鵞鱻館

营业中

休息中

🦢鵞鱻館🦢🦢鵞鱻館例牌燒鵝Roasted Goose 皮脆肉香嘅燒鵝當然係今晚嘅主角。今晚點咗例牌燒鵝。肥厚又嫩滑嘅燒鵝髀，塗滿調味料，皮脆有光澤，肉汁多而不帶腥味。以芫荽作伴菜，以酸梅醬調味。🦈花膠遼參燒魚翅Braised Fish Maw and Sea Cucumber with Sharks’ fin平時唔會特別要求山珍海味，但係今次係俾餐牌上呢一個魚翅吸引咗。花膠軟熟有膠質，魚翅份量亦不吝嗇，使得整碗魚翅充滿口感，非常保身又暖胃。🐖山楂咕嚕肉Sweet and sour pork with Hawthorn 酸甜口味咕嚕肉肉質外脆肉軟，豬肉鬆化。汁醬酸甜醒胃，甜酸汁的味道加入山楂提味，可大大提升酸味層次。加入顏色繽紛嘅紅黃綠椒，色香味俱全。🐏七味鹽燒豆腐Grilled Salty Tofu七味鹽燒豆腐色澤金黃，像小金磚。豆腐表層香脆，但內裡像鮮奶一樣滑溜。豆腐均勻沾上七味粉、胡椒鹽，讓豆腐變得更加惹味。🌳原隻冬瓜冰粉夏日炎炎，餐廳為我哋送上原隻冬瓜做嘅冰粉，等我哋可以解解暑，亦解解肥膩感覺。

心機小廚@鵞鱻館八號風球嘅晚上就喺公司附近食晚飯鵞鱻館就位於鑽石山荷里活廣場上面即使橫風橫雨都不能阻礙我哋出街食嘢嘅慾望 呢度主打食燒鵝，是每一台客人必點的燒鵝王一隻538蚊，兩個人食一份例牌已經夠做鵞鱻館燒鵝王例牌$158 未食已經聞到陣陣香氣 燒鵝肉質地均勻，外脆內嫩， 佢脆的程度有如薯片，入口咔咔聲,食起來亦都好多肉汁 仲有陣陣嘅炭香 杏片黑醋銀鱈魚$138 外表雖然黑蚊蚊但佢竟然係係最令亮眼的！銀雪魚外脆內嫩，佢個炸漿非常之薄，外面包住黑醋汁酸酸甜甜，每一啖都是百分之百的銀雪魚，不喜歡魚的家人也對這個魚讚不絕口上面有杏仁脆脆~ 櫻花蝦炒飯$108 炒飯放滿了櫻花蝦！除咗櫻花蝦之外仲有其他人啦菜心蛋花口感好乾身炒飯後均勻 分量亦都是非常之大方每一啖都係櫻花蝦嘅香味非常鮮味份量相當之多！ 冬瓜冰粉，清涼口味，口感似涼粉，味道似淡淡的冬瓜茶，非常適合成為夏日消暑的甜品小店絕對講不算便宜，但絕對係一分錢一分貨,食得出師傅的心思,這是一般連鎖式酒樓食不到的

喺鑽石山放工，原來呢個商場開咗好多餐廳，一場嚟到，就食埋飯先走啦😎依間餐廳好似都幾靚，光猛整潔，門外有店員推介佢哋嘅燒鵝，食燒鵝都好喎，一於試試！七點前嚟到，仲可以選擇坐卡位，夠晒舒適，餐廳入面都幾靚幾華麗☺️☺️睇睇個餐牌，除咗店員大力推薦嘅燒鵝之外，佢哋有好多唔同嘅海鮮選擇，好似鮑魚同埋龍蝦，都有來自唔同產地嘅可以揀燒鵝-例牌一上枱嘅時候，已經香氣撲鼻👍🏼👍🏼燒鵝外皮燒到非常香脆，好似食緊好薄好脆嘅薯片咁！脆到咁樣嘅燒鵝皮，我都係第一次遇到！😋皮下面薄薄一層脂肪，濃郁嘅燒鵝油同埋燒鵝鮮甜味道即刻大爆發，d肉係嫩滑，完全唔靭！店員果然冇介紹錯！生煎墨魚餅呢個餐前小食亦充滿驚喜，一咬落去，軟糯得黎，又有一粒粒爽嘅墨魚肉，口感非常豐富，而且唔會太過咸，大人細路都啱👍🏼始終晚飯時間，叫返啲澱粉質，令自己滿足啲，就揀咗依個石鍋鮑魚雞粒飯。個飯本身有少少濕濕地嘅感覺，放落熱辣辣嘅石鍋，食到最後啲飯都仲係好熱👍🏼材料方面，份量都幾足，有鮑魚粒粒之外，仲有雞， 菇，菜心，唔會太寡😋😋食飽飽，仲附送左個甜品添！非常有驚喜，好特別，又好好食！呢個甜品叫做冬瓜涼粉，紫色透明，好靚🥰🥰食落既清涼，又清甜，成餐

早前在這間店開業時有來食過，但當時因為飛機延遲/停飛問題，所有海鮮都不能送來，今次再次來到鑽石山一定要再來品嚐這間店的海鮮🦞！冰燒三層燒肉 $138 肥瘦均勻，皮燒得很香脆，是一碟很好味的燒肉。宮廷雞煲翅 $538 這是一鍋超級好味的雞煲翅！！一共可分成6碗。這是現場整的，一碟滿滿的魚翅會在放入煲前先給客人過目。（可惜我沒有影到相）雞肉煲完會先拿起給客人先食，再放入魚翅煮。即使煲完湯，雞肉仍然很嫩滑，雞的味道沒有因此變淡。避風塘瀨尿蝦 $912 （$228/隻）海鮮是跟市價出售，所以在下單前要先問問店員價錢。上菜時，雖然碟上有很多芫荽和辣椒，但食落口完全食不出，只食到啖啖肉香甜可口。桃膠田園泡時蔬 $98這是白菜仔，大家下單前可以問問店員當天的蔬菜選擇。重點是桃膠和湯！！這個鍋有很多桃膠，有保顏的功效。湯是魚湯，很鮮甜，也有杞子的香味。燒鵝皇 $128皮與肉中間完全沒有肥膏，啖啖肉，不用點甜酸醬也很足味。重慶冰粉（紫薯味）口感像啫喱，食落口涼浸浸。這個是店長特別送的，在菜單上沒有。店長說只有鑽石山這間分店先有。P.s 茶費$10/人 + 服務費10%

我哋一行十幾人一齊去食，分兩枱，每枱叫半隻燒鵝，半隻頭抽雞，燒肉，魷魚鬚，炒飯同蔬菜，可能仲有啲唔記得。大家對每個餸都好滿意。近兩年食過最好食嘅中餐，唔係之一，係最好食。趁未有好多人發現，好快啲去試下

呢間野食過幾次每次啲食物都係有好水準而且食物有質素得嚟價錢唔算貴可以話係物有所值！今日外賣左2盒鵝飯終於終於記得影相+寫食評2盒不論飯定鵝嘅份量都算多而且鵝肉嘅肉質好好唔會「梅」亦冇話硬到好難咬除此之外鵝嘅肥瘦亦都（對我個人來講）算適中食咁多次都冇太瘦太柴嘅情況出現係偶然有啲對我來講肥咗少少但鵝唔肥就唔香架嘛所以我覺得係可接受嘅食物整體來講好高質素！另外每次去到啲waiter 服務都好好 好有禮貌呢個要讚！

週末下午茶時段鄰鋪元氣好多人等位排隊這店冷清大把位唔使等，肥新店開張支持下服務員禮貌帶位招待新店企理干淨但…..下午茶燒味飯餐牌單併$50（沒寫雙併價錢）原來雙併收$99 雙併可以貴一倍櫃台埋數詢問下午茶不是$50嗎回應你雙併係收正價架給人一種找苯中伏的感覺燒味的確好味好食建議若能在餐牌上寫清楚係好食，係物有所值既，自然有人入場幫襯。新店老闆相信新開張會留意評價總要找出旺場時段，別店爆場，自家冷清的原因。

早輪冇晚市，好多附近食店寧願提早關門。收工返到屋企想食燒鵝，唯有叫外賣燒鵝返黎食。本身出面燒味檔賣開燒鵝都知大路係二、三百就有一隻，見佢外賣連辛費成六舊水一隻心諗 一定好好食啦，點知見識到咩叫又貴又難食。燒鵝送到黎已經預左皮會淋啲，打開外賣盒，面頭個d 鵝都幾正常，但你話值600就一定唔值，同普通燒味鋪冇分別，本身都冇咁大怨氣。點知同屋企人食到一半就見真章，面頭隻鵝r 皮都仲係有光澤既，一到下面個層。喂，燒到柴哂皮既？！ 仲有1/4 隻係皮+肥膏，冇肉既？最後個半隻鵝真係食唔落，掉左，收600蚊隻鵝咁既質素，一次機會都唔應該俾。

新年要同朋友見面, 去了一間新餐廳試新野☺️我們點了肉鬆黃金魷魚鬚涼拌海蜇花七味鹽燒豆腐杏片黑醋銀鱈魚蒜片椒鹽牛柳粒豉油雞燒鵝皇炭燒叉燒皇蒜蓉炒豆苗櫻花蝦炒飯乾炒牛河必點燒味系列, 叉燒味道帶點甜, 也有肉香味, 微燶的位置散發著炭火香氣, 肥瘦適中, 燒鵝皮脆肉滑、每啖都油香四射, 非常邪惡, 豉油雞豉油味很香、肥嫩鮮美餐前小食魷魚鬚很香脆配上肉鬆口感很好, 海蜇花酸度剛剛好, 海蜇很爽口, 牛河及炒飯炒得很乾身餐廳非常寬敞, 坐得很舒適, 服務態度不錯, 食物質素高, 很適合一大班朋友聚會