黃金燒味 (已結業)

我一直甚少寫食評，但今次這家燒味的質素真的很難令人不出文。我點的的是燒鵝飯，另外加了一碟油菜。6件燒鵝全是肥膏，只有其中一件有肉。另外五件义燒, 全部硬得可以為是在吃石頭。最難得是白飯都可以有問題。飯硬得令人以為是未煮熟, 而且仲要有一陣酸餿味。例湯尚算正常，但是那個菜心的蠔油味道也是十分奇怪。我一定不會再去光顧。在這個充滿高質而且只賣$30的兩餸飯當道的灣仔, 你一個燒味飯收$65而且是這樣的質素，怪不得你由以前門庭若市變到今天門可羅雀。

午飯時間坐低嗌左燒味雙拼 燒肉叉燒配瀨粉燒肉質素ok 唔會太肥 皮脆叉燒瘦左少少但份量都足既瀨粉係粗身 唔似港式瀨粉但粗身食落飽肚啲 亦容易啲夾起黎食整體黎講 算係正常發揮

聽同事講呢間燒味好出名、好多人排隊，所以lunch time就去試一試！去到嗌外賣大概等咗5分鐘左右，都幾快我嗌咗叉燒燒鵝飯(+$6) $52，有湯送！返到公司打開飯盒，舊燒鵝得一舊肉，其他大部分都係皮！太失望啦！叉燒嗌咗半肥瘦，但其實係十分瘦同硬！

金鐘返工附近既燒味麻麻地，我又唔怕行遠d, 所以落灣仔買。揀呢間因為係同事推介，都唔止一個同事推介既，所以就試下。味道唔差，樣都靚既，湯應該有味精，都好正常。只係我order腩仔叉燒飯時，叉燒想要半肥瘦。問完收銀佢話ok,最後返到公司發現變咗做超瘦既叉燒，叉燒雖然好瘦都咬得到既，個面都燒得香但唔夠入味，腩仔少少肥，都ok 既。但今次真係hea 我，冇半肥瘦叉都算，仲要勁瘦。都知佢地唔憂做，唔太想有下一次。所以我寧願遠少少，下次去會去返春園街間燒味鋪啦都係 。

今日本身見到啲乳豬唔錯幾靚。跟住就外賣左一盒乳豬 點知！之後搭車開黎睇發現貨不對板個外賣盒就大大 入面大部份都係骨頭 得好少肉 乳豬皮又唔脆口。下次唔會再幫襯 感覺比人搵笨左

一分錢一分貨，50蚊燒味。叉燒夠淋，有密沖。的飯軟硬剛剛好。有米香黎湯清甜說5小時，滾滾湯不錯。砌得吾會散收收，份量大。客人多排耐少少整整齊齊賣相。值得推介，灣仔

夜晚喺灣仔做完facial，經過見到呢間舖頭食燒味，價錢又平，當然要試一試！入去之前見到送是日小食一客，點知入到去先話冇晒，其實喺門口貼定講聲會好好多！餐廳嘅間格同座位唔太舒適，店舖衛生都一般般，好彩啲嘢食搭救。▪️蜜汁叉燒拼脆皮燒腩仔飯 $69叉燒蜜味香濃，咁啱比左叉燒頭我，成舊燶邊好正🔥脆皮燒腩仔果然名副其實，雖然唔係岩岩出爐，仲要係臨收舖嘅時間，個皮都keep到脆到食落卜卜聲！簡直係唔簡單！下次一定要試埋其他燒味！📍黃金燒味Golden BBQ灣仔軒尼詩道68號新禧大樓地下B號舖

早餐叫左外賣雞扒煎雙蛋加熱咖啡蛋同咖啡正常雞扒食左3分2後，發現再咬唔開原來係生嘅，未熟有圖片可以參考其實好多餐廳都知道處理雞扒要特別小心因為雞扒成塊嘅厚薄都唔一樣好容易煎到一邊熟一邊唔熟所以細心嘅餐廳通常會喺塊雞扒上面切幾刀以確保塊雞扒可以容易啲煎熟唔講食物味道，連基本將食物煮熟嘅要求都做唔到我真心覺得呢間係一間唔合格嘅餐廳另外，跟餐送嘅脆豬變咗乾豬，好硬好乾食左一啖已經放棄左總括而言成個餐得雞蛋同咖啡正常希望一陣唔會肚痾腸胃炎

今日去黃金燒味食午飯，首先去到唔需要等位，幾好，不過亦都代表唔太多客，點了午餐後，取餐具時發現沒有筷子，告訴店員，但店員態度極惡劣地回覆，抽屜裏面就有，可惜抽屜裏面就是沒有筷子，他深深不忿地補回筷子，之後我再發現，從廚房裏我把熱飯送到燒味部的同事，沒有妥善地戴上口罩，而且一直在說話，我開始擔心如果他在疫情之下帶有病毒，我就會是確診的其中一員！之後我發現，連老闆也沒有把口罩戴好！我決定不會再幫襯了！

有時番工食燒味飯，可以慳下錢之餘，又夠晒飽肚，係灣仔食過咁多間燒味飯，黃金燒味可以話係價錢實惠得來又最好食！佢呢度午餐仲可以揀要老火湯或者飲品，每次我都會揀老火湯，健康得來好足料，同埋夠哂好大碗。蜜汁叉燒拼脆皮燒腩仔 配米粉以呢個價錢，呢度嘅雙拼燒味份量真係對得住良心。叉燒夠晒入味，雖然有少少鹹但配米粉岩岩好，燒腩仔層皮夠晒脆，仲要係我最鍾意的肥瘦度，唔會話有好厚嘅肥膏，配埋芥茉醬真係好好食。以五六十蚊一個午餐來講真係水準好高。

見食評不錯，叫了個肥燶腩叉+燒鵝飯叉燒完全無肥燶感覺 只有好厚嘅肥羔，但又唔係燒腩果種入口溶化嘅脂肪，只有吃豬羔嘅感覺。燒鵝，皮是脆脆地，味道不錯，但也沒有很驚喜。感覺是一間普通燒味店，說不上甚麼高質。

今天幾乎遊了一圈灣仔至金鐘一帶的美食地區，開APP一直查看心儀的是日口味，ＯＫ今天就試試燒味。店舖門口可能也是午飯時間關係，一直在處理外賣，我想入座也沒有人招呼，等了大概5分鐘終於有侍應有空才可以入座，其間我已選好心水。侍應處理餐的速度其實算快，叉燒只等數分鐘就先來了，後來每隔幾分鐘又來其他菜式。（蜜汁叉燒番茄濃湯餐）內容：（蜜汁叉燒）先試試第一道來的叉燒：叉燒份量足夠，肥瘦適中，非柴皮叉燒，但不宜連續吃叉燒，伴炒蛋來吃也是不錯；伴菜心雖然冰冷但是吃起來是有處理過，疑似是上湯菜心，可以食用（半邊奶油脆豬）脆的程度近似酥皮。比起以往吃的脆豬似法包硬度，我比較喜歡酥皮硬度；牛油方面好冰冷，與淋上的煉奶明顯分開兩層，再隔開脆豬，吃起來比較突兀，如有方法令牛油半溶化，令煉奶可以黏上牛油及脆豬就非常好了（黑松露炒蛋）蛋比較薄身，可以更滑，黑松露醬如果可以平均染上表面的蛋層，感覺會更好（番茄濃湯米線）十分失望，不知道為何稱之為濃湯：顏色跟普通煲番茄湯一樣淺色，雖然紅蘿蔔及西芹之類的蔬菜已經偏軟爛，但湯的味道，顏色完全無法談上＂濃＂。配上的牛肉碎十分乾韌，廉價牛肉，不好吃；米線偏煙韌，口中吃不出條條

🥰非常足料，燒肉佢絕對唔係俾啲頭尾或者唔要嘅部份，佢係真係會斬一啲腩仔，香脆嘅表皮，加上肥瘦剛剛好。叉燒方面，肥瘦均勻，有咬口，濃郁嘅蜜汁充斥着叉燒。我自己個人覺得係一個非常高質素嘅燒味飯。

如果大家冇食過咩叫做好味嘅叉燒，一定要嚟試吓呢間黃金燒味。佢最出名係肥窿腩叉燒，一啲都唔韌而且非常Juicy，叉燒入口即溶，好味到你唔信。除咗叉燒之外，燒排骨、燒鵝、生腸、燒腩仔等等亦相當有質素，係一間水準一流嘅燒味茶餐廳。另外，佢嘅例湯同普通茶餐廳嘅例水唔同，佢個湯飲落有少少藥材味，絕對係落足料。總括嚟講如果你同我一樣喺香港周圍搵緊最好食嘅叉燒，我肯定黃金燒味唔會令你失望。記住落單時一定要講係肥窿腩叉燒，因為個價錢會貴少少嘅，如果普通叉燒可能個口感會有啲唔同。如果覺得午餐太貴可以下午茶時段先去試，一樣有肥窿腩叉燒飯架。

一直想試這間小店的燒味，剛巧下午茶時段路經，立即内進一試此店馳名的燒味。义燒始終是筆者的最愛，不加考慮便order了一客义燒湯濑粉，本想要求要肥义燒，但原來只能加$5要肥腩义。义燒與湯濑粉是分開上的，濑粉份量不小，肥腩义則整齊的端放在另一個小碟上，色澤油潤，賣相十分吸引，吃了一小件，濃厚的蜜糖甜味充斥着整個口腔，肉質亦軟硬適中，一件接一件的吃不停口，要另加五大元真是不無道理。