鳥棲日本料理 (已結業)

幾個朋友嚟咗呢度試～工廈入邊嘅日本餐廳～食物份量都唔細，味道都不俗。魷魚圈芝士年糕章魚燒大蝦蕃茄沙律蒜燒廣島蠔呢個最好味！雖然蠔嘅size不大。燒牛舌，呢個就覺得佢燒得唔夠！火候不足。牛肉鍋，份量足豚肉炒麵！呢個真係最唔掂！板腸～ 都OK特色飲品，閃閃下，打卡一流，味道就冇乜特別。整體來講都滿意，服務都OK。價錢都合理。不過真係需要三五知己一齊吃才可以試多一點東西。

📍觀塘高質日本🇯🇵料理-《鳥棲》總評分： 7️⃣/🔟❣️自慢燒肉系列：肉類新鮮高質，性價比高！私心推介🎖燒汁牛舌（$72）好爽口！牛肩胛（$72）仲有一個細細地嘅爐，放係枱面，自己燒！好過癮😚👍🏻❣️❤️❣️松露蟹鉗海鮮鍋，讚！海鮮都算足料（$138）青口、蝦、蟹鉗、扇貝👍🏻❣️串燒：點了燒秋葵和燒雞翼，味道尚🉑️👍🏻💬❌滑蛋豬排，非常一般，豬排細件，豬排質感較實❣️座位寬敞，服務態度良好，衛生程度良好總結：推介「燒肉系列」- 高汁牛肉、牛舌👍🏻

最近和友人約聚餐，由於就近工作地點，便選了這店日式料理店，出品卻十分有驚喜：牛肉壽喜燒鍋牛肉有四五片，肉質屬於高質，有牛香。材料也很豐富，包括粉絲，紹菜，豆腐等。值得一提的是壽喜燒汁，十分香甜，喝下也不會口乾的那種，令牛肉味更凸出。加配了一份烏冬，口感不錯，但份量偏少。鰻魚炒飯有原條鰻魚，長過手掌，很適合打卡。炒飯都夠火候，而鰻魚汁很濃，吃下每口都很滿足。一人食可能會有點滯，兩人分享剛剛好。最後要讚服務員非常有禮，也會關心桌上狀況。出品十分高質，性價比可以，相信不久後會再來。

同老婆隨便係街食餐飯，叫左個二人餐，整體上都非常唔錯，富士山系列飲品都好靚，亦都係好飲嘅不過本身個二人餐計落價錢同散嗌差唔多，係多左甜品同飲品講到個甜品就驚為天人啦，直接上左兩杯消化餅上尼*重點注意*如果另一款甜品賣晒就千祈唔好嗌二人餐啦，或者加錢轉其他甜品總結而言整體係唔錯嘅，係衰收尾...其他野我嗌左煙三文魚沙律，炸魷魚圈，磯燒鮑魚，安格斯牛扒同埋壽喜燒沙律3/5 一般炸魷魚4/5 優秀鮑魚4/5 優秀安格斯牛扒3.5/5 還好壽喜燒4/5 優秀消化餅0/5 伏伏伏伏伏特飲5/5 打卡必嗌

我相信嚟鳥棲日本料理幫襯嘅食客，唔少都係為咗呢個而來：藍桔富士山，飲品下面係藍色晶瑩通透嘅波子汽水，上面係甜美嘅雲呢拿雪糕，入面仲放咗粒閃燈（可揀唔要，不過如果第一次嚟，為咗打卡，相信冇咩人會唔要😂），賣相一流，味道亦唔錯。食物質素相對冇飲品咁出色。明太子海鮮讚岐烏冬嘅海鮮有青口，蜆肉，蝦，魷魚等，尚算豐富，可惜烏冬煮得太腍，忌廉味亦蓋過咗明太子味，感覺似普通嘅西式白汁 pasta。同樣問題發生喺七味牛肉豆腐鍋定食度，成個鍋嘅醬汁好甜，唔太覺七味粉嘅辛辣，於是就變成一個普通嘅豆腐牛肉鍋。

已經食左好多次，哈哈哈！極度推薦呢間餐廳！餐廳內部環境OK，椅子好好坐😂，食客雖然多，但都算坐得舒服，位子不算太逼，員工態度也很好，食完會想食第二次，每次都很滿意！

睇完食評啲人話好食一心諗住去食串燒叫咗一串大蔥雞肉一串和牛串燒一串燒雞翼一串燒白鱔一串芝士免治雞肉啲串燒又油又乾啲料真心唔得禾牛串燒牛肉係平時食茶樓拿過醃過嗰啲燒白鱔竟然用蒲燒鰻魚嗰啲鰻魚汁一串燒收人哋銅鑼灣中環食店嘅價錢好彩叫咗一個午市定食，80幾蚊叫做有條overcook嘅魚加個喊到爆嘅麵豉湯細細碟普通沙律同白飯如果唔係又唔飽肚又唔好食定食跟餐跟杯嘢飲我哋嗌咗杯熱烏龍茶食完晒全部嘢都仲未黎提左店員兩次都遲遲未送到啲嘢食唔好食仲要無嘢飲好慘

食物不錯，不過有令人食得不開心的地方。和朋友兩個人吃晚餐，點了“二人前套餐”。見有梳化卡位，未點餐前問侍應可否轉位，但她回覆有預訂，所以不可以，那就沒辦法了。結果是，我們食到最後餐廳收工的時候，有兩個梳化位都是一直空了，也沒有讓我們轉位。他他醬魷魚圈和蝦沙律都好。網燒安格斯牛扒味道不錯。鮑魚就真係一隻幾迷你松葉蟹鉗鍋上得比較遲，加埋要等返熱，結果吃得很趕。富士山飲品有燈閃閃下，幾有趣，有個話題咁啦。味道就係梳化水

午餐時間跟好友黎到駱駝漆大廈一聚。午市套餐有菜同麵豉湯，openrice訂座全單八折。由一點坐到差不多四點都無趕我地走🤣🔸鳥棲南蠻炸雞定食(💰$78+$5轉烏冬)炸雞炸得熱辣辣，不過味道比較淡。烏冬都比較細碗，可能我太大食😂覺得可以大碗啲。🔸明太子海鮮讚歧烏冬（💰$78）賣相唔係太靚。味道普通。🔸大蝦什錦鍋燒稻庭烏冬（💰$82）雜錦就真係乜都有啲，不過朋友話隻炸蝦唔好食，麻麻地。總括來說，就係普通🙃評分: 7/10

鳥棲日本料理在觀塘駱駝漆大廈一向有各種秘世美食。今次我搵到間不俗嘅日本料理店佢位於駱駝漆大廈的五樓，平日去都會滿座。今次見到，不用排很久就有位，森仔就決心試下🤫餐廳環境新淨，引用日本🇯🇵嘅裝潢風格，用上溫暖的黃光和木系家具。位置不多，但也有一定的獨處空間。最重要是座位係坐得舒服的😍當日，我叫左牛肉壽喜燒加手打烏冬和原條鰻魚飯。兩個均十分美味，唔怪得那麼多人排隊進食。牛肉壽喜燒加手打烏冬此牛肉壽喜燒分量十足，有不少牛肉，肉質嫩滑，重牛味😊脂肪比例也相當良好，不會過肥，也不會過瘦。當中其他配料也有很多，包括嫩滑豆腐，大香茹，粉絲和金菇😍😍正正子。配上香甜惹味的壽喜燒湯底😋😋😋由於二人食，我地都加左個手打烏冬😌手打烏冬有咬口，食落彈牙🙂🙂原條鰻魚飯這個大隻夾抵食😊😊😊原條鰻魚足足大過我整隻手掌✋，又厚身多肉。不得了😍😍😍同時也是燒汁炒飯底，惹味開胃🥰🥰🥰食到停唔到口😊

觀塘一直都有好多隱世食店,平日晚飯時間都座無虛席壽喜牛肉鍋， 湯底甜道適中，牛肉肉質有咬口軟淋唔肥，配料份量恰當，有滑豆腐、冬菇、娃娃菜、小棠菜、紅蘿蔔同粉絲，配合雞蛋同芝麻醬汁，好好食😋。另加$15配了烏冬一碗芝士明太子蛋卷（$42）蛋卷煎得好香滑，而且明太子嘅份量都足夠，一般食芝士明太子蛋卷通常都係流心芝士或者係可以拉絲嘅芝士，呢個蛋卷就用咗忌廉芝士，令到成個感覺更加香滑原條鰻魚炒飯 $128好耐無食過鰻魚啦，原條感覺特別滿足，鰻魚同飯都好多鰻魚汁。兩個人食都覺得夠食，一個人會太多總括而言,一齊去食住野傾偈嘅好地方，真係值得推介。

樓上cafe食得多，終於比我遇到穩世日本嘢正cafe!門面同一般cafe差不多，不過坐得舒服，沙潑配上 cushion! 坐得好chill ~Menu價錢ok ,食物都多元化，鍋物，串燒，野飲同燒物都都，基本齊👍食物賣相ok! 必推鰻魚飯！非常香脆Juicy又唔漏！一口牛嘅牛味好濃，好滿足牛肉壽喜燒熱騰騰，天氣凍嘅時候食就最啱！

因為平時喺觀塘有做嘢，所以都會喺觀塘工廈尋覓食物。今次就嚟到呢個鳥棲日本料理，因為都好似幾多人食過吓，所以就入咗去。咁因為嗰陣時係假日午餐，我就叫咗一份明太子海鮮烏冬。其實個烏冬set係幾驚喜嘅，因為首先明太子醬滲透晒入去烏冬入邊，食到每一條烏冬都有味道，而唔係分開，呢個係好難得嘅事。而且菜都比較豐富，海鮮都係足嘅。但係佢嘅服務態度真係好差囉。首先有入到去果下，冇人去serve我啦，但係嗰陣時唔係好忙，啲店員個個都企晒喺度唔知做乜嘢？而且我冇餐牌又冇人見到啦，講緊係有幾個店員都企咗喺度發吽豆，搞到我要自己扯個身埋去隔離枱度拎。咁嘅服務態度真係好令人卻步囉。

觀塘實在太多美食，好想搵一間可以靜靜咁樣坐低傾吓計食嘢嘅餐廳。呢間餐廳雖然位於工廈位置，但係好近地鐵站，好容易就搵到。門口嘅裝飾都幾養眼，用咗大幅度嘅綠色樹葉裝飾。佢哋嘅座椅係用梳化嘅款式，配搭箍臣，俾人有舒適嘅感覺。用手機QR code落單，點左一個迷你磯煮鮑魚、牛油果蟹籽沙律、花魚一夜干、雞腎一串，月見免治雞肉、燒雞翼一串。迷你磯煮鮑魚係暖食, 味道幾好, 重點不腥, 好爽口!牛油果蟹籽沙律好大份，落足勁多料! 超多菜同埋青瓜，上面放咗牛油果同蟹子，成碟菜都好豐富，個份量真係好多，我哋兩個人食完都感覺好飽，而且個味道都幾好食，呢個推薦！花魚一夜干，要讚下佢燒得好有功力燒到啱啱好，條魚好脆身好香，但係又唔會燶，而且個份量有一整條魚咁多，十分之抵食！魚肉好新鮮熱辣，跟住再點一啲佢提供嘅醬汁，醬汁放一啲檸檬汁，再加蘿蔔蓉上去，好滋味好好味！雞腎燒得好脆身，而且都夠淋，唔會難咬，而且味道不錯!月見免治雞肉，佢一嚟到就覺得好靚好開心，因為佢係一舊圓形嘅雞肉，中間放咗一個流心嘅蛋黃。整體顏色好豐富, 睇到就好開胃。跟住將個蛋黃篤穿，啲蛋黃汁慢慢流出黎，感覺好似一個小火山咁樣，睇住啲蛋黃慢慢流出

老婆食過一次之後就念念不忘，味道好味得黎價錢又平，一直都想返嚟再食，所以今晚我哋又一齊嚟呢間餐廳再食過牛油果蟹籽沙律，沙律菜同青瓜絲非常爽口清新，加上脆卜卜既蟹籽配搭蟹柳同埋牛油果，非常開胃嘅菜式～芝士明太子蛋卷，濃濃嘅明太子香味，配上香甜嘅蛋卷包裹住半溶化嘅芝士，味道真係無得輸！原條鰻魚炒飯，鰻魚非常之肥美，又厚又腍又無骨，仲有醬汁味配合得非常好～忌廉海膽薯餅，酥脆嘅外皮加埋海膽嘅甘香，真係正到不得了！水蜜桃乳酸梳打，水蜜桃味好香又夠氣，好飲～