麵屋丸京

营业中

休息中

半熟卵拉麵($78)有3塊叉燒同半熟蛋，我走咗筍，份量都幾大碗，雖然揀咗濃湯，豬骨味好香濃，但唔會太咸👍🏻表面層豬油比我想像中少，感覺無咁油膩，食晒成碗都無罪疚感☺️雖然無得揀麵質，但煮得啱啱好，夠爽身掛到湯叉燒燒得幾香，下次會試埋佢嘅真叉燒，望落好吸引🤤橙黃色嘅半熟蛋蛋味夠濃，索埋啲湯一齊食好滿足😋地獄拉麵($83)一個字：辣😂朋友叫咗呢碗，我試咗少少，陣辣味後勁十足，拍得住譚仔中辣🥵食得辣嘅朋友可以挑戰下～環境﹕7/10抵食﹕7/10味道﹕7.5/10

🍴麵屋丸京👅• 今次嚟到位於麵屋丸京的深水埗分店✨啲人話呢間分店嘅質素高啲🤭因為我未試過其他所以唔知係咪真🤣！不過整體嘅質素真係唔錯👍🏻————————————————🌟丸京拉麵🍜 $100叉燒3枚| 真•叉燒3枚| 蛋| 筍一嚟到嘅時候覺得個擺盤好澎湃🤭好多叉燒鋪滿喺上面！分別有叉燒和真•叉燒各3塊 叉燒經過煙燻 所以食落有火炙香 而真•叉燒經過慢煮 口感更加鮮嫩✨麵條爽口彈牙 對我來講軟硬度啱啱好(個人鍾意偏硬嘅麵質)🍜 糖心蛋醃製得啱啱好 中間蛋黃顏色偏橙紅 偏黏稠 個糖心蛋幾出色🌟❶ 黑蒜油湯 (+$12)湯頭濃郁 黏度過中 有豬油脂香但唔算好油 接受到🤣黑蒜油湯好香蒜油味 唔會過於重口味！(平時食黑蒜油湯好易食到一半就太重味 好厭好滯🥺) 但依碗食得好舒服！成碗麵配合得好好！❷ 小蝦干清湯 湯底無論聞定係飲落都好香蝦味🦐 味道好濃郁 感覺有少少似大地魚湯 飲落好順喉好舒服🤤❸ 柚子胡椒清湯呢一款幾特別！飲落第一啖覺得有啲辣🙀之後先飲到柚子嘅清香！🤣呢款湯底好少喺其他拉麵舖見到 幾特別 想試吓新野嘅不妨試吓🤣🤣➍ 香蔥沙律炸雞 $42有五件大雞塊🍗 係即叫即炸 每一件都炸到金黃

今日出開深水埗，突然想食拉麵🍜就搵下附近有冇上OpenRice 搵到間麵屋丸京。見無劣評就黎試試叫左碗丸京拉麵，依款有3塊真叉燒同普通叉燒，再跟溏心蛋，我揀左濃湯（另外仲有4款湯底揀）叉燒口感同味道唔錯，濃湯湯底有濃濃豬骨味，味道夠，但不算咸。拉麵麵質可能我比較鍾意軟身，依碗相對較硬，但可以接受😄另左叫左份自家製餃子，餃子味道正常，反而餃子既醬汁就有驚喜。味道有酸酸甜甜既感覺，我估個醬係自家調製。環境，服務整體都不錯，可以值得一試👍🏻

深水埗好味拉麵小店餐牌上有好多唔同湯底選擇，但因為鐘情蝦湯關系，最後選擇左蝦湯底嘅丸京拉麵蝦湯底好好味又濃厚，蝦味特出叉燒出色，蛋有驚喜，一試難忘下次黎一定要再追加先掂另外因為當日有個優惠每樣小食送一枝汽水，我地都ORDER 咗七味炸雞同大阪燒風味餃子餃子出色都比較多肉汁架，大阪燒風味有驚喜，下次黎可以再ORDER七味炸雞整體比較普通但辣味（七味粉嘅味道）有餘韻整體同友人食完都滿意，值得推薦呢間小店比大家，番食指數滿分💯

湯頭有好多選擇，有啲味都好特別第二度食唔到 柚子味好開胃，溏心蛋係用靚蛋 蛋黃金黃似蘭王咁 香港難得好拉麵 咁正竟然唔洗等位 一星期每日都有唔同湯底揀 好期待下次再嚟試蟹蝦湯拉麵

今日嚟到深水埗本店丸京拉麵之前食過佢牛頭角分店，感覺一般般聽人講佢本店質素高啲，所以今日特登出深水埗一試果然出乎意料高質素，不負所望拉麵都係食返傳統豬骨湯比較好 丸京豬骨湯湯底比較厚身，油脂亦夠湯底唔會有蘇味，面身硬度適中，完美配搭招牌真叉燒，比傳統叉燒顏色上有分別。因為用咗慢煮嘅方法，所以出嚟係粉紅色入口非常嫩滑，一食上癮整體上呢碗拉麵評分超過90分比好多所謂正宗豬骨湯底拉麵好更多因為佢冇特別迎合香港人口味，反而比較偏重想做返日本本土風味，增強湯底油厚感另外再叫咗個小食香蔥沙律炸雞雞肉炸到啱啱好，外皮香脆，入邊juicy 由於雞肉本身都好食，唔需要沙律醬都得沙律醬喺呢度就顯得有啲多餘鍾意食拉麵嘅朋友絕對要一試，記得係要試深水埗分店

丸京拉麵🐽「深水埗拉麵小店」🍜丸京拉麵（清湯）$100麵比常見嘅幼面粗啲，更加有口感‼️清湯就正正常常啦🤣丸京拉麵係3塊真·叉燒加3塊普通叉燒，普通叉燒係火炙叉燒，肉質比真·叉燒硬同乾少少🙌🏻隻溏心蛋嘅蛋黃好紅🥰甜甜地👍🏻隻蛋唔錯✨真·叉燒拉麵（清湯） $108真·叉燒拉麵有6塊真·叉燒🐖真·叉燒係比較淋同有肉汁啲，不過呢個拉麵就冇荀！得真·叉燒、蛋同蔥做配料，不過都幾夠飽🤣由於小編去舖頭嘅時候，老闆啱啱做完手術😷而整豬骨湯嘅過程係需要好大嘅力氣🙌🏻所以小編去嘅時候係冇豬骨湯供應‼️大家要留意下‼️整體：🌟🌟🌟性價比:🌟🌟🌟🌟食物：🌟🌟🌟環境：🌟🌟🌟📍深水埗荔枝角道319號地舖人均消費：～$100/head

嚟到牛頭角，想揾番間特式嘢試吓，經過附近麵屋丸京，門口有好多人排隊，質數應該有保證，所以走咗入去食！一入嚟我就嗌咗丸京拉麵試吓：丸京拉麵 $100拉麵配有真叉燒 同普通叉燒各三塊。聽講真叉燒分別在於 慢煮，所以望落去偏粉色，食起上嚟有啲啲嫩，味道新鮮。同時佢哋既日本拉麵彈牙爽口，再加上豬骨濃湯既脂香味，食落好滿足！七味炸雞 $38雖然炸雞望落有啲燶，食落有少少苦味，不過內裏雞好鮮嫰，完全唔嚡口，再加上滿滿七味粉，好食！可想試佢另一款香蔥沙律炸雞！名稱：麵屋丸麵 Menya Maru Ky

好耐冇食拉麵,好想好想食,但近來一直好忙,完全抽唔到身,見靜靜地,丸京又咁近,咪蛇出去諗住快快手食碗麵,點知世事就係,麵未到,電話就響,相都未影得切就要走,跟住只要叫丸京哥哥比外賣碗我拿拿聲倒落去拎走,碗麵就由靚靚變唔靚啦>.<打格仔先,好彩今次想原粒蛋啪叫丸京哥哥唔好切開咋,唔係個流心蛋就流走曬啦,丸京哥哥再三叮囑盡快食用,以免影響品質,哩個都係唔做外賣既原因.已經要丸京哥哥特意整醬油湯比我,仲要拎走個麵,真係過意唔去...好彩忙完一陣就可以食埋個麵,麵條依然彈牙,冇變焾,係紫菜焾左XDD依家佢地有好多新款,不過都係含有豬湯底,又冇我份啦,睇返之前堂食既靚靚麵相先啦,丸京哥哥仲請我飲蘋果汁 <3 呀,今日個MENU係清湯唔係濃湯,不過我都係食特製既醬油湯,粟米紫菜拉麵.希望快d 有時間坐慢慢嘆啦.

店舖設有吧枱 可以看到廚房師傅在工作旁邊有方形桌子提供桌子配有簡單的冰水 辣椒醬 蒜蓉之類丸京拉麵他們的拉麵都放到滿滿的叉燒裏面分別有真叉燒 叉燒顏色都是偏粉紅色 看來有點生生的真叉燒是慢煮的 需要的時間比較長吃起來口感比較軟 和有點入口即化麵質偏粗和略硬湯底我們選擇了清淡點不是重口味感覺選了清淡類整體拉麵都值得一試餃子餃子的口感還好 一般般不要期待太高不過店員的服務態度不錯你需要他們都會盡量提供店裡的裝潢是我喜歡的

今日本想去深水埗荔枝角道幫襯一間久未再去的越式餐廳，點知已經人間蒸發，十分可惜！換來附近多了幾間日式餐廳。今日本來想食粉麵的，於是楝了麵屋丸京吃午餐。吸引我光顧的是門口一張印有存量直送的鯛湯麵，可惜原來還未有供應。現有供應的湯麵有五款，由大概八十玩起錶，我揀了第二貴的丸京拉麵，要一百塊錢！在深水埗食肆來說是頗為高價。揀這麵主要兩個原因，一以麵店名字起名相信是招牌菜式，二是這麵包含了叉燒和真．叉燒，初頭是一頭霧水的，見餐牌平的麵是用叉燒，而只有最貴兩款才用真叉燒。試丸京拉麵就可試齊兩款叉燒了。另外我選了濃湯。等了大約五分鐘麵到！大碗上左右各鋪上三塊叉燒及真叉燒。兩款叉燒厚度及面積大至是一樣的，叉燒是跟其他日式叉燒一樣呈啡色，而真叉燒則呈粉紅色，看落好像有點生，又像是火腿的顏色。吃落真叉燒比叉燒嫩滑，味道更鮮。後來問過店員原來真叉燒是以慢煮方式烹調，所以更鮮嫩！主打的麵條是日本拉麵，十分彈牙爽口，而份量也相當足夠，加上濃豬骨湯底的油脂香味，吃過有令人滿足的感覺！整體來說我給這湯麵的評價十分好！大概有八十至九十分！

戒食豬肉既期間,成日好想食拉麵,可惜香港大多數只有豬骨湯,雖有有少數如雞白湯,鰹魚湯等,但多數店都位於港島,而味噌, 醬油拉麵更係少之又少...自上次係尖沙咀龜鶴食完冇耐,傳出佢地會結業,就一直冇食過拉麵...直到丸京開張,街坊多口問佢地一句,有冇豬骨以外既湯底,佢地竟然話,可以幫我特製醬油拉麵,於是我就有拉麵食啦,試下最普通既款式先,佢地知我唔食豬肉,將叉燒分開上.比左男人食XD我就係食溏心蛋同竹筍,最鍾意食筍~醬油湯底雖然唔係特別好,但係係師傅立即係為我做既,已經好滿足,啖湯已經夠曬甜啦,喜歡硬麵既我選左硬麵,慢慢食到尾都唔會太焾,男人要左個正常叉燒拉麵,佢話湯底甜,濃度正常,冇豬騷味(佢食過一間話濃到有豬臭咁樣),叉燒ok,我地試左3種飲品,蜜瓜,青提同柚子梳打,我最鍾意青提,而佢最鍾意柚子,哩度工作既全部係年輕人,好有活力,店簡清乾淨,廁所亦係好乾淨.期待下次再食有素食朋友都想試呢

Delicious 😋 Slow roasted pork is highly Recommended! Great value as well, and the deep fried chicken is also incredible.

呢間拉麵店都起深水埗駐腳左一段時間平時行過見到圖裡碗麵上面既叉燒粉紅咁色唔知點解唔係好想碌入去食今次因為友人提議，就去試試啦原來有叉燒同真叉燒揀既雖然都唔係好知有咩分別，碌下openrice睇下有咩分別啦，蠢鈍如豬既我睇到既就係顏色嘅分別咁就叫左無咁粉紅肉既濃湯。豚骨拉麵有蛋有筍同叉燒三枚叉燒唔係粉紅果隻😂切得都幾薄唔會話好肥，都幾香的拉麵軟硬度還可以👌🏻但沒有說得出的驚艷口感豚骨湯很濃很香加點蒜一起吃會更出色半熟蛋要是冰凍點口感會更好吧另外仲加左個七味炸雞很邪骨的油炸物，但很香脆，不錯不錯

麵屋丸京近年不斷開分店，直到而家已經有四間，證明餐廳拉麵既高質素。今日星期五就同女友去左深水埗分店。以拉麵店嚟講，餐廳裝潢比較光鮮明亮，座位寬闊，座位下面有籃子，非常貼心。- 丸京拉麵蝦湯湯底濃郁鮮甜，叉燒有真叉燒同普通叉燒各三大片，真叉燒經慢煮處理後肉質腍滑，肉味香濃。另外溏心蛋嘅顏色非常鮮紅，中間既溏心蛋黃囗感特別黏稠。- 極上拉麵清湯叉燒鋪滿拉麵上面，每一片都切到紙咁薄，另外仲有「紅噹噹」嘅糖心蛋同荀，分量非常足夠。清湯足深啡色，味道有少少似醬油湯底。麵屋丸京拉麵算係我同女友心中Top5，最後女朋友連湯都飲埋，Respect to師傅！