鹿角巷

营业中

休息中

The Alley 黑糖鹿丸鮮奶💕每次經過I Square, 落到地面，必定見到THE ALLEY 大排長龍，有時條隊長到甚至去到馬路面，十分誇張。我是一個很怕排隊的人，今個星期見到條隊終於冇咁長，於是便试一试黑糖鹿丸鮮奶。试過之後發現他們的珍珠奶茶果然與别不同，珍珠很細粒，很有咬口。每啖奶茶都飲到珍珠，份量啱啱好。而奶茶味很出，也很有鮮奶味，果然係有佢地招牌飲品及受歡迎的原因

尖沙咀的鹿角巷雖然開了很久，但每一次經過都排長龍，懶著於戶外地方排隊的我，一直都沒有機會品嘗。那天下著雨，機會終於來了！不！用！排！隊！馬上點了最有名的黑糖鹿丸鮮奶，我跟職員說要微糖。職員解釋了，這杯飲料只有半糖，而且半糖的意思是加少一點黑糖珍珠，問道有沒有問題。還有這個飲料，冰度是不能更改。那就當然可以，然後等了一會就有了嘩！鹿紋的外型十分好看❤️職員教導先飲一口， 然後再攪拌第一口的味道：先會嚐到少少鮮奶，然後就是溫熱的黑糖珍珠。暖的珍珠咬口十足，軟軟QQ，煮得剛剛好。這種甜味除了有黑糖之外，還能嚐出有蔗糖味道。味道比較甜。攪拌後的味道：珍珠變得硬硬的，我還是比較喜歡暖Q的感覺，但甜度稍為下降，鮮奶味比較重。總括而言，不用排隊的，我還是會再戰，但一定繼續半糖。

鹿角巷呢間野聽就聽得多，今日終於有機會黎試喇！平日夜晚唔算多人排，五分鐘內已經可以落柯打～第一次黎，梗係試試佢嘅招牌黑糖珍珠鮮奶。雖然我係一個超鍾意飲台式飲品嘅港女，但多數有得叫少甜嘅都一定會叫少甜（安慰自己冇咁肥之餘，有時太甜真係飲唔落架）。有啲舖頭嘅黑糖珍奶唔比少糖少冰，鹿角巷只係唔比少冰。而我叫少糖嘅時候，職員都好貼心咁提醒我，少糖左可能會有少少影響左黑糖嘅味道。朋友之前有試過少糖，佢都話啲味道過得去，即管試下啦。等左五分鐘左右就有喇！唔算耐喎～一如以往黑糖部分係暖暖地，所以一定要攪勻先飲。第一下飲，好濃嘅鮮奶味，攪攪佢再飲，飲鮮奶嘅aftertaste係有微微嘅黑糖味，但又唔會搶左鮮奶嘅質感同味道，讚！珍珠方面，咬口控制得好好，唔會太淋但又唔會好硬，而且黑糖味係好出！成杯野飲係好balance,唔係一味得個甜字，各方面嘅表現都出色，值得翻飲再翻飲！

本人非常鐘意黑糖產品，所以香港宜家盛行嘅黑糖珍珠飲品一定唔放過。我覺得黑糖配鮮奶係絕對無敵，但唔係間間都整得好飲，一係奶味唔夠香或者黑糖唔夠濃又或者珍珠太粉太散。鹿角巷我覺得算係香港黑糖珍珠鮮奶嘅始祖，早兩年已開，個黑糖同鮮奶比例好夾，啲珍珠大粒有咬口得黎唔會太硬，飲落肚啖啖都好好味！黑糖系列始終都係配鮮奶好。試過配抺茶但個效果有啲失色，感覺浪費咗。其他有配芋泥，其實幾香幾好味但會超飽唔洗食飯都得🙈所以都係黑糖珍珠鮮奶最穩陣最好味！

經過久違嘅The Alley，買返杯鹿丸過下癮。當初The Alley岩岩黎香港嘅時候，我地係會真係排成半個鐘以上去飲，仲要不停去飲。The Alley做黑糖鹿丸真係好出色好入味👍🏻唔打唔撞試咗佢地嘅芝士奶蓋鹿丸鮮奶茶-鹿丸滑捋捋鹿丸滑捋捋 $36咁耐冇飲，連出咗芝士奶蓋都唔知，真係愧為當初嘅忠實fans。芝士奶蓋偏鹹，芝士味唔太重，唔溝埋野飲，係唔會太想淨食。而鮮奶茶茶味幾重，帶少少茶嘅苦澀，配埋鹿丸係不過不失。但鹿丸真係一食就心心眼😍😍😍，用黑糖煮到超級入味，口感好好，有嚼口唔硬心👍🏻咁多間黑糖珍珠，我個人都係比較鍾意The Alley同丸作，口感都係好好又入味。不過The Alley嘅話，我都係會推薦飲返平時嘅鹿丸鮮奶，香醇嘅奶味配鹿丸，清爽又好味。

🤡在開店前排隊買就一定買到其實一去到已經有人排到 好多旅客鹿角巷真的很火紅 杯身很適合打卡呢.黑糖鹿丸鮮奶🦌黑糖效果沒有老虎堂般突出大家記得要先搖幾下 黑糖在底下微暖味道不會太甜啦 珍珠很出色很Q彈其實應該是黑糖鹿丸。鮮奶😹在喝奶水沒有期待般好喝 下次要去旺角喝新產品

每一次係isquare 出黎都見到對面街嘅呢間鹿角巷人潮如鯽 遲遲都未有機會試 今日晏就經過見到終於無咩人排隊 一於去試試佢 本身我幾鐘意抺茶相關嘅食物 所以即刻比呢個人氣之選 小鹿出抺吸引！負責order嘅職員都幾有禮貌 不過原來飲品甜度同冰量都fix咗無得減少對於平時飲開台式飲品都要揀微冰微糖嘅我 感到有啲不安 好擔心佢會太甜！ 因為佢啲珍珠係黑糖煮成 會甜已經係意料之內 估唔到mix埋抺茶中和咗個甜度之後真係好好飲呀! 有驚喜 抺茶味幾出 我會推介朋友黎飲!

【鹿角巷】原名斜角巷，是來自台灣桃園的人氣台茶。尖沙咀分店自2017年8月開業以來，一直都是人龍熱店，動輒要排上45分鐘以上才可買到飲品。但隨著上年12月老虎堂和今年3月幸福堂在一馬路之隔相繼開業，形勢亦有所改變。工作日的晚上八時，鹿角巷門外排隊的人龍不再復見，只有零星的顧客在門外等候飲品。反觀並排在一起的老虎堂和幸福堂，等候的人數雖不算多，不過也有陣陣人潮。筆者還沒試過幸福堂，不過見到老闆一副嚴肅的模樣，沒太大光顧的意慾。老虎堂新推的冰鎮波霸拿鐵咖啡還未嚐過，不過太晚還是別吸收太多咖啡因。躇躊良久，最後決定支持一下比較弱勢的鹿角巷吧！點了名物"黑糖鹿丸鮮奶"，下單後等了約五分鐘便到手，底部的黑糖珍珠仍帶溫熱。選了正常甜度，與鮮奶搖勻後也不算太甜。明治全脂鮮奶奶味香濃，但由於沒如老虎堂加入奶霜，整體味道較清淡。黑糖鹿丸口感軟糯彈牙，嚼勁不俗。鹿丸煮得入味，稍稍過甜。不過由於鹿角巷的飲品沒有用黑糖掛杯，甜度主要來自珍珠，拌勻一起喝就不覺太甜膩。這晚，看著這街角微小的變化，聯想到時局的變遷，觸起萬般感慨。但，也只能接受這些現實。

之前成日經過鹿角巷見到長長的人龍，每次都冇耐性排咁耐隊而放棄左過咗咁耐，大食妹今日再經過尖沙咀見到冇咩人排隊，即刻試下佢個招牌黑糖鹿丸鮮奶先<黑糖鹿丸鮮奶$28> (好味:3.5/5) (抵食:3.5/5)因為天氣有啲涼嘅關系，嗌左杯熱嘅，凍冰冰嘅晚上飲杯熱嘅暖粒粒嘅黑糖鮮奶，好幸福呢熱嘅黑糖鮮奶原來又幾好飲喎，香醇黑糖味溶入新鮮鮮奶，兩者二合為一，味道好夾好好味鹿丸係細粒嘅珍珠，每一粒都比黑糖包住，咬落口好有口感、好煙un 鹿丸份量都幾多，每一淡鮮奶都啜到幾粒鹿丸，不錯喲二十八蚊細細杯有D貴，不過係好飲嘅

途經北京道見到網上人氣台式茶飲店，再次停下點一杯。可能因為近日開了不少過江龍茶飲專賣店，現在排隊比以前快了不少。 點了招牌之一‘’黑糖鹿丸鮮奶‘’和‘’小鹿出抺‘’。如圖片一樣，出品很漂亮。凍飲只可以點固定糖和固定冰。用明治牛奶泡制，奶味香濃幼滑。 珍珠QQ彈口， 因為兩杯都是用黑糖製成珍珠，所以帶有黑糖特有香甜味道，但因為糖的份量不能改，相對比較甜。‘’小鹿出抹‘’的抺茶的茶味相對就可以減低黑糖的甜度，個人比較喜歡。

酷愛奶茶的我, 最喜歡四圍是唔同的奶茶你揀尖沙咀鹿丸行, 一直以來都好多人 今日我就冇名義嚟排隊拜會下。 排咗大約十五分鐘已經可以買我就叫店員介紹有乜嘢奶茶推介, 店員推介咗一隻印度茶底的奶茶。茶抵用反印度紅茶， 配合香滑的鮮奶 非常滑溜。店員問我加唔加珍珠， 我希望飲上奶茶的完美所以選擇唔加拆底一口甘醇飲樂回甘香， 雖然價錢只是20蚊但絕對冇 行貨。落冰的份量恰到好處大小適中， 並沒有沖淡奶茶本身的原味。大熱天時飲一杯分外醒神

最近見tst I-square對面既鹿角巷終於少d人排隊，人龍終於合理翻，所以就心癢癢買翻杯黎嘆下。我諗少人左既原來係隔條街就開左老虎堂同其他同樣係過江龍既珍珠奶茶店啦。Anyway, 呢度既黑糖鹿丸鮮奶嘅珍珠都幾彈牙㗎！仲好重黑糖味添！另外由於冇黑糖掛杯，所以搞兩搞杯野飲，成杯野既味道已經好均勻，唔會時甜時淡。—#milktea #bubbletea #blacksugar #Sugar #hkfood #localfood #taiwan #taiwanmilktea #allisonfootforfood #foodblogger #foodie #thealley #alley #珍珠奶茶 #珍奶 #黑糖 #鹿角巷 #🦌 #foodie_son_allison

想試鹿角巷的飲品好耐喇，但次次見到條隊都排到想喊，至憎排隊。一天下午時分湊巧經過，又未到放工時間，見到無咩人排隊，仲唔即刻買杯黎飲咩？在職員的介紹下試左杯9號奶茶，果然同職員所述的一樣，有淡淡的果香味，味道不錯，但略嫌茶味有點不夠。不過珍珠煲得好冧，好易入口，整體而言，是不錯之選。

今日經過尖沙咀，見到平時好多日排隊既the alley,今日唔無左以前條排隊龍，咁當然係即刻去買番杯飲。門口只見幾個人排隊，等左5分鐘就等到，太好啦。係等待杯奶茶的時候，當然要同出面掛係牆上隻鹿影番張相，打下卡。先講一講個個杯幾靚，同出面長形杯好唔同，再加上杯入面睇到充滿黑糖，真係好想一大啖一大啖咁飲。飲落去同想像中一樣咁好多，黑糖味好足夠，奶味同茶味都重，好好飲。不能不提珍珠，珍珠係都有黑糖味，好濃，珍珠有咬口，加上珍珠同茶比例岩岩好，值得推介俾大家價錢28蚊，比起其他珍珠奶茶店貴一點，但飲落去係好飲都條值的

Waited a full 45 minutes for this baby. First time trying black-sugar boba with millk (no tea). Its true what they say – once you go black, theres no turning back!Black sugar boba just tastes way better than regular boba, and although theres no tea flavor in the drink, the milk goes pretty well with the flavor. The whole drinking experience is pretty interesting. You’re told to jab the straw down to the bottom for your first sip – that way you start off with warm and sweet black-sugar boba and e