麵鮮醬油房周月 (景隆街) (已結業)

喜愛豬骨湯拉麵既我 比舖面既米芝蓮海報吸引左我入去試人生中第一碗既醬油拉面。只可惜再一次證實希望愈大，失望愈大。我食既係周月拉麵，用得同店名有關既菜式我諗住點難食都有個譜掛。結果....湯，隱約有陣魚香味但比較油（唔知係咪視覺影響啦）飲左幾啖，條脷已經有拿住拿住既感覺。面，普通到不能形容（唔彈牙，無蛋香）唯一安撫到我既，係4塊輕輕燒過有咬口既豬腩肉片（有大概2-3層肥肉），調味剛好既唐沁蛋同埋濃濃既麥茶。老老實實，我食左半個面已經投降。此時，我終於知道點解食飯時間都無人排隊了。如果比我揀多次，我會寧願食番轉角位既豬骨/蝦拉面又或者買$100既出前一丁提醒自己宣傳唔可以亂信，野唔可以亂食！

上環同銅鑼灣分店以前都試過覺得兩間質素都唔錯今晚再嚟食我照舊帶返平時食開嘅周月沾面水準依舊， 係唔錯嘅不過另外都試咗期間限定嘅山椒油麵令我失望而回山椒油麵 $91一開始覺得賣相唔錯另外跟咗一隻生雞蛋俾你加入去撈勻食我能我自己本身唔係特別鍾意食生雞蛋覺得佢俾返半熟蛋好似滿足啲加上拌麵嘅醬汁我覺得味道一般不過重點係，啲面一咬落去生嘅！佢唔係硬咁簡單， 真係咬落條麵入麵覺得粉粉地所以我哋都同左侍應講覺得啲面好生但係侍應就同我地講返係師傅特登煮到個麵比較硬身，堅持係呢個麵嘅特色我哋都唔係想R著數只係覺得真係食得好難受所以希望佢可以同我地換過一碗係煮熟嘅麵條但佢哋完全冇回應就行咗去嗰陣就諗，算啦都係唔好嘥野再食多兩啖，真係越嚟越難受結果都係忍唔住再同另一個職員反映，不過睇嚟佢哋都好唔想換俾我哋，最後我哋就拎左一碗清湯浸返林啲麵先食雖然我好明白唔係奉旨要換俾我哋但係佢哋見到客人寧願加湯浸淋個麵，破壞佢原有嘅味道都仍然要咁做，證明我哋唔係亂噏，係真係好生！個人認為係有同理心嘅情況下係咪都應該特別處理一下，呢個位都有少少失望就係咁食咗一碗正常嘅周月沾麵同埋一碗唔知乜嘢山椒油麵咁就每位$100所以都係勸

就算幾好食都無用，一肚氣，侍應態度惡劣，問侍應周月拉麵有咩材料，叫我自己睇餐牌。我食完，侍應問我食完未，我未答得切就已經收走。所以就算老闆幾用心經營，廚師幾用心烹調都無用，比呢啲伙記趕客走😔

有唔少人介紹呢間「周月」既沾麵。於是特登來銅鑼灣試下係咪真係咁好食😛嗌左一個香辣沾麵(濃汁、涼麵)，分量就同樣價錢，原本想少少地食100G，不過職員就話100G真係太少，建議嗌200G，都幾貼心😉沾麵既湯裏面會有豚肉、蔥同少少配料肉比較肥，好入味，仲有少少炭燒既香味，做得幾好。麵有啲硬(唔係彈牙)，而且湯偏油膩。整體以米芝蓮都推薦過既質素黎講就差左少少…價錢都唔平，出面仲有好多食沾麵既選擇，短期內未必會再返黎食。

Heard of Shugetsu for several years but never came around to try. Shugetsu was recommended by Michelin Guide for 5 consecutive years (2014-18)...wow, it must be good. Staff greet warmly and guide us to our seats. As we was sitting under the ac, it was quite cold. Ask to change another seat but the staff told us he will lower down the ac, if it is still too cold for us, he will change our seats. Good service .The menu looks very nice, wooden cover engraved the restaurant name "Shugetsu". You can

🔺特盛和牛黑豚周月拉麵 $138九月至十月限定食品，見到係和牛，二話不說要食呢碗！五件和牛六件黑豚肉。和牛真係好好食！😭肥瘦平均，見到佢啲紋路勁平均，入口好軟，脂肪溶解於口腔入面，又唔係勁肥果種成口油，好好咬，牛味又勁出！好好食！推介！黑豚就比較肥厚，我比較欣賞和牛🐮其實和牛系列仲有其他配搭，$92-$112都食到。.🔺和牛周月拉麵 $108足足有五件和牛，如果對黑豚無興趣，食呢個岩曬💕.🔺周月餃子 $45/5 pcs

今日收工諗住近近地去銅鑼灣行下同食晚飯～男友突然話好想食拉麵類嘅嘢做晚飯，突然記得之前食過呢間沾麵都不錯，所以就提議去食呢間啦～因為時間尚早，未到7點我哋已經到達～所以唔駛等位～侍應仲好好人比咗個L形嘅卡位比我哋坐～揀呢間食嘅原因係因為佢啲座位都比較闊落唔會話同隔離枱好親近～同埋一坐低見到好窩心嘅嘢！！圍裙同埋橡筋！真係加加加加加分呀！對於我呢啲成日著淺色衫又長頭髮嘅人嚟講，呢樣嘢簡直係救命呀～好多拉麵店都可能會有提供但係要開口問先有～咁好多時候未必會開口問架嘛～咁就要好小心食（但係最後都會整污糟件衫...-_-)好啦～一坐低就一定叫餃子！因為我好鍾意食餃子～男友望一望menu，話不如今次試吓其他嘢～因為佢見到啲好特別嘅嘢食～～～登登登登！慢煮日本A5和牛脾肉！睇到和牛2個字已經留晒口水啦～仲要只係 $98~梗係試下啦～碟和牛好快上桌！照香啊！估唔到份量都唔細啊～原本以為和牛係熱嘅，估佢唔到嘅係原來係凍食！不過肉質係非常軟熟～佢慢煮可以完全保留和牛肉嘅精華，每一啖咬落去都非常juicy~再配埋下面伴碟嘅椰菜～清一清味蕾再食濃味嘅拉麵非常適合！我哋2個都點咗一樣嘅沾麵～周月沾麵～佢呢度麵

✏️周月沾麵 ($91)久仰大名嘅周月沾麵 豚骨魚介沾麵就食得多 醬油沾麵係第一次😌😌沾麵汁較稀身啲 但原來一樣好掛湯🤩醬油味濃 但驚喜嘅係佢唔會死鹹😌😌麵條比三田嘅幼身 但一樣幾有咬口 推介叫凍麵好食啲😌

星期日朝早響維園游完水諗緊lunch食咩好嘅時候原本諗住去中環食「周月」，正當想openrice睇下星期日佢開唔開嘅時候,竟然就比我發現原來銅鑼灣都開咗，一程地鐵錢都慳番😂✌🏻 ！行過去其實好快，因為只係世貿附近，可能12點幾1點對於星期日嘅銅鑼灣算係仲早，唔使排隊喎👀！佢嘅沾麵同響日本食麵一樣，同一價錢有唔同份量嘅麵揀（100g 200g 300g），另有熱麵同涼麵，濃汁淡汁揀，大家可根據喜好食量選，又唔怕浪費食物或麵份量唔夠，十分好！夏天咁熱我梗係揀左涼麵啦😁因為剛游完水唔敢咁邪惡一次過食好多野，所以就主要嗌左一碗300g的燒黑豚肉沾麵，加左隻溏心蛋同一碟大炸雞同肥仔兩個開心share算！ 呢個配搭組合同份量剛剛好👍🏻種類唔算好多，不過好味野何需種類多🤤🤤🤤淨做沾麵都夠殺😌🥢《溏心蛋$16》很溏心，蛋味香，調味不會過濃👍🏻👍🏻👍🏻《燒黑豚肉沾麵$115》食左幾「箸」麵先發現唔記得影相😂😂😂燒黑豚肉係指麵旁果3舊，好有碳香🤤肥瘦剛好，如果大舊啲更好！沾另麵個汁入面已有幾舊肉，少少蔥同荀，揀左濃湯，真係幾香濃，沾住麵條食一流👍🏻！（不喜者可選淡湯/走蔥/走筍）《炸雞 大$48》大有5件

位於銅鑼灣的麵鮮醬油房周月，是一間來自日本愛媛縣的過江龍拉麵店。周月曾多次獲得米芝蓮推介，鹹重味酸，吃過一次後，特別得深深的印在腦海裏，所以我已在那次之後光顧了好多次啦。適逢今天過海不用錢，那我就找愛吃拉麵的男友去吃晩餐吧。山椒油麵$91這份拌麵只有在銅鑼灣站獨家發售，我當然要試試啦。服務員呈上的拌麵，沒餐牌上的參考圖漂亮，只好自已把材料放好啦。油拌麵包括: 角切鹿兒島燒黑豚肉，日本生蛋，脆筍，芽菜，粗麵。周月自家製的山椒油，把所有材料變得油亮，亮晶晶哦。首次吃山椒油，味道特別，有點胡椒味，不是我很愛的口味，但也屬不錯。「麵鮮醬油房周月」，的舖名意思是以鮮製麵條和醬油湯汁為神髓的拉麵店。麵條質素依舊高質， 把金蘭麵粉和初穗麵粉混合後，製作而成，微微的麵粉香，獨特的煙韌度亦令愛粗麵者一吃愛上。份量頗多，吃光整碗後，主食胃滿足了，那就去填飽甜品胃啦。

今天午飯時間要趕到銅鑼灣取東西，所以吃飯時間十分趕。取東西後路過周月，見沒有人排隊而之前已經想在中環那一間周月試試，真的時間剛剛好。叫了一碗蔥拉麵，麵質軟硬適中，湯有香嘅魚味又唔會太鹹，义燒比其他拉麵店冇咁肥，又夠軟滑，蔥又新鮮又香，真的美味。下次有機會要試沾麵。

銅鑼灣真係好多間拉麵店，每間都各有特色各有fans。今次試呢間叫麵鮮醬油房周月，但係個名實在太難記，所以普遍d人都係叫佢做周月🤣我點左個黑豚香蔥拉麵，湯底可以選擇要濃/淡，我就要左淡。黑豚肉都燒得幾香，肥瘦適中，咬落去都幾入味。真係好多蔥！浸一陣d湯都會好濃蔥香味，如果愛好食蔥既人就應該會好開心。雖然我叫左淡湯底，但係飲落都幾濃味，有d太鹹，麵底正常，但係未有一種食落去彈牙的感覺。Overll黎講正正常常，當係未必會好想再翻單。

同朋友Y一心想試壽喜燒風拉麵...來到坐下...有點不對路...點解成個餐牌都冇既呢....一問之下....原來係限定只去到7月15日......真係睇D唔睇D喇....都唔緊要....試下其他野吧.....本人喜愛沾麵的...因為好多時沾麵都有我愛的粗麵條....所以點了周月沾麵...朋友Y點了香辣沾麵....另再加點一客慢煮日本A5和牛脾肉....周月沾麵....這裹的湯不是杰身的那款......是比較似湯麵的湯沒分別.....湯味夠濃... 麵條夠彈牙.....只是嫌湯不太能沾得太多上麵上.....香辣沾麵我也吃了兩口.....夠辣的.....但卻因為辣而蓋過了本身湯底的味道....溏心蛋剛好.....又夠入味......牛脾肉 因為是牛脾肉位置會瘦一點.......沒有很油膩的一重感覺!!!

見唔少好評，所以入去試試，叫左碗燒豚肉沾麵200g ，唔平，加埋一，120出街，可一不可再，真心唔抵，下次都係去番拉麵街。麵可以選熱或者涼，根據我吃沾麵的經驗，好多時候，沾麵的汁食食下會唔熱，所以我叫左碗熱麵。碗麵黎到，麵賣相一般，有幾條煮到爛左，有3塊肥豬肉，碗沾麵汁有一層透明的油在上面，油的其中一個作用是保溫，但是我覺得碗汁是需要再熱D。麵是有咬咁，初時見到有D爛，但是是有口感的，不過粗D會好食D。肥豬肉，好香，未試過咁香的腩肉，你會聞到有碳燒的味道，食落口都會好香，真係幾好，係我目前食過咁多間拉麵，豬肉整得最好的那間。不過，碗沾麵汁我個人不喜歡，我點左個濃味，我食落口是酸的，唔知度佢地點調味，感覺上是木魚的味同豬肉湯的味融合唔到，非常失望，仲要咁貴！我食麵食得不是慢，但是我都覺得碗汁都最後開始變涼了⋯⋯總之，我應該唔會再去咯，都是去番 X 田

上論壇同openrice 見到好多好評, 於是特登來港島銅鑼灣試呢間野。呢間沾麵係要加一服務費我同我老公每人叫左一碗, 加一份餃子分別係叫左周月沾麵同埋燒黑豚沾麵其實我想講呢兩款湯係一樣, 唯一分別係後者多4塊好薄好細舊既肥豬肉 ,但價錢差成接近$30呢個價錢仲要加一, 蛋只有半隻沾麵湯你係見到好多油浮係面😂唯一讚係麵真係彈牙同埋即製(雖然好多沾麵店既麵都好ok)而且份量好夠,我食左一半已經好飽餃子味道尚可, 只係有點過咸整體價錢偏貴不值