麵屋武蔵 虎洞 (北角匯二期)

营业中

休息中

近來天氣比較熱，所以都不太想外出用膳。自家制飯盒又唔想，唯有幫襯某外送速遞填肚，今次就揀左麵屋武藏試試。等左半小時左右，外賣就送到。本人一向對外賣不會太大期望，因為食物溫度同濕度，都會因為入盒外賣而同現場食會有偏差，至於偏差大小就跟送貨時間有關。段估唔會有食店連呢個時間都計埋，計到啱啱好掛。望見外盒設計都好穩陣，因為好怕見到啲嘢食同液體漏到周圍都係，因為咁樣除咗影響食慾外，啲嘢漏曬氣都凍曬啦。佢呢個盒就就到呢2點，所以打開仲有一半既餘熱。個湯味道尚可，唔咸亦唔係水加料既情況，至於雞扒味道只留在外面，內𥚃冇乜味，反而配菜好好食，好有清新嘅感覺。至於肥肉就差左啲，食落比較硬，亦唔入味，所以呢舊嘢就減分同場加映朋友既牛飯，好似比較吸引。

早前那個週末，我帶媽咪一齊享受 Staycation，入住銅鑼灣的灣仔帝盛酒店！當時，疫情下的限聚令，晚上 6:00 之後禁堂食，恐怕繼續又再被延續，加上她的生日將至，有見及此！我打算提早兩星期為她慶祝生日！當時，有好姊妹告訴我，位於北角的北角匯外海濱公園有紫藤花影！我們黃昏才走到來，影完相，行埋超市，媽咪建議買外賣晚餐到公園食！其實當晚都幾熱，幸好！海旁公園有海風，只是衛生方面較差！我們走到北角匯商場找餐廳買外賣，我發現北角匯2期1樓的 <麺屋武蔵虎洞> 有熱食又有飯餐，而且價錢都幾平！最緊要媽咪啱食！外賣等約 5分鐘溫泉蛋壽喜牛肉丼 (附味噌湯) $48媽咪覺得牛肉的味道及質感都似吉野家的牛肉飯！鯖魚豚角日式四格便當  (附前菜、白飯、味噌湯)$58便當缺乏醬汁，白飯食之無味，卻又棄之可惜！鯖魚略乾頗鹹多骨！豚角尚算入味，略嫌口感有點硬實！味噌湯比預期少，幸好不算好鹹，還可以入口！

此店主要賣日本拉麵，平日午飯時間都坐滿人，但今天星期六下午 店內卻食客稀少。外賣自取有 有日式便當飯， 但堂食祇有麵類供應。堂食主要有沾麵、豬骨湯拉麵 和豬骨湯辣味拉麵，每碗麵都跟半隻溫泉蛋，一塊紫菜，些少筍片，湯汁係比較稠濃，但味道一般， 麵條硬身彈牙，如果食想些微軟身少少，就要記得向店員講明 。如果想要加 其他配料就要額外收費。個碗好大 但麵比較少， 如果男士可能一碗唔夠飽 要加底，加麵底半份13元。枱面調料有: 七味粉，辣椒油，柚子醋供客人使用。

同個朋友去完北角嗰間有梳化按摩椅嘅戲院睇完戲之後，就喺附近是但搵啲嘢食點知行行下見到間拉麵叫麵屋武藏拉麵，全開放式設計一坐低嗌完碗麵師傅就喺隔離睇住佢整完全係日本嘅拉麵舖咁樣~不錯~

又嚟到北角, 今次試下係北角匯嘅日式拉麵先。一行倆人, 揀咗 (1) 赤虎豚肉片拉麵, (2) 赤虎低温叉燒拉麵同 (3) 武藏餃子. 兩份拉麵配以小辣湯底,有糖心蛋,荀片同紫菜。 麵質軟硬適中, 唔會太淋, 亦唔會太硬。 低温叉燒會比豚肉更嫩滑, 偏向喜歡食淋身d嘅肉質的, 可以揀呢個低温叉燒試下。另外,很喜愛佢嘅餃子, 肉質好食之餘, 非常 juicy, 肉汁豐富, 下次嚟一定會再點。服務員態度都好貼心, 見到我哋差唔多飲晒d水, 會主動幫我哋 refill

Cha Siu Ramen. One of my favourite Japanese dishes. Well, good things first. The soup and the Japanese cha siu are quite tasty. Cha Siu is tender. Can tell the soup is full of essence of pig bone. The egg is also executed perfectly. As you can see from the photos it is half cooked. It is butterly soft with a strong egg taste. The noodles is also not bad. One of the downside is the soup too oil so can’t drink the soup as well. Overall not bad.

食得自助餐多，飽飽地不如食下麵，今日去咗北角滙其中一間麵檔，其實不多款，應該係講其實係冇款，材料一樣做法不同，但又估唔到真係有幾好味，價錢平，又大碗，不過食一兩次就會好悶，鰻魚飯$38，以為都好細碗，原來係大碗，所有啲麵類都大碗，真係好飽，其實座位都唔錯，座位不多，侍應都好好人，最主要雖然同一款嘢做法不同，係幾有特色 做到可以不同味道，真係唔錯選擇，但始終做法不同得兩三款好快就不太多人食，其實當日去到都冇乜人，再講多一次，希望這間多啲種類，如果唔係食落就好悶 ，因為食來食去都係同款同料同麵 ，希望大大改變

每次嚟北角匯買嘢都會留意到呢個餐廳，因為扶手電梯一上就見到。店面有日式感覺，中間係師傅煮麵嘅地方，幾吸引我叫咗虎尾沾汁麵，麵質彈牙掛汁，我揀咗黑汁，但什麼味道都不是太突出，微微豬骨湯，微微蒜，一般。豚肉都炆得幾林，但感覺好似食緊中式紅燒肉 腸好長，但味道一般，仲愈食愈咸試埋老公碗麵，湯底其實同沾麵一樣，但稀身返少少，塊肉就林滑好食總括嚟講，北角區佢質素算唔錯，但相比其他出名嘅拉麵店，味道上仍然有一段距離

繼續疫情下的外賣晚餐，餐廳喺北角匯二期，即係最多食店果度。餐廳大名叫麵屋，咁拉麵應該係主打，外賣拉麵真係唔敢搏，見門口有個餐牌外賣自取，重有8折？ 原日來唔係，8折只係供餐牌裡面的食物。 而外賣自取既飯類就無既。 侍應都有講明，廢事大家誤會啦。 一睇餐牌就唔洗諗，就1 2 3 4啦。 1 日式豚角飯， 2 溫泉蛋壽喜牛肉飯 3 山賊汁牛舌煎蛋飯， 4 汁燒雞扒便當。 4個餐都跟味噌湯。 日式豚角飯d豚好大舊，味道不錯，d肉有d肥先好味。2號餐牛肉好大量，但味道一般。 3號餐最好味，牛舌有黑椒味道，食喺黎好野味。4 號餐就不過不失， 但有好多配菜，加返唔少分。 最高分係飯量多，3大2小都食唔哂4個餐，份量驚人。

晚餐時段黎到北角匯，見到拉麵好吸引就入黎試下啦。白虎叉燒拉麵（$78）成碗叉燒拉麵都偏鹹，兩片薄切叉燒都幾香同好淋，另外溏心蛋煮得啱啱好，食落唔會太生，筍同麵都係軟硬適中，幾好食。黑虎叉燒拉麵（$78）湯底同樣偏鹹，叉燒好軟好香，溏心蛋同筍都係煮得啱啱好。同白虎唔同嘅係，黑虎係黑蒜油拉麵，面頭會有一層黑蒜油，但係食落無乜蒜香味，反而成碗麵都變到好油，麻麻地。唐揚豆池魚（$38）呢個小食反而有啲驚喜！份量適中，炸魚仔細細條好香口、容易食，再點埋個芥末汁就更香，好食！武藏炸雞配芥末沙律醬（$38）炸雞黎到嘅時候係熱辣辣，食落都好脆。全碟有5-6塊，份量都適中。炸雞上面淋嘅係芥末沙律醬，食落有好淡嘅芥末味，酸酸地咁，無普通沙律醬咁膩，都唔錯。店員講起先知依家like佢地社交平台會有第二碗半價嘅優惠，計返都幾抵。整體黎講拉麵口味都偏鹹，如果食得淡嘅人可能會唔慣。

星期日係北角滙睇完戲就係商場搵食。 因為近1pm，每間餐廳都開始多人。平時見到哩間open kitchen出晒煙咁，好似好特別。就襯今次去試下。 哩間都要㩒飛，不過無兩分鐘就可以入座。 點餐時，一個戴眼鏡既男職員好體貼咁問洗唔洗兒童餐具。 雖然只係一個碟同普通匙叉，但對於未識用普通筷子既小朋友真係好有用。 我地坐個位好大風，請個男職員調細風力，佢都好樂意幫忙。 首先到係炸雞。 $38，份量不少（圖中已被小朋友同男人搶走2件）。個雞炸得好透，咬落有少少油，配埋個芥末沙律醬，幾好食。亞仔都食唔停.跟住個沾汁麵（白）就到。我鐘意沾麵個口感，粗粗地有咬口。個汁好濃，不過食多幾啖麵就開始覺得個汁鹹左d。嚿豚角好濃味，有一半望落係全肥膏，食落都真係肥膏。食左一半就放棄左。至於條腸就一般。請問條腸係咪間麵店signature? 真心覺得腸同拉麵唔多夾。 因為小朋友一齊share，所以加配左一份慢煮叉燒（$20）同半份麵（$15）份叉燒原來得2塊，仲要極薄切。 咁就$20，仲要加一！ 最重要係唔好食， 肉好「鞋」。亞仔完全唔願意食。早知叫多份炸雞算。半份麵比個沾汁麵遲一段時間先上。送到枱上，碗邊位好

好友相約去北角滙睇“貓．美術館“欣賞日本畫家山本修先生所創作CAT ART 貓作主題的世界名畫，洗滌疫情的苦澀，心靈也變得清淨一些。行下影下又到食lunch時間，决定食拉麵就選了“麵屋武藏虎洞“，裝修很日本風設有高身吧枱，還有多張四人枱，疫情期間坐得比較疏落舒服。我們二人入座四人枱很鬆動，餐牌花多眼亂，最後點了蕃茄低温叉燒拉麵、白虎豚肉片拉麵、胡麻菠菜沙律、武藏炸雞。蕃茄湯底鮮味，拉麵質感彈牙，叉燒又薄又嫩。白虎豬骨湯底濃郁，豚肉片鮮嫩。胡麻沙律味道調得剛剛好。炸雞炸得又脆又嫩。

有驚喜wor😍​蕃茄湯底超級濃超級香‼️​仲有新鮮蕃茄粒，味精唔太重👍​塊豚角好厚肉，不過略嫌有少少韌​拉麵好味👍💓​​味道👅👅👅👅​抵食🤑🤑🤑​環璄⭐️⭐️⭐️​服務👍🏻👍🏻​番兜🍉🍉🍉​(最高分x5）​

今日依舊去買外賣返酒店凱悅食，附近美食選擇多，外賣應用都有好多可以揀，不過咁啱去商場買衫，買到五點半，因為有六點後不能堂食的限制，所以決定買完返去沖涼再食。2020大家都唔容易，一家人去唔到日本，新既一年起碼能點日本拉麵食。呢家看來味道唔錯，專注幾道菜，裝修整潔，鋪位當眼易搵。可惜限制不能點湯拉麵，不過可以沾麵加料，懶聰明問可唔可以food panda叫打折，結果話要付外賣費。其實兩個道理都合理，同樣既信息，可以用正常語氣講，唔需要特別客氣，可惜就一位金絲圓框眼鏡姐姐可以用到懲戒主任方法嚴厲提醒，就即使其他幾位同事其實非常禮貌細心，都唔會想有下次。當然，每位朋友都可能有不如意的一日，希望聽日她心情好返啲。沾麵特點可以麵質唔受影響，包裝細心分開溫泉蛋同麵，湯就更加獨立包裝。煎餃有均勻的蔥花，豉油醋亦單獨小盒，餃子當然無辦法做到煎粉，當然餐牌張相都無，所以無問題。價格80元一份加20低溫叉燒，味道不錯。

今日去試北角匯新嘅拉麵店。店面裝修唔錯，open kitchen睇住師傅整嘢都幾好但係啲出品真係唔得。拉麵個湯淡到好似水咁啲麵又唔淋，最慘係嗰條咁樣嘅腸好似冇煮過中間仲係冰嘅。真係冇諗過咁嘅地方咁嘅價錢食過咁樣嘅拉麵。 都仲未提一碗拉麵等咗半個鐘先至有。呢間嘢試過就算一定唔會再有下次