麗香園冰廳 (已結業)

今日，我和老公往麗香園冰廳品嚐食物，老公叫了鮮茄义燒意粉和涷鴛鴦，而我則叫了午餐﹝牛油多士、火腿奄烈、沙爹牛肉麵和涷奶茶﹞。我們覺得味道如下： 鮮茄义燒意粉：番茄很多，义燒及意粉味道普通，感覺麻麻地。牛油多士：牛油味幾香，多士都烘得ok。火腿奄烈：有蛋味，不太老，都不錯。沙爹牛肉麵：不是出前一丁麵，而麵是預先用水浸過才煮的，故口感及味道都差一點。涷奶茶：見到選用Liption紅茶，可是覺得茶味較淡，需要改進。涷鴛鴦：比涷奶茶更有味道，覺得不錯。

老街坊以面目全,但"麗香園冰室"還在! 太好了! 我不想用來形容她! 一切算是保持有導(道) !依然是自家製的羔點! 難得!有人叫"蛋白雪山"焗核桃雪山....但味道甜是必然! 甜才會脆! 但一般小孩不明…O.M.G. !!!!***註 : 有甜尿症勿吃."拿破崙"就是拿破崙"沒有什麼叫(舊式&懷舊) ?但只有正宗之分! 今次只吃兩款美點!不想浪費食物!

尋日(1-7-2009 Wed)同男友出佢公司整o野,整到三點幾,去街市買餸前,食個下午茶先,佢記起佢老闆帶過佢o黎呢間食,咁就試吓啦.去到門口,見有好多下午茶小點,入去坐o係最後一張卡位,好凍,明白點解重會有張卡位.男友被外面o既o野食吸引,就急不及待地走出去揀,佢揀o左一件亞姐話舊式拿破崙同一件花餅.跟住亞姐就問我o地飲咩?呢兩件唔係下午茶餐,而係逐樣計,我o地話睇睇先.決定要多一個$20.00 o既o架o央多士餐,要熱奶茶,男友都要一杯熱奶茶.睇吓佢寫價錢,$20.00,$11.00同$7.00,唔知邊樣幾錢.o係等o既期間,我先食原來細細個已食過但唔知原來叫做拿破崙o既西餅,記憶中我係唔鍾意食.不過當然都再試試.食落,佢有幾多合桃,味道甜甜地,酥餅夠脆, OK.味道: 3分大大件o既花餅,男友一試即大讚好味,我又試吓先,蛋糕唔係咁鬆軟,cream裡面有椰絲,味道都幾濃唔太甜,cream好滑.味道: 3.5分熱奶茶奶唔係咁多,茶味可以再濃啲.味道: 3分o架o央多士o黎喇,外表同西多士冇乜分別,揭起o黎睇,原來o架o央醬係金黃色o既,先唔加蜜糖食,o架o央清清甜甜的,比較花生醬o

獨個兒吃完一碗拉麵，胃納的空間當然還有很多，但此時卻只是思吃甜食。說到甜食小吃，想起麗香園就在附近，跟隨就想到她的焗核桃雪山....三元五塊一件，絕對是極街坊的價錢。先用手摸摸那隆然突起的"蛋白雪山"，質地好像是硬硬的。咬下卻是挺脆的，吃進口是有如吃了"一咲風"進肚的。味道極甜，甜得有點咯喉；蛋白底下有些帶苦的核桃，感到有些"嗌"味，不吃棄之亦不覺可惜；最底部則是薄薄的一層酥皮，欠牛油香且又是冷冷的，同樣地，棄之不可惜....吃了一半左右，真的受不了它的甜，唯有放棄....要在港式冰廳尋着此等甜品已很難得，未試過而又是極度"甜牙齒"的，可以一試。小弟這種不耐太甜之人，唯有避之則吉了...

12-5-2009食完米線有點口渴, 搵到0黎呢間頗隱閉的舊式茶記飲杯0野, 簡單凍鴦 ($13) + 油多 ($7) 坐0下.以為凍飲同「懷舊無冰凍飲」係同一樣0野, 點知阿姐拎出勁多冰的高身杯... 諗住「唉, 是但啦」, 飲落又真係好夠凍的, 奶茶 : 咖啡比例亦 ok (雖然仍然係咖啡味大 d), 算吧.油多就十分黑口黑面, 雖然烘得頗鬆脆, 但實在太(火羅)了, 另外0個件一樣咁(火農), 仲要無乜牛油, 幾難捱的一份多士.放低 $20, 下次 (?) 再0黎飲無冰奶茶吧.

食慣了牛奶公司，想轉轉環境，行多幾條街去另一間茶記試試。格局似舊式街坊茶記，眼看大多都是熟客。我要的茶餐都是一般的款式，不過可以將多士、火腿煎蛋的改為三文治。那件蛋治是厚厚的，麵包軟熟非常，可借雞蛋沒有香滑的蛋汁。還有叉燒湯意粉，雖然叉燒是來貨，但水準不弱。另一個茶餐是沙爹牛米、多士及腸仔煎蛋，多士烘得很脆，腸仔又煎得香口。奶茶味道較為苦澀，反而咖啡味道又濃又香。再試試它的菠蘿包，其實本身味道不錯，伙計太好心將它翻叮熱，表面的酥皮變了腍腍的，我寧願它不翻叮呢。總體這間茶記水準中上，只食嫌牛奶公司，這間也是不錯的選擇。

週末去了很久沒逛的佐敦,除了想去永安買台灣食品外,還想試試這間冰廳;在熱鬧新填地街市裡尋覓她的所在,很不容易在攤檔間看到行人路上竟有麵包擺賣,走去八卦一下再抬頭一望,原來麗香園就在這裡。餐廳一邊很多叔叔伯伯在看馬經,另一邊卻空無一人,問過侍應大哥這邊可否坐後,獨佔近角落的一個卡位,有點自閉感覺!!餐牌上的午餐似乎很抵食,問題兒童向阿姐侍應發問多個問題,如可否改麵?? 樽仔奶茶要加多少??阿姐也耐心回應,真好!!樽仔奶茶如其他食家所言,以牛奶樽盛載,以造型來看是很特別的!在茶味來說不算很濃,以茶記來說是可以再重一點茶味的,反而奶味較重,花奶用量應該很重手,所以飲來很滑很稠,甜度雖甜但可以接受,喜歡少甜的朋友可能會覺得偏甜了點的。這支樽仔奶茶跟餐只+$2,跟凍奶茶一樣,看過其他食客所點的凍奶茶原來頗大杯的,份量應該會比這支牛奶樽奶茶為多,看顧客怎麼選而已。叉燒湯意粉改了公仔麵,麵底煮得有點生,初期是有點未煮熟的生硬感覺,後期泡了一段時間後情況就好很多;湯底說是用了著名金寶雞湯底,不過吃來味道還是偏淡的;叉燒是一般茶餐廳貨色,瘦肉不會很乾也帶點肥肉,用來泡麵是ok的,但沒有蜜味的叉燒總是不太

趕上班前醫肚，將近6pm來到麗香園買懷舊的糕餅-冰花蛋球，餐廳的哥仔和一位正在和他交談街坊說:你真好運，還有一個，常常很快賣光了。他們還介紹了其他糕餅。原來核桃雪山的蛋白一定要夠糖，蛋白夠企身才可以焗得高，哥仔說這個應該不合年輕一代的口味，不過光看可愛的外表，還是很吸引我去試一下!說回那蛋球，外皮帶菠蘿飽的口感，內裡鬆軟充滿蛋香，不油膩，可惜凍冰冰，拿回家叮一下應該更好吃。

星期六放一點走去食，真的好難搵，因為我行正街巿中間兩邊望，都無一個招牌寫住麗香園，兜來兜去搵吾到，唯有問麵包舖亞姐，佢指我去對面，如果吾係就搵吾到了。已經好肚餓了，成兩點幾了，叫了下午茶餐定齋茶餐，吾記得了，（$26）要了黑椒鴨胸米線……ｄ米線太淋了，不過好細碟，還有魚柳和煎疍，魚柳真的好脆和算熱，隻疍太生了，吾記得叫熟疍，食了ｄ疍白，無食到個黃，柸奶茶都ｏｋ啦！吾會澀口。跟塊方包，我食得出吾新鮮，ｏｒ隔左一兩夜，因為吾夠鬆軟，我本來以為係餐包仔的，如果係就好啦！走時還叫了一件西餅，吾記得什麼名（$3.2），平過美心個ｄ一半，都好味喎！又脆，不過可以少甜ｄ就完美啦！

顯然, 比起中國, 白宮, 美都, 這裡的"不屬於我的時代"感覺沒有那麼濃厚. 只知道門口有麵包蛋撻, 入面有飯有麵, 是"老港"式茶餐廳, 一樣是買少見少.午餐, 常餐, 點了簡單的叉燒湯意, 餐肉煎蛋. 薄切餐肉, 煎到香脆而不爛, 換了是我這塊餐肉早成碎片. 叉燒湯意, 雞湯底, 紅色不正宗薄切叉燒, 這明顯是小時侯愛食的叉燒湯意味道. 戲玉, 是那個無冰焉鴦. 伙記拿了一瓶玻璃樽牛奶瓶, 這便是他們的懷舊無冰凍焉鴦. 這個有如時興的冰鎮奶茶. 冰凍的牛奶瓶, 內裡是冰凍焉鴦. 沒有冰令其淡化, 冰凍的牛奶瓶亦能延長冰冷的時間. 而且用上牛奶樽, 的確特別. 說多一篇, 美食求於野...賣相不佳的, 往往是好食的東東.

今朝經過佐敦去呢間隱敝響街市裡面茶記，門口有幾多麵包賣，入面就無乜客。叫個早餐($21)有沙爹牛肉麵，豬仔飽，炸魚柳，煎旦同奶茶。沙爹牛肉麵D沙爹真係「與別不同」，唔知係乜野味，怪怪地，D牛肉就無晒味，D湯好咸同杰似汁多D，至於D麵就未曾煮開，一個字講晒-----差。豬仔飽又凍又硬，奶茶夠茶味但唔夠滑，唯一可取係炸魚柳，新鮮炸起好脆口。口味野真係各人不同，唔知點解咁都有人話好食。

o係openrice度睇到有呢間冰廳於是就走o左去搵啦~都幾偏僻o下好彩都值~食o左常餐五香肉丁米+多士+魚柳+蛋幾好味呀唯一係多士冇咩醬走o個陣仲買o左曲奇餅同核桃雪山曲奇餅勁好味呀我一直不斷試唔同o既曲奇呢度係唯一令我覺得拍得住車厘哥夫o既曲奇超鬆軟好好味核桃雪山就太甜喇...最估唔到o既係o的伙記都好好態度好nice呀值得再去!!! ^_^

2008年3月5日早上7:30 懷舊冰廳/冰室之旅正式開始, 由灣仔去到佐敦麗香園, 依照各位食家推介order …沙爹牛麵、魚柳蛋…原來係一個set裡面有齊禁多野架! $21炸有1) 餐包/多士2) 麵類3) 蛋類4) 飲品1+2+3+4 = $21 抵到爛!沙牛男友當然係餐包+沙牛麵+魚柳蛋+熱奶茶, 我就多士+炸菜肉絲米+魚柳蛋+熱奶茶鹹餐包- 細細個, 幾得意, 味道唔錯, 好香! 細食者可以帶走遲D食多士–香脆! 牛油不多, 我鐘意!沙牛麵–正正! 鮮牛, 沙爹味唔濃, 但幾好食, 好過用大量味精蓋過雪牛味.魚柳蛋–正正正! 魚柳外脆內軟, 有魚味, 夠熱! 坊間茶記有呢個質素的不多. 必食! 蛋也OK! 唯一缺點係個碟底有好多油, 你話塊魚柳同蛋索左幾多油呢! 不過我地平時食得清淡, 偶然一次無傷肝啦!炸菜肉絲米–好味! 肉絲勁少! 不過總體味道很不錯.奶茶–味道普通, 少茶味, 但各位可留意一下, 佢地d茶杯是放係一個好似電飯煲既容器暖住, 好得意! 男友話依稀記得以前d茶記係禁…以上都唔係重點, 佢地d包同蛋榚先至最正啊! 食緊個餐果時, 已經見

想說的，當然不是在這間港式茶記找得到正統的袋鼠國名甜品Pavlova，只是同以蛋白及糖打起焗成的蛋白糖霜餅，配上的也不是熱情果，而是一瓣瓣的核桃。如選一間茶餐廳去幫襯，當然首選是有自家製麵包西餅出爐的，所以如果在附近，這裡也是心水選擇之一。是日跟朋友來喝杯咖啡，進店前，被這個名叫焗核桃雪山的港版pavlova吸引著，要了一個。這個雪山賣相可人，蛋白糖霜做得鬆脆，跟pavlova一般是「甜到漏」。內藏的核桃是苦苦的，口感也不脆，腍腍地，中和不了蛋白糖霜的甜，還給我全數剔了出來。底部是一個薄薄的酥皮，貫徹港式撻餅的風格。凍咖啡是原支雪凍的，不甜，夠凍，亦幾夠「力」。也可以選奶茶式鴛鴦，大熱天時喝這個，也不錯。埋單16蚊，坐了良久，夠經濟。

以前讀書時就成日都有幫襯開,但要返工後,就少咗去啦.今日再去食佢ge午餐,都係保持佢ge水準,而且仲係由方飽變咗牛油多士.沙爹牛肉米火腿奄列+牛油多士凍華田好味呀!!