麵鮮醬油房周月 (景隆街) (已結業)

1️⃣燒黑豚拉麵🍜$108 加味玉(一隻)$16Grilled kurobuta pork belly ramen 揀咗濃湯，係日本本店風味，湯汁醬油味比較重同多😁佢嘅鹿兒島燒黑豚肉片油香味重，好肥美，但唔會膩，好滿意😋味玉做到流心，得半隻，不過+1隻都只不過係$16，見咁好食就加😚除咗香蔥，仲有脆筍，好味啊，一次過放晒入口🤣大愛筍2️⃣山椒油•拌麵 $93 有驚喜！Sansho Abura ramen 🍜第一次見山椒油味嘅沾麵😚呢一款周月獨創拉麵喺銅鑼灣店限定，點嚟食先！🤩佢同樣都係黑豚肉不過係角切，方便撈麵。配芽菜、脆筍、香蔥，然後打一隻生雞蛋落去，攪拌就食得啦！呢個口味我勁鍾意，小小麻，多滋味！😋店員同我講話如果覺得唔夠味，就可以加埋醋同埋祕汁，加落去味道果然都昇華左😍3️⃣周月之餃子 （五隻）🥟$45佢嘅餃子煎得啱啱好，裏面嘅肉好綿，一個人食五隻絕對冇難度😝4️⃣白桃汁$28桃味好濃，佢入邊嘅果肉係真係白桃果肉嚟㗎，我仲以為係啫喱添。買一罐拎走先得😝

在銅鑼灣想要吃日本拉麵的話相信很多人都會想起登龍街, 因為比較集中. 這次選擇周月除了因為之前中環店的印象不錯之外, 就是為了方便飯後甜品啊!♀▴ ▾ ▴ ▾ ▴ ▾ ▴味玉香辣沾麵(冷麵) $105• 喜歡冷麵口感較硬• 湯底內有幾片肉, 味道不算太辣▴ ▾ ▴燒黑豚沾麵(熱麵) $115• 熱麵口感較軟身, 個人偏向口感較硬的• 豚肉不算肥膩, 口感比較結實, 味道偏鹹▴ ▾ ▴周月の餃子 $45• 底部煎得香脆可口的餃子皮較薄• 吃下去不會過膩或因餃子皮厚而有飽感⓻

周月沾麵 $91唔知係咪因為第一次食既沾麵就係中環既周月 對佢有情意結 覺得呢到既沾麵係全香港最好食既😳沾麵既醬汁濃味得黎唔會死鹹 最特別係帶微微既酸香味 麵條輕易掛湯 而且醬汁可以揀濃或淡 拉麵可以揀熱或凍 份量可揀100/200/300g（揀好左份量就無得再加架啦💁🏻‍♀️）.周月の餃子 $45/5件餃子外皮煎到微脆 外皮好薄 肉餡都幾香 略嫌肉質太軟淋 細細隻唔會太飽.Suntory特級生啤酒(S) $42啤酒杯雪喺雪櫃令啤酒無咁易變暖 而且有大杯細杯之分 而家生啤酒同手工啤都做緊買一送一 優惠期至5月31日 同朋友share都幾抵🍻

今日終於去咗周月食拉麵啦 聽就聽左好多次啦 佢仲要係米之蓮添 但一直都冇機會去食今次我去到就叫咗一個周月拉麵同一個黑豚沾麵 佢就可以俾你揀濃湯或者淡湯 我就揀咗濃湯之後可以再揀冷麵同熱麵 我就揀咗熱麵 佢再有得俾你揀叫100g 200g 300g 份量嘅麵 佢嗰濃湯真係超級濃囉 平時食個啲有時個湯唔夠濃啲面就會唔夠味 但呢個就冇呢個問題 重點係佢哋啲豚肉雖然系厚但係都非常之’淋’一啲都唔韌 好難得之後佢個拉麵 湯底雖然冇沾麵嘅湯底咁濃 但係如果麵加湯食嘅話你就就啱啱好 同埋佢嘅糖心蛋都勁好食呀 最後佢個餃子 佢個餃子超薄 裏面啲料都好足 咁嘅價錢一定會再嚟 好高質素既拉麵👍🏻😋

💁🏻‍♀️麵鮮醬油房周月 (銅鑼灣)🍴-周月沾麵（$91）🍜網上評價好壞參半，但我就覺得個麵都唔錯。醬汁夠濃，有微微醋酸味，幾開胃，加埋五花腩同荀都算足料。麵質偏硬岩我心水，個溏心蛋醃得夠入味幾高質👍🏻👍🏻另外欣賞佢地有得揀麵嘅份量同醬汁濃淡，夠feasible！當我哋食完面之後個侍應係咁問我地加唔加啲雞湯，我哋心諗食完就梗係唔加，點知原來後尾發覺醬汁加雞湯係可以飲嘅，不過咁重口味🥴飲唔飲就真係見仁見智啦🙈/📍麵鮮醬油房周月 (銅鑼灣)#銅鑼灣 景隆街30-34號海殿大廈地下6號舖#小丸子搵食記 #小丸子銅鑼灣-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn #樓上cafe

銅鑼灣周月🍜入到入面滿空日文歡迎你有專人幫你拉櫈😱有禮貌.先贏頭round筷子用好品質.好純日本貨.純對唔會邊大邊細👍🏻👍🏻👍🏻有照顧女仕既用品👍🏻我叫左黑豚蔥拉麵.淡湯黑豚...水準之作👍🏻.香口.入口溶化蛋蛋..岩岩水仲有個心有黃醬咁😍蔥...反而冇蔥味..喜歡食蔥既我覺差左d湯頭..淡湯都好夠味（有一點點過咸）整體唔錯

我唔俾好評原因唔係因為好難食，而係我真心覺得呢間嘢真係真係吹大咗，有啲啲名過於實。我今次食咗佢嘅周月沾麵，麵份量要咗100g，大約係大半碗嘅份量，正常份量係200g, 大食嘅可以叫300g。其實佢個麵本身係整得唔錯，又彈牙又掛到汁，溏心蛋都好食。但係個沾麵汁真係好麻麻地。我本身口味並唔係清淡派，鍾意食沾麵好大嘅原因係鍾意嗰個濃濃嘅魚介豚汁。但濃味唔等於死咸。好可惜係佢個沾麵汁入面嘅豚肉真係咸到飛起，口感又鞋又乾。明明已經係肥豬肉又浸係個汁入面點解口感可以咁差？個汁本身係食到好香魚介味同少少酸味嘅，但真係唔係我食過數一數二好食嘅沾麵。可能我期望太大啦，食完真係有少少失望。

大概下午兩點鐘到，居然唔洗排隊，又話米知蓮甘，米沖入去羅。我同我老婆分別叫左周月沾麵（淡汁、熱麵、300g）、黑豚味玉香辣沾麵（涼麵、200g），一份餃子，仲追加左隻蛋，就個人口味而然，個麵質好食，但個沾麵汁好油⋯⋯唔知係太油定唔乾淨（今日第一餐），食完後十五分鐘我同老婆就肚痾，個仔就叫肚痛⋯⋯怕怕！冇下次⋯⋯

燒黑豚沾麵 ( $115 )睇咗依間沾麵好耐，每次路過時，都見好多人難得收早，7 點就去到，唔洗排隊 麵質適中燒黑豚都好香口，但偏細塊，如果可以多一塊就更好溏心蛋口感好好，蛋白唔硬湯味濃厚，亦加入唔少嘅肉，好好味建議大家食完後，都可以加湯飲埋個湯

湯底好咸好咸又冇乜特別既沾麵🤦🏼‍♀️較早前我聽過其他foodie話呢間好食，而且個麵有得免費升級，見價錢正常又米芝蓮推介就入去試下，點知係伏！【燒黑豚丼🐷(大) $78】個幾舊所謂黑豚其實係燒五花腩，不過都預咗唔會有好多肉食所以就算！個飯又冇汁、食到臨尾勁乾、溏心蛋又唔夠入味！【周月沾麵(200g)🍜 $91】最細100g最大300g，我揀中間既200g，大食既我覺得份量啱啱好~麵條都幾煙韌彈牙！可惜呀，個湯我揀咗濃味，點知咸到飛起，係咸到我皺哂眉頭懷疑人生！我唯有加佢枱頭啲醋去中和一下，成個麵簡直係災難🥵！【周月の餃子🥟 $45/5件】呢個係全晚最好食架啦，外層煎到香脆，內餡又熱辣辣、調味適中！不過就好細隻，應該係一口餃子嚟。

白色情人節同男朋友黎銅鑼灣食周月出乎意料地唔洗排隊好貼心 有圍裙同橡筋提供我地兩個都order左周月沾麵 盛惠$91不過食完覺得呢個價錢係值既大約等左十分鐘就黎到喇呢個係周月沾麵 大盛300g 冷麵 濃汁一上枱就聞到好香醬油同蔥味呢度既豬肉好多肥膏 肉好入味 彈牙湯底係鮮醬油 帶有少少酸味第一啖入口覺得有少少咸 不過食食下又覺得幾好咪湯底好濃 輕輕一沾就掛上麵條另外麵條較粗口 彈牙 推薦大家食冷麵食完麵之後 店主好主動走上前問我地要唔要加雞湯呢個就係香濃雞湯喇幾好飲 不過好大碗 所以我飲唔哂連埋加一 剛剛好$100蚊一碗食完之後先知原來周月係連續幾年都拎左米芝蓮星星鐘意食沾麵既不仿一試呢度既醬油湯底因為出面食既都係比較常見魚介豚骨湯底

周月應該係我最鍾意既沾麵店  每次黎一定係叫佢地招牌 周月沾麵  佢地既沾麵汁唔係好稠果種 比較稀 但味道一樣夠香夠濃 亦都好掛湯 佢既魚香味係重點 每次再去食都係因為想再食到陣味 加埋有陣碳香味既豚肉粒 真係好好食  除左沾麵 佢啲小食都唔錯 猶其係個炸雞 炸得好出色 一上枱熱辣辣 炸皮一啲都唔厚又夠脆身 再加埋汁 酸酸地 一啲都唔膩 好好食  

嗰日肚餓行行下之際有人塞咗呢張嘢畀我見佢好似ok咁樣評價又唔錯好奇心驅使下去食原來二人同行先至係最抵自己一個人食係冇下午茶時間優惠如果兩個人食其中一碗就半價我見佢啲嘢都幾新下一問之下都已經開咗業一年其實我已經有曬心理準備佢係豉油清湯底完全唔係我杯茶不過都冇伏嘅因為佢個灼燒豚肉真係好好味麵條亦都非常彈牙非常多蔥切得勁靚如果個湯底係豬骨濃味湯底我會更加開心不過佢係豉油湯底after taste 都係豉油味而且嗰啲細節位做得勁靚有埋圍裙畀你費事啲豉油汁彈到你啲白色恤衫我唯一唔鍾意嘅就係佢用即棄食具

有$100 voucher用當然要試下點左兩款都係濃汁x涼麵，一陣你會睇到張點菜紙。300g係男仔食量，200g係冇扮細食既女仔食量。兩款差別在於麵上果幾塊鹿兒島燒黑豚肉片。講下有燒黑豚肉片果款。溏心蛋好咸，好入味，夠晒香，有4粒⭐️燒黑豚肉片（麵上果幾塊）又好香，肥膏同肉比例剛好，有3.5粒⭐️至於湯入面d黑豚肉似東坡肉加嬤嬤整既排骨（冇骨版），不過冇甘肥。就甘飲個湯一定咸，記住一陣加雞湯先好飲喔。落左一啖仔麵，個湯有陣微酸味，唔知點解加左雞湯之後有雞味（廢話😂），酸味減淡。整體有3.5粒⭐️最後附上點菜紙俾各位參考如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️

上次朋友食完呢間沾麵，見到門面靚靚地，裝修好似都唔錯就黎試下，不過外表好睇真係唔代表好食🤢世事往往都係咁樣🤷🏻‍♂️🤷🏻‍♂️🤷🏻‍♂️當你叫沾麵既時候，可以揀100g/200g/300g，代表唔同份量，但都係收相同價錢首先我地叫左個餃子$45，食落無乜特別，唔算特別出色，好多地方都食到呢個質素，味道偏鹹，皮又唔係脆，一般般，算合格我叫左碗周月沾麵200g，正常點呢個份量都夠食，但夠食唔係食點，𥚃面啲肉得兩舊，仲要好硬，食擦膠咁，而且麵都係偏硬，不過醬汁個味都算入到口，唯一抵讚係隻糖心蛋，唔會煮到個黃熟哂女朋友點左呢碗香辣沾麵，鐘意食糖心蛋可以點呢碗，有兩隻，但最重要既係！呢碗個味同五香肉丁真係差唔多，女朋友最後食左兩啖已經唔想食🤮總括黎講，呢間沾麵名過於實，計埋加一埋單仲要$265，性價比非常低！👎🏽