麵館皇

营业中

休息中

一向幾喜歡呢間登龍街嘅小店。店舖細但都坐到唔少人，間中要等位但通常都快。之前食左口水雞，今次食番獅子頭。呢度嘅藥膳湯底麵係必點嘅招牌菜。而我強烈推薦大家加$3轉刀削麵，喺香港比較少見，並且幾好味。碗麵一上就睇到佢滾到起哂水泡。藥材湯底好香。有少少配菜，唔食蔥嘅記得走青。獅子頭有三大粒，肉味香。食完成個麵好暖好飽。份量足夠。另外加錢要杯細嘅凍豆腐，涼快一下。登龍街食店轉得快，呢間算係留得耐，希望可以繼續黎食刀削麵。

天氣轉涼，晚飯去左食呢個養生麵食。我地叫左兩個鍋麵，一個係口水雞配米線，另一個係糖醋魚配刀削麵。兩個麵都係用個大熱鍋上，餸就係分開上。湯雖然係清湯但就有好濃既藥材味，米線有少少淋 但配落啲藥材湯度食好入味。餸方面兩個都好食，麻辣口水雞味道岩岩好，辣辣地好暖身，糖醋魚唔係成日都食到，魚塊係炸魷再配上酸酸甜甜既sauce好開胃。總括黎講都幾抵食，味道唔錯，份量都足夠。下次諗住試下湯飯，餐牌上冇，但聽到有人叫，聽落都幾吸引。

每次來這裏都叫同一個餸: 鮮雞牛刀削麵。 今日碰巧 經過這裏便走入去食個午餐， 試新嘢叫了獅子頭配一個菜飯。 從來了三個獅子頭每個平均接近我拳頭咁大， 外面炸過裏面很軟滑， 有少少似午餐肉味。 做得其實很出色， 可惜多了點油。不過$53連一杯很大的熱 OT. 十分不錯！

黎到銅鑼灣，朋友帶左我去食e間"麵館皇" 食刀削麵! 晚飯時間都好多人，好彩都有位!!餐廳都有好多菜式，睇左1陣最後決定叫左2個餐，樣樣都好正糖醋魚中華冷麵個麵有口感，連埋青瓜絲!好清新糖醋魚更加正麻辣口水雞藥膳罐湯刀削麵等左一陣好快就黎，熱辣辣，好香葯材味!每一口都好甜口水雞肉質好滑，仲有青瓜係底!一口雞一口青瓜!!爽

自問係好頂得順熱食嘅人，好少覺得D野食熱到食唔到，但呢間野煮個煲麵係熱到我20分鐘都係食左幾啖！真係熱得誇張！餐廳位於登龍街呢條食街，店內環境唔大，但亦通常唔洗等位。座位空間偏窄，唔太好坐。呢個牛肉拉麵感覺上唔似上海野，因為味道唔重，唔咸，反而偏向似香港口味，即係比較淡口。但店鋪好多選擇都係拉麵，而價錢方面唔算好平，都要成HKD60以上一個湯麵。除此以外，刀削麵反而做得比較好，冷麵形式製作，味道同沙律醬好夾幾正，而且價錢亦抵D。

去銅鑼灣食野，通常都入登龍街行個圈行過無數個圈之後終於發現有間刀削麵弱弱的夾在浮誇拉麵店中間同事話試咗幾好味心癢癢咗好耐，不過建議一直都被拒絕今晚有幸到訪，但係……諗住間呢種小舖嘅酸辣湯會好好飲但我超級唔鍾意🙆係咪正宗得濟所以我唔識欣賞係咁撈曬啲麵出嚟食就算起碼剩咗半碗湯隔離個人就醒，點藥膳一落檯就聞到香噴噴飲落藥膳味又唔重，食到尾先食返陣藥味出嚟😅雞好滑，不過唔係好醉店唔算細，都滿滿地好似好受歡迎喎以為係小店，但原來有好幾間分店臨走俾錢時，收錢個姨姨勁高高到要彎埋

在銅鑼灣要找到便宜的午餐不容易 便易又好吃的更難 這間主打口水雞刀削麵 午飯時間非常多人 但外賣可享8折 口水雞不太辣 份量很多 雞肉嫩滑 雞味濃個汁超級野味 建議配上刀削麵一吃吃 這裡的刀削麵挺正宗的

一反常態不吃麵來吃菜飯，但原來選擇錯誤了，真有點兒後悔😫這出名藥膳刀削麵, 但太肚餓，選了寧波醉雞配菜飯只吃到雞皮上有些花雕味，雞只有雞味，沒有吸收花雕的酒味，菜飯也是沒有味道，如果可以再揀多一次，我不會點這一款

是朋友介紹去呢間藥膳手工麵的。和朋友叫了牛腩手擀麵，獅子頭刀削麵，及麻辣口水雞一齊share。藥膳湯底出色，牛腩夠入味，獅子頭夠鬆化，口水雞最好味👍🏻下次會為了口水雞再來😁😁

今日又係星期四又到咗上日文堂既時候由於小妹超級鍾意食米線既關係我朋友都特登幫咗間米線黎食我好開心呢間米線係登龍街超近學校一出學校對面街就係我地兩個叫咗個沙鍋藥膳湯醉雞米線，一上台成鍋米線出晒煙真係即叫即整醉雞亦都好足料好重酒味碟底仲加咗青瓜浸住醉雞汁好入味兩個人食都係$65好抵 係銅鑼灣真係難得搵到平野

我開頭係畀店外面張貼紙吸引到 ,以為係有素食水餃配酸辣湯,所以我先坐入去!但係點知原來問一問店員,素食水餃已經冇再買喇令我好失望!算啦都入咗去喇,不如食下其他嘢啦!其實我覺得如果佢哋冇再賣既野就應該搵野貼住佢,唔好再畀人睇到啦!😭😭😭我諗如果係做上海嘢 ,酸辣湯一定係必須同埋主打嘅食物!所以一定好好味 !但係飲落又係有少少失望,雖然好大碗,但係可能大碗就係佢嘅致命傷開頭飲都仲ok飲飲嚇愈飲愈酸!而且嗰種酸似係唔係咁天然 ,有啲確喉! 但係辣味呢就冇咩, 雖然味道一般但係入面嘅配料都好充足:有豬肚 ,木耳呀,都幾好拗口嘅! 我哋兩個人飲完全飲唔曬 ,每人可以分到三至四碗, 我飲到第二碗已經收咗工!呢個上海拌麵 ,個面底其實又係冇咩味 ,只係得上面嘅少少花生醬係唔夠 。。青瓜都冇咩,冇咩汁,放落口都幾乾幾難入口至於鹵水豆腐同拍青瓜 味道都好普通 ,冇乜特別 所以就唔額外多講喇!

登龍街成條街麵係食，只要由時代廣場對面穿過小巷，就到喇。而家成條街愈開愈多日式拉面🍜店，唯一見到有間中式既湯面鋪，就係麵館王喇鋪面比較細，大家都係排排坐。Lunch time 時間好多人，見到唔小係附近番工既人都有黎食，可想而知間野係有幾好味同底食我都冇去錯，哈哈。叫左口水雞罐湯拉面同埋豬軟骨罐湯拉面🍜口水雞分開上，可揀走、大、中、小辣。我揀左小辣，不過好似唔多辣😂以為好辣下面仲有青瓜，好refreshing。豬軟骨令藥膳鍋湯略嫌咸左d, 不過中意濃味既人岩哂！- 餐廳會較焗，食埋藥膳會熱辣辣，建議著薄身衫- 食得辣既人口水雞可能唔夠勁，建議叫辣d當然叫左小辣再加辣都可以- 鍋熱，要小心唔好亂掂啊

係時代呢頭食野真心有點貴😢不過今日食呢間就覺得值既～見到有刀削麵食就被吸引了😍午市有套餐優惠，有多款選擇，有飯有麵食，大約$50-70左右。咁我今日叫左麻辣口水雞刀削麵$58+$3轉刀削麵，配埋豆漿。口水雞份量都幾多，多肉又夠淋，唔會得d骨。底下墊左d青瓜好爽甜😌個汁都好味，上面個d辣椒脆的，辣度適中香辣。刀削麵一來到仲出緊好大煙，店員有提示個盤熱，小心辣親手。有d椰菜同木耳絲伴菜咁，見佢個湯咁清咁，第一時間飲返啖先😌藥膳好清香又甜，唔似味精湯，好飲。我飲左半碗～刀削麵就一般啦，有部分有點淋，但不太影響味道，整體係幾ok既。

行完街響登龍街搵食，男朋友一心想食拉麵，但我嫌太油膩，想食清少少，佢唯有遷就我。行前幾步隨便就入左哩間麵館皇。店內只係一般米線舖果類型格局，打開餐牌原來佢主打藥膳見佢舖面口水雞圖片無所不在， 鐘意食雞嘅我二話不說就揀口水雞個醬汁濃味帶辣，十分惹味❗️ 完全啱我胃口，雖然個味唔屬於正宗四川果種麻辣味，但鐘意食雞嘅人必試男友點了鎮江骨， 肉質夠腍，汁也淆得不錯相比之下，主打藥膳其實藥材味都聞到，但湯底偏油膩，飲落唔夠濃；加上刀削麵煮太耐，已經唔夠彈，麵質淋晒粉粉地，略失色

今日同朋友野餐完，去咗銅鑼灣食嘢，因為太熱嘅關係，都搞到個人冇乜食慾，我哋就搵咗間藥膳湯米線食啦～我哋每人叫咗一碗藥膳湯拉麵/米線。「醉雞藥膳湯米線」個醉雞份量好多，可以兩個人share兩個餸食！個醉雞非常入味，幼滑嫩口，個人覺得酒味可以再濃啲，會更加好食，推介。「鎮江骨藥膳湯米線」，鎮江汁幾濃郁，肉質煮至軟腍，易咬開，推介。「豬軟骨藥膳湯拉麵」，豬軟骨入味，軟身。唯獨藥膳湯唔夠濃厚，比較清淡，無果陣香濃藥膳既氣味。價錢方面要＄65-68一碗，唔算好抵食，期望可以做得更好！