麻布茶房 (已結業)

一直以黎係出面經過，d雪糕同食物賣相超好!!同男友經過都想入黎食架喇...今次，終於有機會喇!一坐低，環境唔係特別靚，不過細細杯既綠茶清清地，唔錯~由於未晚飯既關係，入黎並唔係為食雪糕，而係食晚飯~我男友點左個餐牌上註明"極品"既闊條麵(冇相)，大約$75左右吧~而我就點左圖中既豚肉定食~大約$70左右~坐左大約7分鐘，食物終於黎喇~賣相仲幾吸引!男友偷食豚肉同豆，食完後樣子怪怪的...噢......原來所有食物都清淡，而且冇乜特別...我感覺似係俾老人家或病人食的清淡，不過唔緊要~我覺得唔難食，只係冇乜特別~輪到男友既闊條麵，一份小小既醃菜、一個清湯同埋闊條麵...你問我究竟係咩闊條麵呢?我只能答你真係闊條麵，因為闊條麵下除左有些少菜絲外，就係一絲絲醬汁係闊條麵上...賣相ok的，但食落就嚇親人...成$70，竟然係一個冇配料既淨闊條麵，味道好淡好淡，淡得黎一d都唔吸引，男友食食下已經冇機情再食落去...男友鐵定以後唔會再去了，而我只會對佢既雪糕有興趣...$154埋單，質素如此......真係去和民/別府食仲好好多!!

食物幾貴又細碗,蟹肉麻布茶飯,面就好食,食到個底無味,碗湯淡到好似水

供應時間：星期一至五(1500 - 1800 hrs)1) 餃子拉麵($ 33.8)麵淋pat pat，好難食。2) 吞拿魚沙拉窩夫($39.8)窩夫唔夠香脆，吞拿魚醬太小，唔夠塗窩夫。服務一般，不會主動替客人加茶，even 侍應好清閒。

平時去麻布茶房，都係食雪糕，冇咩試過其他食。估唔到食咁嘛嘛(除雪糕)！仲有，美麗華商場喱間服務咁鬼差，好唔掂。我叫佢比多幾對公筷比我，個侍應拋比我，有冇搞錯！叫佢加茶/ 水，叫極都唔應，叫幾次先加，搞架！雖然當日係星期六，比較多人，但都唔應該咁掛！ 味噌燒茄子串($25.8)茄子好大件，燒得好香，加埋麻醬，好味！馬鈴薯海鮮沙律($39.8)薯仔切到一條條，好爽口，唔係我expect一粒粒薯仔淋沙律。炸蝦玉子飯($58.8)炸蝦淋晒，唔好食！鹽燒鯖魚飯($33.8)細細件，幾香口，記著趁熱食，唔係會腥！厚燒蟹玉子($27.8)o.k.喇！玉子夠厚。蒜香牛柳粒($39.8)佢話有韌！大蝦天婦羅($59.8)太多油！一般喇！都唔覺蝦好大隻。茶房風咖哩牛柳蛋包飯($64.8)唔掂！咖哩太稀喇！麻布什錦燒烏龍麵($73.8)唔錯！有沙律醬汁，幾得意。甜品 喱度雪糕一向都唔錯，可以試！抺茶冰淇淋葛軟($39.8)我個friend話葛軟好甜，我記得我以前都食過，係勁甜！黑芝麻慕芭菲($47.8) 喱個係我叫，黑芝麻雪好香滑，軟雪糕一樣咁滑，再加埋日式湯丸、黑芝麻喱& cream，超好味！抺茶慕芭菲(

I went there last Friday having to dinner with my girlfriend.When we first step in the shop we saw some booth was empty, so we ask the server couple times "can we take a seat there, please?", but that girl she's never answer us.........OK! we get the table and order the meal, I'm not really mind the table was too closed with the others, but I suggest get more room for guest will be a better way.The most funny thing is the pickles for my set meal, that's only little bit (may be 0.1oz) and looks l

叫左個牛肉set dinner ，牛肉又韌又咸，跟餐的飯團，三文魚同飯一夾就散，紫菜又唔脆，失望! 叫事應跟進牛肉，又話有d 客鐘意熟d ，所以咁韌! 失敗呀~! 以後唔會再去呢間食~!

其實都食過幾次, 以一個食評作總結。最掂的只是那個抹茶雪糕蕃薯甜品, 其他食物都是一般,但因價錢也算OK,所以間中都會光顧。不過,如果肚餓或大食一點的人可能覺得份量不足

果日去下午茶吹水..叫左個日式紅豆多士同香蕉芭菲勁正~~個waitress自動自覺收野同加茶不過就攪笑左d佢成日o向度傻笑對眼仲搽得好深色架~~其他都ok唯獨冇廁所...失望~

感覺上呢間係我去過咁多間之中最迫o既一間...吸收過前幾次o既教訓,今次只係食飽飯先過去食甜品...叫左一個芝麻芭菲同一個南瓜聖地(唔sure個名...)芝麻果個之前都食過,真係好香好正...至於個南瓜,其實就食唔出佢有南瓜味law...不過overall都幾好...^^

仲以為來麻布食會有番d保證,點知野食極普通,可以話food court既野都會比佢好食,服務員唔係做野,成日係到玩...一句講晒,我唔會再黎

同老媽出街. 本來諗住去todxx 食buffet..full哂就黎呢度食.未食過諗住試下..聽聞雪糕好好味.但又吾想食蕃薯..就叫左個芝麻芭菲.芝麻醬蝦冷麵.雜菇牛肉飯.. 燒蟹玉子.芝麻芭菲: 第1個到因為叫佢黎左雪糕先..個雪糕好重奶 味..幾好味..不過同m記個雪糕好似差吾多味 甘既?個芝麻芭菲好香芝麻味.good!另外仲有 d紅豆. 幾舊類似芝麻糕既正方形物體.杯底 有d cornflakes.整體上都幾好味.幾香.雖然 30幾蚊甘貴.但系真系好味不過甜左d囉.但系 我都食哂成個芝麻醬蝦冷麵: 個麵上面有生菜絲青瓜絲.側邊有蕃茄. 見佢靜系個麵淋左幾條芝麻醬.諗住叫佢 另外比d醬汁.點知翻下個碟底.原來好多 醬架喎.幾好味牙個麵.我成碟食哂雜菇牛肉飯: 老媽叫的..d牛肉好鹹..果碟仔菜..有少少 青瓜蘿蔔果d.又系勁鹹.菇又鹹.成50幾蚊 真系超吾

星期三晚上十點幾去食甜品, 3個人叫左:1&2.朱古力聖代--雲呢拿雪糕來到時已溶左一半,企唔直,整體上一般3.白玉霜淇淋蜜豆沙--d豆好好味, 雲呢拿雪糕也是溶了3成, 芝麻雪糕好好味, d生果就差d, 無味西瓜與蜜瓜.4.年糕: 好甜, 甜過頭><綠茶太差, 粉味太重!d侍應成人圍埋係收銀度,低曬頭,唔望人, 叫好耐先有人應.d食物相影得好靚, 但食落就唔係好得埋單$179, $0.1貼士都唔比

昨晚6點半左右，我們一行四人正苦惱吃甚麼之時，剛好經過美麗華之麻布茶房。適時其門口的侍應派來一張優惠券給我們，大大隻字印著『Early Dinner 7:30前結賬8折優惠』。我們不虞有詐，入去座低後立即點菜加快吃，準時7:25pm埋單並奉上剛於門口接到的優惠券...殊不知，人家侍仔話張coupon已經過期唔用得。嘩！無o野呀！醒未呀？呢張o野係我入門口果時你派俾我，我拿拿林趕住食完之後你話唔用得？道理係邊度？點講都唔通，仲擺明係欺詐！原來coupon底部一粒塵咁細粒寫住6/30已過期,咁你又派比我?唔識cut 左佢or刪左佢嗎??佢又答我唔到. 我們先後與兩個侍仔理論，都不得要領，企硬唔俾8折我哋。跟住，再換咗個叫經理嘅男人- 黃x興Deputy Manager同企硬我o地講咩嘢公司規舉做唔到呢個優惠，態度勁差,講野又冇point,仲話張coupon唔係睇8折優惠嗰面，係睇另一面張圖畫云云。今次真係火都嚟，我哋好聲好氣同你講，你就當我哋係傻仔咁，仲係度老點我哋。我話：『如果張coupon係你之前派俾我而我唔用過左期，道理唔係我度。但依家係我入你間餐廳之前派比我，引我入嚟，咁道理係邊度

前日和三個朋友到美麗華麻布茶房，我一個人先去拿位，坐下後服務員只放下餐牌，一直都沒有奉上熱茶。直至其餘三位朋友來到，好久才奉上三杯茶（因為其中一位朋友上了洗手間）。還欠的一杯茶我們足足叫了三次才得到。而濕紙巾卻無厘頭只給一塊，我們也懶得追。及後，叫來一個貌似許願的四眼哥哥為我們落單。我們叫了三個定食，兩客蒜香牛柳、一客燒鮭魚配磨菇汁、芝士豚肉卷和鰻魚蛋（正確的菜名不大記得了。），定食再配以不同飯團。在這個落單的過程，這位四眼哥哥沒有寫過一隻字，只是呆呆的站著，聽完便走開了。當時我們也在猜他會否記錯。不出我們所料，其中一客牛柳定食錯了，變了燒鮭魚，而鰻魚蛋則遺漏了。叫他們換的時候，結果便是正確的餸菜久久不來，八九個字後我和另一位朋友已經吃完。所以那一位還沒有決定取消埋單走人，那時那些服務員卻說甚麼已經做好了，但我的朋友堅決要取消。如果那位貌似許願的四眼哥哥正正經經的對待客人的點菜，我們不會這麼火的。如是者，三位不同的服務員來說甚麼菜已經做好了，我們也拒絕了三次才可以結賬。食物方面，芝士豚肉卷和牛柳還好；朋友說鮭魚不好吃；飯團超難食！這間美麗華分店無下次幫襯　！

今天看到menu好像改變了許多, 多了很多雪糕&日式甜點, 真的很吸引。熱食的亦加入了很多小吃和麵食。而我最最最愛的冷烏冬都終登上榜了=D冷烏龍麵：即烏冬；口感煙韌彈牙~ 我就是鍾情這口感! 麵上面鋪了很多木魚乾絲，有點兒還被冷麵醬油弄濕了，變成一層軟軟的"魚蓉". 聽起來蠻奇怪的，但味道咸甜兼備，好特別好醒胃哦。醬油很清甜，冷藏得夠凍！udon, 木魚絲, 和青瓜絲夾著一起吃，感覺很fresh, 很開胃=)短期內會再為這冷udon而來, 到時好想試試期待已久的軟雪糕係列...