鴻圖樓

营业中

休息中

今日放假同屋企黎觀塘鴻圖樓飲茶，整體點心都幾好食，唔會太鹹，無咩味精，適合家人同朋友來聚餐。蟹子燒賣皇：果然係燒賣皇，大大粒，咬落肉質彈牙，好鮮甜。四寶滑雞扎：魚肚索晒d精華，軟綿口感，好鮮甜。懷舊牛肉飯：牛肉份量好足，一d都唔吝嗇，仲搭多兩條菜同一隻煎蛋添。蜜汁叉腸粉：腸粉皮做得好薄，煙煙韌韌，入面既叉燒嫩口，口感豐富。蜜汁叉燒包：叉燒包入面既叉燒好足料，熱辣辣，口感軟綿。🔎鴻圖樓 (觀塘)📍觀塘鴻圖道30號1-2樓

每逢經過牛頭角，就會比一幢樓高5層嘅紅色建築吸引眼球，知道喺一樓有間歷史悠久嘅酒樓，今晚家庭聚會一於同屋企人去呢間咁有懷舊氣氛嘅酒樓食晚飯🥢極品叉燒皇 呢間叉燒絕對喺被低估😍叉燒微微燶邊，肉味濃郁，唔會過肥得黎肉質好軟腍，啖啖肉唔多肥膏，味道又甜又咸，口感比得上坊間好多名店香芒明蝦球蝦球size大大隻，口感彈牙有鮮味，炸過卜卜脆嘅外皮包裹著，再淋上甜甜酸酸嘅芒果醬汁，非常開胃🥭椒鹽鮮魷鑊氣十足，炸蒜香氣未食已經聞到，炸粉薄身，咬落唔會成口粉，鮮魷Q彈，香口又惹味🦑咸酸菜炒大腸 重口味之選😈咸酸菜同大腸嘅修量極多，集咸、酸、爽於一身，豬大腸口感爽嫩，唔會過韌咬極咬唔開，而且冇豬臭味，加埋咸酸菜炒令味道極香口金沙海皇豆腐 每粒豆腐都佈滿咸蛋黃醬，豆腐軟滑，而且味道唔會太咸，撈飯一流

觀塘好多間餐廳都食過，今晚就同屋企人試下呢間充滿懷舊特色，價錢又親民的中菜廳食晚餐。🦐香芒明蝦球$168共有8大隻蝦，每隻都好大隻，炸粉好薄，肉質彈牙，做到外脆內嫩，連埋酸酸甜甜的芒果汁好清新開胃。🐷蜜汁叉燒皇$88叉燒顏色好靚，厚薄切得岩岩好，肥瘦均勻，入口油脂甘香，咬落去蜜汁味滿滿，表面燒得微焦皮脆，但完全唔會鞋口，亦冇筋位，肉質彈牙軟腍，意外驚喜，下次黎一定會再叫。🐷客家酸菜大腸$88經典客家小菜，做到鹹、香、肥並存，大腸清潔好乾淨，咬落有肉汁，有質感層次，脂香味濃，同酸菜好夾，一齊食唔會覺得油膩，送飯一流。🍲金沙海皇豆腐$88豆腐煲內有新鮮蝦粒、帶子、菜芯片等，同嫩滑豆腐一同蝦咸蛋黃醬包圍，一同入口口感豐富，而且唔經油炸比較健康。🦑椒鹽鮮魷$88份量好多，椒鹽味夠出之餘又唔會過咸，外脆內軟，魷魚本身已經有鮮味，食落彈牙爽口。📌鴻圖樓地址：觀塘鴻圖道30號1-2樓評語食物性價比高店員友善環境夠哂香港地道特色🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinh

煎釀青尖椒有5大件即叫即煎釀魚肉份量足肉質有咬口鬆化叉燒酥酥皮超薄！一咬開酥皮會跟住鬆開超鬆化加埋香香甜甜叉燒餡好食！至尊蝦餃王一份4粒超級推薦！入邊至少2-4隻原隻蝦肉超足料勁大粒仲要皮好薄肉眼都已經望到啲蝦肉黑椒牛柏葉辛辣帶鮮味牛柏葉爽彈黃金蒸土魷Curry味好惹味土魷份量都好多芋頭入味食落粉感🥰鴻圖燒乳鴿即叫即整鮮嫩多汁鍾意食乳鴿唔會失望！款式多場地超大相對等位唔使等太係平時同屋企人飲茶好去處

呢棟咁有特色嘅酒樓次次行過，離遠都會見到。但係一次都無去過，今次有機會啦～ 原來呢棟樓係分三層，地下係茶餐廳，一樓係酒樓，二樓係鵲會，三樓竟然係日本料理😮 今次就去咗一樓酒樓，係舊式嘅酒樓，員工都係上咗年紀嘅叔叔呀姨，好有舊香港風味！食嘅途中仲見到因為隔離訂咗枱嘅上緊菜，務求佢哋嚟到即刻有得食，真係好有效率～🔻鴻圖燒鵝皇 $148好矜貴嘅燒鵝！仲附上咗甜酸汁～ 燒鵝唔會剩係得瘦肉，肥肉軟腍有咬口～🔻准香生海蝦 $98聽講係拎過獎～ 一碟六隻，啖啖都係肉，真係要手快過朋友先至有得食～🔻艇王酸菜魚 $168 食辣嘅一定要叫！我叫咗無辣但都辣到飛起～ 薯粉仲要索晒汁，嗜辣嘅一定勁鍾意！🔻晚飯茗茶 $13有唔同嘅茶可以嗌，坐低就會開茶俾你㗎啦～如果大家有興趣去一間咁有特色外牆嘅酒食飯，錦繡老舊香港酒樓氣氛，鴻圖樓係你不二之選～𓆝𓆟𓆜𓆞𓆝𓆟𓆜
🍴 鴻圖樓📍觀塘鴻圖道30號——————————————————
👀 Follow @ahmoon.tt
👍 comment｜share ｜like ｜save
💬 DM for collaborations

 #FoodieParadise #Food

🫖鴻圖樓 (觀塘)📍今次嚟到呢間外觀超有特色嘅餐廳⛩️，之後經過嘅時間已經好想試啦，今次終於有機會😍！一入到去就feel到好warm🫶🏻，啲夥計全部都好熱情咁樣招呼，感覺上係做街坊生意多，因為見佢同啲客都喺度不斷吹水👨‍👩‍👧‍👧，超有人情味。🍴生汁明蝦球 $168 類似炸完蝦球之後🦐，再兜沙律醬嘅物體🥗。重點係啲蝦都好大隻，彈牙，而且就算兜咗醬都仲係好脆✨。🍴水煮安格斯牛柳粒 $168 呢一個好有趣，平時係食開水煮牛肉片🥩，但呢一個係牛柳粒，保持到口感之源，仲食到好濃嘅牛味🐮，唔會比水煮味搶走晒，但同時亦會食到辣味🌶️。而且除咗牛柳粒之外，仲有麵、木耳、芽菜等等喺入邊🍝，最神奇嘅係🪄，啲牛柳粒食極都仲😂。🍴五柳王立倉 $148呢一個條魚亦都係炸到好脆⚡️，配埋酸酸甜甜嘅醬🥫，同五柳，除咗增加口感之外，視覺上都colourful咗好多🌈。🍴茗茶 $13啲夥計真係好warm❤️‍🔥，我哋食完準備走嘅時候，有個夥計行咗過嚟，見我哋啲水飲晒🫖，打算幫我哋加。我哋話唔使，準備走，佢話：「飲啖熱茶，暖吓個身先走啦，唔使咁急。」好耐冇試過啲餐廳，唔係想你快快脆食完，趕人走了🥹。🍴糕點真係好frie

鴻圖樓地址: 觀塘鴻圖道30號1-2樓星期日經過觀塘，被一座顏色獨特的建築物吸引，原來是重新裝修的鴻圖樓，知道它歷史悠久，時值下午茶時間，但都座無虛席，水準應該不錯。點了以下點心，即叫即蒸，上枱全部熱辣辣，新鮮好味！ ⭐️至專虾餃皇，非常飽滿，皮薄陷靚，蝦夠彈牙。⭐️蟹籽燒賣皇，超大粒，非常足料，豬肉肥瘦均勻，肉鮮，十分有咬口。⭐️懷舊鴛鴦札，一碟有齊雞札及鴨腳札，雙重享受，雞札內有少見的豬肚，雞肉鮮嫩，豬肚爽口。鴨腳札內的芋頭粉腍，入口即溶，腐皮吸d哂汁，非常入味。⭐️潮州粉果，皮夠薄，豬肉有鲜味，沙葛粒夠爽，花生肉碎虾米好香口。⭐️馬拉糕，經典的懷舊點心，質地軟綿綿，鬆軟而有彈性，不會過於甜膩，不粘牙，有紮實的口感。⭐️竹炭奶黃流沙包，一種創新的中式點心，麵粉加入食用竹炭粉末，外皮呈現出黑色，再刷上小許食用金粉，外型獨特，包皮鬆軟有彈性，趁熱咬下，綿密細膩的流沙流出，水準之作。整體來說，這裏點心種類繁多，價錢合理，員工服務有禮，值得再訪！

近港鐵牛頭角站B6出口步行約6分鐘香港特色餐廳，地下係茶餐廳、1樓係一間酒樓、2樓係喜鵲會（鵲局套餐，獨立房間），3樓係食日本食物。🎉🎊非常多樣化選擇。今日朋友介紹嚟鴻圖樓1樓鴻圖宴會廳酒家食小菜晚飯 。✅鴻圖燒鵝皇招牌菜必叫的選擇。👍👍👍👍👍果然好好味👍👍👍👍👍✅咕嚕雞蝦球蝦球大大隻，有6大隻鮮蝦及雞肉，口感鮮嫩彈牙，甜甜酸酸非常開胃。✅海皇生菜包蝦粒、肉碎、芹菜，蔥。配上新鮮的生菜。✅飯後還送了綠豆沙甜品。😀呢間特色酒樓 ，價錢唔係好貴，最緊要味道好👍侍應幾好招呼😃

屋企長輩結婚周年，佢哋鍾意食中餐，所以帶佢哋嚟呢間充滿懷舊氣氛的酒樓食飯，雖然外面裝修懷舊，但裏面其實好新淨，洗手間重新裝修，乾淨企理。食物方面好有驚喜😋😋姬松茸螺頭燉竹絲雞 師傅話已經燉咗四個鐘，非常出味，沒有味精，湯水一啲都唔肥膩，充滿螺頭同姬松茸嘅鮮甜味，回味無窮😋😋原隻焗上湯越南虎蝦伊麵底啲蝦超大隻，又爽又多膏五柳沙巴仔條魚炸得好，外皮脆，魚肉嫩，撈埋酸酸甜甜嘅汁一齊食，超級開胃粟米新鮮斑塊真係一塊塊都厚切斑塊，唔係茶餐廳嘅魚柳，特別在粟米汁係另上，自己點，讓脆卜卜斑塊保持香脆，非常細心，對食物好有誠意鮮雜果蝦多士香脆多士，上面鋪滿厚厚的蝦滑，仲有一隻蝦，真係哈哈哈多士鮮雜果沙律裏面有椰果，我鍾意😋😋蜜汁叉燒叉燒好鬆軟，肥瘦適中，好食🤤🤤我哋6:00去到，有得揀位，但之後不斷有食客入場，開始座無虛席👍🏻

成日經開觀塘都見到呢座古色古香嘅酒樓, 佢下低茶餐廳上面就酒樓, 今次想嘆下茶, 估唔到真係平靚正 , 茶位都係六蚊個, 普遍點心都係廿零蚊, 真係平過外賣, 同埋食物有質素, 大大碟, 你睇啲蝦餃大粒度塞滿曬蝦, 啲蛋散 兩個人邊食得曬🤣 蛋散鬆化, 入口即溶,真係童年回憶, 好食！ 連鴛鴦 札都札得大大舊, 有鳳爪, 大大舊雞肉,豬肚 , 豬皮, 火腿, 唔係講笑真材實料! 香芋燒腩卷都好特別, 舊燒腩 大大舊 , 厚切, 食落去口感一流! 珍珠雞 裏面都多材料, 唔會淨係一嚿飯加汁, 家鄉煎薄撐 廿零蚊 真係好過真係好過喺屋企自己煎 !

🍱餐廳：鴻圖樓🏫地址：九龍觀塘鴻圖道30號1-2樓☎️：23435122成日同老公去觀塘海濱長廊散步就會經過呢度，今晚終於嚟試吓，又係觀塘區不錯的選擇，下面呢幾樣小菜都幾好味呀！～茄汁大虎蝦大虎蝦的肉質鮮嫩彈牙，與茄汁的風味完美融合，帶來一種獨特的滋味享受；茄汁的酸甜與海鮮的鮮味交織在一起，十分開胃美味，食得很滿足，絕對是海鮮愛好者的好選擇😍🍅🦐～酸菜龍躉班片這款酸菜龍躉班片不是一般的酸菜魚，是用厚切的龍躉片，酸菜的酸味與辣椒的辣度相得益彰，刺激著味蕾，能帶來一種口感的碰撞和味覺的享受，我哋食到停唔到口，一邊食一邊感受到酸辣的刺激與龍躉的鮮甜，正❤️～鴻圖乳豬拼盤：有乳豬、豉油雞同叉燒，滿足我哋對肉肉的渴望！乳豬皮脆，叉燒香氣四溢，豉油雞鮮嫩多汁，水準之作🍖🐷🍗整體來說，雖然「鴻圖樓」是街坊酒樓，但環境光猛，坐得舒適，員工服務有禮，值得再訪！

超有香港特色嘅門面，真係離遠都會見到😆好signature!! 入到去原來要上一層先係，不過都有𨋢，方便老人家！！上到去問我地要咩茶，就坐底睇下食咩，種類唔算話好多，不過有啲都好有特色！！重點價錢唔算話好貴😆椒鹽百花釀鮮魷 $128全晚最鍾意食呢個！有魷魚包住入面蝦咬，一次過食哂又煙靭又爽口嘅口感！調味唔算好咸，上面有啲椒鹽好好食😋食落唔會好油，而且冇千年油嘅味道😂蒜茸蒸龍躉斑頭腩 $158熱辣辣上菜！斑頭腩份量多，不過有啲碎骨要小心啲食！用咗蒜頭，蔥，木耳，一齊蒸！食落無腥味，又有啲肥肥地，好食🤤翡翠龍蹙炒班球 $168上面就有骨，里個就真係完全無，啖啖肉🤭塊塊斑球都大大塊又厚切，再炒西蘭花😍絕對係上菜！！！食完之後，店員仲會送上每人一碗綠豆沙！好夠味，有臭草㗎，落足料！食完飽到飛起🤭👍🏼留意:有晚飯茗茶 ＄13一位！

親友指定要來這間歷史悠久的「鴻圖樓」酒家飲茶，相約在平日的下午二時後，雖然剛過了最旺的時段，但都都算多人。服務員態度很好，枱與枱之間有足夠空間，坐得舒適。點了幾款點心都唔錯，例如蟹籽燒賣、北菇棉花雞、新鮮金菊卷等。但親友多次來飲茶，力推以下三款必點推介：1️⃣虎皮尖椒：集齊了“鲜、香、辣”三重美味，吃起来外脆內嫩，酸辣的味道恰到好處，口感更加爽嫩有味。2️⃣肉絲炒麵：外表看似平平無奇，但吃下炒麵脆卜卜，加上辣椒醬更好味道。3️⃣西洋菜煲豬肉湯：不是一般的家常例湯，職員特別介紹這湯採用新鮮豬肉，湯渣特別鮮甜美味。

偷得浮生半日閒！難得平日下午可抽出時間和朋友享受午餐，我們決定去位於牛頭角，歷史悠久的鴻圖樓品嚐一盅兩件。酒樓空間感十足，枱與枱之間有足夠距離，感覺舒適。點心種類繁多，價錢合理。🫖至尊蝦餃皇～蝦餃十分足料，蝦肉大大隻，肉質鮮嫩彈牙。🫖四寶滑雞扎～雞扎份量十足：魚肚，火腿，雞肉被腐皮包裹着，就好像多啦A夢的百寶袋一樣，內裡應有盡有。🫖春風得意腸～腸粉的精粹在於米漿的調控，這裡的腸粉拉得夠薄夠滑，餡料亦夠香脆。🫖香煎魚肉茄子～鯪魚肉煎至金黃色，茄子軟腍得來又不會太油膩，惹味可口。🫖雪山叉燒包～外脆內軟，叉燒餡料豐富。🫖椰汁蘆薈糕～香滑軟綿，椰汁味濃郁得來又不會過甜。

⭐️燒賣，好鮮甜，肉質新鮮😍⭐️鴨腳扎，芋頭好粉，吸晒啲汁超好食😍⭐棉花雞，雞好嫩滑，最正係入邊嗰舊棉花，吸晒啲汁，最啱鍾意食呢種口味嘅朋友💕⭐煎蘿蔔糕，好特別，同普通酒樓食嘅蘿蔔糕唔同，佢外面仲有一層喔喔趣嘢，好香口🤗⭐️煎薄撐，真係好出色，又趣，又軟！！ 推介大家真係一定要呢個，而且佢嘅調味又唔會太鹹，啱啱好，勁好食！😍😍⭐️最後係椰汁糕，榚身好彈牙，甜度適中，食完嘢食佢感覺Fresh 之餘又滿足餐廳觀塘位置方便👍🏼 另外服務員嘅服務態度都好好，上菜速度都快，喺附近的上班一族過嚟食吓lunch都洗擔心等好耐，而且我覺得佢真係每一個點心都好食，同埋食落去嘅油都係新鮮的，另外晚飯都有小菜，推介大家可以過嚟試吓點心同埋小菜💙💙🤗🤗