麥當勞

营业中

休息中

成日都好想試下新出個菠蘿蝦堡，因為友人食過話不錯！所以今日決定買黎做lunch。 平時呢間老麥不嬲都好多人幫襯，今日更加多人多到爆炸。。。因為遇風球過後，大家到擁著返工前買個野食。。。自從佢到轉左一邊淨take order, 然後取單去另一邊拎食物。我真心覺得呢個方法係會令等的那個人，會等到好燥底！只能說佢地每次嘅改革，只係令客人等得更耐。。。算了，説回食物。菠蘿蝦堡果然係好味，起初好怕塊炸蝦會勁油。但竟然一點油嘅感覺也沒有。炸蝦同菠蘿嘅配搭竟然係咁match😍彈牙嘅炸蝦餅再配埋沙律醬，真的又fresh 又 juicy 又好食。呢間分店嘅薯條幾好味。因為係我最鐘意嘅軟腍腍薯條😍不要就好像少左點。

今朝趕頭趕命，入完張Cheque之後先有時間食早餐，超忙的！要快唯有食麥叔叔啦！去到勁多人排隊，我望望錶，已經10點50分，救命，會唔會買唔到？買唔到既話就唯有食10蚊豬柳旦漢堡啦！(慳家)，到我已經11點05分，打定輸數，點知哥哥仔話仲可以比我買！感激呀！今日Encore芝士雞堡，今次走醬，走醬反而好食啲喎！總係覺得個醬同塊雞唔夾，咸咸地no good，塊雞大過平日，不過就比較薄，少少辣口不過好香口，雞油唔多心理上健康杯咖啡就真係要話下，極濃！我已經落左2杯奶但係都超濃，近乎難飲..咖啡味超重。可能我平時飲豆漿多，今日一飲咖啡就出事啦！浪費左咖啡粉啦...

難得點jack回歸, 我依D食麥樂雞大既點都要幫襯下既 (同場加映脆香雞翼份量絕對係餓鬼之選, 足足18件夠飽肚咁今次有一隻新醬, 其他之前都食過蜜糖芥末醬: 甜甜酸酸沙律醬, 都吾駛多講, 好味韓風辛辣醬: 都幾辣, 食落小小甜, 但係遍咸, 我反以覺得似平時食粉面哥D辣椒醬味噌芝麻醬: 芝麻味濃郁, 加小味噌的咸味, 同D mcnugget異常咁夾星洲咖哩醬: 食到好香甜既椰奶味, 叻哩辣味岩岩好, 有驚喜

在這家麥記買早餐的等候時間是超級長員工手腳特別慢 而且特別呆頭呆腦沒精神奶茶特別難喝 茶味特別弱一句總結就是特別差來過兩次大概沒有必要都不會再來了不太想吃麵包 看見新出的野菜扭扭粉就點了本來也沒有期望太多 不難吃就滿意了可是份量實在少得要哭 目測不過二十粒= =吃了跟沒吃沒差 以這個價錢買包類早餐絕對比這個飽多了從麥記展開了糟糕的一天> <

做完Treatment, 想起麥仔記新出了粟米批就買個回家跟大胃王分享吧~熱辣辣的粟米批想不到，粟米味都頗濃郁，就像飲濃濃的粟米湯一樣加上脆脆的外皮，是想不到的夾呀！是繼朱古力批之外，第二個喜歡的批呀!!

開咗成朝會成個人頹哂，食完lunch去m記買咗個最近新出嘅芒果新地（$7）番公司為自己打打氣。芒果新地鋪上細細粒嘅棉花糖，食雪糕都有得咬吓咬吓，几過癮；果醬清清甜甜，加上由細食到大嘅新地味道，充滿親切感。今日呢杯新地可稱得上「苦中一點甜」。

22-5-2013(三）是日晚上，吃過拉麵後仍未覺飽，那唯有在 麥當勞 吃個套餐，希望填飽肚子後沒煩惱！點了一個 白漢堡餐。白漢堡的包身上舖滿黑芝麻，竟神奇地連一點芝麻味也沒有；內𥚃有一塊煙肉，多油、很肥膩，味道又極度鹹身；另內裡還有炸雞，炸雞大件，惜一點香脆也沒有，肉質很硬，肉汁卻很少，感覺乾乾的；薯蓉入口的味道很怪，與整個包的味道不相符。埋單$29.8。

29-3-2013(五） 和他由石籬村行山至石梨貝\金山，至蘇屋村終結，差不多步行約3.5 小時，雙腳也酸軟了。來到麥當勞，我們二人吃一杯double新地。其實double新地的外型頗有層次，由上而下是：士多啤梨醬、軟雪糕、朱古力醬、軟雪糕，賣錯不錯，份量也不少。雪糕最緊要是吃的時候要夠凍，這裡做得到；另外，士多啤梨及朱古力醬很多，朱古力醬特別濃及杰身，用匙子把它拿起來也要多加力，非常香濃、可口。差不多每啖雪糕也可吃到醬汁，正! 吃完，真的很舒服。

由於係太興食唔到想食既晚飯,就番出去食麥記啦,今次試食黑椒漢堡套餐,黑椒漢堡>>牛肉夠juicy,味道有少許辣,黑椒汁配上洋蔥粒,好惹味!薯條>>有d硬,但仍然好香!汽水>>同平時一樣,無乜特別,味道比較淡!

今日放工去咗新開嘅麥當勞，已經記唔起對上一次食麥當勞係幾時。依間分店分別設在2樓和3樓，堂食座位只有少量。嚟到見到有未食過嘅蕃薯批呀，就買咗一個嚟試。蕃薯批6蚊一個，外層同其他批一樣脆卜卜，內層蕃薯蓉多過蕃薯粒，有點似南瓜蓉，甜甜地都幾好味。薯條炸得金黃香脆可口味美，新鮮熱辣。汽水夠冰夠凍夠汽好味。