鴻發餐廳小廚

营业中

休息中

相信香港人對'打冷'唔會陌生，而且要久不久食一次，就算有疫情亦不例外。不過今晚原本想去食西餐，但無位要等，所以正當找下下一間推介餐廳時近近地有間打冷（細佬提點）。打冷絕對唔係平價之選，但緊有幾味小菜是您絕對愛不釋手，貴一貴都會叫。一上枱打個突，有骨鹵水鵝，再睇一睇餐牌， 的確冇寫鹵水鵝'片'，但小弟認知打冷鹵水鵝一定斜切起片，唔會當雞鴨咁斬。鵝肉夠嫩大腸夠爽，只係。。。可惜。小弟最愛的椒鹽九肚魚，一樣無得輸。蠔餅，蠔仔夠大隻，不過唔夠脆口， 而且有碗不明汁料，得個辣字，如果加點魚露會好好多。今次打冷食得有點奇怪，除咗椒鹽九肚魚之外， 另外兩款都有點不到位的感覺。不過，都完了久不久的心癮。

鸿發是一间卤水打冷餐店，内里装修不是好华丽，但是食物却很不错…… 食物其实才是重点吧🤣平时食潮州菜一定吃鹅片、鹅肉、鹅掌翼等，但今次朋友叫的是卤水什也很不错👍🏻炸九肚鱼、蠔仔粥及咸肉炒九菜花，全部都巧味道！

凌晨三點搵嘢食，隔離粥已經關左，試吓呢間打冷食咗¼先影呢一幅相，本身大大兜，好滿足。田雞粥米飯粒粒分明，好足料。服務員態度好好，見我哋拎住一袋二袋即刻攞張凳俾我哋擺嘢。

28/11/2019當晚去到餐廳氣氛依然熱鬧正宗既打冷必食既春菜腩肉依然咁正宗，滷水拼盤滷水汁齒頰留香個方魚肉碎粥入面加左xo醬咁既物體食完一碗又一碗，唔夠喉再整多碟牙帶仔，香、香、香、真係香一煲好食嘅滷水香味顏色味道缺一不可，呢度正正就係我打冷必食之一既老店一邊飲住青島一邊同朋友風花雪月唔覺唔覺咁就4-5支啤酒爽丫正到爆叫左成4-5個餸再加一個粥，埋單先800幾蚊每人平均$1xx幾蚊，開開心心又一餐

放左工7點到，坐低時舖頭都無乜人，我地揀左卡位坐一坐低伙記問我地飲唔飲野，我地叫左支Asahi，伙記叔叔仲笑笑口話：係全世界最好既啤酒，笑左😆雖然我地得2個人食，但我地叫左4個餸1. 蠔餅，極力推介，因為佢有啲似蠔仔煎蛋，唔係成口油&粉，反而食到厚厚蛋漿，啖啖蠔2. 滷水拼盤加滷水鵝片，係伙記叔叔推介，好大碟，好足料，味道都啱啱好，唔係死鹹3. 炒蜆，平時我係好少點依個餸，朋友話想食，出乎意料，好鮮甜，都值得叫4. 菜芯炒肉片，普普通通既菜式，一餐飯入面需要的一個菜食食下，不知不覺餐廳已經坐滿人，依個環境，所有人都可以放鬆咁飲支凍凍啤酒，大大聲傾計

現名鴻發潮洲飯店。第一次來，也只會是最後一次。食品雖然差，但店主令我增加了知識，第一次食到要加熱的大眼雞魚。魚色蒼白的，魚肉死硬，如食湯渣豬肉一樣。詢問店主為何需要加熱，回答竟然是有熱食和凍食的。但凍食要提前通知。嘿，那為什麼先上桌的烏頭魚是凍食呢？真想問下各網友，有食過要番熱的潮洲打冷魚嗎？總結就是：食品差，態度差，服務差。如果可以評分負星，我給負兩星。

夜媽媽成夜晚9點半, 0係旺角都唔知食乜好, 食扒又太heavy, 0個日又唔想食日本菜, 行過lee間諗住不如清清0地食個小炒加個潮洲粥算啦~ 食物質素:  0個日叫0左個鵝片同一碟紅燒豆腐, 加埋個白粥.  1. 鵝片味道都OK, 份量都正常, 都冇話太肥, 肉都叫多. 鵝片下面都係滷水豆腐,都算入味. 2. 紅燒豆腐, 味道同份量都正常. 但油就多0左小小.3. 白粥就唔洗講啦, 正常白粥.環境: 一般, 但都叫做乾淨. 有小小迫同嘈, 想傾計就唔得.  服務: 落單同上菜都快.  價錢: 佢唔算貴, 成餐飯2個人$200 唔洗.  鵝片大約$80, 小炒大約: $60, 加埋2個粥. 食後感:  一般, 若果下次0係旺角我可能會想去試其他0野. 

#MJ旺角#MJ打冷#MJ潮式🍚滷水拼盤(🤤7/10)呢碟滷水拼盤就唔算好大碟 比起呢條路既其他幾間打爛店黎講 呢碟野就唔算好抵食，滷水都算入味既 但個滷水汁唔係好香濃，碟野都係大路野 有魷魚 紅腸 豬耳 鴨腸等等 味道不過不失。🥗西蘭花鮮魷(🤤8.5/10)呢個小菜我個人認為好出色。西蘭花炒得恰到好處 翠嫩得黎唔會太生 無草青味，魷魚帶有鮮味 爽口彈牙 又厚肉口感好好，仲見到有啲紅蘿蔔同薑片粒去辟味，調味都做得唔錯。📍鴻發餐廳小廚📍旺角砵蘭街116-118號地下#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#manjai_foodhunter#吃貨#相機食先#美食#香港美食#旺角美食#食好西#鴻發餐廳小廚#滷水拼盤#西蘭花鮮魷

近日同事介紹去lee間位於砵蘭街的打冷店，餐廳有兩層，有卡位又有圓枱，三五成群食飯吹水啱曬。今次叫咗凍烏頭、滷水鵝片、韮菜豬紅、椒鹽豆腐同埋筍。 呢到嘅烏頭都幾鮮味，仲要有魚油，就咁食都已經好好味，點埋豆瓣醬一齊食，鮮味仲出！滷水鵝片味道適中，唔會勁咸，鵝片唔會太肥，拌碟花生好淋好入味。 韮菜豬紅，豬紅夠入味，而且唔會一咬就散，入口仲有少少辣，好惹味！！潮式味筍最岩用黎送粥食，因為就咁食都真係偏咸，但配埋白粥一齊食，能夠中和咸度。椒鹽豆腐，送啤酒一流熱辣辣送上，豆腐外脆內軟，椒鹽亦不少，非常適合送啤酒呢間嘢價錢唔算貴，係一班人飯聚飲酒嘅好地方。

同朋友小聚，我知道旺角黎講，打冷近朗豪坊有間老字號係地位高尚，好多粉絲，亦因為咁，近年都多左好多國位同胞，所以好多時無位，有都好迫。所以介紹後小小，登打士街呢度比大家，其實都ok,老闆娘仲好好人，有講有笑~芽菜豆腐泡首先第一樣，呢個清甜爽口，可能佢小炒未必最好，但基本打冷野佢都仍有風味花生雞腳花生同雞腳都好淋呀，仲幾大隻好肉。韭菜豬紅食到豬紅係好野黎，痴牙既👍出面有啲真係散哂，用雞紅😔烏頭呢條魚，又大條，又好肉， 麵豉汁, 打冷就係呢啲味，價錢都唔貴。紅酒呢度無既😂不過就係話老闆娘好好，可以比我攞酒黎飲，因為我朋友唔飲得啤酒，但我一樣有幫襯叫返兩支🤣呢度地方又闊落啲，侍應老闆娘都好好，飲酒聚腳，好地方

超薄切鹵水拼盤加鵝片 165蚊 大量芽菜做低， 大量內臟 食到燥燥地… 切紅腸丶鵝片、魷魚既師父手功洗唔洗咁靚，薄到透光、成盤得四塊紅腸；夾埋都唔夠人地大家樂四寶飯－片！叫之前問定拼盤有咩，職員好是旦咁話乜都有，黎到連最基本嘅滷蛋豆腐都無，好失望！

點了一碗細蠔仔粥，蝦醬炒通菜，韭菜豬紅，鹵水豬腸拼鵝腸，鹵水豆腐拼紅腸。吃了幾口，發現豆腐變壞了，有酸味....然後再發現在韭菜豬紅了有發泡膠粒.... 想說應該是韭菜沒洗乾淨吧蠔仔粥味道不錯，但突然有硬物割口，吐出來應該是蟹殼一小塊....最後吃通菜時拉出一條長頭髮，都算，點知再夾一口通菜落碗再次發現一條短曲頭髮！真的極嘔心，即使未吃飽也吃不下去了🤢。總共點了五款食物，有四款有問題！雖然無expect 打冷食店有極佳衞生環境，但這次經歷也太令人咋舌了吧！打冷本是美食，希望食店真的會接受意見並好好改善。

三個朋友收工係旺角Happy Hour 後找個地方食飯，商場太多人，所以去遠少少，黎到鴻發打冷。其中一人遲到，兩個男人先點了個椒鹽鮮魷。無影相，但炸粉唔厚，魷魚剛熟嫩滑，配合一枝藍妹和兩個男人既Men Talk，一樂也。人齊，起菜！［鵝片拼墨魚 $140］墨魚是我朋友杯茶，對我而言墨魚本身無味，要靠點上辣油吊味。咬口爽口，未知墨魚厚薄該如何平衡。太厚難咬斷，太薄缺乏感。或者小弟該參考唔同潮菜館切墨魚厚薄才能給意見。鵝片口感不太嫩，但一隻鵝脾位應該較嫩，胸和背較靱，我想只是斬了胸背位置吧。味道都入味，份量都合理。［西蘭花炒鹹肉 $65］西蘭花沒有炒得過老，保持應有爽口口感。鹹肉十幾塊份量不少，令小弟感到有飽濟感，或者鹹肉厚薄都有影響。［蠔仔粥 小鍋 $95］蠔仔大隻味鮮，米粒分明，具有潮式蠔仔粥的代表性。不過當中一粒蠔有怪味，未知餐廳有何措施確保蠔仔品質。整體不過不失，潮菜較經濟亦較relax，埋單每位$150。

今天跟朋友去左麥館睇Against The Current的演唱會,完場的時侯都已經成10點幾了,我地仲未吃晚飯,但係吃開個幾間都已經關左門,恰巧經過呢間餐館就走左進去試下...就如標題所說的今次試的是揚州炒飯,我第一眼見到碟野個賣相勁似"雀聯會"的頹飯已心知不妙,食到落口更是覺得又酸又苦,十分難吃主要係因為D豬肉,火腿同蝦仁都唔夠新鮮,食落口一陣酸縮味又沒有口感至於飯底方面也完全沒有镬氣,D飯炒得又淋又濕身,口感很差,唯一優點係碟野不太油膩,但由於碟野又酸又苦既關係吃左四分一碟果斷放棄仲有呢間店既服務態度一般,點菜的時侯侍應呼呼喝喝的,態度很差;另外環境也不合格,食野既地方都聞得到厨房傳出來既臭味,十分噁心最後,也不期待這間店之後能有什麼改進了,反正我是一定不會再來

去食碗粉又坐滿, 一行三人(帶住一歲B)周圍搵食, 見呢間潮州店門面光猛入面有啲人, 就入去試下, 有卡位坐可以放阿B張龍椅上去都好, 但冷氣勁凍要加衫。隔離坐咗班支那遊客, 心知不妙, 人哋食開劣食都嚟, 呢間嘢有乜好?叫咗蠔餅, 一小窩螺肉粥, 鵝拼鵝腸蠔餅 :　深啡色一塊，明顯好耐無換油，油光盡現，油唔夠熱之故，又無番炸迫油出來，蠔仔尚算鮮明。螺肉粥　：螺肉如嚼膠，有縮味，窩粥愈食愈發覺縮，食到一半無理由叫侍應去試，食唔到落去。鵝拼鵝腸：叫親鵝唔叫鵝片，都預咗唔會塊塊肉，但係真係好多肋囉，食之無味，棄之可惜見到支那枱面食唔哂嘅炸大腸，鮮艷橙紅色，好采無叫啫最後找數二百八，都唔知食乜。番屋企勁口渴，中味精毒。。。又中伏