打開曬，好易食到👍🏻·🐟｜原條鰻魚炒飯｜🐟呢個鰻魚飯上枱好靚😳成條鰻魚舖係炒飯面，鰻魚醬汁好夠好濃味，成個炒飯配埋鰻魚啞食好香濃又夠味，鰻魚肉唔算多骨👍🏻旁邊嘅配菜伴菜可以清清口，轉轉口味💕._.

駱駝漆而家實在太多野食咁岩見到間日本料理 望入面個環境覺得幾舒服 因為啲櫈但係梳化櫈可以好好享受吓呢個晚餐因為第一次黎, 乜都想食,又諗唔多叫咩所以叫左個二人餐,好豐富前菜 迷你磯煮鮑魚凍冰冰好新鮮, 而且鮑魚好淋, 好入味沙津蕃茄大蝦沙津店家用左醋加沙津醬,酸酸甜甜好開胃, 而且沙津好夠凍,好新鮮炸物他他魷魚圈粉漿剛剛好, 而且即叫即炸, 熱辣辣燒物網燒安格斯牛扒睇番餐牌, 呢個係推介菜之一, 牛扒燒得剛剛好,唔會好鞋, 而且牛味好重又多汁👍🏻鍋物牛肉壽喜燒🍲因為我係牛魔王既關係, 所以都揀咗牛肉壽喜燒, 其實另一個選擇有蕃茄豚肉🐷鍋. 牛肉放左幾層厚, 吸晒壽喜燒既湯汁,好香甜. 加上底有好多配菜食(粉絲,豆腐,菜,菇).好滿足呀另外成個餐都可以配白飯/烏冬. 加埋甜品選擇今次揀左木糠布甸,即叫即整,又唔太甜,💯+$30可以轉心太軟😋

餐店環境好坐唔迫，服務態度很好個炸雞上枱夠脆夠熱。雖然味道少少淡但點埋汁就非常好，個沙律醬加左香草更解膩。我呢個飯量係叫左少飯嘅，正常分量嘅話男仔食就應該都夠。薄荷富士山梳打睇得之嘅同時都唔錯。雖然比較甜但係就有日本傳統雪糕梳打嘅感覺。

胡麻汁牛肉 $78燒嘅牛肉🥩 點胡麻汁 真係幾好食👍🏼不過有d 難燒👩🏼‍🍳 因為比較容易痴底 🤔但啲肉都夠冧 好食的🤣壽喜燒牛肉 $148牛肉份量比想像中多 鋪滿晒係面🍲菜 牛肉 豆腐 菇 粉絲🥬🐂🍄都可以吸滿壽喜燒嘅味牛肉他他燒 $98見呢個幾特別 就叫咗 📃係牛肉刺身 不過比想像中細塊咗少少🙈佢燒咗少少喺條邊度🔥好特別🤣總結 呢間餐廳坐得好舒服 仲好近地鐵站 佢好多都係梳化位 🛋如果行街🚶🏼‍♂️🚶🏿‍♀️行到攰 或者想同朋友傾偈🌬 食吓嘢 呢間係唔錯嘅選擇👍🏼

他們的招牌菜之一是原條鰻魚炒飯。這道菜的鰻魚鮮嫩多汁，與炒飯完美結合，營造出一種獨特的風味。每一口都散發著鰻魚的香氣，令人回味無窮。另一道推薦菜是藍桔富士山。這道菜以富士山為靈感，用藍色的桔子構建出一座山峰的造型。吃起來非常清爽，桔子的酸甜與日本風味的搭配十分契合，讓人愉悅。最後，我點了壽喜牛肉鍋。這是一道充滿濃郁味道的鍋物，牛肉片入口即化，湯底鮮美。配料豐富，包括蔬菜、豆腐和香菇等，使整道菜更加豐富多樣。

一行二人食午餐。食物（綜合3/5）：牛肉壽喜燒都幾大份，有豆腐有牛肉有粉絲有只蛋，承惠$108,份量頗多一個人食唔曬。味道同屋企自己煲的牛肉豆腐湯差吾多，無咩特別。（3/5）南蠻炸雞的話有四五件，炸得幾香脆，沾上沙律醬，味道不錯。（4/5）串燒$38一串，只有4塊牛舌，CP值低(2/5)飲品方面，喊了杯洛神，買相一般，裡面是一塊發出閃光的假冰，蘇打水加表面的雪糕（3/5)檸茶就是正常餐廳水準，沒啥好說。環境（4/5）：當日午飯時間只有兩台客，好驚訝竟然得咁少人，原因可能是星期六。有sofa同軟枕，坐下去蠻舒服。服務（5/5）：老闆娘都幾積極，態度幾好，有提醒我們要在雪糕融之前為飲品拍照。付款方式（2/5)：唔太滿意，無得比八達通

前幾日 dinner 約埋朋友，近近地去左駱駝漆食飯，呢間餐廳lunch 食過唔錯，所以黎試晚餐，真係有意外驚喜～首先試左個原條鰻魚炒飯，原條鰻魚鋪面，配上炒飯，好新鮮既配搭，炒飯幾香，鰻魚多汁柔軟，幾好食~之後叫既南蠻炸雞籃認真有驚喜，粉唔厚又炸到幾乾爽，完全唔會好似其他炸雞咁會覺得咁油膩，加埋沙律醬食，認真唔錯。叫左杯招牌藍桔富士山特飲，杯入面既藍色假冰會閃閃下咁，上面再加上一個雪糕球，都幾特別，可以話係打卡之選﹗整體都唔錯，下次可以再黎試下其他野食﹗