鹵家

营业中

休息中

上網睇過依間嘅老闆兼大廚幾有來頭 晚市套餐價錢合理 最平$58有交易 就已經跟飯/米線 仲有老火湯飲👍🏻性價比好高✨蜜汁叉燒王·配白飯·熱檸茶 $76要咗瘦叉燒 瘦得黎肉質唔會韌同柴啖啖肉🤤我同男朋友都好鍾意最正係啲燶邊位😍仲脆嫁！底下仲有芽菜墊底✨梅子脆燒鴨·配米線·老火湯 $68燒鴨皮吾太脆 下髀嘅位置都比較肥不過佢都比好多肉嘅位置 唔會比背嘅位置酸梅醬既酸梅味道比平日食到既重🍜米線好大碗 亦唔會煮得過軟淋 湯底有少少味🥣是日老火湯系赤小豆粉葛豬骨湯 湯渣有兩舊紅蘿蔔一舊豬骨😆飲完唔會口渴 一定冇落味精✨酒仙醉雞卷 $50花雕酒味好香 無骨啖啖肉好方便食😆連平時唔飲酒嘅男朋友都食咗好多件😂味道：🌕🌕🌕🌕🌗環境：🌕🌕🌕🌑🌑服務：🌕🌕🌕🌑🌑價錢：🌕🌕🌕🌕🌑回頭率：🌕🌕🌕🌕🌑

前晚我突然好想食鹵水,lunch掛住做野食得唔多,夜晚特別肚餓😝😝見到呢間鋪頭好多人食,都好多人買外賣...心諗應該唔會伏掛?太餓都唔想繼續搵野食🤣🤣所以就入左去喇望下個餐牌先,原來除左鹵水,呢間有餃子食架喎😍😍lunch都有米線冇咁heavy ! !我諗都唔諗就嗌左個鴛鴦拼,叉燒併油雞,因為我勁勁勁鍾意食叉燒！本身想嗌鹵水鴨........但好可惜賣晒......個陣都係8點咋.........🙈🙈🙈🙈🙈🙈🙈想食鹵水既朋友我建議最遲7點半好黎食喇.......賣得勁快！！！咁就轉左燒鴨,再黎多個碎雞卷....係咪feel到我有幾餓？🤣🤣好快就黎左個湯,是日係蘋果雪梨粟米紅蘿白豬骨湯 ,超多料都幾好飲！飲完唔口渴！個叉燒好好食,係半肥瘦偏肥少少,好香口,個蜜汁做得好出色甜度適中,叉燒一d都唔柴,好好食呀！油雞就正常水準～～燒鴨都唔錯,份量大碟！我會為試佢既鹵水鴨再黎！🤣🤣🤣佢既醉雞卷好食！！！夠酒香，雞皮完全冇肥油，仲好Q彈，雞好嫩滑！呢個係必食！！！下次黎可以試埋佢既餃子,我又係餃子控黎😍😍😍😍

滷家係一間我不斷回頭嘅店，作為飯堂合適不過，燒味出品有賣相，叉燒燶邊，燒鴨滷鴨也好吃，喜歡它以芽菜墊底，爽脆索汁，配嘅飯麵都好有份量，最得我心嘅係個湯，真係同屋但煲出嚟無咩分別，對於我一個懶備料懶去煲嘅人嚟講，真係乾手淨腳好方便！唯一考慮點就係價位都去到$70-$80，不過今時今日食碗米線都要$60，係咁上下㗎啦。晚市套餐：蜜汁叉燒王（$76）呢度標榜廚師出身於5星級酒店，叉燒焦香脆邊，肉質鬆化柔軟，肥瘦比例一流！肥而不膩，佢唔係用叉燒醬紅卜卜果d，感覺幾好，味道濃。晚市套餐：秘汁滷家鴨（$68）肉質軟淋，滷水味入味，一排肉一排連骨，份量都算多，送飯幾好套餐跟絲苗白飯或米線/米粉/公仔麵，仲有好大碗老火湯，大力推介呢碗湯，無味精，就像屋企煲的湯一樣。

#您鹵X #唔知您哋鍾唔鍾意食.大家成日都話鹵味鹵味您哋又鍾唔鍾意食?我都幾鍾意食架所以耐不耐都會去食今次朋友帶咗我哋去元朗食.鹵家📌元朗教育路68號兆豐樓地下10及14號舖.雖然佢個名叫鹵家但唔係只有鹵味食~仲有其他食品架~有餃子又有燒味等等好多元化架~~.‌我哋叫咗晚市套餐♦️ 叉燒併油雞叉燒係我食燒味中嘅至愛呀!佢啲叉燒係半肥瘦, 正呀!蜜汁甜度啱啱好, 肉質又夠淋~正呀!😋😋油雞比咗雞脾我哋好嫩滑呀又超入味!♦️ 燒鴨碟燒鴨份量好大呀~同樣都係比咗燒鴨脾我真係好開心呀肉質唔"鞋"又好味~.我哋再另外叫咗♦️ 醉雞卷平時我都幾鍾意食醉雞卷冷盤架~佢超有酒香味而且雞皮完全冇肥油非常爽口彈牙!雞肉非常嫩滑👍🏻👍🏻👍🏻.晚市套餐都會跟絲苗白飯或米線仲附送老火靚湯同或熱飲.今日係果雪梨粟米紅蘿白豬骨湯好足料又夠哂火喉真係好有家嘅感覺~.整體評分：最高為🟣🟣🟣🟣🟣味道：🟣🟣🟣🟣🟣服務：🟣🟣🟣🟣環境：🟣🟣🟣🟣地點：🟣🟣🟣.總括嚟講，鹵家出品好味道！坐位寬敞，不會太窄！不過今次未食到鹵味下次一定要嚟再食品係元朗嘅您，不妨去試吓啦！.鹵家••••••••••••••••••••••••••••••#攸

食到一肚子氣的晚餐食飯 除咗食同路人/味道/性價比/環境仲有一樣野叫 服務！我坐低未點晚餐之前清清楚楚。明明白白的問你的人「請問今晚個湯賣晒未」「未。仲有」然後我就叫「晚餐。豉油雞飯。凍奶茶少甜」…..食了一半。我就問吓「依。我個湯仲未上喎」「你叫左凍茶就無湯送啦」「吓」「咁你系唔係要湯呀，咁個凍茶收翻正價，廿幾蚊」「吓」「咁餐牌有寫明嫁嗎！咁你自己叫咁嘢飲..咁你而家系咪要叫湯呀」「咁我叫餐前問你哋仲有無湯，我就梗係想飲湯啦。唔通我玩嘢咩，咁我無留意或唔記得咗，你地系唔系應該同個客講聲。如果你叫咗嘢飲就無湯嫁啦」「咁好多客問完咩湯最後都係叫嘢飲喎」我話「我知餐牌有寫，你哋啱晒。我而家只系建議你同其他同事講聲，下之有客人問完湯，叫咗嘢飲，你哋可唔可以多講一句提醒客人只可二選一呢」「咁餐牌有寫架嗎！」（ 你贏晒啦。餐牌有寫）我講 「我一直都好客氣好溫柔咁同你講，我建議你哋第時可以提醒客人，都係多一句說話遮..我唔係為你地好，我唔使講咁多嘢啦⋯⋯」但佢繼續佢的「撐」…來來回回…直至櫃面哥仔講句「我哋知道嫁啦」…真人真事真對白（人老了。記唔晒全部對白。也因為我真的開始嬲了）黃店唔係大L晒好食

鹵家 📍元朗教育路68號兆豐樓地下10及14號舖黎開元朗搵食🤣見呢間鋪寫住每日新鮮製造由前五星級酒店大廚主理～決定試試食神叉燒飯$58配上肥瘦均勻叉燒仲要有小小脆邊～帶點炭香味👨‍🍳夾埋流心太陽蛋🥚一齊食好正～唔怪得叫食神叉燒飯🙌梅子脆燒鴨飯$58燒鴨外皮香脆～肉質幼嫩仲要配上芽菜墊底😄好好味啊👨‍🍳酒仙醉雞卷$50 醉雞酒味香濃～好易入口😌問左老闆娘～原來用上多款不同花雕酒調制雞皮口感爽彈～雞肉好嫩口～啖啖肉～一啖一件～正🙌仲要用埋甘筍絲墊底愈食愈開胃住家老火湯-佛手瓜栗子粟米蘿蔔豬骨湯抵食高質～小品家常菜餐廳 燒味同滷味同樣出色～仲要由前五星級酒店大廚主理～抵食凍檸檬🍋茶+$3

食過幾次午餐，第一次嗌晚餐，門口塊板寫住送老火湯同飯，同四眼收銀講，要晚餐叉曉餐，加$10蚊飲可樂，唔知係咪太多人等緊外賣，佢連個湯都冇比我，咁我咪問佢，佢仲好意思話，你咪嗌左可樂囉，我同佢講，個可樂係我加錢，唔係送嫁，跟住佢又話，你要湯係要講🙄🙄🙄🙄我心諗，咁我都冇話要飯，你又跟比我⋯⋯返到屋企，打開個外賣，真係單薄，$88，連湯都唔比⋯⋯⋯⋯

.今次晚餐去咗呢間滷家試下入邊環境都舒適 老闆娘好親切😘見到都好多人買外賣 食咗一餐飯 都有成10單！睇嚟街坊都應該幾鍾意呢間餐廳蜜汁叉燒皇+白飯 $76叉燒肥肥地 配埋蜜汁真係好好味😋同埋份量都多 軟硬適中秘汁鹵家鴨+白飯 $68份量同樣都好多 滷水汁浸得好入味仲有髀😚 真係好好彩呢🤩話梅涼瓜片 $32男朋友話試吓涼瓜片 佢都鍾意食嘅我就好少食 本身以為會好苦啦點知食呢一個涼瓜係甘甜 配埋話梅 酸酸甜甜真係好易入口 我都食咗好多塊😋酒仙醉雞卷 $50呢個我覺得係必叫！嚟到一定要叫！首先有功夫 仲要$50咁抵 啖啖肉 冇骨食得好滋味 仲有粒杞子喺上面 賣相好好咁當然味道都係好好 酒味唔會好濃 我覺得剛剛好最後餐仲有住家老火湯😘係冬瓜薏米湯真係好 俾我去吓濕 好有住家feel呀😘🥢鹵家 (元朗)📍元朗教育路68號兆豐樓地下10及14號舖

經過教育路想食靚燒味，記得有間係附近，就二話不說再次去食佢哋嘅午餐食神叉燒飯自家製叉燒，冇人工色素同味精，加上用咗優質梅頭肉，肉質淋得嚟又食到肉纖維的質地，少少燶邊啱啱好。老闆兼大廚做過鏞記、怡東軒等嘅燒味師傅，所以叉燒、燒鴨特別出色。午餐送嘅老火湯都係好嘢，足料之餘煲到材料出晒味，而且堅持唔落味精👍🏻另外今次試咗佢地嘅京蔥金錢肚，香香辣辣，佢仲加咗好多黑胡椒喺面，香氣十足。午餐唔算貴，等得嘅話其實下午茶餐仲平。

午時同夜晚外賣燒味都幾大分別。午餐時段來食燒味飯，供午市套餐選擇。叫左個鹵家鵝王飯同埋叉燒油雞飯雙拼。鵝王飯d肉幾肥美，同埋份量都幾多。滷得好入味！但個叉雞飯就完全唔掂，叉燒切到一d大一d細。肥瘦又唔均勻，有d完全瘦肉，有d就成舊脂肪，d汁又有d鹹。個油雞都唔掂，切到d骨碎曬，入口真係要小心d戒到。d肉又唔嫩，好難咬。反而夜晚外賣d質素高好多！個叉燒係肥瘦均勻，切到沒舊差不多大小。而雞既刀工完全同午餐唔一樣，而且肉質都比較嫩滑。推薦晚膳，

難得入嚟元朗，前一日已經係咁搵元朗有咩好食，屋企人話想食呢間五星級燒味，雖然口講同意，但內心深處諗燒味可以有幾巴閉姐。。。去到嗌咗食神叉燒飯，雙拼飯叉燒跟滷鴨，要一碗湯同埋嘢飲，湯係冬瓜薏米淡菜湯，好飲嘅，但係份量好少，一個碗裝得半碗湯🥲 滷鴨非常嫩口，邊食邊諗點解可以入味得來咁嫩滑，但最緊要都係叉燒。原來叉燒真係可以咁好食，周星馳講嘅黯然銷魂飯原來係真的，肥瘦適中，燶邊位好味到冇計，食得出肉質係好嘅肉，口感脆嫩，覺得活咗咁耐第一次真正認識叉燒🥺。

又係OT既一日，放工同同事簡簡單單食個飯就各自返屋企休息。同事提議食燒味，於是揀咗呢間餐廳。我地一人點一個餐，再加一份小食。同事點咗蜜汁叉燒王飯（$76），叉燒既蜜汁喺燈光照射下一閃一閃，好有亮澤。叉燒肥瘦適中，咬落去充滿肉味，配白飯確實一流！我點既係頭抽豉油雞米線（$66）豉油雞皮滑肉嫩，入口仲帶有豉油鮮香，但又唔會過鹹。碗米線落咗麻油，增添香味。我地再點咗鹵水豆腐做小食，豆腐又滑又入味，我地一塊接住一塊係咁食😂餐湯係蟲草花南瓜紅蘿蔔煲豬骨湯，有補肺益腎、潤燥止咳既功效。碗老火湯好足料，仲煲到d南瓜溶哂，好有誠意👍🏻

有次朋友推介我哋有間中菜滷味店，話好食又抵食，今晚就去咗試吓。去到見到價錢都真係幾抵玩，晚市套餐60幾蚊，就有餸、飯、老火湯/飲品！我哋叫咗兩個套餐，一個頭抽豉油雞（$66）同蒜汁豬頸肉（$69），另外單點左個小食京蔥金錢肚（$45）先來兩個老火湯，今日嘅湯係老黃瓜赤小豆豬骨湯，飲得出真係好老火湯味，無味精，好有家嘅感覺🥲 自搬左出黎住，無咩機會飲到哩啲湯🥲而個鼓油雞除咗好嫩同好入味之外，仲發現佢哋除咗雞脾之外，都好好心機去晒骨👍🏻蒜汁豬頸肉就非常特別，原來係一個凍食嚟嘅，有好香蒜味得黎又偏甜，個醬汁喺出邊都幾少見！而個金錢肚都煮得入味，辣得黎好香成餐飯都有住家飯嘅感覺，咁當然係廚藝好高嘅住家飯啦！而且碟碟都煮得好好食，晚市兩人埋單$200有找，我地會將佢加入日常晚餐食堂行列！

之前上網已經見到有好多人話呢間家常小菜滷味好高質 今日得閒就過咗黎試吓(⁎⁍̴̛ᴗ⁍̴̛⁎)下午茶時段過嚟都有燒味米線豬扒飯 選擇都唔少 😚今次試咗佢哋嘅皇牌精選食神叉燒飯$58燒味入面我最鍾意就係食叉燒 佢哋嘅叉燒肥瘦均勻 唔會太柴 叉燒厚肉得黎肉質都好嫩最鍾意嘅就係佢嘅燶邊位燒到有炭香味 好脆口更突顯蜜汁焦糖化再加埋個煎得啱啱好嘅太陽蛋 流心蛋黃🍳撈飯加埋蜜汁叉燒烤得夠香 🍚🥓正🥹招牌鹵家鵝飯$76佢哋ge鹵水鵝份量大份 鹵肉質肥瘦適中又唔鞋口 🦢肉入晒味 用芽菜做底撈埋汁好正 鹵水汁香唔會太鹹 仲可以點埋個白醋一齊食 咁就唔驚油膩 🍚🍚呢個餸絕對係白飯殺手🥷酒仙醉雞卷$50 醉雞卷花雕酒味啱啱好 唔多鍾意酒味嘅我都接受到 唔會太濃味係好溫和順喉、唔嗆、唔辣口的花雕酒🍶雞皮口感爽彈，唔會好韌 而且雞肉好嫩 啖啖肉 冇乜肥膏 一啖一塊啱啱好每片on top都有一粒粒飽滿既杞子🥢，醉雞卷食落好開胃！（套餐跟配）是日無味精住家老火湯：每日既湯款唔同 我去嗰日係雪梨龍脷葉煲雪耳湯 冇味精 好啱夏天飲而且好足料大大碗 😝😝總括而言呢間 真係算平價高質嘅小品家常菜餐廳 最出色嘅應該係佢哋嘅燒味同埋滷味

一諗起要食叉燒嘅話就一定要去教育路鹵家。平時都係外賣例牌叉燒返屋企多，今次第一次堂食。夜晚主要推出嘅係套餐，燒味加飯或者米線，再加飲品或老火湯。價錢都係6x-8x。相當抵食。我哋就叫咗一客叉燒配米線，一客滷水鴨配飯。叉燒真係冇得輸，叉燒個汁送飯一流，一啲都唔柴，厚切，好滿足。滷水鴨都唔錯喎，份量足，又夠入味，又唔會好鹹，下次轉鵝試吓先。整體來講依個價錢真係性價比好高，店員服務態度又好，唯一挑剔就係冷氣真係唔夠凍，咁熱嘅天氣一路食一路出汗😝。