麥田冰室

营业中

休息中

叫咗三個餸同一個鹹魚雞粒炒飯咕嚕肉嘅外皮做得唔係太脆身，味道淡咗少少豆豉鯪魚油麥菜正正常常炒豬腩肉比較惹味有少少辣不過偏油同埋份量較少佢每個餸都可以跟個白飯或者係例湯嘅Total $278 不過不失啦

第一次光顧，食下午茶。入面座位舒服，服務態度好，又會介紹下有咩好食。叫左炸雞髀多士，凍檸茶。茶底好飲，多士好好味，夠香。炸雞髀好味，唔會好熱氣。下午茶選擇多，唔食小食，可以揀炒粉麵飯。

荃灣又一茶記外賣好選擇，懶人必備～～抵食茶記，簡簡單單又一餐。有時攰就會買外賣，叫咗個外賣返屋企食。椒鹽豬扒飯夠入味，夠椒鹽香，小小辣辣地，豬扒份量都多，飯一定夠飽大大盒。炒牛河唔會太油，有鑊氣，都幾多牛肉，而且河粉幾滑，茶記質素都算不錯。而且性價比高，價錢都幾抵食。套餐仲附送例湯，暖笠笠。熱飲加$2，凍飲加$5；特飲及汽水加$8。想平平哋就可以叫外賣返屋企食，好方便又等得唔耐，拎返屋企就有得食。

今晚公司開OT 同同事係附近買咗飯盒食 呢間茶餐廳唔算開咗好耐 環境都好乾淨就幫襯下先😝即叫即炒嘅粉麵大概$50 一個包埋例湯 正常價錢啦😗我哋叫咗個芙蓉煎蛋飯同咕嚕魚塊飯 見佢外賣飯盒都pack得好企理👍👍例湯一啲都唔咸 味道幾清甜 似屋企啲住家飯😋 如果南瓜再蓉少少 就更加濃郁有口感 但起碼而家唔似落左味精😛芙蓉煎蛋飯分量唔算好多 一大塊 女士都夠食嘅😛 但餡料就落足 有好多叉燒芽菜蝦😋 芽菜都好新鮮煎得好爽口 因為芽菜係精粹😍😍 好多時飯盒外賣拎走都會局到淋晒 但呢間完全唔會👍咕嚕魚塊飯好香 酸甜適中唔會話太酸好嗆喉😋 好欣賞佢炸粉唔係好厚 魚肉啖啖肉好滑嘟嘟 菠蘿都好甜 好開胃輕鬆食晒成個飯😛頭先等外賣嘅時候我仲聽到人哋食雞煲 唔知得唔得呢🤣 原來仲有海鮮食 睇嚟唔止茶餐廳咁簡單🤣

呢間餐廳新開張無耐，開係呢頭應該都係主要做街坊生意。今晚好簡單食個飯。俾下意見先食物選擇多：碟頭飯都有排揀。睇咗好耐，想食飽啲，所以都係叫飯。人手充裕：無論係講入去帶位、點菜、上菜，定埋單去收銀，都有足夠店員，唔會無人理！環境整潔：啲燈光都夠，好乾淨，枱有埋紙巾坐得舒服嘅，仲有埋聖誕佈置，有氣氛。味道理想：我求其食咗個豆腐火腩飯，夠飽，夠足料，燒腩仔啲肉又厚。朋友個個福建炒飯都唔錯，唔會太多汁。全部都熱辣辣咁上價錢合理：有埋靚湯飲，唔貴食咗半個鐘頭就食完如果遲啲可以考慮做埋扒餐呀糖水呀咁，等我哋有得坐耐啲食耐啲就好啦

荃灣中心好多餐廳仔 專做街坊同學生生意呢間新開 環境同店員都好好🥰食物即點即炒 推薦俾附近街坊食呀😗.🍖乾炒牛河$50🍖好大盒 好有鑊氣 咸甜適中 牛肉幾淋炒河夠香口亦冇炒到糊曬夠油夠濕潤 好食👍🏻·🥘咖哩牛腩飯$55🥘咖喱汁少辣 大眾接受到嘅辣度好多舊牛腩同甜洋蔥牛腩夠軟淋 唔會sip牙縫如果多啲牛腩就好啦🥰·

今晚接住去荃灣中心找好友， 去咗一間新開茶記食晚餐🥢由於比預期晏咗， 所以比較急趕，各叫一個炒粉同炒飯， 簡簡單單食一餐😊餐廳以黃、白、綠色作主顏色調，感覺清新整潔， 坐位闊落好坐👍街坊生意， 50蚊套餐就有齊老火餐湯，野飲， 而且即叫即炒， 價錢非常實惠👍老火餐湯熱辣辣上枱，湯料不少， 絕不味精😆， 欖菜肉鬆炒飯、魚香茄子炆米夠曬有鑊氣同香口👍👩‍⚖ 街坊生意，小店經營， 又大碟頭，價錢唔貴，食物款多👍

呢日中午係附近探完朋友之後一個人落到黎荃景圍，見到呢間冰室新開張無耐～望望個價錢牌，又唔貴，見咁耐無乜食過中式食品所以就入咗去食啦除咗平時嘅餐牌之外，中午時段每日都會有唔同嘅特惠午餐包埋野飲！最平嘅都只係$33，學生仲有另外嘅優惠！未食都覺得呢間其實真係平民價首選嘅餐廳嚟！而小妹今次就叫咗美極干炒牛河+熱奶茶奶茶都好滑好飲，唔會話好澀或者茶味太重，岩岩好！至於美極干炒牛河方面，好夠鑊氣！而且唔會好咸，用美極炒出黎係好食啲！份量都好足，食到我好飽！另外服務員另外比咗辣醬我落，對於中意食辣嘅小妹黎講落埋辣醬呢個配搭更加一流！中午黎講$45蚊，係市區黎講已經食唔到呢個價，所以係平靚正嘅午餐黎下次再黎食！

今日去朋友屋企，看到樓下有茶餐廳，聽說是新開張，就決定試試~食物的價錢親民，是一般茶餐廳價錢。我們叫了兩份晚餐---魚香茄子炆米 和 豆腐斑塊煲配白飯。食物質素算𣎴錯茄子和肉碎的份量剛剛好，米粉吸了魚香茄子味，味道濃，不會過油膩和焾。而豆腐斑塊好香口，因為加了香葱和蒜頭爆香，而豆腐的脆度剛剛好，外脆內軟，斑塊都不會過焾，有種煙韌感，整體不錯，送白飯一流。凍檸茶就是一般飲到的差不多，茶味重，不會過甜，夠凍。這

今日個朋友係荃灣中心個頭放工約我去個邊食飯，咁我地就揀左麥田冰室，個招牌好大好光，一見就見到。咁我揸車黎搵佢，對面線都泊到下車，可以望到架車幾好。咁我地就叫左乾炒牛河，雖然普通又平民，但要整到又香又滑又有鑊氣都唔係咁容易，咁我地就覺得佢整得色香味俱全。第二樣叫左揚州炒飯，好足料，炒得乾身軟硬適中亦都有鑊氣，蝦仁都幾爽口，係清淡得黎又唔會悶既選擇。依家好似好少餐廳有檸檬利賓納，所以嗌左佢，味道適中唔會太甜。呢度都算大，整體黎講覺得價錢都唔算貴，份量都夠，係一間經濟實惠既茶餐廳。

因為要去探一個朋友，朝早又未飲咖啡，顺道經過就食個早餐先，落車個位置就正好係呢間餐廳，所以就走入去食。入門口有個女士好nice，早晨，隨便坐，樣子和聲音都好溫柔，令人一入門口嗰種感覺好舒服，我估佢係老闆娘，nice😊座位寛闊，亦坐得舒適，調味料擺設整齊清潔，員工個個都好有禮貌。早餐⋯⋯豬扒➕🍅茄汁豆➕火腿奄烈⋯⋯配多士🥪豬扒味道適中，肉質咬口剛剛好，奄列也做得不錯，紅番茄🍅、茄汁豆夾多士，味道匹配，而且亦迎合大眾化的口味⋯⋯，😋飲品⋯⋯熱咖啡☕️香濃滑溜，濃郁的咖啡，喜歡喝咖啡的人相信也會覺得不錯👍晚飯餐牌望落也不錯，價錢又抵食😊

估唔到係荃灣上面呢個位都有間咁抵食經濟實惠嘅冰室，入面位置都好寬敞坐得好舒服，晚市套餐選擇都好多，五六十蚊一個飯麵餐真係少之又少㗎啦，睇咗餐牌好耐都揀唔到食乜添，小菜炒飯炒麵都想試吓，到最後就揀咗呢兩款試吓魚香茄子炆米嘅精髓知唔知係咩？除咗咸香甘味嘅咸魚味之外，茄汁經常被比下去，但其實都好重要㗎，走過油嘅茄子可以好完美保持住紫色，微辣甘香嘅醬汁俾茄子充分吸住，每咬一啖豐富嘅醬汁就爆出嚟，而且茄子要係煮到熟透同保持完整之間嘅平衡都拿捏得好好呢個豉汁涼瓜魚塊快炒出嚟熱辣辣，涼瓜入口多汁唔苦，豉汁惹味將食材包住哂，每一口層次都好足夠

今晚媽媽遲左收工 唔得閒煮飯 所以就出去食 見到樓下開左間茶餐廳裝修完 幾新淨同光鮮 就入去試下哩間新野 媽咪話平日晏就都好多街坊同學生哥幫趁先飲碗例湯 今日係青紅蘿蔔🥕豬骨湯 雖然例湯係免費 但絕對唔馬虎 係自家煲製 好足料 飲落好似呀媽平時煲湯既味道 岩哂我依個飲湯怪😆叫左兩個鑊氣小炒 我就叫左菠蘿咕嚕肉同菜心牛肉 好大碟 菠蘿有幾片 咕嚕肉係五花排 個汁酸酸甜甜 好開胃同送飯 落左好多青椒同洋蔥去炒 顏色畫面豐富 感覺上更健康☺️菜心炒牛肉 牛肉有幾片 牛肉炒得好有鑊氣 唔會過火 菜心幾甜 幾岩配飯一齊食😚小菜份量好足 係價濟經濟實惠既茶餐廳 🍴 可能新裝飾關係 採光好好 地板好乾淨 無論座位同環境都比同區既茶餐廳寬敞舒服😌 下次晚飯就多一個好選擇啦

收工時間攰攰地，已經唔想煮飯啦，一於買兩個飯盒返屋企食啦，見到呢間冰室，係新開張嘅，一於試吓味道如何啦，裏面嘅環境唔算好大，但係勝在十分之有親切咁，而且老闆娘都傾得幾句架，有一種街坊嘅人情味。今晚叫咗呢一個粟米班腩飯，份量10分十分之多，一個人真係食唔晒呀，斑腩完全唔會有雪藏嘅味道，而且上邊林左啲粟米汁，送返特別好味，喺呢個秋涼嘅天氣，食到一味熱辣辣香噴噴嘅粟米班腩飯，十分之窩心。涼瓜斑腩飯，細細個唔鍾意食涼瓜，但係人哋話如果你經歷得多左，食涼瓜就會變得甘甜喎，原來係真㗎，而家大個越嚟越鍾意食涼瓜，清熱得來，又健康，火腩肥瘦適中，而且食到師傅有大酒樓廚師嘅手勢，夠晒鑊氣啊。

有日座車經過荃灣中心係轉角位見到好光，好奇心推使我去八下望多兩眼，原來開左間新店，叫麥田冰室。今日得閒無煮飯就去食，可能時間仲早，店內未有其他顧客， 咁我就問下侍應有咩好介紹啦！佢就話6點先有晚餐， 果時 5點50分，咁我唯有座下，等下啦！好~夠鐘6點，可以叫晚餐了， 我點左干炒牛河， 瑞士汁雞髀飯， 因為係套餐有送老火湯， 另外加左兩杯飲品，熱檸茶和凍檸茶。食物送到，我們快速食完就走了，食物不過不失，侍應強調老火湯冇落味精。