麺匠八 (已結業)

開門之前已經等 ，第一批入去，order 等咗成個鐘，隔籬枱全部上餐上晒，遲過我哋嘅都食完走埋添。吹咗幾次都唔理。仲要係我哋四個人一個餐都未有。等我成個鐘實在等唔切，我哋話cancel張單先同我哋講電腦壞咗😅垃圾服務員，仲要收+1服務費

新開，食飯時間人山人海，黃昏時有位，即試，叫左三碗面，叉燒、酸湯牛＆炸豬扒。另外酸湯牛，比較開胃,牛是肥牛有些鞋。叉燒面表現正常，值得一提日式叉燒軟滑。蛋很入味。特飲加$15左右。要左荔枝味Q Q及芒果味Q Q，好飲。見到menu有糖水例如芋圓供應，但暫時末有，好期待，希望下次黎可以食到。

之前接放學成日同亞女經過，由於亞女好鍾意食拉麵咪諗住搵一日試吓！頭先經過見佢新開咗一輪咪入去試吓！結果中晒伏🙄賣相係唔錯嘅～ 我哋叫咗一個豚骨叉燒拉麵，一個照燒雞扒拉麵，夾起啲拉麵，就發現啲拉麵脹晒🫨搞到湯底有啲糊糊地🫣而個照燒雞扒係凍嘅（雞扒係另上）😤佢哋如果唔想被人發現塊雞扒係凍嘅，應該就唔好另上🤪杯珍珠奶茶個茶底係苦澀！小朋友就唔多啱飲！為咗唔好太浪費，我同亞女碗面都係求求其其食兩啖就俾錢走人😩

一坐低見到個餐牌就知道瀨嘢，乜嘢拌麵又加麻辣😂攞明大陸扮日本😂我叫咗碗叉燒拉麵試同一杯凍奶茶試吓，碗麵水汪汪又冇味，杯奶茶我飲咗一啖就放棄～係奶水，仲要係冇味嘅奶水😆

餐牌好似好正常但好難食😂😂中左伏試左饅魚飯同雞扒拉麵，好難得咁難食飯好硬，有個炒蛋，炒蛋普通茶整得好食好多，饅魚係現成超級市場買返黎整熱果種，而且份量好少。野飲係假味，唔好飲😂已試味，希望大家唔好中伏😂

依間餐廳只提供兩種味道：撈麵好咸；拉麵白烚咁無味，連牛肉同叉燒都好似水煮咁。難食得黎又唔熱喎碗麵，完全唔知點解咁都拎得出黎比人食？？真係好難食，佢麵口感又唔好，我煮個麵都好食過佢，咁既價值賣出黎，哇！呃錢呀！！浪費食材！！唔會再食！大伏！！！到個雞排，勁普通就咁煎煎佢，是旦淋d好咸既汁上去就算，唔掛得前面果台食左幾啖就走，留底再一大半野食無野，我食幾啖就明，個個客都罵緊哇咩咁難食既😂😂好救命，好耐無食過咁難食既野

本身三個朋友諗住快食晚餐，間舖頭又唔使等位，所以諗住入去試吓，點知超級中伏！中伏！中伏！每人嗌咗一個拉麵同埋一杯嘢飲，未加一平均每人要$76！如果啲拉麵首先唔係自己做，啲拉麵係硬到一個點，我仲以為係未熟😅豚肉拉麵等於一個白烚豚肉！餃子拉麵啲餃子硬到一個點好似石頭咁樣！最後一幅相係我食淨拉麵嘅份量，完全未試過去一間食拉麵地方可以食剩咁多拉麵😡

我地堂食叫佐2碗拉麵，1雞扒1燒豚肉來到發現豚肉的邊有青色嘅嘢，我地就叫職員换。第二碗雞扒個拉麵湯有隻蚊滋！個職員拎去厨房，仲係呢個唔係蚊即係紫菜嚟嘅。我地嗰碗嘢明明就無紫菜！聽到廚房嗰邊話”識唔識食㗎 咩蚊滋啊 係紫菜嚟㗎”最衰我無第一時間影相！就叫佐職員嚟。到上返碗豚肉，又卑我發現有問題，有印，成個藍色印！我男朋友試佐一啖，佢話世界上最難食嘅拉麵！於是我地咩都無食就走佐！好嬲！好污糟 根本唔應該開張！垃圾！！！！

近近地去試下, 但就失望而回, 不推薦 食物 : 慢燒雞扒拉麵 $62 + 金桔檸檬啫喱冰冰(加配) $12 ~ 雞扒味道不錯, 肉滑皮脆, 但碟底有很多油, 而拉麵味道一般, 湯底及麵質都唔好食, 溏心蛋唔完整 煎餃拉麵 $58 + 凍檸檬茶(加配) $8 ~ 煎餃味道正常, 麵質及湯底都唔好食 環境 : 佈置好日式, 座位都舒服乾淨 地點 : 餐廳在TKO GATEWAY, 由MTR行過來約6分鐘 服務 : 職員有禮貌 價錢 : HK$154/2人 (包加一服務費)

我們在這家餐廳的入座體驗真是令人失望。我和我的朋友一起前往，希望能享受一頓美味的晚餐，但我們等待入座的時間實在太長了。不僅僅是我們，還有其他兩位客人也在等待，而我們只是等待兩個號碼，卻等候超過了20分鐘。這樣的等待時間對於一家餐廳來說實在是過長了。我們看到其他桌的客人進入並坐下，而且多次看到幾枱人離開，卻讓我們在門口等待著。這種等待時間不僅讓我們感到不耐煩，也讓我們對這家餐廳的效率產生了質疑。作為客人，我們期望在一家餐廳享受著良好的服務和舒適的用餐環境。然而，這次的入座體驗讓我們感到沮喪和不滿。希望這家餐廳能夠改善他們的入座流程，提高效率，確保客人能夠順利入座並享受美食。

自問都中意食拉麵，亦試過香港唔少既拉麵店。見到坑口呢間近期開既舖頭，雖然聽其他人講過係唔好食，但都要自己試過先知，所以就去左食。首先講衞生既問題，啲碟一抹成pat紅油，一黎已經嚇親。食物方面，嗌左個雞扒拉麵同埋煎餃子，餃子炸得好犀利，唔係傳統果隻日式煎餃，個人就麻麻地。雞扒拉麵係地獄級難食，雞扒未熟都夠膽上菜，個湯底好淡，幾乎係水加辣油溝出黎既野，唔知飲緊啲咩，屋企求其煮個福麵都好肯定好食過佢（最後取消左個拉麵，果斷離場）。呢間舖可以用失敗兩隻字形容，仲好意思玩台日fusion，快啲執左佢。

諗住新開就試下，大伏！唔好食！拉麵 : 麵底好似係樓下街市買果d 工廠黃拉麵，無特色，又唔彈牙。湯 : 湯底又係味精湯，無豬骨味，好似我買出前一丁豬骨湯咁。食完勁口渴。叉燒：不過不失肉幾塊，有d𡁻口，味道一般。餃子：明明話煎餃子，點知係炸餃。 都算，炸都炸唔脆！價錢：貴！ $116食d 咁既質素，食完又唔飽，無下次。叫得做麵匠就應該對麵有要求。