麥當勞 (滙景廣場)

营业中

休息中

麥當勞的Ciabatta飽喜歡去萬迪廣場的麥當勞, 因為地點很方便, 就近地鐵站, 而且可以手機預先點餐, 基本上是不用等待的。而且他們營業到12時, 宵夜都食到。長期食麥當勞, 今次點了McCafe的食物, 因為看著已經覺得很美味, 選了Ciabatta包, 這款包很難做得好吃, 稍為做得不好便會很硬, 或者一股麵粉味, 這次難得的是堂食, 有加熱服務, 所以包體吃起來不會像石頭那麼硬, 而且有內餡倍加美味, 菠蘿讓一組吃起來更juicy, 這個組合我喜歡。雞肉跟菠蘿亦很搭。雞肉不乾不嚡。而且Ciabatta烘一烘, 明顯好吃很多, 推介堂食。

**匯景商場麥當勞「原塊菠蘿雞包」食評（$25套餐）** 今日試咗匯景麥當勞特價嘅「原塊菠蘿雞包餐」，$25連可樂，價錢算平，但質素真係令人失望！一打開張紙，個包已經壓到扁晒，賣相極差。雞扒細塊到可憐，仲要唔似炸雞，反而似蒸雞肉，完全冇脆皮口感，同宣傳圖差好遠。菠蘿算係唯一亮點，幾juicy，但整體配搭好奇怪，包身又乾又實。$25雖然平，但呢個質素真係唔合格，寧願加多少少食返正常漢堡！麥當勞今次真係失手，希望改善下食材同包裝，唔好再令客人失望！

【藍田匯景商場麥當勞：$10九件麥樂雞！抵食到難以置信】 今日特登去藍田匯景商場麥當勞，試吓傳說中「$10有9件麥樂雞」嘅超值優惠！十蚊港紙換到九件金黃炸雞，平均每件$1.1，簡直係快餐界慈善價！ 麥樂雞外皮炸得香脆，咬落去唔會太乾，肉質尚算鬆軟，雖然唔算多汁，但以咁嘅價錢絕對收貨。醬料方面，照例配甜酸醬，開胃又解膩。不過部分雞件偏細，同埋如果係即炸出爐會更完美，今次食到嘅似乎擺咗一陣，熱度稍欠。 總結：$10九件麥樂雞，性價比爆燈！作為小食或者宵夜，抵食程度無得輸，唯一希望係可以保持熱辣口感。 評分：8/10 抵食指數：★★★★★

今日難得早起身，去到匯景麥當勞食返個早餐先，麥當勞都算多人，但有位置，我點餐後即刻坐低，等送餐，我點咗好耐都冇食過嘅熱香餅精選套餐+薯餅，食物到後，熱香餅是暖的，再加上花生醬和甜奶，非常美味，薯餅香脆好正，食完麥當勞後係美好嘅新一天。

韓式甜辣麥炸雞🍗配Shake  Shake紫菜味薯條🍟韓國風味甜辣麥炸雞，開胃又野味，大大件炸雞，雞肉有油香，香滑嘅雞肉，外面甜甜地又唔係好辣，炸到金黃色，色香味俱全。今次配埋紫菜味Shake Shake薯條調味粉，薯條包埋一個紙袋和一包調味粉。首先將個紙袋打開，然後倒入薯條和調味粉（今次係紫菜味調味粉），之後摺好過紙袋，搖搖10下左右，打開個紙袋，薯條均勻地沾滿了調味粉，就可以食得。紫菜味薯條🍟鍾意食紫菜嘅一定會好鍾意，好玩又好食。

終於試到喇😋之前排曬隊，又要搶唔試啦。今日雖然星期日，但是因為尚早，悠閒地行入麥當勞就可以買到個早餐啦。楓糖班戟豬柳蛋班戟咬落有點煙煙靭靭的感覺，豬柳和蛋表現正常。鹹鹹甜甜有幾夾喎😊

陳皮妹去咗舊同學心心🤍既麥當勞🍔生日🎂會,送完生日禮物🎁俾心心🤍就叫嘢食，喺枱度叫麥當勞🍔姐姐🧍‍♀️落單就會送嘢食埋枱。試咗菠蘿🍍蝦堡覺得一般，珍珠抺茶發覺珍珠太少，試咗新出既芒果🥭麥旋風🌀，都覺得一般，試埋櫻花🌸蝦shake shake薯條🍟，問題🙋係薯條🍟本身唔夠脆。之後麥當勞🍔姐姐就玩第一☝️個遊戲Bingo,每個小朋友👧🏻都有禮物🎁,第二個遊戲老師🧑‍🏫話，第三個遊戲穿圈圈⭕️，麥當勞🍔姐姐皓有愛心💗。之後切心心🤍帶嚟既Kuromi蛋糕🎂同影大合照📸,陳皮二妹俾人整甩綠帽爆喊😭心心🤍送每人一份禮物🎁

又一次打哂風嘅burger,今次係三重芝士安格斯，一打開個盒，洋蔥盒內橫飛，沙洋醬左一pet, 右一pet。主要分享，包肉模糊. 真係包拿上手都成手醬。真係見到都唔想食，廣告賣到幾靚仔都冇用。炸芝士，皮超厚，芝士味不錯，牛堡扒小乾。完全唔明白麥當勞有炸皮就一定整pet 沙律醬，用巨無霸嘅蛋黃醬都還好，match啲。麵包正正常常，外型做到口感少少特別，不過都係漢堡包啲包嘅味道，只係樣唔同。 Kitkat choco pie, 外皮是韌的, 甜度算適中。

第一次買蘑菇安格斯已經係蘑菇橫飛，生菜絲幾條擺包面伴包，醬汁成個盒都係。今次買 Big Mac. 又係咁，成個包散哂，好似分開上咁，醬料又係亂咁黎。價錢便，唔代表個漢堡包就可以亂黎。嫌人工低可以唔做，何況個人工只係叫你砌返正常個漢堡包樣！ 唔好諗低人工就可以求其做講返個包其實做無乜好講。 30蚊一個包，味道口感都唔會話有咩要求，麵包都軟唔硬唔乾。蛋黃醬ok. 酸青瓜ok. 生菜絲都幾新鮮爽口。牛肉味道口感都不錯整體都係合理味道之內。

已經好耐無食麥當勞早餐，難得平日放假就買份大早餐慢慢食。外賣了雞扒蕃茄扭扭粉及豬扒蕃茄扭扭粉，配薯餅，咖啡及熱朱古力。薯餅外賣返來依然夠熱，香脆，好食。豬扒有骨，蒜蓉味，煎得有點乾身，但味道可以。反而是扭扭粉太軟淋，不太好食。還有一些粟米粒，感覺比較健康。雞扒有少少辣味，味道不錯，不算嫩滑，但也不算太乾。同樣，扭扭粉都煮得太軟淋，口感麻麻地。這份也有粒粒粟米，蕃茄湯底好夠酸，很開胃。熱咖啡味道正常，熱朱古力就太甜，可以自己加熱水變作兩杯。

麥當勞新推出的產品---孜然麥炸雞。由於試食價只是$10，所以買了一隻來試下。孜然麥炸雞基本上就是麥炸雞再加上孜然粉,有少少微辣。雞是炸得香脆，但個人覺得孜然粉與麥炸雞不是太match，有一點點怪的感覺!Anyway, 還是覺得麥炸雞比較好味！

夜晚收工屋企冇煮飯，去到屋企樓下呢間金拱門叫左個雞翼餐，熱脆脆既薯條同埋好味既可樂，簡直係絕配！呢間老麥好處在於夠大座位夠闊，坐得舒服又唔驚冇位，廁所都算大，衛生程度比其他麥記黎講已經好好多。

事源見同事食小龍蝦蛋沙律包+咖啡好正，收工就嚟試下──Mc cafe有2個crew, 可能忙啦，我喺counter企咗等咗一分鐘都冇人行過嚟，跟住有個女人打尖行到我隔離落單 就有crew過嚟take order, 突然個女人意識到佢打咗我尖 問我係唔係買嘢(我唔係買嘢 企喺部機前面做乜🙄) 我停咗一秒想睇下個crew點做，點知個crew就遞手叫佢買先，完全無視企正喺部機前面嘅我！(本人至憎被人打尖，一開始可能佢同我都太矮，冇留意到我都正常，但打尖本人都意識到問我，點解M記員工見到知道都仲繼續錯落去！M記咁處理即係歡迎客人打尖唔排隊？!如果多客咪亂到7彩！)講返食物，$40几蚊有杯咖啡同小龍蝦芝士包 唔錯，杯mocha 個人認為比pacific coffee好飲，至少濃味d, 個包d料都係我鐘意嘅，但裡面d蛋有啲凍，有半邊包底太乾身 硬，正如同事所講 唔係個個都整得好食，睇手勢，但撇除打尖事件，總體嚟講我ok, 會返兜 但唔喺呢間😑 差d唔記得幫同事儲印仔，好似有優惠

我自己幾鍾意喺甜品站度買嘢食，既然出咗新口味就當然要試下脆皮阿華田朱古力新地。平時買成$10杯，做特價$5就可以買得到，依家唔食等幾時，當你一拎到杯雪糕嗰陣，啲朱古力已經開始變成脆皮，然後當你除低口罩準備食嗰陣，脆皮已經完成✅。阿華田味的確好濃，再配上脆皮朱古力同阿華田脆脆，一淡食落口有3種唔同既口感。但係如果可以係個雪糕底，都加少少朱古力漿嘅話，就真係冇得頂啦，今次冇令人失望，新口味話咁快就完，唔知下隻味

麥炸雞，以為去咗KXC...但係都幾貴！抱住試下無妨精神叫咗二人餐。個盒好大，但唔似K咁裏面好少嘢，裏面都裝得滿，佢有個蓋俾你稍稍阻擋熱氣散走，保溫用。其實啲雞係幾大件嘅！食落少少辣，好多油，咬一口啲油味哂出黎...但係係好食嘅，猶其一大塊嘅，佢好肥美。雞肉嫩滑，有啲明點解要咁貴，不過兩人食其實有啲多...仲有薯條粟米同埋兩杯嘢飲。順便試埋佢嘅鹽味檸檬雪碧，其實幾夾呢個餐，鹹鹹甜甜幾開胃再試埋佢嘅H字頭雪糕，有啲失望，無好明顯咁分到同平時嘅朱古力有咩分別...以為脆筒會好啲，但其實唔差得遠..雪糕方便堅失望，做番綠茶好過...