麵皇自家麵

营业中

休息中

咁都食過好多次㗎啦，係譚仔嘅另一個選擇咁，湯底都好似譚仔嘅咁再香啲同埋都好好飲嘅，都比較少堂食嘅多數外賣多咁喺今日呢食呢一次就啲鮮牛肉有啲韌有啲筋位連住都幾難咬，平時都冇咁差係今日啲芽菜又少嚟緊冇咩特別都唔會想再食，不過佢出餐真係幾快嘅純粹覺得好快有得拎，唔似第二間要等好耐外賣又剩係得對筷子又冇匙羹咁我想講一講呢就試過粗麵同埋幼麵嘅咁自己覺得幼麵係好食好多粗麵不好吃鮮牛肥牛同埋粟米豬肉餃子都食過餃子不過不失啦，都冇咩特別咁今日就食咗$54啦，都唔覺得特別抵食嘅

行過佐敦見到呢間門面好似好勁咁，又讕係有同明星合照嘅相喺度，裝修幾靚入邊好多人，於是即管試吓，叫咗碗牛腱麵，落單嘅時候佢問我咩湯底我諗咗唔夠2秒嗰個姐姐就唔耐煩咁樣自動幫我揀咗清湯，都唔緊要，個面嚟到啲牛腱又凍又硬個麵直程我唔知點形容未食過咁難食嘅麵，我唔知係麵粉味定係咩味，白色湯底味精非常濃我諗所有人都係比佢鋪面嘅裝修呃咗入去，但係我以後都唔會再去，仲要70幾蚊碗，呢碗麵$50我都覺得貴，隔籬香港仔魚蛋好食過佢好多

個人好鍾意食牛肉餅同胡椒湯，上網揾到呢間就專程去試下。洋蔥牛肉手功餡餅 $33個酥皮真心香脆鬆化，裏面包咗牛展粒同洋蔥。佢唔係灌湯多汁果種，相反，佢真係純粹裏面有饀，但一d 都唔油，牛肉粒係淋同好食。至於洋蔥，無特別整到淋晒，直情一粒粒近乎生食，反而有好香嘅洋蔥味同乸乸地嘅感覺。酥皮、牛展同洋蔥味道係分開嘅，唔係話味道互相融入其中。但，成個餅又做到三者和而不同咁，夾埋又好食喎。手撕雞涼麵 （小辣） $53揀呢碟原因係因為隔離食客。坐隔離已經聞到醬汁嘅香味，望落同聞落覺得好惹味。一上台，勁大碟。一路撈，一路聞到好香。呢碟揀咗幼麵，麵條好有咬口，偏硬，雖然唔係彈牙，但好食嘅。小辣唔算辣，個人覺得啱啱好。至於雞，唔係特別有雞味，不過我接受手撕雞係咁。喺咁熱嘅天氣食完惹味嘅涼麵，係開心嘅。鮮牛肉手工麵  （胡辣，小辣）$52一上枱飲啖湯先，話晒專程嚟食胡辣湯底，個人覺得唔算重胡辣味。因為我鍾意要食到流鼻水，咁先有驅寒感覺。至於鮮牛肉，唔錯，唔會淥到好老，算嫩。題外話，間餐廳係sell 自家製麵，無添加劑同鹼水嘅。不過，食完都幾口渴，味精應該唔少。

剛剛喺九龍公園附近做完運動就搵間餐廳食晚餐，我哋兩個人嗌咗兩碗麵，分別係羊肉寬麵及牛展撈粗麵（原味）。食完第一啖個撈粗麵，就覺得唔對路，粗麵質地煙靭，感覺係未煮熟就拎出嚟俾客人食。我問侍應，侍應話粗麵係煙靭啲。但係佢點解喺客人落單嘅時候唔提醒呢個情況？個侍應完全係冇意識去幫客人換另一碗麵，我唯有被迫要食。食完之後半個鐘，我就知道自己中咗伏，個肚就開始唔舒服，有種搞肚痛暈車浪嘅感覺，好明顯係消化不良。我試過羊肉寬面，口感正常好多，起碼煮得腍身啲。我覺得呢碗麵真係食得好委屈，身為一個食客，完全被忽視訴求。 以上食評係真實內容完全自費。

在唔知食咩嘅情況吓，被店舖櫥窗玻璃上的明星食客圖吸引，心裡以試試看的心情進去了。🔸蜂巢豆腐手功麵 + 腩肉 (酸辣湯底，少辣) $68🔸▶️腩肉：加$18，件數有大約六小件，太少了吧▶️湯底：夠酸，都算入味▶️手功面：面底算多▶️蜂巢豆腐：件數算多，都幾吸湯底嘅味，除此之外唔算太大驚喜見到好多人叫冷撈麵，不知是否心理作用，總覺得隔籬飯香。總括而言，試完一次應該唔會再有下次嚕，畢竟佐敦都有其他選擇呢😯

夜晚如果想平平地，冬天食返啲暖笠笠嘅野，可以試吓喱間以唔同粗幼同種類嘅麵為賣啲嘅麵舖。湯底有多款選擇之餘，麵嘅粗幼度都有幾款比你揀。叫咗個好多人推薦嘅手撕雞涼麵，其實就無咩特別嘅，個醬就似芝麻醬撈落去咁，如果唔想食湯麵，都可以試吓嘅，但其實啲麵喺好彈牙，的確唔錯嘅。至於個酸麻肥牛麵就無咩太大特點，可以話價錢實惠都喺賣點之一嘅。比較起其他麵店，其實喱到都抵食，因為啲麵質地，真喺食落有唔同口感。而個紅油豬耳就真喺有啲辣，如果唔太食得辣就都可以唔洗試。

尋日同朋友經過，比佢d餃子吸引左入去，落單果陣，我地叫完2碗麵，都未講完，個阿姐就行開左，之後叫餃子，叫完又係咁，第三次再叫個阿姐落單，佢好唔耐煩咁，我未試過落單係可以咁樣分3次叫，個阿姐係勁趕客feel，佢d野雖然係好食既，但服務態度係差到不得了😡下次未必會再幫襯

第2次食呢間餐廳，通常天氣一熱或者唔想食太飽都會想食呢到嘅涼麵，今次仲試埋呢到每日限量供應嘅手功餡餅添😋呢間餐廳主要係食麵，有湯麵和涼麵🍜👉🏻麵條可選擇幼、中、粗和寬麵👉🏻湯底有原味清湯、胡麻湯底、胡椒湯底、麻辣湯底、酸麻湯底、酸辣湯底👉🏻 湯底備有5種辣度：微辣/小辣/中辣 / 大辣 / 超辣因為今次要食手功餡餅，所以叫咗最輕食嘅三絲涼麵，上次我食過手撕雞涼麵，手撕雞份量都幾多，如果加埋餡餅就應該會太飽！ 三絲涼麵 $43👉🏻粗麵👉🏻麻辣（小辣）😋食後感：-雖然只有青瓜絲同蘿蔔絲，不過麻辣味超香超野味～正🤤-上次食過寬麵，今次試粗麵，係類似意粉咁，試完個人覺得都係寬麵比較好食同夾，所以我下次都係選番寬麵😂如果只食三絲涼麵應該會覺得好齋，加埋餡餅就剛剛好🙌呢到嘅手功餡餅係全天然穀麥製造人手製作，菜單寫著「二百層鬆化香脆酥皮」🤩吸引榨菜豬肉手功餡餅 $27 （原味）口味可選擇：原味、大、中、小辣😋食後感：-份量比想像中大，外面係香脆酥皮，望落去真係有好多層，咬落超有口感，好鬆化🥰-裡面都好足料，好有東北風味嘅濃郁豬肉味，好味😋👍🏻推薦

昨天去開買嘢，下場趕時間簡單吃。叫咗胡椒湯底羊肉麵(推介咁嘅配搭，尤其適合冬天) 同原味手撕雞涼拌粗麵。羊肉有香味，不濃味。 手撕雞足料，比例好。兩樣都係菜如果多少少就好了。至於麵，我prefer扁麵質地軟熟，貌似刀削麵但又唔係，會跌來跌去，但好食。粗麵太un，不過幾有趣的。只係唔會想食成碗。(況且冬天，涼麵份量又大)所以後來兩人各一半，不錯剛好👍🏻👍🏻加埋豆漿 - 原來係一豆漿，ok la~ prefer自家製。

一人的〔涼拌餐〕今日Lunch食自已，突然想食拌麵，就去左公司附近《麵皇自家麵》，地方細細，門口好多人等外賣，我叫左手撕雞涼拌麵(唔辣)，我揀左寬麵，都等左一段時間，可能人太多，拌麵比我想像中大碟，不過個寬麵口惑真係無得頂，超爽口彈牙，而且配上麻醬，真係好好既配搭，手撕雞d雞都算多，而且肉質唔會好"鞋"，今日個午餐好滿足，下次要試下呢個既羊肉先！

食物味道還可以，但服務態度真的九流！大概幫襯過十次八次，有四次是落錯單。包括將兩碗麵的味道掉轉了，另一次是叫幼麵卻來了寬麵，還有一次是小辣變了大辣。每次錯單都心想沒所謂啦，埋單時告訴那些阿嬸她們落錯單，誰不知她們反而話客人不早點通知。老實說，我哋來幫襯，不是來做審核，根本不會注意他們落單是否落得啱！呢啲服務態度睇怕間舖都唔會做得耐！請着呢啲咁嘅夥計，如果老細唔注意下，就真係抵佢執笠！

今日新同事報到，一起在中環吃飯，逛了一個圈，我未嘗試過這一間麵店，見很多上班族光顧，於是排隊等位，大約十分鐘後就入座了。位置：在王府麵店那一條小巷。環境：門口是廚房位，有樓上舖，但沒有上走，地面那一層空間小，座位安排很密，枱又細，想點多食物都放不下去。服務：職員忙到團團轉，上菜超級快！午市：涼麵可選擇醬料和麵種，亦可加錢配飲料或湯。🥢手撕雞涼麵🍜（寬麵）+香辣醬 (小辣)首先是份量比預期大，雞絲和青瓜一樣足料👍🏻，不似新界店添寶的少肉多雞皮，而是多肉沒皮，麵條夠寬和厚，彈牙有嚼口😍，掛醬汁能力高，淋上的麻醬濃郁和芝麻香🥰，非常出色，榮升心中第一的雞絲涼麵😚。🥢牛展涼麵🍜（寬麵）+麻辣醬 (小辣)麻辣醬比香辣醬更辣，牛展正常發揮，個人覺得雞絲涼麵更好吃。🥟京蔥餃（10隻）$58正常大小，不算是薄皮，但絕對是多汁的餡，勁好吃！👍🏻🥣胡椒湯 $10湯水不錯，想不到十元有一大碗，是淡淡的胡椒豬骨湯，值得加錢來解辣。

🔸滑雞手功麵我哋揀咗胡麻湯底同寬麵🍜 湯底鮮味，麻辣味比胡椒味重，唔會太鹹，食完都唔覺太口渴👍🏻 滑雞表現正常👌🏼 麵條軟硬適中，吸到湯嘅味道👍🏻 配料仲有芽菜、生菜同秀珍菇🍄🔸洋蔥牛肉手功餡餅我哋揀咗小辣，辣度剛剛好又唔會蓋過食材嘅香味🌶 洋蔥多，牛肉少，餅皮實咗少少，不過都算香口👌🏼

之前有幾次路過呢間鋪，睇舖面其實都幾靚，就諗住試下味道質素如何。面底有分幼麵，中麵，粗麵同寬麵，湯底都有好多選擇，麻辣酸辣基本野都有，亦可以揀辣度，其實同其他米線鋪差唔多，除此之外仲有餃子同餡餅，而我就試下食涼麵。等候時間唔算耐，個份量睇落其實幾少，雞絲上落左芝麻醬，好唔健康。。。個名係手撕雞涼麵但一D都唔涼，仲幾熱添。。而且無知係唔係芝麻醬落得太多定水冇篩走晒，搞到好多水唔似食緊涼麵，雞肉份量唔多，本身冇乜味，但因為芝麻醬，成碗麵都係芝麻醬酸酸甜甜既味道，沒特別之處。唯一可稱讚只有環境，光線唔錯，服務一般般。

一個人唔知食咩好，望到個名好似好健康咁，就入去試一試，食物味道系OK既，麵都有咬口，但個清湯底真係好重味精，我翻到屋企之後極口渴！！飲左好多水都搞唔掂😕都係無下次了🙃