鳴虎 (新城市廣場三期) (裝修中)

難得沙田一田大減價，梗係要來買下平嘢啦，但血拼完覺得攰都想搵嘢醫下肚，呢度都有幾間舖頭可以揀，咁啱見到鳴虎啲拉麵好似好吸引，我同老公就喺嗰度食lunch啦！呢度都有唔少款式嘅拉麵湯底可以揀，而我就揀咗櫻花蝦湯底，叉燒都幾林，唔會好乾，醃料又OK，味道都算幾唔錯！今日櫻花蝦，都幾惹味幾好食！跟住我哋仲嗌咗黑蒜叉燒拉麵，呢個就冇咁重口味，但味道都唔錯，啱晒唔係咁適合重口味嘅人士，感覺上比較健康啲。因為糖心蛋太好食嘅關係，我哋每人追加左一隻，每隻都係10幾蚊左右，性價比算係幾高，因為隻蛋都真係整得幾好食！舖頭地理位置都幾方便，食完嘢之後仲可以喺一田行街都幾正！不過略嫌呢度座位有少少迫，如果可以寬敞啲會更好

今晚要去超市補給家中物資，見超市入面有幾間小店，就順便同老公食埋個飯先返去🤭我哋揀咗食呢間鳴虎拉麵店🍜因為見久唔久就有人行埋去買😂好似唔錯咁❗️一OP 之下，發現原來佢哋喺香港唔少地方都有其他分店😲而佢哋嘅非一田分店仲每星期都會推出唔同款式嘅「特價外賣日式丼配飲品」🌟價錢超抵❗️❗️賣$38咋～但供應時間只限星期一至星期五(公衆假期除外)嘅外賣自取～有興趣就要留意番喇💕🥢黑胡椒豬軟骨拉麵 $108揀呢款拉麵嘅主要原因喺呢個拉麵仲會送三隻餃子➕汽水，變相係超級抵食🤭第一啖入口真係有被驚艷到🫢黑胡椒味清香而不太辣，同濃郁嘅豬軟骨湯味不謀而合😎豬軟骨香軟入味且有口感💕拉麵麵條細軟又掛湯🥰呢碗拉麵嘅質素真係好高🌟🌟🌟餃子雖然冇配餃子汁，但入口好香脆🤩肉餡料好飽滿☺️食落香口唔油膩，仲帶輕微嘅薑味😌不錯哦🥰蝦味噌豬骨湯拉麵 $88呢款拉麵配有兩片厚薄適中嘅日式叉燒❗️湯底濃郁而不油膩👍🏻最正係個溏心蛋🤩生熟剛好，口感同味道都一流😋

原來沙田新城市廣場的一田百貨內，有一間鳴虎拉麵店，提供湯拉麵、丼飯及小食。黑鳴虎 $88博多黑蒜油拉麵湯底的黑蒜味適中，溫和，唔會太嗆日式叉燒，經過輕微灸燒後多一分油脂香，入口軟潤而不膩幼身拉麵，掛湯，口感爽身鳴海老 $88蝦味噌豬骨湯拉麵，以豬骨湯底base，再加入蝦、味噌、打成粉狀的櫻花蝦乾等蝦湯入口鮮香，濃稠度適中日式叉燒，經過輕微灸燒後多一分油脂香，入口軟潤而不膩幼身拉麵，掛湯，口感爽身(追加) 加麵 $12汽水 / 當日特選飲品 $12🔥有限時推廣！凡惠顧任何主食可以優惠價$12換購當日特選飲品壹支我換購了支裝烏龍茶🔥其他分店亦有推出優惠每週推出不同款式，只售$38 的「特價外賣日式丼配飲品」供應時間：星期一至星期五(公衆假期除外)只限外賣自取⚠所有一田分店不參與此優惠⚠_______________鳴虎 (新城市廣場) (沙田)沙田沙田正街18號新城市廣場3期1樓一田百貨_______________

原來喺新城市廣場都有鳴虎拉麵嘅分店喺一田買完零食，食返碗拉麵係唔錯嘅選擇雖然店舖坐位唔算好多，亦坐滿食客但店員好有效率，落單後好快有得食✨黑胡椒豬軟骨拉麵試咗呢款得沙田限定嘅口味加入黑胡椒嘅湯底，味道好濃郁配上軟腍嘅豬肉骨，大件又厚肉但係唔會太油，味道好正食完唔會口渴，一試愛上✨鳴虎拉麵加入滑嘟嘟嘅溏心蛋配上爽彈嘅麵質將紫菜浸入湯底之中，索哂味好好食✨餃子餃子外皮香脆裡面包著飽滿嘅餡料肉汁豐富食完飲返支綠茶中和一下，完美

今日去開沙田，去咗新城市廣場一田嘅日式餐廳「鳴虎」食嘢，食到好滿足。佢哋有一個期間限定嘅北海道蟹肉冷麵，送汽水同餃子，感覺挺物超所值。個麵條好彈牙，湯汁鮮甜，蟹肉新鮮，仲有啲蕎麥麵條，幾特別嘅口感。另外我加咗佢哋嘅TEA SALAD SET，有沙律同飲品，好啱解渴同埋幾健康。最後，我都叫咗個炸雞小食，好香脆，啖啖都係肉汁。 整體嚟講，「鳴虎」嘅食物好新鮮，價錢抵食，food court 都有足夠嘅座位，服務都好好，令我好有家嘢嘅感覺。下次再黎一定會再叫佢哋嘅嘢食！

-鳴虎-@沙田.落雨的天氣帶點涼，令人特別想食拉麵。剛好逛一田時發現原來地下有間拉麵店，以自助形式點餐取餐；室內座位係Bar Table咁，仲有室外座位以供食客選擇。.鳴虎除左拉麵外，還有幾款丼飯同小食。.赤虎 特濃辛口拉麵 ($98)拉麵有5款選擇，試左赤虎特濃辛口拉麵。.湯底係濃厚的豬骨湯，口感很稠很滑。辛口湯底唔係太辣，更提起豬骨湯的鮮味。.麵條偏幼身，軟硬適中，不過稍嫌缺少嚼勁口感。.叉燒都好大片，肥瘦適中所以咬落都夠Juicy。加上外層稍稍燒至焦香，令叉燒味道更多層次。.和歌山汁燒鯖魚丼 ($58)因為想配埋辛口湯底食，所以點了一個飯。.鯖魚丼份量都不少。鯖魚以汁燒至入味，外層金黃香口，咬落仲有少許油香味。加埋新鮮椰菜，送飯一流。.芝麻雞翼 ($48)寶寶激讚的雞翼。外層炸得金黃，超級香脆但完全沒有油膩油。.雞翼醃得好入味，咬開雞肉好滑身，仲好Juicy滿滿肉汁。必點小食。.鰹魚汁浸菠菜 ($38)簡簡單單以鰹魚湯煮起的菠菜，毋須特別調味就已經好好食。鰹魚汁無蓋過菠菜的清香，而且口感好嫩，食完又唔會覺得鞋口。.

難得放工同屋企人行沙田一田，順便食飯，每次路過見到鳴虎都想嗜下鮮，今次可以同屋企人一齊食😋鳴海老 $88蝦味濃而無蓋過豬骨湯底，叉燒燒得金黃又淋身，配上濃郁豐富口感的湯底，令每啖麵都係精華。北海道蟹肉冷麵 $108呢個冷麵好抵食，仲會送炸餃子3隻同送汽水，性價比好高。最緊要係份量大又美味。夏天吃上一大碗美味冷麵，真係好爽透心涼！蟹肉、蟹籽、蟹柳三樣具全，加上秘製的冷麵醬汁，根本停唔到口，勁快就食到見底😝配上熱辣辣、啖啖似的炸餃子，真心滿足！

沙田一田超市入面，其實隱藏咗唔少美食店。 鳴虎 拉麵位於超市最入嘅位置，除咗可以坐食店專屬座位之外，亦可以隨意坐food court座位，但記得食完需要乖乖自行收拾🫶 🔅黑胡椒豬軟骨拉麵套餐 (配3隻餃子及飲品) $108 套餐包小食餃子同飲品，價格優惠。濃湯輕輕帶黑胡椒味道，減少膩滯感覺。豬軟骨甜甜軟軟；三隻餃子外層脆卜卜，內裡依舊保留肉汁 🔅博多黑蒜油拉麵 $88 拉麵蒜香味十足，兩片圓圓嘅叉燒，半肥瘦，入口軟嫩；溏心蛋蛋黃香濃，不過稍為唔夠流心

漫無目的哋喺沙田行下超市行下舖頭，喺某個角落頭就見到鳴虎拉麵，諗起早排個電視節目就話啲員工一日由朝到晚食拉麵都食唔厭，我就唔可以喇，但係，一個禮拜一至兩次拉麵都好正常嘅，亦都係必須，咁呢日必須係佢。呢期既“期間限定”係“北海道蟹肉冷麵”同埋“黑胡椒豬軟骨拉麵” ，由於朋友嗌咗“日本魚乾豬骨湯拉麵”，咁我就試下冷麵啦，見到有🦀肉，蟹柳，魚子，材料都夠豐富，同埋個麻醬係分開㗎，可以自己調教，好好吖👍👍至於朋友個拉麵，有两大片叉燒，又有個非常流心的溏心蛋，同埋濃郁嘅湯底，都係好味之選。

今日去左試沙田一田百貨入面既鳴虎，Order左一碗綠虎(四國香蔥油拉麵)同一碗嗚虎(日本魚乾豬骨湯拉麵)，兩款拉麵都有佢特色，好令人驚喜！“綠虎” 好清新，湯底唔會太油膩，好香好滑，麵條口感好，彈牙有嚼勁，同湯底嘅搭配啱啱好，加埋半熟嘅溏心蛋、叉燒、海苔等等，真係好滿足。整碗拉麵嘅味道非常平衡，唔會太過濃郁!嗚虎就有啲唔同，湯底非常濃郁，豬骨同魚乾嘅味道融合得非常好味道好豐富。叉燒非常嫩滑，非常入味，整個湯底都有一種深厚既口感，非常適合喜歡濃郁口味既人。同樣，麵條口感好好，令人回味無窮。 總括而言，鳴虎嘅拉麵幾出色，兩款拉麵都有佢自己獨特既風味，湯底豐富而不過分油膩，麵條口感好，配搭得非常恰到好處。如果你喜歡清新口味，綠虎係一個好選擇；如果你喜歡濃郁口味，嗚虎呢碗就真係好正！另外Order 開拉麵可以+$15 配沙律及汽水! 值得一試！

今晩約咗朋友去沙田行吓，行到一田，見到呢間拉麵店，就一齊坐低試吓。呢度地方雖然唔大，不過就自成一角，坐得都幾舒服。🌼蝦味噌豬骨湯拉麵🍜 $88蝦味噌豬骨湯拉麵結合咗豬骨湯同蝦味噌嘅拉麵，湯底濃郁，香味四溢。义燒入味，流心溫泉蛋好正，提高整體嘅口感。🤩🌼 和歌山汁燒鯖魚井🍱 $58燒鯖魚配和歌山汁，淡淡嘅甜味同柿子嘅風味，搭配燒鯖魚好美味。😋🌼 龍蝦沙律 $38龍蝦肉同蔬菜混合而成嘅沙律，搭配紫菜一齊食，唔錯呀。

Weekend 我同朋友去咗沙田嘅一田超市，見附近有一間日式拉麵，有好多人去食，我哋一齊去試吓😊．佢哋嘅蝦味噌豬骨湯拉麵，啲豬骨湯底好濃郁，加埋蝦味同埋噌味，幾濃味但唔會太咸，配埋啲Q彈嘅拉麵，真係一流！我朋友飲晒佢哋啲湯😋．如果你唔係咁鍾意太濃郁嘅湯底，可以試下佢哋嘅四國香葱油拉麵。兩大塊豚肉好滑好入味，啲拉麵好有口感有彈力，香葱味都幾足夠，又唔會太油膩，味道好平衡，湯底熱度十足🍜．煎餃亦十分不足，煎得啱啱好，皮薄餡多，啲肉汁都好鮮美，口感十足。．總括而言，呢間拉麵餐廳真係好正，食物質素高，同埋價錢都好實惠，如果你係沙田附近，一定要去試下啦！

行完一田又係時間醫下肚仔，見到間應該開左唔係好耐嘅拉麵店，就試試佢先🤤綠虎 (四國香蔥油拉麵）係用左四國蔥油加落豬骨湯既拉面，面係偏幼，口感同味道都唔錯。豬骨湯屬偏濃味，中意濃湯嘅朋友係一個好既選擇👍🏻。再加上好多木耳絲，為碗面帶來口感上嘅提升 。有一隻糖心蛋，叉燒有火炙過，肥瘦適中。北海道蟹肉冷面有驚喜！🤩 首先醬分開上，份量可以自己控制。自己本身覺得麻醬嘅食物都會有少少膩，但佢哋嘅麻醬有調制過，有柚子🍊嘅清香，食晒成碗都唔會濟。除左蟹肉同仲有蟹子同蟹柳，不錯😋 呢加叫期間限定：1. 北海道蟹肉冷面2. 黑胡椒豚軟骨拉麵仲送日式餃子 🥟x3 同 飲品 🥤

行經沙田新城市一田裡面見到呢間新開的鳴虎拉麵，見行到攰就入去食碗拉麵補充元氣！是日晚餐一人一碗拉麵唔駛爭🤣.🍜日本魚乾豬骨湯拉麵此拉麵既湯頭十分鮮味！香而不腥！原來用上四種鮮魚加秘製豬骨湯底熬煮，呈現東京地道風味🇯🇵重點是唔會勁咸唔會口乾👍🏻兩大片灸燒叉燒同溏心蛋，好完滿！.🍜博多黑蒜油拉麵湯頭特別配上濃厚的黑蒜油調味，味道香濃又惹味，充滿鹹香又帶蒜頭回甘的甜，層次很豐富！同樣配上兩大片灸燒叉燒同溏心蛋，好好味😋.環境不大，主要座位是吧枱，反而幾有日本拉麵小店既地道風味👍🏻

這間連鎖的拉麵舖遍佈港九新界，但這間位於沙田新城市廣場三期的舖頭就真係好多人去食。想去嘅人就要記得佢位置真係喺一田超市入邊，位置又方便，啱晒我哋呢啲打工仔。佢哋有唔同味道嘅豬骨湯拉麵，我就揀咗最貴嘅特濃辛口拉麵。由於係辛口，即係比較辣。入邊有兩大塊豚肉，食落鬆軟入味。湯底有好濃郁嘅豬骨煲過嘅湯，仲加入咗溫泉蛋，去整碗麵嘅感覺提升咗好多。其實餐廳仲有幾款豚肉拉麵都好想試，仲有其他小食都好吸引，例如餃子、雞翼，下次試下