麻布茶房 (已結業)

麻布茶房，$285陪人睇完中醫食晏，見到呢間和風西式餐廳好似幾得意，就入咗去食lunch😋嗰時開檔無耐，所以無乜人。女經理向新人訓話的內容聽得好清楚⋯⋯雖然我理解新人要教，但佢把聲聽落有少少惡，講得好聽啲就係「好firm」，以前做過服務業新人的我聽落有啲不是味兒😅😅.茶係無味的😅侍應上菜尚算有禮，會清楚講到菜名，同會問係邊個order，先會放上枱。.1. 日式本菇牛肉壽喜汁意大利麵蛋花湯好清，清得嚟有少少面味，一入口好舒服。適合正式食嘢之前暖胃😌醃蘿蔔夠酸，亦唔會蓋過紅蘿蔔味。但如果食完先飲湯，個湯啲味就會變到好怪😂意大利麵唔會好油，如果想易入口同好睇啲，攪勻先至食。雖然感覺上只係本菇+普通肥牛，但係唔知點解我覺得幾好食😂.2. 咖啡、拿鐵、凍(??)😂我最鍾意呢個!!! 一入口有啲苦，但有糖漿可以自己調節甜度。好有咖啡味，杯底的咖啡凍令到成杯嘢飲的texture更豐富❤️我覺得仲好過個意粉😂雖然腸胃差嘅我，飲完幾個鍾都仲未消化晒啲咖啡同cream，但我會為咗佢再去多一次😂.3. 抹茶牛奶(??)杯嘢幾靚。唔係我飲，但姐姐話係好飲的。.4. 壽喜燒烏冬(??)唔係我食。簡單嚟講係壽喜燒包

在淘大商場，食市林立，選擇算多，秋冬最想吃火鍋，熱辣辣又飽肚。本來想去吉野家、大家樂呢啲快靚正快餐店，可惜食飯時間多人。最後去了總算有位座的麻布茶房有AB,AC,AD餐選擇。 A是火煱，有牛、豬、雞3種選擇。B是雪糕，雪糕有幾款，我們要了最平嘅組合個種：燒蕃薯麻薯綠茶雪糕（雪糕有幾種味選： 雲呢拿，綠茶， 芒果……)。湯底有豬骨，蕃茄，麻辣。白飯是跟餐送的，如果要轉烏冬加$10。烏冬是湯烏冬，不是平常快餐店個啲原個上。因為喺日式火鍋，所以就冇辣椒仔，蒜泥個啲囉，但喺都冇日式麻醬附送，只有醬油，我諗大概喺湯底已經本身夠鹹，所以基本上唔 沾醬都ok. 食完熱辣辣嘅火鍋，即刻上雪糕。雪糕配料正，蕃薯香，麻薯好似炸過，QQ煙韌!雪糕的甜中和返火鍋的鹹👍如果快餐店full晒，呢個都喺唔錯嘅另一方便選擇。2人共吃了$176晚餐

我從未到食過，門口和店舖都okay，招呼即可以，諗住未食過，試吓啦，總點價格即唔係平，都要80蚊左右或以上，但都覺得應該可以。簡簡單單的三文魚定食點可以咁難食，舊魚硬高石頭，完全冇鹽味，啲西蘭花冰凍，好似冰咁，一定唔會再有下一次。

Heehee 好耐無去淘大食lunch 所以就周圍揀下啦😁😁見到哩度嘅lunch都幾吸引 所以決定去食下啦 就嚟一點嘅時間 但店內都唔係好多人所以唔洗等位✌🏽😆佢嘅午市套餐有得送haagen dazs迷你雪糕杯啦🍫🍓而豪華套餐就有haagen dazs雪糕批送🍵🍫🍓小妹係多款午市套餐中揀左哩個 佢叫角切魚生飯呀😄😊首先魚生飯入面有青瓜粒 玉子粒 三文魚 吞拿魚 蟹籽 等等......仲有一碟小小伴菜係醃青瓜蘿蔔 味道普通 無咩特別 至於魚生飯 其實份量真係好大 一定夠哂飽肚 哈哈😂😆魚生刺身方面 都算係新鮮 都幾好架 同埋都切得幾厚嘅嘻嘻 不過飯粒好似無咩醋味 哩方面就麻麻地喇 整體都不錯的 但唔係話好好食囉 食完個lunch仲有甜品食 雪糕有豬古力味/士多啤梨味 好開心😋🤤至於店員服務方面都算係有禮貌又面帶微笑嘅 無話黑面個啲啵 同埋又主動加茶俾我地啦 所以算係咁啦😅😅

先申報本人以前做左幾年饮食業，對飲食業要求及工作略有了解，我唔會強求，但知乜系正常。今晚我去九龍灣果間到吃，入位時個小姐話六十分鐘用餐，太太問佢，我地打邊爐，系計入坐定計上菜，坦白講佢又唔系大家樂，晚飯六十分鐘，系米有問題？好入坐……叫餐時，個女待應好似好急甘，未講完佢又打斷，如果唔系太太打佢眼色話算，我真系問候佢。坦白講，M記都無甘態度。都算!入左單個女待應重大大声叫"12号枱同我出快D"，而家唔系云吞面店，有点無奈。最後，上雪糕，我地叫了幾個款比小朋友試，佢地好開心，第一個尼，我地同待應講，"唔該比幾個碗仔。"佢聽完行左去，無反應。第二個雪糕尼，又講一次，糸完，又無反應。第三個雪糕尼，又講一次，系完，都無反應。老婆話唔好問，只好見住小朋友滴到周圍都系。無言。希望不久將來換另一間可以有得簡！

今日星期五晚餐多數出街食，慶祝一下happy Friday,原本唸住食吉吉家的卜蜆火鍋，但多人多到唔洗唸有位，於是即轉場到這裡食，因為貪佢也有火鍋，而且還做半價優惠呢！六點半前入座不需等位，但過左一陣就有人龍了！我地兩個人叫了牛肉火鍋同豚肉火鍋，還可自由選擇不同甜品，當然選擇不同甜品款式價錢就會不同！而我地叫了抹茶聖代同香蕉朱古力聖代我吃的豚肉火鍋，有五片左右的豚肉，日式豆腐，龍蝦丸，獅子狗丸，魚片，蟹柳，粉絲，還有好多雜菜等。這些材料都是外購回來的，所以不會難食，同出面賣的日式火鍋味道差不多，值得－讚是湯底，不會吃到最尾過份咸。而我加了十蚊轉烏冬，飯反而不用加錢，又加了十蚊多五隻餃子，其實淨吃火鍋料都已經夠食，但自己實在太眼闊肚窄了！餃子味道就－般，有些失望！終於到聖代出場，賣相好吸引喔！我吃的枺茶聖代有－個枺茶雪糕球（有香濃枺茶味），香草軟雪糕（好滑），幾片生果等，份量算多！但不知為何這間店的雪糕都係溶左－半先拎出來比客（食過幾次都是這樣），這點要扣分，及需要改善！不過這個火鍋優惠都算抵食，因為在出面只食—杯聖代都要五，六十蚊啦，而家在這裡食埋火鍋都只係79蚊（未加－）！已經不錯了

好耐無去過食依間，咁岩行過見到價錢平左，又多左選擇，所以就去試下😊依家有埋邊爐打tim😂我叫左個牛肉鍋配泡菜湯😊再加$10配烏冬！配白飯就唔洗加錢既👍🏻分量黎講，每樣野都唔算多，女仔食就岩岩好。對個牛肉有少少失望，因為都真係幾薄！泡菜湯唔夠濃唔夠辣！烏冬都比較少☹️我建議大家配飯會抵食啲，因為泡菜湯撈飯食幾好味👍🏻個餐仲有甜品送，我就揀一盒細既haagendaz 雪糕，成個餐就$58(未加一）我覺得依個價錢，依個分量都係抵，都食得飽既👍🏻可以一試😊

中伏琴晚同屋企人去淘大麻布茶房食dinner ,D 飯等左好耐都未到，之後食食下飯突然個甜品雪糕到左，我飯都未食完就上甜品？仲要個侍應拎杯雪糕出嚟係起碼溶左3分1，鋪頭D人係因為趕住收工所以快D出哂D甜品，我話個雪糕溶哂wo個經理竟然答我果D係cream囉。擺明果D係雪糕溶左啦。最後我簡直係雪糕送飯。服務勁差其中一個店員仲換好哂衫叫另一個同事記得幫佢打卡收工。期間個經理仲出左去接個女朋友入鋪等佢一齊收工 最想就係食杯雪糕，點知溶哂失望以後都唔會再幫襯

上次同媽媽去食一餐飯排隊等得耐都唔打緊 點知中伏了 食物算普普通通無特別 時間耐都無問題價錢尚算便宜 有甜品送只是火鍋款式可以多一啲服務態度差到無有人啲侍應簡直不知所謂 而加啲小妹妹唔知道服務是乜 位女經理顧著傾顧著玩手機無理人 又粗聲粗氣 十問九唔應 位Mk妹更加大煲 問嘢好像得罪佢又講粗口 拿高衫放啲紋身出來嚇人 斟水好像担泥一樣 位位都黑口黑面 真係未試嬲到 比錢受氣 唯一讚賞環境乾淨只能說不會再去如果想便食 不怕受氣可以一試

九龍灣的淘大商場有一間麻布茶房, 平時都係路過多, 今晚同媽咪去試下, 等左一陣就好快有位。餐廳其實唔大, 坐位都唔係好多, 裝修都雅緻的。我地坐係旁邊位置, 睇下餐牌先....我地ORDER 左以下 :1) 照燒豬肉飯 $852) 京蔥雞肉屏屏麵 $78職員亦好快奉上兩杯綠茶, 綠茶抗氧化高, 而且亦濃, 不錯呀 !媽咪今次食京蔥雞肉屏屏麵  ~雞肉夠滑, 屏屏麵原來好大條, 但又唔會過硬, 不過湯較油膩。附送有酸蘿蔔, 酸酸地幾開胃 ~照燒豬肉飯 價錢係$85, 但係上枱都好豐富喎 ! 有蛋花湯, 味道正常。漬物做得唔馬虎, 蓮蓬片有驚喜,。豬肉份量超多, 豬肉切得夠薄, 炒得唔會過老, 照燒汁有點多左, 所以味道較濃。但送飯真係一流。食之前都睇過食評都係麻麻地, 但今次又唔覺得好差, 不過職員未算好主動, 食物亦要催左先黎到。希望下次再有改善!

常覺得麻布唔抵食，所以一直唔諗去食。意外發現有晚餐set，都ok。有不同的主食，配不同類的甜品就不同的價錢。畢竟甜品才是他們主打。泡菜豚肉味道也可以，湯是豆腐湯。配了抹茶聖代，軟雪糕好吃！其他都無很特別。另一個餐是，鐵板牛舌（唔記得確實名稱）牛舌好吃，薄薄脆脆，個汁很有味。甜品配了燒蕃薯霜淇淋-芝麻味我喜愛這個，因軟雪糕配有點點溫的蕃薯不會太冰，亦有兩種口感👍整體來說正常，但主餐的分量不太夠男士食飽。餐廳總是欠了一點氣氛的感覺🤔

二人團購餐價錢199+49，包沙律，一碟意粉，一碟牛肋骨拼牛舌，兩個甜品同兩杯野飲。首先，點餐5分鐘左右就上菜，沙律同兩碟主菜一齊上，食完沙律啲主菜已經凍哂。沙律同意粉普通，冇乜特別。二人餐份量極少，根本一個女仔都可以食哂個二人餐。碟牛每款得三四塊，好薄，啲西蘭花又未熟哂!個雪糕同m記一樣味，加少少糖水咁!不過店員幾有禮貌，服務周到。唔會再試

經過就經得多，但次次都覺得唔會好吸引所以算，今次見無主意下就試呢間啦係未上openrice前就粗粗地入去，d餐牌同d台櫈都笠笠地，舊舊地，真係過哂時，唔緊要，好食就得啦，點知原來成正比，d台櫈有幾笠，野食都會比下去，試左咖哩漢堡蛋包飯，等左10mins黎了，主菜食啖，哇，成個都凍既，咖哩無乜味，d蛋毫無特別，個感覺就好似你好小會食日本咖哩，因為印式咖哩獨別得多又辣d一樣，明知唔會有驚喜都係要試下一樣，所以就中伏了，快餐店朝早d炒滑蛋都好過佢多多聲，之後主角兩舊肉仲大鑊。係超市買個d急凍日產不知明既漢堡求其煎黎試下，食完都唔知其實咩肉一樣，兩舊野囉總言之，um,..,,係肉黎既，不過唔知d味想點咁姐，成碟飯就係覺得貨不對板，40都嫌貴，而家要6x..最後個ha gun daz雪糕仲要唔係法國直接進口個款，係印有台灣字既經銷商。。。

痴那線嫁啲侍應，明明收十一點，9點幾就叫人埋單，不得止前菜都未那食完就話要甜品比我地！？不那知所謂！！！！唔會再黎幫襯唔該改進下啲服務態度啦最差嘅一間餐廳！係咁

今日係九龍灣搵食，想食日本野，又見到好耐都無食過嘅麻布茶房，就決定今晚幫襯佢啦。店內裝修一如以往，多年都無變過，不過menu就多左以前無食過嘅菜式。今次2個人叫左個mix and match 嘅set，一個凍烏冬，一個小食。凍雞肉扁麵佢英文寫udon，但佢係寬麵樣，烏冬質地，好難夾，但係個麵幾好食，有咬口，而且彈牙。個雞份量多，配埋個汁有醉雞嘅感覺。唔日式，但係幾特別同麵幾好味，整體配合得唔錯。炸雞大大件，炸得香脆，雞肉好厚肉，係我食過咁多炸雞入面最厚肉嘅，但係肉質一d都唔老，而且有肉汁，唔錯。Set叫左鐵板牛舌定食，個牛舌唔夠熱，塊鐵板都唔熱，有d中伏嘅感覺，而且好多油，味道一般，下次黎一定唔會再叫呢個。不過附送果個湯清清地，同一般麵豉湯唔同，係幾好嘅。Set甜品叫左燒蕃薯紅品雪糕。由於個人好鐘意食蕃薯，所以次次番親都叫呢個甜品。蕃薯溫熱，上面有比較奶嘅軟雪糕，質地有d似cream，不過配埋蕃薯同紅豆，甜度剛剛好又唔膩，大分推薦比喜歡蕃薯嘅朋友！總括而言，呢間餐廳都算無令我太失望，質素算keep到，不過由於人手唔係好夠，出菜比較慢，呢餐食足個半鐘。走果時發現原來食夠$258送多士爐，