點一龍 (海港城) (已結業)

成日去食好野都帶媽媽去，今次到爸爸，爸爸比較傳統D ，鐘意飲啖茶、食個包，慢慢嘆，今日行開海港城就同爸爸入咗呢間點心餐廳食下午茶見到餐牌上面有個叫脆趣摩天輪🎡，心諗咁特別既，飲中式茶都可以咁浪漫💕就同爸爸叫左呢個摩天輪上面有6款唔同既炸物1. 海蝦長春卷同埋2. 金柱蘿蔔糕3. 小啤梨咸水角🍐4. 避風塘茄子🍆5. 脆皮牛腩6. 椒鹽魷魚豆腐爸爸話摩天輪上面佢最鐘意食長春卷，因為入面有大大隻蝦🦐，我就鐘意別緻D既咸水角，見到廚師有俾心機落去，改變傳統既點心外型，令我地呢啲貪新鮮食客都有驚喜😆呢個下午茶仲包左鮑魚雞粥同雲吞麵

話說今日海港城行完，極其肚餓同埋想搵間舒服嘅餐廳坐。但係已經兩點幾，仲唔係食下午茶嘅好時候？當然搵啲打卡美食醫下肚啦🤩最後我俾個「脆趣摩天輪」吸引住，因為入邊嘅點心都係好精緻，摩天輪一嚟到，我同朋友都不停拍照📷🥢海蝦長春卷：春卷皮好脆口，入邊啲蝦好多，咬落去淡淡蝦味！🥢家鄉咸水角(雪梨形狀)：鹹水角係啤梨造型，鹹水角既皮唔係間間酒樓做得好味，但係佢做得好鬆化！🥢金柱蘿蔔糕(炸長條形)：蘿蔔糕點咗炸漿，做到外邊脆入邊滑，蘿蔔糕味豐富。🥢避風塘茄子(連皮)：避風塘有別於其他普通嘅做法，加入豆豉，撞埋蒜蓉，係超香，直頭想送飯呀！🥢脆皮牛腩(一口牛粒):一口咬落去，牛腩味好香，但係外邊脆卜卜，獨特嘅食法好鍾意！🥢椒鹽魷魚豆腐(魷魚花)：魷魚同豆腐拼盤，椒鹽味好香，魷魚唔會好硬，豆腐粒粒都滑嘟嘟！重點係每位再贈送 「原隻鮑魚雞粥 」或 「鮮蝦雲吞麵 」,鮑魚雞粥好入味，淡淡雞都係好滑，同埋醃好咗，粥底好綿，配埋鮑魚味好夾！鮮蝦雲吞大大粒，蝦肉新鮮，至於麵質好爽唔淋。

星期日係泊車旺季，所以要搵到一個可以泊到車嘅商場先有得食飯，咁啱海港城有呢個200蚊泊四個鐘嘅優惠，所以海港城已經成為咗成日搵食嘅商場，由於夜晚排隊食飯嘅人太多，所以就越行越遠，行到去海港城嘅最尾端，見到有間點心店，太肚餓，入到去見到有信用卡優惠，又冇人排隊，所以就直接行到入去食。服務就比較差因為好幾次請侍應幫手都冇人理我哋😭食物方面中規中矩，當中有一個脆皮蝦腸粉幾好食，就等於春捲同腸粉嘅融合版，而且亦都有嗌其他點心例如蝦餃，但係原來係三隻蝦餃一籠，有啲唔太夠喉嘅感覺。

在海港城行街行到有D肚餓, 就隨便入左間餐廳食個下午茶, 咁今次食中式點心。點一龍裡面裝修簡約，空間寬敞，啱晒一班人坐低慢慢傾計。餐廳佈置得好古色古香，紅色既大燈籠，充滿中國風。下午茶當然要點返個脆趣摩天輪先似high tea. 摩天輪入面有各色各樣既點心，例如海蝦長春卷, 家鄉咸水角，金柱蘿白糕，避風塘茄子，脆皮牛腩，椒鹽魷魚豆腐。海蝦長春卷外脆內軟，蝦肉都好juicy。家鄉咸水角搵極都搵唔到，原來個啤梨形就係，真係估佢唔到。咸水角炸得好脆，個皮好煙靭，餡入面有蝦米碎同肉碎，味道好好味。金柱蘿蔔糕好特別，外面沾了炸粉炸得脆脆，裡面既蘿白糕好彈牙，唔會好粉。避風塘茄子好乾身，唔會好油膩，少少辣，好惹味。脆皮牛腩外面都係炸得脆脆，裡面舊牛腩係好juicy，好冧，一口牛腩都個size啱啱好。椒鹽魷魚豆腐D豆腐好滑，外表沾了椒鹽，特別好味。最後每人有一碗細蓉，雲吞好彈牙，蝦肉都好新鮮。整個下午茶份量啱啱好，好適合邊食邊吹水。

去咗食點心下午茶🥳 依set點心好趣緻，用咗🎡摩天輪造型下午茶架盛載，賣相都幾得意，可以同佢打返張靚卡💗而呢款下午茶Set 叫做 【脆趣點心下午茶】，鍾意食煎炸野就最啱了～因為全部6款點心都係脆炸款🥳另有3種醬汁（咖喱丶辣椒油丶醋）用嚟點炸嘢食～而供應時間只限星期一至五2:30至6pm ，週末同公眾假期都冇㗎😝而價錢每位＄138另加一，免茶芥最少2位起～ ▪️海蝦長春卷好大一條，入面蝦膠好足料💗非常脆口。▪️家鄉咸水角咸水角成隻小雪梨咁，好鬼得意，咬落去外脆內軟👍🏼▪️金柱蘿蔔糕長條形嘅蘿蔔糕，炸得好酥脆，又唔會太油膩。▪️避風塘茄子炸茄子🍆配以避風塘蒜香酥，很有風味。▪️脆皮牛腩記得要趁熱食💗一口牛粒炸至外酥內嫩。▪️椒鹽魷魚豆腐即係雙拼～椒鹽魷魚同椒鹽豆腐我都鍾意食🥳依家2款有齊👍🏼好惹味而每位仲會有一碗原隻鮑魚雞粥 / 鮮蝦雲吞麵 🤤我哋每樣叫咗碗。鮑魚雞粥好入味，而雲吞啲鮮蝦餡落足料，都唔錯👍🏼

放左半日假要睇報告，梗係要帶亞媽去飲茶。同事話海港城嘅點一龍weekday有特色下午茶，時間啱哂我放半day！一於同媽咪行街街嘆下午茶！餐廳位置喺海港城比較近中港城果邊，裝潢係新派中國風，大型落地玻璃窗視野開揚，坐位濶落舒適！下午茶時間人流唔算太多，店員有禮，讚！🎡脆趣摩天輪 🎡下午茶餐 🍵 $138位/兩位起 🦐海蝦長春卷🦐炸到酥脆嘅春卷，蝦肉香口彈牙，勁好味 🥕金柱蘿蔔糕🥕厚切酥炸蘿蔔糕外脆內軟，口感唔錯！🍐小啤梨咸水角🍐咸水角炸到剛剛好而唔算油膩，餡料好多！🍆避風塘茄子🍆避風塘嘅脆蒜夾埋茄子一齊食非常香口惹味！  🥩脆皮牛腩🥩 脆皮牛腩炸完唔乾，肉味香濃！🦑椒鹽魷魚豆腐🦑個人最喜歡就係椒鹽魷魚豆腐，魷魚同豆腐一口份量，冇得彈！  跟餐有鮑魚雞粥🍚或鮮蝦雲吞麵🍜各一碗 ，鮑魚雞粥雞肉超滑粥好綿，大大粒雲吞蝦多豬肉均勻，麵份量都唔少！整體來講性價比極高，呢個set 仲免茶，每人百零蚊樣樣都好好味仲食到好飽！亞媽超滿足！

尖沙咀海港城有一間唔係太起眼既中式餐廳 同朋友最鍾意發掘隱世美食 決定試吓佢 果然真係有驚喜 你點估到一間中式酒樓好似出面酒店hightea嘅下午茶摩天輪擺設 既然咁有趣我哋決定試吓佢 咁摩天輪已經包咗2人份量*脆趣摩天輪*海蝦長春卷-你都唔好話 其實好有入量 唔係出邊酒樓嗰啲兩啖食完 入邊啲餡好澎湃 蝦仁都有好多隻家鄉咸水角 - 呢個係我覺得最靚嘅一個菜式 做左雪梨形狀 一邊煙煙銀銀同埋包住鹹水角嘅肉 好有水準金柱蘿蔔糕 - 我哋搵咗好耐都唔見有蘿蔔糕 原來係炸長條形 真係估佢唔到 第一次食炸蘿蔔糕 估唔到又會咁夾咁好味避風塘茄子-有埋炒辣椒同埋豆豉 風味十足脆皮牛腩 - 係一口牛粒 個人覺得唔算太夾 因為炸完會好晏un椒鹽魷魚豆腐-魷魚好軟熟 豆腐好淋 滿足哂鍾意食炸嘢嘅人最後每位仲贈送 原隻鮑魚雞粥 或者鮮蝦雲吞麵我哋每款揀咗一樣 全部都份量十足 而且唔俾出面嘅差好好食

餐廳用上紅色系裝修，座位闊落讓人坐得舒服。餐廳將6款點心放在摩天輪的架子上，賣相十分可愛。6款點心分別有海蝦長春卷、家鄉咸水角、金柱蘿葡糕、避風塘茄子、脆皮牛腩和椒鹽魷魚豆腐。另外還每位贈送原隻鮑魚雞粥/鮮蝦雲吞麵🤩海蝦長春卷：炸得香脆可口，餡有超多蝦，🦐蝦肉很爽口，超好吃😋家鄉咸水角：是梨子🍐造型的咸水角，熱辣辣新鮮炸起，好香口餡料好足金柱蘿葡糕：長條型的炸蘿葡糕，炸蘿葡糕比較少見，原來香脆的炸皮跟軟腍的蘿葡糕配在一起是perfect match👍🏻避風塘茄子：茄子炸得有點天婦羅的感覺，加上辣椒粒香蒜味，夠惹味🤤脆皮牛腩：未試過吃炸的牛腩，牛腩夠軟腍再配上脆皮，感覺很特別，蠻有趣的配搭椒鹽魷魚豆腐：豆腐夠滑溜、椒鹽魷魚肉質彈牙原隻鮑魚雞粥：鮑魚不算大隻，但煮得軟腍和夠入味；雞肉味道像棉花雞，味道濃郁，粥煮得軟綿👍🏻鮮蝦雲吞麵：有3大隻雲吞，蝦肉夠新鮮爽口，麵煮得剛好，不會過硬過腍

🎡精緻既脆趣摩天輪下午茶係由多款點心炸物組成好食又好玩🦐海蝦長春卷外皮非常脆食到原隻鮮蝦🥐家鄉咸水角(雪梨形狀)大大隻咸水角口感同味道都唔錯㗎🥕金柱蘿蔔糕(炸長條形)有特色既炸蘿蔔糕切到好厚身加辣油會再好味啲🍆避風塘茄子(連皮)外脆內軟好多汁🐮脆皮牛腩(一口牛粒)有驚喜既牛腩肉味香濃又唔硬調味出色炸左仲有多一份驚喜🦑椒鹽魷魚豆腐(魷魚花)魷魚同豆腐都幾高質食到停唔到口呀而家食脆趣摩天輪下午茶仲會送原隻鮑魚雞粥 / 鮮蝦雲吞麵 （每位一份）🐔鮑魚粥底鮮甜冬菇同雞肉都多鮑魚彈牙🍜雲吞麵就有3大粒雲吞蝦肉同豬肉都多食埋個麵勁飽份量同正餐相約

今日朋友仔難得抽倒時間陪我去嘆下午茶，見食西式野太多，不如去試吓平平地嘅點心🥧tea set la !其實如果你五點去都可以當一個早早地嘅晚餐架D間餐廳算坐得舒服人流又吾多，可以盡情吹下水呀（脆趣摩天輪）野食算多有海蝦長春卷、家鄉咸水角、金柱蘿蔔糕、避風塘茄子、脆皮牛腩、椒鹽魷魚豆腐另外仲有鮑魚雞粥 / 鮮蝦雲吞麵 ，真係食到捧住個肚走，不過溫馨提示一下，一定要襯熱食先好食😋，凍左就唔好食架拉！一位都係一拎蚊都算唔錯啦！

When we arrived, one of the employees completely ignored us. We asked a different waiter to bring us to our table and asked to sit by the corner. When we asked a different waiter to switch tables (because the first one forgot) she answered in a terrible attitude, saying “no” and “just wait” repeatedly and loudly. The food was not exceptionally good either so i would not recommend this place

點心放題都曾經食過幾次, 暫時都覺得保持到水準, 而且某些更加出眾, 今次第一次試呢間, 先訂左位, $188 一位, 中等價錢, 以尖沙咀來講都合理既首先係服務, 呢度由入門口到坐低, 都會感受到親切既態度,  可以好安心咁睇下 menu 揀下食咩, 雖然唔算太多選擇, 但其實都好足夠, 加上佢係每位都送一份鮑魚撻, 呢個鮑魚撻真心好味, 一定要試, 另外就係雞粥, 粥底好綿好滑, 仲有一個最主要既就係, 份量好足, 真係唔好眼大肚窄, 放題千祈唔好浪費食物

Considerably clean with good serving. Water definielt hot enough with quality food. with coupon spending is definitely reasonable. Not much view comparatively with those centre restaurants as it need to walk a bit to the Ocean Centre next to Cheese Factory.

由於訂咗位嘅關係所以唔駛等就可以錯但係平日嘅話其實冇單位都應該唔使點等因為都坐唔滿不過我覺得如果多兩個侍應會比較好1.燒賣蝦肉同豬肉嘅比例都唔錯而且唔會有好油嘅感覺2.雪山叉燒包一食入口覺得超級好味，上面嘅皮超級脆而且甜甜地，入邊嘅叉燒每一舊都大小差不多每一啖都可以食到叉燒超級足料而且唔會太甜所以味道啱啱好3.龍蝦湯蝦餃個湯就咁飲其實冇乜特別，而且有少少似南瓜湯但係如果食蝦餃連埋個湯味道就會升華咗湯同埋蝦餃超級夾4.蛋煎糯米雞第一次食煎嘅糯米雞，上面仲有一層好薄嘅蛋皮所以食落去會有一種煙韌嘅感覺其實我覺得好特別，但係有少少油膩嘅感覺同人地分享就啱啱好千祈唔好獨食啊因為獨食易肥同埋你應該會好滯5.棉花雞其實雞嘅數量唔係好多但係佢係滑而且唔會有太多肥膏黐住上面嘅冬菇好大嚿仲有兩塊螺片定唔知鮑魚片想讚嘅係佢嘅魚肚因為超級好味同埋佢嘅汁唔會太過肥所以魚肚亦都唔會好肥膩6.鹹水角啱啱炸起所以熱辣辣而且好香口，外皮亦都唔會有一層油黐住嘅感覺入面都好足料因為都食到蝦米冬菇同埋豬肉

見有YouTuber 介紹點心放題，就即係訂位。當日與老公早10分鐘出現，就已經有枱，職員服務態度很好，亦很有禮貌。點心選擇不是很多，但味道不錯。由於大部分都係即叫即蒸，所以每次都要等10分鐘左右，不算過份。人手方面，可能是疫情問題，晚巿時間只有三個職員負責前枱，傳菜，落單，執枱，埋單，實在不夠但可以體諒，希望疫情早日消失，食店可以放心增加人手。蝦餃及燒賣係必食的，我們都食左幾轉，皮很薄，十分好吃。