點心到 MIX·大排檔

营业中

休息中

基本上每個星期都會去幫襯此餐廳！性價比高，選擇又多👍🏻 唯獨每次去到都食唔到特價$1炒蜆😅 今次終於食到啦，雖然係特價，但絕不欺場，好大碟👍🏻 另外我們有叫了炸鮮蝦腐皮卷，好鬆脆，略嫌太多油。另外紅燒豆腐好食😋

收工肚餓～係附近揾嘢食曾經係呢間嘢飲過早茶~覺得可以所以係極度肚餓嘅情況下，試下個晚市大排檔～點知～伏到一個點 。嗌咗乳鴿 唔知乜乜乜仔雞煲 同蒜香骨係一個人極度肚餓嘅情況下 應該嘅食評係最有說服力我可以講 堂食有波仔叮叮飯質素意思即係冇口感 極度懷疑佢哋係所有嘢都係返熱 仲要用微波爐嗰隻 因為每一道 都好熱 要脆唔脆 首先係個乳鴿咁 唔脆 塊皮淋到成條毛巾咁 仲要係油哂嘅毛巾 但係老實講 味道係可以 蒜香骨 抱住佢個樣幾靚幾有期望 食落幾咁失望 仲非常之咸 一樣完全唔脆 食落嘅時候係非常之熱～ 但係諗極都諗唔明 點解會咁嘅？重頭戲嚟啦～唔知乜乜乜乜乜仔雞煲雞唔似雞 啲肉仲係鞋過煲個湯嘅豬肉點食啊？大佬個味又奇怪 完全唔識形容 我當場問個職員 點解呢個雞煲啲雞肉鞋過豬肉 佢同我講雞肉熟咗係咁～我從來未食過雞煲係咁既 令我對雞煲有陰影係我極度肚餓嘅時候，食咗乳鴿同蒜香骨但係呢個雞煲，我同男朋友一致認同放棄佢啦 完全唔鍾意浪費食物嘅我 因為呢間嘢令我破戒 人生第一次，因為難食 所以作文 我希望今次係最後一次～乳鴿同蒜香骨，極度懷疑佢係翻熱嘅冇可能，咁鬼熱 都唔脆 個乜乜物物仔雞煲 極度想

我今日放工後，約同好友去位於旺角洗衣街39號金雞廣場地1A，1B，1C號舖的點心到食晚餐，環境舒適，坐得舒服。Pork Ribs in Salad Sauce 沙拉骨$88，0kra & Wild Mushroom Tofu (homemade) 秋葵野菌扒豆腐（自家制）$82，Seafood Noodles in Cuttlefish ink 深海墨汁海鮮麵 $98。茶芥2位 $10。沙拉骨炸得皮脆肉嫩，好味又好食；秋葵野菌扒豆腐賣相吸引，雙色豆腐好 cute 呀；海鮮麵好食。

$5茶位同埋加一，近旺角地鐵站E2出口波鞋街附近，今日帶阿媽嚟試一試。比起傳統茶樓嚟講其實就冇咁嘈都坐得幾舒服，同埋最緊要性價比高。點心方面呢其實都幾體貼，因為同阿媽兩個人，蝦餃燒賣佢都可以淨係叫兩粒一籠嘅，呢個真係要讚一讚，因為平時一籠四粒兩個人真係食唔晒。仲有我最鍾意食嘅鵪鶉蛋燒賣，唔係間間都有得食，真材實料啖啖肉。蒸包裹方面，個黑金流沙包真係一流，絕對留心，落口時小心流沙奶黃會熱親口。叉燒包都唔錯其實佢個份量唔係太大粒，兩個人都OK嘅。其實都幾欣賞佢一啲酥點類，原本想叫榴槤酥，可能真係要早啲嚟賣晒嚕。蜆蚧鯪魚球，即叫即炸，上枱時仲要熱辣辣，等一陣先食得。鹹水角都非常出色。

這家名為「點心到MiX•大排檔」的餐廳提供了一個不錯的大排檔體驗。我們一行四人的點菜組合包含了多款家常粵式點心,各有特色。首先是乾炒牛河,河粉炒得乾身但卻保留住了牛肉的鮮香,配料份量也很慷慨,頗為滿足。欖仁馬拉糕口感鬆軟,份量恰到好處,是個不錯的甜品選擇。四寶滑雞扎的表現也算是標準水準。但接下來的蜆蚧鯪魚球卻讓人驚喜,咸香味十足,極為開胃。布拉白腸粉出奇地幼滑,口感與普通腸粉大不相同。鮑汁鳳爪炆得軟嫩,搭配香濃的醬汁和花生,令人回味無窮。最後的晶瑩鮮蝦餃也飽滿鮮美,圓滿了我們的用餐體驗。總的來說,這家餐廳的粵式點心風味地道,價格也算親民,是不錯的大排檔選擇。下次經過這一帶,不妨再來一趟。

˗ˏˋ 點心到 MIX·大排檔 ˎˊ˗ 今日嚟到位於旺角金雞廣場附近嘅點心到🫢早排食過佢哋嘅點心 覺得都幾出色！所以今次決定試吓佢嘅大排檔質素如何( ´▽｀)1. 黑松露炒蝦球 $982. 乾蔥豆豉雞煲 $88依兩款小菜都大大份夠足料🤤蝦球嚟到都有十幾粒 肉質爽口彈牙🥰豆豉雞煲入邊嘅雞件唔少 而且每一件都醃得夠晒入味🤤3. 楊枝甘露 $25甜品嗌咗兩碗楊枝甘露🥰同預想中嘅楊枝甘露有少少唔同 味道比較重回甘味 相對上奶味比較少 以點心鋪/大排檔嘅水準嚟講算正常合格😋‎✎ܚ𝗡𝗼𝗻-𝗿𝗲𝘀𝗽𝗼𝗻𝘀𝗶𝗯𝗹𝗲/ 𝗽𝗿𝗼𝗳𝗲𝘀𝘀𝗶𝗼𝗻𝗮𝗹 𝗺𝗮𝗿𝗸𝗶𝗻𝗴 ᝰ✍︎꙳⋆Recommendation: 9/10 | Environment 8/10 | Services: 9/10 | Tasty: 9/10 | Cp Value: 8/10 ⸝⋆ 旺角洗衣街39號金雞廣場地下1A, 1B, 1C號舖#hkfatty中式 #hkfatty長沙灣 #hkfatty大排檔

人人都想搵一間價錢吸引，座位舒適和食物滋味的菜館，講起食點心既話，我自己毫不猶疑會到新派點心到餐廳。帶友人黎到旺角點心到食個晚飯。 蒜蓉炒時蔬：改唐生菜唐生菜本身清爽脆嫩，加入了大量蒜蓉爆炒，與蒜蓉的香氣完美結合，炒得火候恰到好處，保持了蔬菜的鮮嫩口感。黃金鮮魷鮮魷被炸得外酥里嫩，金黃酥脆的外皮令人垂涎。鮮魷的肉質鮮美彈牙，每一口都充滿了海鮮和蛋黃味。冰鎮咕噜肉擺盤好靚，冰鎮咕噜肉是一道令人驚喜的創新菜品。傳統的咕噜肉通常是熱菜，但這道冰鎮版本卻給人耳目一新的感覺。酥脆的外皮加上冰鎮的處理，使得每一口都有著冰涼的感覺，尤其在炎熱的夏天，這道菜特別受歡迎。鑊氣豉椒炒蜆好有驚喜，加一蚊就有尼道菜！只限星期一至四！鮮嫩的蜆肉配上豉椒的香氣，再加上鑊氣的加持，每一口都充滿了風味。豉椒的辛香與蜆肉的鮮甜相互交融，讓整道菜的味道更加豐富。整體來說，這間餐廳不僅在菜色選擇上多樣化，且每道菜都能突顯出食材的原汁原味，烹調技藝也相當出色，是一次非常愉快的用餐體驗。

點心到 MIX·大排檔❣️餐廳位於旺區金雞廣場附近，絕對係聚集好地點😋係門口好多人排隊！人氣極旺🔥餐牌小菜有好多選擇，夜晚都有點心食！🌟冰鎮咕嚕肉 🐷 $88 賣相令人垂涎欲滴。採用新鮮菠蘿，酸酸甜甜相當開胃，搭配冰鎮口感。肉質外冷內熱。🌟蒜蓉炒通菜 🥬 $68份量頗多，蒜味撲鼻。可以自由搭配炒其他青菜。🌟黃金桂花蝦球 🦐 $108金黃的的蝦球。蝦殼剝得好乾淨，可以成舊擺入口。鹹蛋黃味濃郁，又食到沙沙的口感。❣️總括而言，價錢相當親民，座位寬敞。呢間餐廳有如其名，朝早主打港式點心🥧晚市主打大排檔小菜🤓如果下次來會想來試下個早茶🤓

🔸原隻蝦燒賣 4粒 / $34燒賣大大粒饀肉豐滿，每粒都有一整隻蝦仁，咬落爽口美味😚足見食材新鮮。 味道：8/10性價比：7/10🔸沙律明蝦角    $30嚟呢間【點心到】應該要點有蝦嘅點心，因為佢啲蝦都係好新鮮好爽口嘅😋呢個炸蝦角裏面有好飽滿嘅蝦膠同埋鮮蝦粒 ，漲嘟嘟，外脆內鮮，好惹味。味道：7/10性價比：8/10🔸豐料糯米雞   $32呢個糯米雞真係畀足料，除咗一般都有嘅滑雞同埋冬菇之外，仲有鹹蛋黃、瘦肉，糯米雞裏面芡汁開得好夠味。味道：7/10性價比：7/10🔸四寶滑雞扎   $32雞扎兩件，係用雞髀肉，夾有魚肚、蟹柳同埋香芋條。味道正宗，係好經典嘅廣東點心。味道：7/10性價比：7/10🔸蜜汁叉燒包   $24叉燒包一籠3個，包做得香甜，饀唔算多但都幾惹味，用嚟送茶真係一流。味道：7/10性價比：7/10🔸蜜汁叉燒腸   $28腸粉相當大條口感滑捋捋，叉燒係比較瘦嘅，畀料都夠足，好食。味道：7/10性價比：7/10▪️

紅燒乳鴿 $55🍽️🔥 這道菜的特色是鴿肉鮮嫩多汁,肉質飽滿。這道菜是大排檔必點的經典之選。冰鎮咕嚕肉 $88🍖🧊 肉質肥而不膩,爽脆可口。咕嚕醬汁恰到好處的酸甜滋味,不會過於膩人,反而增添了菜餚的清新感。搭配上冰鎮後的脆爽口感,整道菜清新宜人,是夏日裡最佳的解膩涼菜。鑊氣豉椒炒蜆 $1🍵🌶️ 新鮮的蜆肉經過精心的鑊氣爆炒,口感鮮嫩彈牙,帶有微微的辣香氣。作為下飯菜式或開胃小菜都很合適,價格只是$ 1，CP值頗高。啫啫豬潤雞煲 $96🍲🍖 濃郁醬汁充分浸透了肉類,使之入口即化。配飯佐餐,都能讓您體驗到大排檔的家常美味。

我同朋友行完街超級肚餓，唔想特別諗食咩，就去金雞間點心到～ 因為呢間餐廳款較多，價錢抵食，又夠大啲，係性價比之選👍🏻👍🏻我哋兩個人嗌咗四樣嘢食：咕嚕雞球、牛肉炒腸粉、紅燒豆腐同埋流沙包～好彩呢度嘢食好快上菜，我哋非常肚餓都好快齊晒嘢食😆 我哋最欣賞係牛肉炒腸粉同埋流沙包！之前未食過牛肉炒腸粉，估唔到佢哋咁夾咁好食喎，腸粉仲有少少燶邊～ 好正👍🏻 流沙包個包好軟熟，入面啲流沙唔係凍晒一嚿嚿嗰，真係流出嚟🤤 雖然佢每碟都係幾十蚊，但係份量一啲都唔少！唔使用腦，簡簡單單又一餐😋😋

一直有幫襯過呢間餐廳，但係今次幫襯之後，我終於明白點解餐廳人流越來越少，大家都想北上消費。。。性價比方面，餐廳點心size變得越嚟越細，一個拳頭先至有幾個點心嘅size …味道方面，雖然保持到水準，但係已經冇以前咁有驚喜。環境衛生方面真係要好好改善，我哋未嗌點心嘅時候已經有隻曱甴行咗出嚟，搞到我哋冇咗大部份食點心嘅興致…服務方面，餐廳本來都好多空枱，但係好多時侍應都好似好忙咁問一句答一句。未夠5點已經主動同我地清枱。其實等多少少又有咩分別呢，我哋都未坐夠一個鐘。。。希望餐廳會好好改善自己嘅質素啦。。。

1. 伏網上見到多正評，中評意見都ok。點知又係名過其實，一般茶樓水準都不如。2. 茶用暖水壺上飲茶竟然用暖水壺整既茶，都唔知同一包茶沖左幾多轉，一D誠意都無。咁都要收茶錢，如果係咁，似乎茶記都要收茶錢。3. 點心淡無味叫左鳳爪，卡通包，燒賣，腸粉，無試過食點心，係食到個人口淡淡，有一種"清新"既感覺，食完暖水壺茶都唔洗飲沖沖個口。卡通包只係百佳急凍點心，點個笑哈哈質素。鳳爪，無味，花生苦，食完食咩都係苦卡通包，一睇個皮就係百佳quality，薄皮，一撕張野就穿燒賣，無味腸粉，只係得皮味BTW，有D人講得真係好，D茶仲差過洗筷子果D茶，好唔尊重食客！4. 七一都未到，就話收加一29號去食已經見到，又唔係紅日，理解唔到呢D潛規則總結：食物差，環境差，旁邊有個大陸佬腳踩櫈都無管到。D食評有幾準大家心裏有數。

晚飯食乜好，想食得熱鬧又開心，價錢適當又抵食，旺角點心🥧到大排檔係不錯既選擇。點心到日抖可以食點心，一到夜晚就係小菜時段，小菜同煲仔類既美食都係招牌菜式，點左幾款最愛😍今晚慰勞努力工作的自己🥰1. 沙嗲粉絲金菇牛肉煲 $88 新鮮滾熱辣，牛肉份量超多，粉絲夠入味好香好好食，當飯食或送飯都可以。2. 熱情百香果蒸鮑魚 $18 隻，超級抵食，第一次咁樣食法，熱情果真係超開胃，鮑魚夠厚肉，必食之選👍🏻3. 沙參玉竹燉士雞湯（盅） $42 最後唔夠氣，呢個燉湯可以補氣4. 楊枝甘露 $25 食完飯當然要食返個糖水啦，便過糖水舖啊5. 黑金流沙包 $10 必食包點流沙包，裡面係熱辣辣流心，招牌來架🥰

一心諗住夜晩去呢間點心店食晚餐好似“功夫點心”有點心食，點知一入到去坐底，店員完全冇提過冇點心，只係可以叫小菜，白飯仲要係散叫，啲白飯細碗到小朋友份量。途中都見到啲人入黎坐低，我相信佢地一心都以為有點心食，點知睇完個menu 冇點心食，拿拿聲起身走人。如果我唔係有老人家係度，我都一早起身走去食food court 無咁嬲！！！！另外,員工態度（阿姐）好似好趕住問你啲野食完未，係咁想收哂枱面啲野迫你走咁呢間野真係唔洗再指意去食，返大陸仲好！！