鴻圖樓

营业中

休息中

星期日的中午同朋友去飲茶雖然位於工廠區但人流都算多，食物質素幾好的👍🏻但係我地13:05 落咗7款點心，入單只有5款…😔等咗大半個鐘出得四款點心個鳳爪追咗兩次都冇出比我地都未試過四個人食但枱面得四款點心 埋單仲平過M記😰😰等咗1個半鐘 想食都唔想食 最後就取消咗了😂難得星期日放假 就浪費咗成粒鐘等食飯…服務質素同出餐時間真的有待改善…… 😅😅🙏🏻

今日返工經過觀塘搵來搵去都唔知有咩好食跟住見到路口有間餐廳個名好有霸氣叫鴻圖樓所以一於去試吓入到去嗰時五點幾下午茶又未到晚巿時間有啲尷尬 唔知有咩好叫諗住食燒味比較穩陣估唔到都有啲伏餐牌如上已經無叫下午茶餐 驚佢份量好少 唔夠飽以為會好穩陣 點知叫貴嗰個餐原來份量都係少得驚人如果以成人食量來計一定唔夠飽其實成隻碟好的骰我Zoom 埋左影好似好大碟咁飯量得半碗 而且仲要凍 有少少硬生米好似唔係飯煲𢳂出嚟咁叉燒不過不失 唔係半肥瘦係全瘦肉 有少少燶邊不過接受到燒肉就麻麻 皮唔脆 死鹹又係好似擺咗好耐咁整體來講好唔抵死服務又麻麻 環境又唔乾淨張枱黐立立 都唔抹唔會回頭再幫襯囉

(自費食評) OK好味的點心特色煲仔飯系列：鳳爪排骨飯 $45即叫即製，需時大約15分鐘至20分鐘。這個煲仔飯適合2人至3人一起享用。因為份量比較大，而且又非常足料。它的味道十分美味，飯造到很乾身，不會太濕或太淋不過沒有飯焦(特) 原隻鮮蝦腸。傳統酒樓的賣相。它的鮮蝦十分大隻，腸粉皮也不會太粗皮，吃得過(頂) 上湯銀針粉拼水餃有四粒大大的水餃，銀針粉也足料，也很滑身。水餃皮薄足料懷舊仿翅餃。懷舊點心，現在很少酒樓有了。美味不錯。(頂) 至尊蝦餃皇，大大粒內含十分足料的蝦肉，十分有咬口，正黑松露小籠包。麻麻地，太厚皮，太粗皮，不太濃黑松露味

10月23日星期日，揾食肥華諗住在工廠區内嘅呢間酒楼飲早茶會有一個較寧静的環境可以同靚媽嘆番個假日早茶，但事與願違此酒楼在假日嘅早市，原來係高朋滿座，客似雲來顧客必須要自行揾位及與其他茶客搭枱共食，而此店楼面員工亦有人手不足情況，肥華和靚媽揾到座位坐低後大約十多分鍾才有侍應幫你擺位，開咭及開茶幸好此店嘅食物質素可說不俗，雖没有評價特高的食物但整體都有B級水評，更有七八十年代屋村茶楼味道，令肥華和靚媽都有兒時食物感覺，可惜此店嘅衛生環境亦與當年屋村茶楼不遑多讓，肥華和靚媽應該唔會再光顧嘞

平時lunch呢到都好多人等外賣。因為都有好多款既選擇，而且夠快。曾經試過lunch既蒸肉餅係幾好食的。而家收工已經無堂食為方便快捷，又黎左鴻圖樓叫左個三餸飯供應時間 18:00-20:30pm三餸飯 $48四餸飯 $51有湯或飲品乾扁四季豆蒸肉餅，用汁撈飯係最正生炒骨, 但酸酸甜甜，幾好味份量都足夠，同埋味道都唔錯。款式仲有其他餸，有蒸水蛋，炒蓮藕，燒肉炒菜心，炒苦瓜等等，加加埋埋都有12款餸左右。👍🏻👍🏻👍🏻

見啲人呢排成日分享好多唔同嘅多國菜皆因冇得去旅行但係食完一排之後發覺其實港式菜始終最合自己口味呢日去到觀塘就決定去鴻圖樓點一份情懷燒鵝燒肉飯鵝汁一咬就流晒入嘴🤤皮嘅肉汁鎖緊係肉質裡面相當之入味燒肉外皮香脆 調味不會太鹹外脆內軟好有層次叉燒油雞飯雞肉嫩滑無比做到皮香肉嫩嘅誘惑口感叉燒切得厚而不柴半肥瘦程度剛剛好些微燶邊香脆可口如果你都為咗今晚食乜而煩惱不妨一試鴻圖樓尤其是燒味飯那種香港味道獨一份，絕對無二

收工堂食時段已過，晚餐冇咩idea可以煮D嘜，索性外帶個燒味飯最快捷實際，近近地去附近既鴻圖樓。燒味飯雙併夠豐富，一份叫燻蹄併燒肉，另一份叫切雞併燒鴨，回家共享交換餸食，變成我的夢幻四併燒味組合切雞肉質鮮嫩，唔會斬得太細件多碎骨，撈下葱油薑蓉食開胃晒！燒鴨皮脂肪唔算特別厚，仲幾油亮，連皮食有D油香感先至最好味，送一口飯充滿正能量夾片燻蹄肉送甜豉油飯食，外皮晶瑩軟滑，切件size夠均一，中心位幾煙韌又夠咸香。香脆燒肉冇得彈，金黃爆脆既皮層，加埋夾層軟綿脂肪，超好味

因為得半個鐘頭食飯，是但到公司附近買盒叉燒飯速食。有成年冇幫趁過，記憶好似都可以。到叫我張飛咁我去拎啦，同個阿姐講，唔該俾D薑蔥容。個阿姐回我話 ，又唔早講我冚咗個盒你先講！喂，第一你唔叫冧吧我點知盒飯係我㗎，第二我又點知你冇外賣薑容兜，要打返開個盒筆入去呀？筆羮薑都好似好大工程重要俾說話客聽，係今時今日做飲食真係趕客。返到公司打開盒飯食咗兩啖就掉咗，應該係我食過最乾最柴最冇味叉燒。唔知係咪轉左手，冇下次。

昨天幫襯外賣，發現管理層及樓面轉了新面孔，又有個着晒新潮西裝嘅老細打於里一齊，心想這間酒樓有新氣象。等了一個鐘頭，仍然未有攞到外賣，跟住要求取消攞返錢，一句對不起都聽不到，收銀：「先生，我己經入咗機，我點樣幫你取消張單啊？」我覺得他都說得對，因為入了機，是不可能reset的。而且等了一個鐘頭不是什麼大問題。同時也見到很多客人在等食物，零晒頭。我也不明白，有了新面孔，又有新的點心紙，客人為什麼會不喜歡呢？當時我冇選擇，因為已經沒有時間在等候，我也不想令到酒樓難做唯有轉身離開。在這裏特此說一聲對不起酒樓。白白賺了我$200 ，這間酒樓一定會賺很多錢。

觀塘有一座鴻圖樓🏠，地下嗰層係茶餐廳，二樓係酒樓，3樓就打麻雀🀄️。我哋就去咗酒樓嗰層食下點心，除咗點心仲有唔同嘅嘢食，我哋叫咗個雙拼，有白切雞同叉燒，點心叫咗燒賣同蝦餃🥟，仲有個大臘糯米飯🍚。幾樣野整體來講都唔錯，食得飽之餘，兩個人只係百五蚊左右，相當抵食。個蝦餃幾好食，但啲皮就略為有啲厚身，糯米飯幾大碟，臘腸味幾濃。服務員嘅態度都好好，雖然安排有少少混亂。地方又夠大，坐得舒服，當日中午去食都算多人👌。

收工好夜 喺附近是但搵啲嘢食🥲所以就入咗呢間茶記度搵嘢食 入邊都有好多唔同種類 有小菜有打邊爐 🤩我哋好頹好攰所以就是但叫咗個快餐 快快食完返屋企😪😪- 咖喱牛腩飯 $55 + $8 老火湯好多舊牛腩 牛腩煮到好林咖喱汁好香濃 如果加多幾條菜會更正 🤤個例湯好大碗 ！ 好夠味 唔會太咸 今日嗰個應該係 眉豆花生蓮藕豬展湯 - 傳統臘味飯 $49 + $3 凍檸茶入邊應該有 臘腸 潤腸 臘鴨髀 臘肉 超多臘味🤣分量超多 好充料 簡直係大分夾抵食🤩

話說我係觀塘返工都返左好多年，每日食lunch 都會煩食咩好，今晚經開觀塘路過呢間我流下不少腳毛既餐廳，我曾經早、午、晚都係食佢！早餐買點心食，中午食三餸飯，夜晚食燒尾飯😂😂😂貪佢平、靚.正！今晚經過唔餓都食個飯懷念下😂最緊要懷念佢杯凍奶茶，茶香夠滑👍🏻，味道唔錯我叫左我最愛我燒尾飯，燒鴨併燒肉，燒肉皮冇得輸，脆卜卜另外叫左個枝竹炆羊腩飯，一人份量黎講都唔算少，起碼6、7舊羊肉，又有東菇，枝竹，馬蹄，抵食

有間茶餐廳 之前去counter 比錢啦 佢會叫我自己去水吧比飛啦 但係個水吧佬倒完落紙杯度唔會幫我蓋蓋 唔會比膠袋糖匙羹我要自己整既跟住要再行去點心嗰邊俾飛咁今次我就再行去counter度俾錢佢就叫我出門口直接比點心counter（次次做法都唔同）跟住我就行出去啦 同佢講要早餐叉燒腸 然後佢話嗰個唔係早餐 我話你寫住早市外賣點心套餐咁都唔係早餐？ 跟住佢話咁你食乜嘢 我就話咪講咗叉燒腸（好大聲 因為真係嬲）佢就話 得啦得啦得啦然後明明係收$25蚊 我比$26佢就收晒我26 我問佢係熱飲加錢？佢話係要收26 跟住我睇到張單 24加1 外賣 我就行去拎點心嗰邊唔該下次呢張單寫清寫楚 25蚊收人26蚊都話明係外賣點心套餐 都要額外加一蚊盒錢🙄🙄🙄🙄🙄😯😯😯

12-11-2021 上星期五約了朋友吃飯，點了幾個小茶，其中一個小茶是他們推廣的蒸蝦，海報推為大約有半斤。但上到碟只有果幾隻。我朋友心裡滿不是味兒就向經理質問這碟是什麼問題，經理就說：這個推廣的是為一份。但朋友用手指海報上為半斤一份。經理就賴皮說，和你取消這張訂單，和補充一句，你唔食大把人會食。心聽到一偏怒火。跟本就是不符合商標條例，他海報指明是半斤，出來是數隻一你，認真講一句上不到抬。還有叫的其它小菜，其中一個燒臘拼盤…像餸頭餸尾！做生意不是這樣做！左呃又騙！離譜！

一家人食飯，分咗兩枱坐，所以有迷你版乳豬，乳豬皮好脆，雖然有啲肥芝士澳洲龍蝦伊麵，龍蝦好甜，熱辣辣好食，最重要喺龍蝦差唔多算係拆晒肉，舊肉好容易食😌😌😌😋😋😋炒西芹唔會好咸，但帶子有啲假蒸蟹鉗代替炸蟹鉗，係健康啲，不過冇咁好食個翅有啲咸條魚就蒸得好，好爽滑！鮑魚唔算大隻，稔稔怪怪的，不好吃；鵝掌可以，入味炸子雞個外貌好得，皮薄，好脆👍🏻👍🏻👍🏻加唔到張相，另外上載炒飯OK，起碼乾先，粒粒分明，但係啲蝦好細隻好搞笑黃金糕唔係好甜，薑汁糕煙煙韌韌紅豆沙冇陳皮味，啱我😛生果好靚好甜🥰呢間每碟份量都好大好足，以前都嚟過遲啲有機會再影過大大碟嘅俾大家睇☺️☺️