麵尊

营业中

休息中

朋友告訴我上環一帶又一間名叫麵尊車仔麵非常有名氣敢稱自己為「尊」的，不可少覷！是日路過上環於是前去一試究竟，沒想到！下午1時45分門口居然仍要排隊！？我心想：果然厲害！店門面貼滿了與明星的合照，當中還有發哥。我一邊等候一邊看裏面的環境，裏面的座位不算少而且反正在門口等候時已預先劃定紙，揀定野食最低消費每位32元，在中上環一帶可謂平價於是我們等了約十分鐘可以進去了。我們坐在圓桌的兩個位子，是可以轉到身的距離，不算太擠迫。等了一會，面上來了。我叫的是豬頸肉、鴨腎、雞翼，要了麻辣，粗麵。吃一口十分好吃，可算是我吃過的車仔麵中最好的一間麵軟硬適中，製作時間恰到好處。麻辣醬與街市買到的四川麻辣醬一樣，麻度比辣度稍高，在此不作多提。另一方面雞翼、豬頸肉和鴨腎都非常入味，尤其雞翼和豬頸肉的質感剛剛好腍得黎帶嚼勁另外，湯底由於我選了「牛腩汁＋葱＋麻辣」所以較濃。有牛腩汁非常之有味和濃郁。其實我覺得不加麻辣醬也沒關係，單是加腩汁已非常夠味了。粗麵和牛腩汁簡直是絕配！我邊吃邊忍不住說：嗯！這間高質！有水準！食這間的時候，我想起的是筷子記，品質類型有點類近但我會覺得這間相對地還比較好食應該會成為常客！

今日開完會，返到公司見肚餓，於是便落街去麵尊醫肚。麵尊是阿P介紹我去的，他說麵尊的格局及食物都乾淨企理，於是便同我去試，點知一試就上癮。這裡每份食物都只售$8元，這碗車仔麵售價$32元：米線($8)、咖哩魷魚($8)、豬紅($8)、冬菇($8)。這裡的豬紅是我的致愛，夠實淨，滷得夠入味。另外亦推介麵尊的蘿蔔，每次食都清甜無渣。係上環食車仔麵，PJ會推介這裡。不過麵尊好早收舖的，不做夜市，大家別晚上來摸門釘啊！

以前係呢區做野, 成日都見佢好多人等, 但食飯食間得1粒鐘, 點食呀 今日過開黎上環出job, 2點幾應該會少人, 啱哂啦, 去試下點知, 係唔洗等位呀, 但都仲係好多人, 入面大概有5,6張枱, 張張都圍滿哂坐低, 共實每枱之間唔算迫, 係同一枱坐得多人, 手撞手硬係好似迫咁野食都幾多野揀下,最後揀左 豬頸肉, 魚皮餃, 雞翼, 油麵, 加腩汁車仔麵最基本, 亦最難控制嘅就係個麵底, 我對油麵都算幾有要求, 佢個麵底夠彈牙, 口感好好豬頸肉值得讚, 每塊都有厚度,唔會因為$8就薄切比你,雞翼勉強可以接受, 未係好入味, 魚皮餃都係普通貨仔湯底,我認為係車仔麵嘅靈魂, 呢碗麵當中, 我最欣賞嘅地方就係個湯底.我揀左腩汁底, 個湯好濃好香好夠味, 每食一啖麵都忍唔住伴小小湯.買單 $32, 咁嘅價錢, 仲可以要求啲咩? 味道已勝過一切, 不解釋!

麵尊地址 : 上環蘇杭街22-24號1號舖好味指數：7／10價錢：$36大尊（豬紅 、 豬皮 、 蘿蔔 、 魚蛋 、 紅腸 、 菜）呢間車仔麵一到午市時間店外就會大排人龍，原來店內只得幾張枱，所以要食就要襯早泥擺位。當日好唔好彩要等位，店外又曬又熱，好彩有把小風扇涼住。店員亦都好醒目先比order紙我地點住先，咁入到去就可以即刻幫我地落單。就咁睇張order紙的設計同銅鑼灣新記好似。為左方便唔洗左揀右揀又試得多餸，所以揀左大尊，對比之下發現小尊是小了菜$34，而由於我個揀飲擇食的朋友對大尊唔岩岩心水，所以自行選了三餸一麵$32（午市最低消費$32）。 食車仔麵醬汁當然係最大的靈魂，咖喱 、麻辣 、腩汁和蔥可供選擇，重口味的我當然全部都要，還指明要多辣。麻辣味道果然有d料到，配料亦都算不錯，但店內的冷氣太弱，我食到大汗疊細汗，不過辣得好過癮呀！

上堂要趕時間，搵間快攪店，佢麵同餸大陪份8蚊，好似我食左24蚊。魚旦得三粒，無咖哩味又唔陣牙，但有陣腥，五香肉丁得幾粒，米粉麵餅半個，女生都要兩碗先夠啦。佢麵上作自家麻辣醬，真係好麻，攪到我湯都唔敢飲。上完堂回去仍要食個麵包同半碗飯補數，份量少。環境衞生也是一般，賣點就只有平。

係上環周圍搵野食，都係想食d舊式野，搵左呢間車仔麵叫左豬紅，豬大腸，白菜同牛腩，仲另外叫左炸魚皮。食車仔麵，豬紅永遠係我既至愛，呢度煮得入味，無怪味豬大腸聞到少少騷味，食落都ok, 係痴住比較多肥膏牛腩燜得入味，睇落以為好乾，但其實好lum整體覺得呢度味道唔錯，只係$8一個餸其實有d貴，不過好在無銅鑼灣果d所謂名店落咁重味精。

平時中午經過蘇杭街《麵專》門口總係企滿人，唔通真係咁正？今日終於忍唔住要試下 見店內面積不大，相信坐得唔太舒適，所以我選擇外賣， 點咗個＜細尊配幼麵＞。紅腸，見openrice好多食評都讚，入口味道的確不錯，而且幾爽口。咖喱魚蛋，咖喱好入味，我浸咗喺湯度成10分鐘都仲好香辣。蘿蔔都不錯，軟硬適中;豬皮唔夠爽口。唔知佢嘅幼麵點處理過，入口有啲甜味，怪怪哋，但麵身好爽口。整體唔太差，但未有想像中咁好。

<< 麵尊 >> 果然好味, 車仔麵之中佢係我至愛, 已變咗我嘅外賣飯堂, 打去10鐘內已可以自取  最愛多種類嘅我每次都忍唔住叫多樣野  必食推介:1) 豬皮, 豬紅, 豬腸 & 蘿蔔: 超級爽口入味2) 牛肉: 非常彈牙好味3) 魚蛋: 唔你平時街邊個隻咖哩魚蛋, 佢個皮係炸過, 入面不失魚蛋味4) 鷄中翼: 鹵水非常入味, 煑得啱啱好, 鷄肉好滑5) 紅腸, 酸齋, 紫菜 & 冬茹: 例牌, 但都好味至愛6) 生菜: 新鮮爽口, 配埋腩汁湯底正普通: 1) 蟹柳, 獅子狗: 超級市場typical貨品2) 咖哩牛栢葉: 因唔食辣, D咖哩汁對我黎講太辣, 個咖哩汁就算過咗水都仲有苦辣味3) 魚皮餃: 普通麻麻地:1) 美味齋: 味道太淡2) 牛腩: 反而最失望佢個牛腩, 幼條質感唔牛腩同無牛腩味雖然唔食辣, 但我遲D會試下挑戰佢嘅麻辣

又到 lunch time , 記得之前經過麵尊有好多人排隊, 所以決定試一試~ 門口有一堆人, 但其實好多係外賣, 堂食既可以先點菜, 到你入去果陣即刻有得食。諗左一陣食咩, 一個送 $8, 另外有個叫大尊麵, 有豬紅, 紅腸, 魚旦, 豬皮同羅白~ 我朋友要左大尊麵, 佢話個紅腸幾好食, 唔怪得個個都有紅腸 O.O我要左4個送, 其實咪道無咩特別, 但不得不提佢既辣汁真係好食！有分Curry辣同麻辣兩種~ 咖哩比較香, 而麻辣就真係辣, 大家要量力以為。

若然一家食肆的門前老是一大片人潮，通常會直接予人一份信心保證的感覺！起初麵尊並不起眼，可是每次經過都被那一層如浪花似的食客嚇壞了，僅一個小時的午飯時間，根據麵尊的吞吐量，究竟能接納多少層浪花？莫非輪候的食客要等到天荒地老？"KS" 在飲食方面，是不會付出任何耐性的人，但麵尊蜂擁的人潮，正勾起她的好奇心！當天我們特意下午兩點前才抵達麵尊，意圖避開人潮，但是門外依然有數名人士在輪候，不過要比午飯的黃金時間少多了！我們在門外，取得輪候號碼，然後在點菜用的小白紙上圈出自己的心頭好，初次到來的我們，當然有點混亂，所以在門外擾攘了片刻，定一下神，不到兩分鐘，舖內的職員便喊出我們的輪候號碼了，真夠快速！坐下不過數分鐘，麵也送來了，算是神速吧！我選了豬紅、白蘿蔔、雞翼尖和咖喱魚蛋的四餸油麵。呷了一口湯頭，深濃的啡黑色澤，帶出了小時候車仔麵的豉油香味，我即時興奮得喜上眉梢，讓 "KS" 快試一口，"KS" 也有著同感。小時候，在戲院門前的車仔麵檔、又或是在露天牌檔的片斷均一一在腦海中湧現，不單美味，更是來得感動！我愛的白蘿蔔，汁液豐富，調味深入，採用了冰糖吊出白蘿蔔的香氣，入口清清甜甜，很是滿意！雖然不

牛腩芝士腸加米底$37,寒冷的冬天有一碗暖冧冧的牛腩湯米粉，香氣樸鼻，一㗳㗳的熱湯暖胃，平凡的芝士腸經熱湯浸泡後，只需咬一口，芝士便源源不絕對地流出，一碗普通的車仔麵，食後令寒冷的冬天帶來一份溫馨窩心的感覺!

終於等到下午茶 1430pm 有平兩蚊既時候我黎呢度計埋今次第三次了 今次食完終於令我想打篇食評推介下第一次我係食外賣, 食大腸+豬紅+ 粗麵  可能因為外賣關係, d 麵唔好食, 仲有果沙嗲汁出奇好辣食到我好唔舒服, 但大腸+豬紅係好味, 夠入味的第二次係堂食, 叫左大腸+豬紅+ 牛柏葉 + 粗麵 + 雀檸 呢次食麻辣~反而呢種辣係好味得多, 配餸方面, 仍然keep 住水平大腸吸左麻辣味道, 味道更濃, 唔錯的選擇可惜粗麵都係唔好食, 無咩口感 第三次都係堂食, 叫左冬菇+豬紅+ 雞翼尖 + 米粉 + 雀檸 仍然選擇麻辣, 今次試下叫米粉~原來麵尊既湯底同米粉夾埋咁好味, 我係食到連湯都飲埋雞翼尖無咩驚喜, 可以唔食~冬菇好好味, 完全入味, 軟身, 下次會再叫終於俾我搵到係呢度我最鐘意食咩啦

放Lunch 去買碗3餸麵, 叫左蘿蔔, 鴨腎, 豬頸肉米加腩汁~ 上環地區$28 埋單的確算平~ 車仔麵精髓梗係蘿蔔..但係麵尊蘿蔔唔夠淋.. 又唔入味.. 鴨腎, 豬頸肉好普通.. 最奇怪既係個湯底.. 雖然係加左腩汁.. 但係都唔明點解會咁甜..唔係肉既甜.. 係糖既死甜.. 好似sukiyaki 鍋個湯底咁甜.. 我就唔識欣賞啦.. 食完非常口乾.. 仲起痰添我同事仲聲沙.. 成個下晏講野都走音.. 肯定唔會再幫襯!!!

大熱天時，完全沒有意識出街吃飯，結果一星期有三日往往都是買外賣回來吃。在中遠附近返工，有一些餐廳，是下午飯時候必要排的，其中一間是在上環頗為有名的麵尊。長期多人，是什麼原因呢?有個朋友說是味精太重，容易令人上引。不過，我相信每天下午人頭湧湧一定有其原因的。今天叫了午餐，一碗車仔麵三餸加麵底也只是三十七元正，在價格高的上環的確是很便宜，特別是現在價格高到不行的車仔麵界。上環有三間車仔麵，各佔一方，咪咪車仔麵和車仔麵之家也是這邊開飯熱點，但論人潮，這裡應該是最誇張的。叫外賣方便很多。結果選了是最大路的車仔麵餸。既然是green Monday 就吃點清清的而又突顯出車仔麵味道的朋友吧。選了蘿蔔，蠔油冬菇和這裡馳騁車仔麵界的的咖哩魚蛋，肚餓關係，麵底也加大力度，加了底。咖哩魚蛋- 很少鋪頭用大魚蛋，可能成本問題少人用吧，這裡的咖哩很入味，整粒魚蛋也爽口彈牙，而且大大粒，好抵食蠔油冬菇- 又一入味之作，本身我不太好吃冬菇，但這裡的蠔油應該把冬菇滲得很軟很腍，入口味道很滑，而且不算太鹹，味道剛好。蘿蔔 - 應該是最出色的，車仔麵檔要做得好，這個車仔麵餸應該是如會考中英文一樣是必修科目。蘿蔔炆得很腍

今日因為同事的一句話 令我突然間超想食車仔麵於是一位同事帶了我去蘇杭街的"麵尊"試一下係中上環 食lunch 同打仗無太大分別我地十二點鐘準時出發 係12.10 去到麵尊 唔算太多人 我地係2號飛同事第一件事話...好在行得快咋門口阿姐不停話 寫左食咩先啦 好快有位 我地都係等左10分鐘左右就有位啦餸嘅款式唔算少 都有3x種架我擇左食車仔麵必食嘅 豬紅+ 雞翼尖, 仲有 豬大腸 粉腸 配 米粉 + 麻辣同事就擇 豬紅 豬大腸 豬皮 粗麵因為已經係等位嘅期間寫左嘢食 所以一坐低 唔駛三分鐘就有得食嘩 好深色嘅湯 餸嘅分量都唔算少湯: 夠味豬紅: 入味 偏硬 粉腸: 一般 好似煮得唔夠火喉咁豬大腸: 入味 但係唔夠焾雞翼尖: ok 好味 不錯選擇麻辣: 夠香 夠麻豬皮: 入味 唔係塊塊都夠焾