麵屋武蔵 (新鴻基中心) (已結業)

我同男朋友是這間拉麵店的常客，幾乎每周末都會在屋企附近的分店食。今日我們因事去左灣仔，到新鴻基中心分店試下，真係噩夢！周末人客少得一兩枱，所以店內侍應收銀全部喺度玩手機心不在焉……我哋叫罐裝汽水，結果等左十分鐘都未到（侍應仍在玩手機），我地追問汽水下落，侍應竟然話 “下？哩度無哩隻汽水㗎喎” ，如果無的話點解落單時唔講聲？另外我哋明明無講過要分單，個收銀大哥又屈我哋講咗？ ！ 真係完全唔想浪費時間同佢爭論……我從未寫過review，但真心覺得這樣的服務實在令人無奈，希望餐廳正視問題，請人時多注意質素及員工培訓

早前係日本食完覺得幾正，係香港見到有就再食多次。叫左赤沾麵，味道有日本八成咁好味，算唔錯啦，叉燒係比較瘦個種，個人中意食瘦叉多d，浸落麵汁再食好惹味~ 麵質夠硬夠粗，完全夠位吸收麵汁再食

琴晚同舊同事聚一聚去左公司附近呢間拉麵店選擇原因係唔會太多人 寧寧靜靜 唔會太嘈我點左碗蕃茄豚肉拉麵朋友點左碟清淡d既豚肉拉麵最後點左碟炒野菜蕃茄豬骨味道不錯朋友話d麵太硬我個人鍾意碟菜多d 份量夠2人食2位加埋$225

灣仔一向難搵食，黎到新鴻基中呢邊更加無咩平野食，麵堅武藏算係中價之選～～～～食過不同湯底，還是黑豚角最好吃。要早過12:30到先唔使等位～～～～今次食d豚角肥左少少，但入口即溶幾正！朋友就鐘意食蕃茄，夠健康。

今日行遠啲，去左新鴻基中心食午餐。本身打算食超級三文治，男朋友揀唔到食咩，佢又想食隔離間拉麵，就去左喇。入到去睇個餐牌，發現原來係之前係尖沙咀食過覺得麻麻嗰間，就一人點一碗麵就算。我叫左黑武骨豚角，佢食白武骨豚角。黎既時候勁熱，見到賣相都不錯，個豚角好大塊。先試一試個湯，黑武骨加左好香既黑蒜油，但唔算太濃。白武骨就太濃，好咸。平時食係黑蒜油會濃味啲，但唔知點解呢間黑蒜油反而清少少（對比起白武骨）。然後試左一啖個豚角，其實都算不錯。不過首先好咸，然後佢太肥，雖然食落係幾腍，不過覺得食左太多肥膏落肚。啲麵份量都幾多，軟硬度適中，唔會太硬或太腍。整體黎講個麵都算唔錯，唔算好突出，不過至少無左上次食覺得好難食，甚至中伏，但係就未必會再去食。

其實平時都好想中午食日式拉麵。今日做野夜左見呢間拉麵唔多人就拿拿聲入來醫下個肚，叫左個辣既拉麵。由於我自己本身都好鍾意食拉麵所以好快就食完一碗。個湯底好好味如果再辣啲同份量多啲就好啲。食完一碗堅係唔夠飽。

Pic says it all, the black broth is watery, brown not black n doesn't have the garlic aroma. Tastes herbal n oily

今天又下大雨，於是和同事來了新鴻基中心的麵屋武藏。我點了黑武骨（$75要加一），只是一碗拉麵沒有飲品。由於我們只有2人，未能享用中銀或東亞信用卡送小食的優惠。點餐後約10分鐘食物送到。拉麵湯底很油膩，湯不夠熱，麵質亦不彈牙，只是蛋的流心度不錯。义燒很瘦有點嚡。座位有點迫，店內十分嘈吵。待應有主動加茶。

每次到呢間都淨係食呢個麵,因為蕃茄湯好正. 豚角似豬頸肉,有碎薯仔配搭.不過最鍾意都係佢個隻蛋,好正宗有用醬油醃過PS:呢間D麵煮得太軟,我次次都會叫佢整硬D俾我先好食.

今曰，我都唔開心，唔開心就食曰本菜。 就落單到上菜大約5分鐘。叉燒肉都幾薄而且幾淋但只得兩塊，無咩脂肪。湯就幾辣，飲落去個湯夠熱：麵條比較幼條，食落嚟幾彈牙。雞蛋就糖心蛋，成個份量都唔算太大份。

今日係第一日美食節 瘋狂shopping之後 想揾地方食野，又唔想行到灣仔出邊食飯 想食完之後可以附近搭車走，是但黎到呢度喇食拉面，打開餐牌，想order食差燒飯，話無飯賣order左豚肉拉面等左一陣好快黎到豚肉就好多塊 ,但係湯底係勁油都唔敢飲個湯底面質 好一般，隻蛋 正常食完之後 ,我覺得味千拉面好似仲好食tin,唔知點解有甘多分店最底消費個 69蚊加一夜晚無咩人黎食，試一次夠了

三月份時曾光顧過東京的麵屋武藏,回味無窮回港後仍想再回味一番曾經到過新世紀中心的分店,可惜與東京的相差太遠...因此留下一個壞印象今天去完動漫節,血拼完很餓經過麵屋武藏,實在難抵餓意,不用等位,還是走進去進去後立即下單要了赤武骨叉燒拉麵侍應生很體貼提醒有點辣的很快便送上來了赤武骨叉燒拉麵湯底很濃,有點辣,但辣而不嗆麵有點淋,份量不多叉燒很香,有兩塊蛋有點過熟了

堂食不下十次, 由於menu簡單, 三款基本湯底及三款基本料, 共九個組合都基本上試過了, 還是覺得第十款"蕃茄豚骨拉麵"最好味。 原因一 三款基本湯底太油 原因二 三款基本料無豬頸肉 原因三 個人喜好另外,"叉燒飯"味道普通,份量適合女仔。小食方面試過"芝士年糕",無味而且只得一啖。個人喜好胡麻醬,覺得"胡麻菠菜沙律"好好味(唔中肯)!不過實際上胡麻醬無menu所示咁多,所以有少少失望。下午茶有一小碗麵加一個小食,好抵!

午飯時間拉麵癮起，再訪麺屋武蔵。店員推介了一碗新出品鳳翔天拉麵。拉麵湯底以鮮雞餚製多個小時而成，湯頭厚身帶甜，但油份頗高。雞件有三件，薄身連皮，以黑椒提味，味道普通喇！另加溫泉蛋、叉燒及豚角作配料，溫泉蛋稍熟，蛋香一般。叉燒很瘦，OK。相比之下，豚角肥美腍香一點。拉麵麵質過腍，咬口不足。

是日，又頭痛了- 午餐不知吃甚麼好﹗在灣仔打滾多年，就近餐廳大多曾光顧過。太遠，又不想去。只能，在附近打轉。久未有貢獻的老爹，建議去新鴻基的麵屋武蔵。雖不情願，但又不想費神，就一同前往。麵店裝潢以舒適簡潔天然為主調，淺木的裝潢佈置，配搭淺色系列的木凳木枱，再襯以柔和的燈和，感覺蠻和諧而淡然。豬骨湯分白、赤和黑三種 - 白是純豬骨湯、赤是辣油豬骨，而黑是黑麻油豬骨。各湯底配有三種不同的湯料 - 分別是叉燒、豚角或豬肉。好辣好濃味的老爹要了一碗赤武骨豚角煮拉麵$75，小妹則要了一碗白武骨豚角煮拉麵$75。一老一嫩，一黑一白，相映成趣。坦白講，拉麵水準不過不失，舒適度卻明顯遠比神虎拉麵為佳。棕褐色的白武骨豚角煮拉麵$75甫上桌即散發一股濃香的豚骨湯香味，讓人垂涎三尺﹗據聞，麵屋武蔵乃日本雙湯頭拉麵的原創者，在豚骨湯底中加入秋刀魚干的魚介湯底，故湯底入口既有豚骨湯那股圓潤厚重的濃油香，也兼有海鮮那陣鮮甜鹹香味兒，產生了清爽不膩卻不失濃稠的的獨特口感，味道更為豐富具層次。開頭還好奇何謂「豚角煮」，原來是肥瘦均勻、腍而不膩且醬油味濃的東坡肉也。據聞此乃沖繩的地道料理，以小火長時間慢煮肥瘦相間的五花