麻布茶房 (已結業)

晚上差不多九點，見附近的甜品店要等位，但這間不用，所以就進來吃了有一批甜品做特價$38，另收加一於是試試看服務還可以，不停幫我們加茶我叫的這個還可以，不錯這個價錢算是這樣坐得比甜品店舒服，不趕人走

第一個嚟嘅係蜜柑紅豆甜薯ice cream, 呢個一上來就好突出，尤其係果兩粒蜜柑，加上高聳雪糕，嗯~就係咁~雪糕加上柑桔醬，入口甘甜香軟，配搭唔錯，又唔會太甜，啱我口味！👍🏻 另外紅豆同甜薯都係我鍾意嘅配搭，大愛！👍🏻下次來一定叫呢個😋第二個嚟嘅係薯餅(好似係)抹茶 cream，呢個抹茶醬整得幾好，唔似出面啲膠水抹茶醬🙊，睇落真係有加抹茶粉入去整嘅！食落去係有抹茶嘅甘苦，但對於本身甜嘅雪糕來講，兩者係相輔相成，唔錯唔錯！下邊類似薯餅嘅物體，外型唔太討好，但食落又幾好食，間中配一啖雪糕係唔錯嘅選擇。最後上嚟嘅係水果紅豆蓉蕨餅，蕨餅係日本傳統甜品，但今次就融合咗水果同紅豆蓉，個人來講覺得賣相還可以，但要食過至知！蕨餅係類似煙煙韌韌嘅麻薯，都ok，但我本人就唔係鍾意同唔水果混合一齊食，唔大match。但紅豆還可以，令蕨餅錦上添花，不過如果蕨餅係黑糖做嘅話就未必match🙇🏻

記得很多年以前不時聽友人說麻布茶房很好吃啊怎樣怎樣，到頭來，我還是沒有親身一試，就算是差不多十年後的時間。不過就有聽聞店家的一大輪風波，香港多間分店結業後重生的事情。然後，某一天，在居住的那區，這麼一家店子開業了。　　由開張後多個月的絡繹不絕，水洩不通，人們大排長龍的場景；去到穩定下來，人多，但不會終日爆棚狂等的時期。終於一嚐多年來友人們洗我腦的餐廳，說不上興奮，叫做滿足了好奇心。　　抹茶蕨軟糍芭菲　$69份量一如門外櫥窗樣本所示，細細份，基本上不會太飽肚。點餐的時候店方稱雪糕是自家廠製的，我當然知道……從數月前的新聞裏頭。先來的是抹茶口味，倒也好，吃過清新的，再嚐濃郁的。　　白玉煙韌帶嚼勁，相比起來，蕨餅來得綿身得多，可惜也不算細膩軟滑。幸好灑上點點黃豆粉，吃著沒有滯膩感，伴著旁邊的紅豆蓉吃也可以。抹茶雪糕茶香乏乏，對我而言，甜度及奶感屬中上，還是較喜歡味清的。底下的啫喱略為帶爽，所之叫做遇著那一堆堆純白忌廉時仍可入口（當然盡走忌廉）。　　點的第二款黑芝麻蕨軟糍芭菲　$69也到場了，賣相……不談。紅豆蓉換成一抹黑的黑芝麻醬，但沒有然後了，品名指的就是這個部份。依然有純白忌廉以及糖水櫻

從來未試過寫食評，但呢間餐廳太難食。諗住日本嘢 都可以ok下啦，點知食左個咁難食既芝麻汁冷麵，80幾蚊，個麵完全無味，同佢再加芝麻汁，汁同水一樣 不過服務都可以 店員招呼不錯

簡簡單單，三樣材料白玉，抹茶雪糕，紅豆抹茶雪糕不算濃郁，如果鍾意濃郁抹茶味嘅朋友，就唔啱你啦🙈 抹茶雪糕甜味適中，底下有好多紅豆，份量略多😂可以減輕反，否則配上雪糕就太甜了，反而搶了雪糕嘅味道白玉方面，好夠煙軔😋好好味！

見到幾靚，又未試過，就入去食，結果好失望。叫左個Set dinner 一個正餐(泡菜豚肉拉麵 )+蕃薯雪糕$88同埋一個茶房風拉麵 $69以為咁既價錢， 拉麵應該可接受，點知一d都唔彈，唔知佢係本身用d比較劣質既麵粉，還是煮過熟，或浸太耐，口感完全不可接受。重點係，上菜時，已經凍凍地。而湯底得個咸字。個拉面上面舊豬肉硬到咬唔開，要成大舊放入口咬勁耐......蕃薯雪糕: 個雪糕(芒果味)係幾好食，但隔離d芒果酸到入唔到口。(咁岩果日冇哂軟雪糕，唔知會唔會好食d呢) 蕃薯就普通蕃薯咁，冇咩特別。態度: 我地星期一晚上去，成間餐廳冇咩人。但個侍應係咁想收我地d野。如果間餐廳好多人，你咁急收野，我明。但其實冇咩客，我成碗面係到，停底傾個計姐，你都走埋來收我碗面，會唔會唔太好? 我只係講左句: 仲要架。個侍應之後就開始黑口黑面。再講，個侍應咁得閒收我地d野，茶又唔幫手斟，叫佢地斟又等好耐。可能呢間賣點係甜品，所以唔建議大家去食拉麵。

本來見出面啲displace幾靚，應該無伏，咪入去試下囉。點知間野唔知係唔夠人手定咩，啲野食黎得超級慢，我地杯野飲催左兩次，野都食晒，正想開口催第三次個時先黎。右邊隔離枱對男女，催左三次都唔黎，左邊著suit一個人個位姨姨，都催左杯咖啡好幾次，同啲waiter講過趕時間，先至拎杯野飲黎。okay fine，都算，食野要等要催間間餐廳都會有。點知人手問題慢延到埋單都出事，我地趕住走，見到銀碼比完錢就走，走個時個waiter又隊多兩張單黎想比我地，仲要兩張都唔係我地頭先比個張，我地講左句「比左啦」咁佢就無理照比我地走左啦。事後越諗越唔對路，我地埋個張單應該唔係我地食個張，因為條數點計都唔岩。到底係乜野餐廳黎，由坐低個刻開始已經極度混亂，野食質素同茶記無分別我都唔想講啦，黎野食番得慢，埋單亂七八糟，呢啲係乜野服乜野管理黎？唔會再試，亦都會同朋友講番情況，希望呢間開左無耐既餐廳可以檢討下。

今晚一個人又在淘大商場搵食，呢間未試過，店內幾枱客，裝修精緻，唔係和式，加啲歐式原素，店員招呼我坐張四人枱！先來杯熱茶，天氣凍好溫暖，再揀好主菜加甜點，再講明甜點後上！食物好快到！牛肉咖哩蛋包飯（$98）賣相好靚，牛肉好多，牛筋牛腩好入味好淋，日式咖哩濃味！略兼汁唔夠多，唔夠撈飯，珍珠米飯鬆軟彈牙，加上蛋皮軟滑！味道好夾，加上醃菜爽口好食！簡直想叫店員攞多啲！寒天沙律：跟餐沙律，椰菜絲爽脆，加上青瓜片、蕃茄仔新鮮！柚子醬酸酸地清爽！寒天彈牙！好味！蛋花湯：其實無乜味，只有蛋花絲！其實好貧乏，味道微鹹！仲有夠熱！宇治金時燒蕃薯霜淇淋（$45）賣相靚，蕃薯好熱，加凍雪榚好大對比，抹茶醬唔濃！紅豆軟糯唔太甜！好味！不過雪榚會溶得好快！要盡快食！食物比想像中好，招呼我嘅都係一位經理，好好笑容，後上甜點、攞牙籤之類小事都好快手！上菜收碟都會問一句！最後大大聲送客！冬天中嘅一點暖心！

今日放工已經九點近近地諗住試吓開左一段時間嘅麻布茶房唔駛等位直接入得兩個人叫咗6樣嘢食好似有少少過分 冇計啦肚餓吖嘛鰻魚同豆腐嘅配搭相當唔錯值得一讚嘅係個湯味道啱啱好唔太咸整個晚餐入面最欣賞就係呢個沙律番茄同生菜完全解決左三文魚嘅油膩再加上芝麻汁入口是有多重口感十分特別串燒黎講佢算燒得唔太好牛柳的距離太近中間兩粒牛柳粒較為生冬菇燒出嚟仲有鮮味 有驚喜一向喜歡食冷拉麵嘅我覺得整體味道唔錯芽菜略嫌太生到咗甜品相對較失望黑芝麻雪糕十分普通下面果舊烤番薯食咗兩啖無食因為好似咬泥膠朋友一直話要食蕨餅最後揀咗蕨餅蜜豆沙出奇地最欣賞係新鮮嘅杏脯埋單每人共230，主菜還不錯甜品有待開發，有咩好食因為我唔太吃綠茶甜品

懶悠悠嘅Sunday,下午茶時間走左去食甜品～九龍灣麻布廚房～餐牌上面嘅甜品好吸引，做到同日本冇咩分別哦^_^，但味道就未知住～入座後，店員好細心遞上暖笠笠嘅綠茶，茶杯好別緻，綠茶暖度又啱啱好～外面天氣炎熱，店內冷氣相當足夠，好清涼！暖暖嘅綠茶剛好中和一下突變嘅室溫～貼心哦！落單後，店員好細心告知，甜品制作需要啲時間，麻煩客人耐心等候～其實都唔使等好耐，甜品好快上檯，不過有店員嘅主動提點，又加一分吧！宇治金時扭紋雪糕淋上綠悠悠嘅綠茶醬汁，外型好吸引！雪糕下仲有舊2cm厚嘅日本蕃薯！雪糕味道偏淡，奶味唔夠濃，但配上綠茶醬汁味道就啱啱好！蕃薯肉偏乾，蕃薯味普通偏淡。雪糕食到臨尾唔夠醬汁，所以變到冇咩味⋯白玉蜜果冰淇淋賣相都唔錯，配料色彩繽紛，附上黑糖醬淋上雪糕用。雪糕原味與宇治個雪糕同出一徹，所以都冇咩味，要加上黑糖醬先夠甜，配料有士多啤梨、白肉水蜜桃、湯丸、杏甫肉⋯樣就靚，但⋯可惜冇乜味，士多啤梨偏酸，湯丸冇餡冇味，仲有代表「白玉」嘅大菜糕?⋯冇味！！噢⋯整體上只有雪糕係接受到，質地幼滑！雖然奶味淡，但其他配料都係多此一舉！外表係可以做到好似日本甜品咁吸引呀，但味道就⋯回頭機會好低喇。

從來未試過寫食評，但呢間餐廳太難食，非寫不可。經過好多次，諗住日本嘢食難食有個譜，咪同媽媽去試下，可能星期六嘅關係，都等咗一陣先有位。 未食個咁難食嘅咖哩牛肉飯，完全食唔出日式咖哩味，個蛋仲衰過大家樂嘅炒蛋....媽媽個柚子烏冬好多味精.....唔會再幫襯

一路都唔知原來淘大有間麻布...星期五o既晚上周圍都要等位,我又對於軟雪糕好冇抵抗力,所以就o係度痴痴的等...真係企到腰酸,終於有位,大家都好有恒心咁等menu同以前認識o既麻布好唔同,少左好多野是但揀左個咖哩飯,幾乎完全唔辣,所以食得好輕鬆,同埋因為等位咁耐好餓o既關係,轉頭就食完~大人要左個牛柳定食其實牛肉係咪真係好難煮得好,點解又係咁難咬o既最欣賞就係d前菜,酸酸地好開胃揀左配梅子飯,係好淡o既梅味,食耐左係唔覺o既添就o係差唔多食完兩個飯,諗緊叫咩軟雪糕甜品o既時候...聽到侍應同隔離枱講個雪糕機壞左!!!呀!!!!我到底係為左乜野等位等咁耐,錯哂呀....如果淨係為左食飯,我真係唔會入黎呢度呀咁貴,冇得食軟雪糕,所以極速埋單走人喇

放假起身林五到食乜野就試下新野，點知就中哂伏😫叫左一個咖哩炸蝦飯&草莓朱古力窩夫，之後等左成半個鐘都未到，其實只係平日一 兩台客到，之後問職員 佢地話即叫即整會耐小小，過多陣就到左個飯先。咖哩炸蝦飯徐左蝦都係凍- - 得d炸蝦熱 味道普通五可以話好食 五需要比$100去食甘既質素草莓朱古力窩夫 個雪糕我五需要係Haagen Dazs質素，但五知係過期定加左其他野入去 個雪糕味好奇怪 完全好難放入口😬 加左$10蚊轉左杯抹牛奶飲 完全無抹茶味道 只係飲緊淡既牛奶 甘既價錢甘既質素？完全五需要去食或考慮食既一間鋪 完全又貴又難食 我男朋友食完重要五舒服😠😠

叫左個吉烈豬排定食，d豬排又薄又實，幾碟配料小食(例如一d無味既豆)感覺很求其，個湯似清水加幾條蛋絲。$89可以喺同區第二間日式餐廳食得好好多!抹茶芭菲，味道也非常普通，唔係靚料，唔值$69幾位侍應表現亦唔夠專業，有不少甩漏整體食物質素對沒什麼要求的人是ok的, 但實在不值這個價第一次也是最後一次幫襯!