麥當勞

营业中

休息中

工作中時常都要久等，不過被困在一個地方好像挺慘烈，通常我都不加理會，因為肚餓就需要找東西吃。如果這是貪近貪快貪方便，就過了這兒買個麥當勞餐。又是這種討厭的狀況，就是明明有職員，站在收銀處前邊想要落單俾錢，人們都視而不見，然後強迫你自己使用點餐機以及八達通自行點餐付款😓。外賣之後，發現薯條份量都不少，亦夠香脆，可能因為加入這兒食客眾多，因此薯條即炸，亦都夠熱夠香脆。豬柳蛋漢堡好像越來越小個，難道是由於這次的特價餐轉了做豬柳蛋漢堡，所以份量就要減少嗎？

首先，我係一個McDonald迷🤩但係好少會點巨無霸，因為佢俾我嘅印象係一打開就扁哂、d餡又亂哂、d菜又梅、中間果層包一定濕到腍哂等等！🥵最近見到McDonald新廣告，巨無霸改配方，俾佢吸引到！🥸分析：1. 個包冇咩變形，一來用左盒裝，二來包嘅質地都比較挺身。但包入面好似好多細孔咁，冇咩口感🫥2. D餡都算對得幾整齊😼3. D菜新鮮過以前🫡4. 中間果層包竟然冇濕到腍曬！👾整體來講，好食左！🤡不過都仲有好多包比佢好食😹

路過長涉灣廣場的麥當勞見到換左新廣告“季節限定@福岡之莓“，而家做緊優惠價$10，本身我系士多啤梨粉絲所以決定買黎一試，軟雪糕由平時的雲尼拿味變成士多啤梨味，非常有日本士多啤梨的味道，但可惜士多啤梨醬依然系平時的味道，如果有福岡風味咁就要大讚，以$10黎講值得一試的

平時都會用手機訂餐，都算快又無漏野. 今次估唔到打開個盒係咁，上面有d濃咗嘅嘢，熱香餅爛一塊都算，原來底下果塊都係爛嘅…我都明早餐時間好忙，但見到真係唔係好開心囉⋯⋯

$88嘅新春套餐，感覺好似好多野食好豐富咁🤩脆薯牛堡有滿滿嘅黑椒汁，本身都期待入面塊薯餅，不過一啖咬落去，其實感覺唔到薯餅嘅存在😭一來巳經淋曬，二來味道俾黑椒汁、牛肉遮蓋了扭扭薯條雖然脆，但係味道就偏咸都係普通薯條好食啲😕紅豆批ok，如果紅豆味香濃啲就更好了～脆香雞翼留到最後先食，巳經唔脆了😂

下午茶時間到……近近地叫麥當勞。蛋糕唔好叫，中伏！咖啡可以叫下。杯脆脆鮮奶咖啡，落奶分量啱啱好，甜度適中，大大杯夠曬飲。分cake，就同普通西餅店冇乜區別。只能說，圖片同實物相差甚遠

疫情關係午餐又要買外賣，天氣又熱，唔知食咩好，點知同事推介麥記，最近佢優惠好多，話值得幫襯。老實講自己一年都幫襯得佢幾次，試左個套餐，signature嘅漢堡包加咗粟米飲品。點知同事用咗cunpon，$10就買咗兩個豬柳包。跟住再用一蚊雞，仲換咗杯大可樂真係好抵，仲要杯可樂原來唔使買餐，都用得。實在值得一讚，簡直窮人恩物，疫情下跟大家共渡時艱。食物水準就無謂多講，都喺麥當勞style，signature 個包幾香及鬆軟帶多點甜味，安格斯牛肉又真係幾厚，多肉汁，不過有點牛燥味，另外洋蔥碎幾多，夠新鮮先。

今日口痕，所以就買了個將軍漢堡當午餐。大概是疫情關係吧！午餐時段堂食的食客不是太多，買外賣的也只有幾個人，不想增加脂肪，所以沒點套餐，只單點了一個將軍漢堡，$20一個包不便宜哦！漢堡醬汁份量還好，始終將軍漢堡的靈魂在於醬汁，如果醬汁太少就不好食了。一年食一次，今年食就感覺醬汁沒以往的美味，以往的都是甜甜的，味道比較濃，但今年的好像沒那麽甜和濃味，反而甜中帶一點點酸味，味道沒以往的好，大概今年都不會再買來食了!

M記野食都係咁上下，總之整出嚟就比廣告效果差n倍，每食一次都感嘆廣告攝影師嘅高超技術，所以都無謂多講。重點係，呢間m記有開放位置，又有兩層，職員又少，所以成日都搞到勁污糟都無人執，真心唔太敢喺度食啊…

食麥當勞早餐嘅目的係想食佢個薯餅，今次都唔例外見佢今期新出咗沙嗲牛肉扭扭粉，我不嬲都鐘意新嘗試架，就試試佢！今次係點餐機到點餐，其實真係幾方便，可以慢慢點唔洗係counter到好趕咁嗌野食。好快就有得拎餐喇，揀咗係外賣自取番溫暖嘅家食 番到屋企打開個扭扭粉都好熱辣辣呀，第一口食落去，有驚喜到呀，沙嗲味好香好濃郁，而且牛肉唔似茶餐廳嘅牛，係好似肥牛咁薄薄嘅一片，但好有牛味, 好入味,比起茶餐廳更加優質啵扭扭粉一向都好正，希望佢之後都仲有喇

而家身體同對腳唔好, 出親街都要拎拐杖咁關食評咩事呢? 可能唔關, 只係講下唔同餐廳對行動不便人士待遇有咩唔同咁如果去大家樂, 店員見到你去買票o個陣係拎住拐杖, 堂食, 基本上都會主動問要唔要送餐, 畀個牌你, 搵位坐, 有人幫你搬個餐去你張檯咁基本上連鎖快餐店, 好似係得大家樂固定有此等服務, 麥當勞 / KFC 從來都冇咁點解標題要拎麥當勞o黎講呢?話說我尋日去晏晝麥當勞, 已經唔係最 peak o既時間去, 睇下會唔會有好心店員幫我捧下餐咁結果都係冇, 冇辦法啦, 自己拎, 我又不至於拎唔到咁結果拎住盤餐, 行埋位, 想擺低盤野, 又要顧住支拐杖, 結果成杯反轉, 倒晒, 薯條都倒左一半當黑, 咁我都唔好意思, 要阿姐幫手抹地, 但我就睇下有冇人會補返杯野畀我結果冇仲要o岩o岩食脆辣雞腿包, 辣雞翼, 冇野飲, 黑上加黑再諗返下廿幾年前, 我仲係細路o個陣去幫襯麥當勞, 倒瀉晒杯野, 都有人會補返杯野畀我呢樣野係咪細路限定, 定而家已經冇咁o既服務, 定我特別樣衰仲要拎拐杖所以冇人理? 我唔知, 不過我諗我以後都係不宜一個人o係麥當勞堂食完

之前見到18件麥樂雞出咗4款新醬就試吓鹹蛋黃醬+南乳燒雞醬+香草檸檬醬+蜜糖芥末醬鹹蛋黃嘅鹹香味不嬲好正但今次麥樂雞隻鹹蛋黃醬真係伏味濃....南乳燒雞醬直頭係垃圾！狗都唔食！係有少少南乳味嘅，但伏味極濃佢好有化學味似足細個美術堂嗰啲油水彩香草檸檬醬比較清新同特別不嬲有酸甜味嘅醬同麥樂雞好夾蜜糖芥末醬不嬲都係最穩陣同樣酸甜味同麥樂雞好夾不過我個人偏愛香草檸檬醬黑糖珍珠奶茶我無叫少甜但都唔係好甜不過珍珠太少，無咩奶香同茶味，好似飲水

平時都好少食麥當勞不過早餐時段除外個人最愛 熱香餅配熱咖啡的確唔錯選擇扭扭粉 豬骨湯底 都幾好不過依間麥當勞 真系好多人平時午餐時段會爆哂場盡量預早少少去買否則等候時間真系有排等

呢日唔知做乜忽然間好忙好忙，好多野要做，連lunch hour都要犧牲下。好彩down左個apps，係電話落order，之後叫咗個板燒雞腿包餐，將薯條轉做粟米，留反tea time食，健康好多，又好味道。

粉紅色的草莓新地已在麥當勞甜品站一段時間了，這個月轉了新的口味—藍色的柚子海鹽新地，於是便買了一個朱古力脆皮柚子海鹽新地回家品嚐。Tiffany blue的外表是十分吸引，打卡一流，但一嚐下去，咸甜咸甜的味道配落雪糕真的有點格格不入，很奇怪的味道，小編不認為是好味的那種(￣Д￣)ﾉ好不容易才吃到底，雪糕配上底部的柚子醬一同吃下，好吃多了。其實只是單轉成柚子醬整個感覺已好很多了，不用加上咸味雪糕。希望這杯期間限定的雪糕新地快點完結-.-