鳴虎 (新城市廣場三期) (裝修中)

🌟鳴虎拉麵-鮮味十足！以秘製豬骨湯底熬煮！（呢個位其實都幾難搵😂點解咁多人都識搵嘅？🤣🌟魚乾湯豬骨拉麵🍜$98四種魚+ 秘製豬骨湯要飲晒湯底😌冇味精🌟叉燒兩塊，的確係好食嘅😹但我就唔夠喉。工序繁複嘅自家製叉燒，肉質鮮嫩夠哂淋身，想食多幾塊㗎嘛！！🌟店主特別推介雞白湯，但係我order嗰陣時完全睇唔到呢款特別款式（不在Menu裡）🤣咁唯有下次再過嚟試啦😆🌟沙田分店人流好多，但座位唔多，基本上都要等位～紅磡分店就會多啲座位😌仲有好多分店^_^

行行下一田肚餓坐低食碗拉麵🤣🤣估唔到超市入面有個food court仔😳鳴海老- #蝦味噌豬骨湯拉麵 🍜聞落好香蝦味，原來係面頭加左櫻花蝦粉🦐🦐一飲啖湯有淡淡蝦味🦐第一啖食覺得拉麵帶少少鹼水味，但之後就唔覺🙈麵質微爽口唔淋身，2片叉燒肥瘦適中，溏心蛋有蛋香但少少偏熟😗HKD88綠虎- #四國香蔥油拉麵 🍜豬骨湯味幾出，蔥味輕輕帶過，如果係蔥控建議加$8要多多蔥😉拉麵同配料都同鳴海老一樣既～HKD88#芝士魚條拼魚餅 🧀🧀4條芝士魚條中間夾住好多芝士😍魚餅就中間芝心～唔油，幾好食幾特別HKD48如果可以有冰水提供就好喇，食拉麵飲冰水會更爽！😜免加一服務費鳴虎沙田 一田超市內#fafafoodie_沙田

日本魚乾豬骨拉麵🍜（$88）來試試這碗日本魚乾豬骨拉麵真是太值得了！首先湯底的濃郁口味讓人垂涎欲滴，豬骨的香氣和魚乾的鮮味融合得恰到好處，每一口都讓人回味無窮。面條煮得恰到好點，Q彈有勁，入口令人愉悅。配料方面，除了豬肉和海苔，還有其他令人驚喜的美味小料，讓整碗拉麵更加豐富多樣。總的來說，這碗日本魚乾豬骨拉麵不僅價格親民，味道也真的非常讚！博多黑蒜油拉麵🍜（$88）若喜愛濃郁口味的拉麵，這碗博多黑蒜油拉麵絕對是絕佳的選擇！黑蒜獨特的香氣和濃厚的油潤口感，讓湯底散發著迷人的風味。加上經典的博多拉麵搭配，面條的口感煥然一新，入口滑爽，令人愛不釋手。每一口都能品味到黑蒜的深度和豐富，讓人感受到料理的巧思。除了湯底和面條的出色表現，豬肉和蔬菜的搭配也相得益彰，讓整碗拉麵更加均衡美味。總括而言，這碗博多黑蒜油拉麵以優雅的風味和豐富的口感贏得了我們的心，絕對是一道不容錯過的美食！

係沙田的一田行完街掃完貨肚有d 餓加上兩腳已無力，隨便見到入面有鳴虎就座低叫碗拉麵頂肚。✡️ 日本魚乾豬骨湯拉麵 ～ 兩片叉燒輕輕燒過入口唔會太肥膩，魚乾豬骨湯底幾濃郁，拉麵係我喜歡煙韌口感唔係軟淋淋。✡️ 博多黑蒜油拉麵 ～ 謙謙點選的黑蒜油湯底多了一份濃濃的黑蒜香， 流心玉子配上叉燒係最好的配搭。🥤 Zero Coke ～ 出面天氣咁熱食碗拉麵，再飲返罐可樂真係好鬼爽。由於今次係買完野快閃，所以冇叫其他小食， 我見身旁的人叫的餃子都幾吸引，下次來再叫先。

鳴虎全港都有好多分店，唔少大商場都有佢嘅足跡，但價錢親民，幾十蚊就食到日本正宗風味。呢間係一田入面既鳴虎位置夠晒方便，有吧枱亦有普通枱凳。🌟蒲燒鰻魚丼 $68三大條鰻魚充滿燒汁，質地軟熟，咬落滲出淡淡魚油香， $68真係超抵食🌟和歌山燒鯖魚丼 $58鯖魚個魚皮燒到好脆，魚肉又好滑，冇乜骨。除咗燒魚同珍珠米，仲有啲椰菜，食落冇咁寡🌟炸蝦 $38兩個主食都食魚，就叫番啲炸嘢開心一下🤣 炸蝦有三條大大條，蝦肉爽口彈牙，炸到係完美嘅金黃色

位於一田foodcourt嘅拉面店，雖然面積唔大，但好有日本拉面店feel.拉面店黎講選擇算多同吸引。週未下午茶時間算少人，好快有位。好快order左個九洲雞白湯鮑魚拉面。濃郁嘅白湯果然出色，仲有兩隻好似廣告圖入面嘅鮑魚，果然真實。拉面爽口彈牙，食完仲想飲埋碗湯，唔錯。另外order左個咖哩吉列豬扒飯。珍珠飯底配上外層酥脆內裏多汁嘅豬排，配上佢嘅咖哩汁，汁入面仲有幾粒牛肉，可見咖哩都係用心之作。最後來了個黑糯米釀雞翼，外表平凡，原來內有乾坤。入面嘅黑糯米香仲有配上白糯米煙韌，真心值得推薦。

呢日喺沙田接朋友收工，心血來潮想食返碗熱辣辣嘅拉麵🍜，腦筋急轉彎，諗起一田超市入面有間🏮鳴虎，立即行動gogogo!!·》九州雞白湯鮑魚拉麵 HKD$98（送飲品）見到有鮑魚梗係要試下喇🤩！兩隻鮑魚size都唔少，有半隻手掌咁大✋🏻，而且好彈牙好厚肉，正呀!! 湯頭幾清澈，麵條仲幾掛湯添💦～·》綠虎 - 四國香蔥油拉麵 HKD$88係海量嘅香蔥🌱，勁香呀真係！湯底好清新，當中更加入四國香蔥油😚，係double嘅濃郁香蔥味道😋，一啲油膩感都冇，個人好喜歡。配菜仲有兩片火炙叉燒、溏心蛋、木耳絲等，yummy👍🏻！·📍鳴虎沙田沙田正街18號新城市廣場3期1樓一田百貨

今日難得準時放工，當然要去沙田逛逛街😆結了婚之後，去得最多就是一田超市，每次都可以行成半個鐘，還要滿載而歸😳經過看見超市內有日本拉麵店，好耐沒吃拉麵的我，當然要幫襯下😆赤虎-特濃辛口拉麵豬骨湯底加上辛味，整碗湯都是鮮紅色，看起來很濃郁，吃起來辣得惹味😋配料有大量木耳絲、香蔥、半熟蛋、火灸叉燒、紫菜等，非常豐富😃黑鳴虎-博多黑蒜油拉麵豬骨湯底加上黑蒜油，吃起來不會油，咸淡適中，香濃惹味😋配料與赤虎一樣，火灸叉燒和半熟蛋都是很有水準，叉燒肉質很軟，溏心蛋熟度掌握得好好，好入味☺️

沙田一田裡有幾間餐廳 平日lunch hour都有不少人光顧在不同地區有分店的鳴虎都在這裡有一席位趁著平日有空 lunchtime來食碗拉麵～蝦味噌豬骨湯拉麵🌸湯底添加了櫻花蝦和味噌 比平日的豬骨湯底多了一絲鹹鮮和層次雖然表面都浮有不少油 但湯底不是那種單單油膩膩的豬骨湯 是有鮮味和令人不口乾的湯頭拉麵對我來說剛好 粗幼適中 有足夠掛湯力材料方面亦很足 有三大片叉燒和原隻溏心蛋芝士魚條拼魚餅另加了一道小食魚條和魚餅很彈牙 咬開芝士餡會爆發出來不過表面有點油最後加上一支津路解膩很飽的一頓午餐

之前喺土瓜灣已經食過一次，今日行沙田見到又再食，原來係一田裏面開咗分店，今次食咗綠虎-四國香蔥油拉麵，鳴虎-日本魚乾豬骨湯拉麵，肉餃子🥟依然係好食又抵食！唔食蔥嘅我係食日本魚乾豬骨湯拉麵，湯頭有好鮮甜嘅魚味，同豬骨香味。麵條比較幼身同埋煙韌，係我鍾意嘅口感，叉燒肥瘦均勻，厚度適中，最鍾意佢嘅溏心蛋，非常入味又夠流心👍🏻肉餃子都係咁足料，餡料非常多，餃子皮煎到好香脆第一次食嘅時候，好想試白松露湯底，但咁啱冇晒，今次諗住可以食到啦，點知又見唔到有，可能係期間限定🥺希望第三次食嘅時候，可以食到啦🥹

去開一田shopping，一於試吓foodcourt裡面間日式拉麵店先～🇯🇵🍜蝦味噌豬骨湯拉麵🦐🍜（$88）蝦味噌湯底濃郁，入口帶豬骨湯香味同蝦味噌嘅鮮甜味，層次豐富～拉麵🍜煮得夠彈牙，配料方面，有兩大片叉燒、溫泉蛋、紫菜同蔥，幾抵食😋日本魚骨豬骨湯拉麵🐟🍜（$88）呢款湯底同蝦味噌豬骨湯拉麵有d不同，有魚骨嘅鮮香同豬骨🐷嘅濃郁～配料同蝦味噌豬骨湯拉麵一樣🍜，整體更清爽🌬️

沙田行一田😆 順便食個飯 見到呢間係角落既🍜拉麵店佢地選擇唔算多 精簡 快捷 都係得10個位 吧台 不是快食冇問題👌叫左碗🍜日本魚乾豬骨湯拉麵 上得快手👍 豬骨湯濃厚 少魚乾味 上面有2大片🐷叉燒 🥚溫泉蛋 大片紙菜 麵身唔會熟到腍曬 加左套餐有一個簡單沙律+可樂～朋友叫左🦐蝦味增骨湯拉麵 上面一堆櫻花蝦炒 蝦味超濃郁 有🤏🏾少少辣 餸一樣有兩片🐷大叉燒 🥚溫泉蛋 大片紙菜 湯底麵係用上豬骨湯 朋友都讚上餐快～趕時間想快食搵麵推薦👍👍

係沙田一田呢間拉麵店真係好鬼香😂今日經過又肚餓忍唔著係度食碗拉麵👍🏼👍🏼真心好ok ! 唔怪得咁多人係度食啦🤭。叫左個期間限定既「黑胡椒豬軟骨拉麵 $108」跟餐仲配餃子3隻同汽水！豬軟骨兩大件，黑胡椒味好濃郁得黎個湯底都好香。欣賞個麵底爽得黎唔係鹼水味個種！好食。。另一碗叫左「四國香蔥油拉麵 $88」呢個蔥味超重！叉燒唔算好厚身但肥瘦分明！湯底更濃郁😍，真心好唔錯！。簡單食一餐，又唔使加一，真係方便又抵食！

🍽️ 鳴虎 📍沙田沙田正街18號新城市廣場3期1樓一田百貨-本身諗住去一田買餸返屋企煮，點知見到一間超抵食餐廳！仲平過自己煮😍😍性價比超高！💫 日本魚乾豬骨湯拉麵-鳴虎（$88）湯頭好濃郁😍😍除咗有濃厚嘅豬骨味，仲有香濃既日式魚乾味道👍🏻👍🏻👍🏻欣賞拉麵口感煙韌彈牙，每一啖都掛曬汁咁😋😋😋男朋友就最鍾意厚切既豚肉，有口感之餘，脂肪同肉嘅比例均衡，食落唔會覺得油膩😚😚😚💫蒲燒鰻魚丼（ $68 ）鰻魚大份又肥美，肉質滑嫩，邊邊有微微嘅焦香‼️重點係佢嘅醬汁味道啱啱好！唔會搶晒鰻魚嘅味，但又能夠另外鰻魚嘅鮮味昇華，超好送飯😍😍廚師仲有落好多飯素🤣🤣🤣每一啖都夠曬味！💫胡麻菠菜（$38）一入口係凍冰冰涼浸浸！超鍾意！雖然碟仔細細，但係份量都唔少🤭🤭菠菜鮮嫩冇苦澀味，食咗拉麵同埋鰻魚飯之後食呢個涼拌菜，帶嚟一陣清新嘅感覺🤩🤩🤩-🌟性價比極高！價錢平得來，分量唔少👍🏻👍🏻👍🏻真係抵過自己煮🌟雖然價錢平，但係食物質素並冇Hea你😋😋😋好味又高質🤌🏻🤌🏻🌟環境裝飾同擺位都好似去咗日本一樣🤣🤣🤣推薦指數：4/5抵食指數：5/5#foodloverin852 #852 #foodie #hongkong#sh

沙田嘅一田入面一直都有唔少嘢食. 鳴虎拉麵位於一田嘅角落位. 比較隱蔽. 但見佢都有唔少人食💁🏻‍♀️相信有佢嘅吸引之處最鍾意湊熱鬧嘅我當然要試吓🍜鳴虎係一款日本魚乾豬骨湯拉麵. 有木耳、紫菜、糖心蛋等魚湯味都幾濃郁. 但唔會完全蓋住個豬個湯味拉麵質地有咬口半肥瘦嘅叉燒炙燒過帶有油香味糖心蛋入味. 有流心蛋汁🍜赤虎- 特濃辛口拉麵濃厚嘅辣味刺激味蕾. 令拉麵提升到另一層次個辣唔會好搶味. 依然飲到豬骨湯味另外都見到有好多唔同款式嘅新推介. 選擇都好多