麻辣川米線

营业中

休息中

叫左碗小辣GE 酸辣米線, 原來唔叫麻辣,就唔會落辣油, 個湯底好清! 夠哂健康, 呢點要讚。小辣又真係少少辣, 岩我, 同埋幾夠酸, 醒胃。不過米線份量比其他食店少...我地叫左椰菜餃子, SIZE偏細, 肉多, 味道OK, 但得2粒。豬軟骨就瘦肉太多, 有D削, 不過幾入味, 味道幾好, 份量亦夠。

有時喺附近食嘢見到呢間鋪頭門面殘舊（依加翻新了）但係就好多人排緊隊，行過門口仲聞到啲麻辣香味，就知呢間餐廳一定係好野過幾日就黎試下！一試就返唔到轉頭。喺某間香港大型連鎖米線鋪頭我係可以食到特辣，第一次嚟呢度嘅時候唔知驚，叫左中辣（一般第一次去嘅餐廳食辣野我都係揀中辣保險少少），雖然食得好過癮，但真係辣到有頂唔順既感覺。之後我都係食中小辣-小辣。好，講返食物。湯底必揀係麻椒辣絕對落重花椒/花椒油，甜甜地，香噴噴，麻度極高！辣度大家量力而為啦，食辣野都係求開心餸菜方面，特別推介黑柏葉/花雕糖心蛋/麻椒牛腩，呢d我之前都有食過,不過今日就淨係叫咗黑柏葉同金菇，個fd叫左竹笙同埋豬大腸。第一次食呢度嘅雞翼就諗住叫個名好似比較特別啲嘅花雕雞翼，拎起聞一聞都可以聞到有酒香味，但唔知係咪因為我已經食米線食到條脷好麻辣，食落口就唔太食得出。質感皮脆但內仍有肉汁，唔係乾爭爭嘅

除了旺角、尖沙咀、銅鑼灣，深水埗區可說是另一個美食天堂，而且價錢更加便宜呢。今次來到了麻辣川，她的規模並不大，在其他區也只有葵芳有分店而已，但朋友吃過都十分推薦，所以就來試一試。麻辣川跟普通米線店一樣，都是按你個人喜好選湯底和小食，一餸 $29兩餸 $36，雖然選擇並沒有很多，但卻份量十足，材料也算新鮮，普通清湯已經好好味。如果你吃得辣，一定要試試她的麻辣湯底，味道真的非常好，吃完雙唇還會有麻麻的感覺呢！麻辣川的米線無論是清湯還是麻湯都十分好味，一定會回來再吃！

第一次探朋友，幫趁下。叫左個麻酸豬潤九菜餃米線。燒豬頸肉，香草和蜜汁雞翼。正正正。我超中意個湯底。夠spicy又夠酸，融合埋d豬潤味，湯都飲多幾啖。仲要有復古版樽裝麥精。真係好快樂，又平又好味。

作為米線迷，嚟到長沙灣/深水埗，梗要去試下呢間好多人推嘅米線店。地理其實有啲隔涉，佢喺兩個地鐵站之間，不過好易搵。入到去好企理，好少街坊米線店咁光猛乾淨！店入面主打四款湯底，每款都加左註解釋番大概係咩味。我揀咗麻酸辣小小辣。配料都幾多選擇，$6-9蚊不等，有個唔明位係點解每碗配料有上限。揀咗腐皮、滷水大腸同黑柏葉，三餸$50，其實都唔平。熱辣辣上菜，份量幾多，湯頭少少麻帶酸，有少少甜甜地，唔錯，冇成口味精感覺。米線比較軟身，但都有彈性！豬腸好腍冇異味，推介黑柏葉，好新鮮又有咬口。

呢間四川米線，經常被報章讚賞。事實呢度真係好好食，而且大大碗，湯底味濃，而且d餸夠入味😋！打開Menu好多餸菜選擇，樣樣都想食🤤天時暑熱，先黎兩支玻璃樽汽水解解渴先😆！食米線最重要係食湯底，選麵筋可以吸收哂雞湯𥚃面既精華黎食，墨丸彈牙爽口😋麻酸辣米線，酸辣中帶有麻辣，食得過癮😋，酸菜爽口增加口感！豬腸份量好多入哂味。平時我會叫流水蛋，但今次改為試滷水牛肚，夠淋又入味。另一朋友選了牛百葉及雞腎，雞腎爽口又唔硬。

唔知點解依倫好想食米線，其實主要想食辣不繼周圍搵有無邊度有好食嘅米線，直到今日食咗呢間麻辣川，的確有啲驚喜。先講一講佢個餐牌，其實都有好多選擇，唔算特別平，合理價錢喇。但係對於有選擇困難症嘅我，實在係一大考驗，好彩佢都有啲組合好嘅餐可以俾我叫我叫咗呢個“麻辣雞絲魚蛋鮑魚黑栢葉“，中小辣，我幾鍾意佢個辣，好麻，香，辣會一下下加上去，唔係死辣，越食越滋味，最緊要feel唔到佢加太多味精，唔會食完好口喝，而雞絲，正確黎講應該係雞柳，肉嫩，不過有啲雪味道，魚蛋味道好有魚味，的確辣得過癮

$53 $31又嚟到呢間我最愛嘅米線舖之一最鐘意佢有勁多配料可以揀😍除咗配料之外佢地嘅酸辣湯底都好正🤤硬係覺得其他地方嘅酸辣都係鹹味太多酸味太少而呢度就啱啱好調轉所以啱曬我😋佢地嘅花雕酒浸溏心蛋都係我每次必食的蛋黃真係有淡淡嘅花雕酒味㗎☺️仲有燒到又香又脆嘅蜜糖雞翼一個人啪四隻都ok🤘🏻

住係長沙灣深水埗一帶嘅人，對於呢間米線應該一啲都唔陌生。曾經有一段時間，呢度簡直係我嘅飯堂。最近半年都冇黎過，既然附近都冇咩好食，就黎試下佢嘅水準有冇下跌～每一次黎我都會點呢度嘅就麻酸辣湯底，係必試啊！外面甚少會將麻辣同酸辣放埋一齊，但真心好味，無平時嘅麻辣咁單調！辣度有五級可以揀，平時食開辣嘅可以揀中辣以上，小辣的確只係小辣啊，更何況我錯手點左小小辣🤦🏾‍♀️因為點左麻辣牛腩嘅原固，另一碗就點清湯，麻辣牛腩嘅汁一樣可以變成麻辣湯～牛腩炆得好冧，好入味。另外豬腸都好值得推介，夠哂肥！另外加左碟蕃薯苗同大可樂，埋單$123，價錢都合理啊！順帶一提，隔離檯點左燒烤併盤真係超～香～啊！下次叫少個餸都要試下！🤤

凍冰冰好想食辣野 有湯既麻辣米線咁岩晒啦 同事知我鐘意食辣就叫我去試下呢間 麻辣川米線 叫外賣就係門口拎張紙仔自己畫 叫左一個麻酸辣米線 $32 小辣 佢同其他米線鋪一樣都會有啲芽菜韭菜同酸菜粒 加左鮮黑栢葉 $9 滷豬大腸$7 豬肉韭菜餃$6 外賣等得唔算耐 不過比我想像中細盒 好似小吃size咁 不過好香 就算外賣 米線本身都唔會淋到爛 黑栢葉好爽口 好味道 豬大腸好入味 洗得乾淨無異味 韭菜餃啲皮就浸到爛爛地 可能堂食會好啲 至於個湯愈食愈辣 因為我一路食一路飲湯 食到最後竟然有啲頭痛 哈哈 下次都係再叫小啲辣啦

長沙灣有幾間依一類雲南米線。依間野都算係連鎖既。我個人就比較鐘意食依度既大腸。比較入味之余同時又比較冧。另一樣野覺得唔錯既係依度既腐乳通菜，佢果個汁調得唔錯。但整體黎講我可能會比較鐘意食譚仔多啲。

呢間麻辣川，由細食到大，細個嘅時候唔食得辣，會叫雞湯炸醬魚蛋米線，雞湯清甜，乍醬就甜多過咸，好開胃，到近年，食得下辣，先知道呢間原來出名食麻酸辣湯底，好多朋友專程搭車黎食嫁喎，我食開麻酸小辣，湯底帶甜，又酸又麻，好過癮，餸方面一定會揀鮮麵根，貪佢索湯啊嘛，麻椒牛肉都好正嫁，不過會整到個湯底更辣，所以我就揀左雞腎，外賣要加$1，總共40大元，份量夠，食完好飽又滿足。一間做得咁出色嘅小店，開係屋企附近，又真係幾幸福嫁

成日聽人話食麻辣川，但一聽個名，以為得辣，所以一直無黎試。今次真係未唸到食乜，行過即管望下 見佢有雞湯湯底，即管試下。湯底本身包一個餸，加餸加$7，9左右。都算合理價。本來想入去食，大人太多，唔想迫，都係叫外賣，當然要加$1。叫左炸醬，椰菜餃子同冬菇，雞湯米線，其實炸醬有點辣，對我唔食辣嘅夠晒。炸醬最可以睇到間店得唔得。佢嘅炸醬唔係我最，鍾意，但都好好味，會想再食嘅，唔算太辣，但好香，冬菇都夠甜夠“林”，唯一不足嘅係個椰菜餃普通左，下次一定唔會叫呢個餸。加上價錢3餸都係$44，你叫貴餸，3餸米線都係$50內。算合理。

要知道小妹係麻辣川嘅常客，之前都係叫開肥牛；麵筋同流心蛋，今次決定叫下新餸食今次湯底都係叫咗麻酸辣小辣，個人覺得少少辣味道較甜；少辣就剛剛好，太辣的話就會少左酸嘅味道今次叫咗流心蛋；竹笙同芝麻八爪魚一開始以為芝麻八爪魚係店家的獨門秘方八爪魚，因為呢款送價值＄9 ,可惜小妹諗多咗啦！原來芝麻八爪魚就係平時食開日本小食嘅嗰款八爪魚不過佢會將八爪魚加熱，所以同平時食開嘅冷盤截然不同，相對較淋身感覺都OK流心蛋用咗酒釀方式處理，所以味道比較濃，蛋嘅流心程度亦都比較高；與日式流心蛋不一樣，會在淋身D同流心D 喜歡叫竹笙因為竹笙能夠完全吸收湯底，相信喜歡食湯麵的人對竹笙都會不抗拒，甚至愛上佢

家附近原來有間被評為香港十大的麻辣米線店🤩🤩一入店已有很香的花椒八角麻辣香味😋米線湯沒有偏咸麻辣味又夠，加上黑椒更惹味👍🏻米線是彈牙廷身的質感，放湯久了也沒有糊掉👍🏻其他配料正常，但蘿蔔唔夠淋，冬菇如果可以大塊啲就好啦～值得推介是藥材花鵰酒溏心蛋😍😍😍😍連蛋白都有酒味個黃仲要勁流心👍🏻👍🏻👍🏻🤤 下次來試埋佢既溏心紫薑皮蛋同燒雞翼先🤤🤤🤤🐔🐔🐔估唔到仲有樽裝麥精飲，個百福豆漿都飲得過好重黃豆味