麻布茶房 (已結業)

本人於年初二到過此店，食物味道一般，但到了埋單，我們二人共食了七十二元，理應找回二十八元,當侍應拿著找錢的盤，上面有一張單和十八元在單上，當然在一般的情況下，（我相信人一般都會看一看單據，然後拿走找回的零錢便離開），本人亦是，沒有認真計算找回的錢是否正確，這真是本人的疏忽，當時我拿走一個十元大餅，留下八元做貼示，當離場一刻，我的朋友打算拿起單據看時，竟然發現有一張十元紙幣放得整齊的在單據下，沒有一點兒會給人看到有紙幣在單據之下，因為他們的單據size剛好遮蓋一張紙幣的size，這絕對有理由合理相信這是收銀員故意這樣放的！因此，我覺得此店有不誠實行為，所以我不會再到這裡幫襯，即使有幾好食！！

又有公事要到尖沙咀，照例搵班舊同事食飯。時間太急，只有一位舊同事肯奉陪。地點選了甚小去的麻布茶房。記得好耐好耐之前食過一次，是麻麻地。今次再來，竟有驚喜。午餐有十二款，唔算少。揀了親子定食，即雞和雞蛋。定食送來時熱騰騰，好香。雞肉好淋，蛋好香滑，份量也足夠，比預期中好好多。Side Dish的蓮藕凍凍地，又爽口，也不錯。麵豉湯則是普通貨色。跟餐有飲品，一般啦！本想加$8要杯雪糕，不過傾下傾下時間又差不多。下次再吃吧！埋單$101，算是食得過。另外，本人雖未品嚐過佢既下午茶，但總覺得會是可口的。太主觀了！

行到累了，只想找點熱東西喝，到處人頭湧湧，亂衝亂撞去了麻布茶房，環境清幽，客少，頗舒適，叫了一杯抺茶牛奶一杯熱巧克力牛奶磨爛席了3個鐘，沒有試他們的甜品，總之飲品不差就是了。

咁啱果次同個妹食飯.去到ORDER左之後.另外有朋友又話黎.跟住叫人換張四人枱.但係佢地唔肯.話要人到左先換喎.如果唔係ORDER左野.我地實走人.今時今日咁既服務點得呀.因為都驚朋友黎到無位.問實左佢地.佢地就話黎度就一定有(跟住放左"留位"響四人枱)但係我地本身坐住張兩人枱.佢又再留四人枱.咁唔係更加SIN左D位咩...當然.最終有換俾我地.但係就好似我地會呃佢張枱咁.另外..坐到入去..D冷氣又薄弱.入面本身都人多..好鬼焗..

成日同老公拍拖出街食飯，每次揀食乜好都幾頭痛，經過佢地門口見到D食物幾吸引，價錢OK，同埋有朋友講過話D食物都OK，咁就入去試下喇~老公叫左咖哩牛肉蛋包飯，因為我比較鍾意食鍋物所以就揀左牛肉火鍋。果個所謂蛋包飯只係將塊蛋皮鋪係D飯面...d咖哩同牛肉都好一般...六十幾蚊真係俾多佢，而我果個鍋就只得4~5塊牛肉+少少蔬菜(係非常咁少,超級唔抵食)...如果肚餓去食一定唔夠飽(因為連一條烏冬都無>_<)，仲有加$5 果個芝麻醬同唔知咩醬呢...絕對不值得花5蚊去試，我只係每種味點過下試味就放左係度喇....佢地做野真係好快手~除左添茶添得密值得一讚之外，佢地收野仲好快手，老公一放低隻匙佢就走黎問你仲要唔要，駛唔駛咁快手呀...好明顯人地仲食緊!~好似趕客咁...之後叫左埋單，好快又有人黎執野，其實等人地走左先執都得姐...食日本野咁多一碟二碟，佢仲要執晒成張台d野為止(果時只係得幾張台無爆場)，唔係話佢做野快唔好...只係覺得佢唔識做...阻住人地傾偈...我地都走啦...找錢果陣都好快手~一拎起d紙幣佢就移動個盤，咁既services唔係諗住人地要俾9蚊tips你嘛..

前晚，本人去了尖沙咀美麗華商場則的那間' 麻布茶房"食嘢？我們五人相約到那裏食飯，三位先到，waiter話滿$100 可join member,並可有一杯free drink.那我們提議分單，waiter 問manager，回覆是NO.那我們再提議分抬，waiter 問manager，回覆是NO分抬都NO. 氣頂！最終我們堅持分枱，那MANAGER 全程勁bear 著我們，一張趕客樣，試問那間歺廳不想多d 人join member，以便再可回來光顧呢？本來都算啦！最後我地分枱簽咭，不以為意，昨天再用那張咭時，卻同時地磁帶給破壞了，有冇咁橋呀？ 可惡呀！！！！

昨晚本來我們五個人約出來開開心心食飯，到了歺廳，知道滿$100 可join member。我們提議分單，waiter 問店長，回覆no，我再提議分抬，問店長，回覆no。分抬坐都no，最後原則問題就分抬坐，他無奈地才給我們join 2 張member card。請問invite join member 是否想顧客會再來呢！多發一兩張又如何？那位店長真可惡，全晚見他還不時bear著我們兩張枱，一張趕客樣，氣頂

夜遊人閒逛一番後，意猶未盡，記憶中此店甜品唔錯，雖然幾嘈但勝在光猛企理，就坐下傾埋下半場。數缺點，除了嘈雜外，洗手間是設在商場內，幾煩人的。趁友人走開，就點了紅豆湯年糕、甜薯雪糕及南瓜蝦餅，平生最增爭做東，就順手先買單。南瓜蝦餅純粹過口癮，味道一般，蝦肉幾結實的，勝在唔油膩。先來的是不知名物，相信是紅豆年糕，以為餐牌的相出錯，一於少理，照吃無誤，紅豆年糕無味可言，軟腍無口感，飽肚指數滿分，與友人各分一件，投降去也。再來的甜薯雪糕，本來賣相應該唔錯的，但出來水汪汪，失禮。甜薯墊底，配上兩塊檸檬，酸酸甜甜，怪得來味道還可以，甜品不太懂欣賞，但叫來玩玩，幾過癮的。飽得可以，侍應再送上紅豆湯年糕，問侍應之前的是什麼，原來是送錯之物，就當是同場加影。說到紅豆湯年糕，無甚特別，勝在夠甜，友人撿起伴碟的漬海藻，說是清口味用的，紅豆太甜吃得多味蕾的判辨力打個折扣，吃這鹹點，就是中和，試試看，的確有效。坐了個多小時，公事無聊事閒聊一番，買單每位唔洗$60，幾抵的。若果不理當年揀的是甜品而非午市定食，相信不會咒罵足三年。

突然想食麻布的軟雪糕. 其實文迪已提醒我麻布的食物麻麻, 但最後都係揀了而度.人客好多, 極嘈, 嘈音指數爆標.辛味茶房風拉麵($41.60): 5分, 大路的食物, 平平無奇. 湯底淡淡的, 麵質都係一般.無個性的拉麵.胡麻汁涮豚肉定食($65.80): 3分, 豚肉過老, 又無乜味. 相當難食的一個定食.抹茶聖代($38.80): 10分, 軟雪糕+ 綠茶雪糕, 軟雪糕依舊又滑又甜, 綠茶雪糕綠茶味好香濃, 軟雪糕同硬雪糕一齊食, 一流. 麻布的軟雪糕依然是我最愛的軟雪糕.比起小東京花之戀的聖代, 更勝一籌.燒番薯霜淇淋- 蜂蜜檸檬($36.80): 8分, 軟雪糕+ 燒番薯, 一冷一熱, 口感幾好, 但講到冷熱之間的甜品, 我都係比較鍾意焗軟心朱古力布甸配雪糕. 番薯同雪糕的味道未算好匹配. 新加的蜂蜜檸檬汁幾甜, 但用蜂蜜檸檬汁淋上軟雪糕都好好味.下次剩食軟雪糕.

因為吳係星期一至五, 所以冇得叫set lunch於是就要左個五色梅子冷烏龍面(吳知有冇記錯)五色即係有雞絲, 蛋, 冬菇...吳記得左tim, 有埋清湯同前菜湯真係好清, 有少少蛋花咁前菜係一小牒既蘿蔔, 蓮藕, 分量吳多冷烏龍面即係冷烏冬, 極奇既煙un, 好有咬口, 汁就比較濃味, 配埋d雞絲呀咁食完全係消暑既良方兩個人都可以坐卡位, waiter既服務態度又好, 係度傾左陣都吳會有人催你走, 感覺上個氣氛比銅鑼灣好

今天吃了牛肉定食及雞肉定食(不太肯定此是否正確的名字)。牛肉味道太清淡，配菜的味道很奇怪。

版主Ray最後趕到，趕及跟壽星女說生日快樂之餘，也可以影一張難得人齊的大合照。他未吃東西，我們又好似意猶未盡，還想再傾，就又另找地方開下場。先去厚福街甜蜜蜜，照舊排到出門口，結果來了這裡，不到三分鐘十二人也已從容坐下。大家都對各式聖代﹝新地﹞有興趣，當然，天氣熱熱的，雪糕當然是不二之選。選擇圍繞在121、122、123之間，還有零星的125及129，未吃飯的Ray，吃的是冷麵，我的是122~「朱古力聖代」。與baby的122一起落單，但我的在她吃完還未來，真不知是她吃得快，還是我那個做得奇慢。牛奶雪糕加朱古力醬，當然好吃。在座的眾雪糕迷食友覺得雪糕一般，我則覺得也不錯，加上哈密瓜、奇異果等，交足功課了。不過見他們的雪糕是溶得幾快，反而我這個遲到的，卻又出奇的「硬淨」。年青的侍應，服務不錯。又不知是氣氛高漲，還是冷氣不足，是熱熱的。不過大家談得高興，都沒介意。埋單五百一十幾蚊，每人40蚊，用匯豐信用卡埋單還有九折。在門外道別，是晚任務完滿結束，相信大家都帶著一個快樂記憶回家。

和遠方好友食完飯後，便來了這裡食個飯後甜品。我們叫了一個燒蕃薯霜淇淋紅豆和雙莓刨冰。燒蕃薯霜淇淋紅豆- 一向很喜歡這裡的霜淇淋，它比一般更加香滑，更加好味；熱熱的蕃薯加上冰凍的霜淇淋，份外感覺好食；紅豆煲得幾腍，而且很香紅豆味。不用很久，已食個碗底朝天了。雙莓刨冰- 雙莓係草莓和藍莓，味道都算幾好，但刨冰再加上霜淇淋，就凍上加凍，辣椒女食唔到一半，便牙關打震了，最後也要放棄了。這裡的洗手間要去到商場才有，比較唔多方便。

今日食完金鐘food court 0個檔後一肚氣, 諗起之前幫襯過尖沙咀呢間, 同樣遇到被騙經歷.0個次同幾個同學閒日食lunch, 4 個中學生身上邊有咁多錢, 加上0野唔好食(0個個日式年糕真係... 又硬又滯又無味!) service 又差(黑面悔氣+ 寸爆的態度), 埋單時我0地已經決定唔俾tips, 不過因為AA 制無俾exact amount, 俾突0左$10 等佢找錢. 0個陣得兩三檯客, 不過我0地等0左成15 分鐘佢都無intention 找俾我0地, 最後我0地要yap 個waitress 埋0黎叫佢找錢. 最好笑0既, 係佢首先扮唔知, 我0地堅持拎返d change, 最後佢先好reluctant 咁拎返d change 出0黎; 我0地行出門口, 仲俾門口0個兩個waitress 用凌厲眼神bear 住我0地.真係... 張單$90 我俾$100 你唔找錢, 咁下次張單$90 我俾$1000 你都可以唔找錢0架啦! 客人無責任俾tips 你0架!尖沙咀呢間自0個次之後就入了我的black list. 不過今日食完金鐘food court 0個檔之後,

親身經歷:尋晚同男朋友食飯, 食左兩個餐, 總數$ 13x 定12x男朋友比張五百蚊紙找數佢找返三張一百蚊紙, 加三張廿蚊紙同四個硬幣, 張單墊係d 錢下邊好勒, 男朋友拎哂d 找錢走後, 佢有儲單習慣, 因為要清楚一個月開銷幾多, 所以順手拎埋張鬼死咁肥大既單點知呢個時候.....我地見到張單下邊仲責住左一張十蚊紙....~___~點解十蚊紙同幾百蚊既找贖可以分開擺? 張十蚊仲要用張單cum 住? 明眼人一睇就知..出左間餐廳之後覺得好激氣, 呃貼左都唔使咁賤下哇, 決定black list 佢以後唔幫襯!! 哼!!!食物方面, 一般啦服務, 唔掂啦, 我問個waitress 姐姐隔離枱飲緊果杯係乜佢都要周圍問人先知