點點心 (已結業)

會計小姐口痕想食點心，所以就孖小肥一齊喺公司附近間「點點心」度食晏。閒日午飯時間，餐店已坐滿客人，兩口子入座後先發現原來仲有樓上雅座，不過眼見店內人多，茶餐廳格局又冇乜好影，所以就費事四周拍照，以免影響其他客人。餐店只有一頁自選餐單紙，落單簡易快捷。單點項目除咗精選點心之外，亦有幾款飯麵提供，二人就好隨意地點咗四個點心黎分。賽螃蟹翡翠菜苗餃（$24）：菜苗餃一客有三隻，餃皮煙韌柔軟，賽螃蟹翡翠菜苗餡料鮮嫩香脆，極之可口。黑松露小籠包（$22）：小籠包皮層夠薄，豬肉餡心軟嫩甜潤，入口時散發著微微o既松露香，不需點用醋汁調味，一啲都唔溜滯，如果可以再多少少湯汁就更加完美啦！蟹籽燒賣皇（$27）：如相所示，燒賣皇顏色鮮美吸睛，賣相超掂！燒賣皇不但有樣睇，食落仲爽脆鮮美，可謂有姿勢有實際！脆皮鮮蝦腸（$29）：蝦腸中間夾咗層又薄又鬆化o既脆網，配合埋軟滑o既腸粉同爽口o既鮮蝦肉，口感豐盛又滋味，！點心專門店「點點心」座位唔算好迫，服務生效率高，點心飯麵選擇雖不多，但味味新鮮熱辣有水準，餐廳理念明顯貴精不貴多，咁抵食XO仔當然係會再黎啦！食到中途，會計小姐見差不多枱枱人都點咗個外表超萌o既豬仔流

Went during lunch time. Decent dim sum, speedy service and good value. The cute items are worth a try.

見到個名叫’’真係菠蘿包’’好奇心下點來嘗嘗~賣相看上去跟普通菠蘿包差不多!而一咬落去就知點解叫真係菠蘿包....XD因此堅有菠蘿係入面! 奶皇餡加上菠蘿肉.甜得來帶點微酸, 不太甜膩, 不錯!牛肝菌花菇包樣子真的像花菇般..XD連底部也做到花菇頂似的!軟軟包身帶牛肝菌香,但略嫌餡料太小, 多點會更好!

No kidding. This was one of the best meals I've ever eaten. A friend recommended it and I stopped by for dinner. Friendly service, and the food arrived fairly quickly. Even though I was dining alone, I ordered the Cha Siu Bao, shrimp Har Gao, beef meatballs, and a fried wasabi dumpling. Finished the meal with a poached pear with honey and mandarin peel – incredible stuff.

那個週末，跟他港島遊！由上環、灣仔、銅鑼灣、天后，陪他看看他的心頭好！  投其所好！記得他對 <點點心> 非常有興趣！  早前，他想帶我到旺角店幫襯！可是，當晚見門外排了好幾個人等位，於是他便放棄，寧願走到其他餐廳醫肚！  今次我們經過灣仔天樂里，我見到 <點點心> 分店！  反正我又未去過！建議去食點心，他當然沒有異議！ 店子坐得頗為擠迫！  這裡的客源不乏上班族、內地及外籍遊客！ 除了中文餐牌之外，另設有英文餐牌以便外籍遊客！  在餐紙上發現左上角印有 Newsweek 全球101最佳食府及 Time Out 最佳點心！  相信不少外籍遊客是慕名而來吧！  點心大致上由他發辦！芥末咸水角 $19 熱辣辣而香脆可口的咸水角，一咬開，Wasabi 那種攻鼻感，即時 feel 到！很刺激呢！  包住蘑菇餡，既清新又創新的配搭！ 脆皮鮮蝦腸 $29柔軟帶煙韌的腸粉包住鬆脆的鮮蝦春卷，外軟內脆，雙重口感！ 黑松露花菇包 $18/ 2隻黑松露花菇包的花菇造型賣相幾可亂真！  鬆軟的包身，包質密度高！卻是餡料好少！  況且，食不

我最愛就是到office附近的點點心來個平價點心午餐，我已經是他們多年的捧場客，絕對是OL不錯的選擇。我點了最愛的豬仔流沙包，光是賣相已經加了不少分！而且並不只是虛有其表，裡面流沙餡蛋黃份量很多，甜中帶鹹，非常好味。這款蝦餃皇亦是我的最愛，裡面大蝦新鮮份量很多，不過皮稍微有點厚。牛肉腸粉皮薄嫩滑，而且牛肉份量頗多，幾個人share就剛剛好了！我朋友喜歡鹹水角.. 這邊的鹹水角是新鮮炸起，每個都熱辣辣，而且外脆內軟，不錯！

我friend係灣仔做嘢，所以我地成日都會係呢邊一齊食飯，點點心係我地成日都會幫襯嘅一家，呢度d嘢水準都可以，而且價錢又抵食，係度食下嘢傾下鬼都幾愜意，不過呢度幾旺下，有時要等位嘅。脆皮鮮蝦腸，幾鐘意呢個口感，出邊層皮薄薄地有dd韌，中間一層脆皮好酥脆，裡邊嘅蝦同肉餡鮮味十足，29蚊一件食得過！菠蘿包都幾新鮮下，因為裡邊有新鮮菠蘿吖！不過覺得甜過頭，淡番小小冇咁滯。燒汁茄子，矮瓜上面釀咗d蝦同豬肉嘅餡，矮瓜過咗下油，淋咗d醬汁係上面，味道好咸香，不過覺得矮瓜唔夠入味，裡邊冇乜味道。牛肚又有d咸窩……豉汁鳳爪好入味，好霖。蝦餃裡邊料十足夠，又爽脆又鮮甜。總體來講水平中上值得好食。

今日第一次食D間order 咗六樣嘢1.章魚肉餅蒸飯賣相 okay.口感好差，食第一啖D飯好水，好爛D肉餅好淋完全無肉質彈性，好難食!2. 窩旦牛肉蒸飯賣相okay.口感好差，食第一啖D飯好水，好爛D肉餅好淋完全無肉質彈性，好難食! 3.鮮蝦腸粉賣相一般，完全吾似蝦腸粉似炸兩。品道好難食!4鵪春蛋燒賣還可以，口感一般!5牛肉球味道方面牛肉比起酒樓出面食更淋，淋到好難食!配嘅喼汁一陣味，又啖。同原本喼汁味好吾同!6.豬仔流砂包D果先比較好味少少!服務方面:好差!十分非常之差!黑口黑面!我有吾该吾該前吾该後但見果50幾歲本地女侍應落嘢食落枱同汁飛落枱比我，好似當你喺囚犯食飯咁!叫佢攞果鼓油同辣椒油比我佢就拎辣椒油吾拎鼓油比我!完全發緊夢，遊魂，不知所谓!因為，佢同果59歲左右男侍應講邊度開房!完全服務態度超差! 連基本禮貌也不懂!更可況係遵重顧客?

呢间餐廳同我媽咪都黎过幾次，我哋今日點左個流沙包，包的外形系个好得意的猪頭都幾有创意，咬一啖包里面热气騰騰的食起來皮很柔軟里面的金色流沙咸甜可口，里面的料很足味道很浓郁，食多幾個都唔觉得腻，未食过的朋友值得黎試試！

呢排成日在銅鑼灣做野，米仔買完野又要我幫佢去灣仔拎，行吓行吓見到有「點點心」，Good，正正就係想食，就即刻走入去！未到 Lunch 時間，所以人不算太多，坐得舒服，又唔好好嘈！因為只得自己一個食，所以唔叫得太多，就三個點心吧！點好就比店員落單，即叫即製，等的時間就係比自己休下息！巧製义燒包一籠义燒包有三個，分量都算大，义燒包最好係趁熱食，包很軟熟，义燒饀好足料，醬汁夠多，唔會乾憎憎！蜜汁义燒腸腸粉同豉油分開上，鐘意幾多豉油就落幾多。腸粉皮薄的，很滑嫩又煙靱，饀料都充足！賽螃蟹翡翠菜苗餃一籠三隻菜苗餃，每隻都包得很飽滿，皮薄，菜的比例較多，還有鮮味的蝦，味道很夾。點心名係 “賽螃蟹”，但蟹就唔覺得有！不過，三個點心中，我個人覺得呢個菜苗餃係最好味！ 

朋友係康熙來了既忠實粉絲，對點點心非常有興趣，於是三個人係星期日早上就來到灣仔。openrice上寫話10:00開門，但實際無感早，我地等左大概15分鐘啦。因為排隊葛時候太餓，點野食既時候就點好多。 其實三個人真係唔好點咁多！勁飽！ 最鍾意真係菠蘿包！入面真係有菠蘿，口感好特別！ 而春蛋燒賣，入面係有鵪鶉蛋同蝦同豬肉，都好好味！ 蝦餃入面有兩隻大蝦，新鮮彈牙！糯米雞料非常足，入面居然仲有臘腸蛋黃，都好入味！而鴛鴦蘿蔔糕芋頭糕就一次過可以滿足曬兩個願望！好正！但幾多人推薦既流沙包同黑松露冬菇包我就覺得麻麻啦，流沙包料好少，亦都唔流心。黑松露冬菇包體上去好得意，但唔多食得出黑松露葛味！ 不過總既來講對出品都係好滿意！人均80都幾抵！

第二次食點點心，呢間分店簡直頂唔順，盅頭飯D飯超多水，成pat野，D茶一陣怪味，鳳爪又冇味，牛肉球要喼汁叫左四次先黎，火到忍唔住要黎呢度爆，超差ge分店！激死人

唔好誤會，我講嘅三合一唔係洗頭水喇，哈哈，係點點心度飲茶簡直係平靚正喇，仲唔係三合一？呢度嘅冬菇包好得意，整個都係冬菇造型，裡面嘅餡都係東西，一咬就覺得滿嘴冬菇香味吖，不過外面黑色果層有D苦味，呢嘅包話企好食又未必，我自己就係鐘意企造型多D喇；炸蝦腸，其實就是鮮蝦腸入邊包住條香脆版嘅油炸鬼，不過唔可以否認，真係好食咗唔少，粉皮韌韌嘅，油炸鬼脆脆嘅，蝦肉甜甜嘅，唔錯嘅口感！糯米雞好香，同我細嘅食嘅味道差五多，好香口，雞肉都有唔少，糯米吸咗D雞肉同買其他香料仲有菏澤嘅香味，成個唔同曬，好食。燒汁茄子，D矮瓜上面放咗大大粒蝦丸，矮瓜油炸之後吸咗蝦丸嘅鮮甜，加上本身嘅甜味，外層嘅微脆，勾芡嘅調味，真係令人流口水吖！

Kafy爸在灣仔返工，以前也試過呢間點點心，覺得食物質素普通，營業時間好似只到十一點，所以沒有keep住去。佢早兩個星期收工時經過再試此店，發現食物水準大大提高，尤其係蒸飯套餐，新鮮熱辣，飯粒分明，軟硬味道恰到好處，似乎係即叫即蒸。Kafy爸又發覺此店嘅營業時間延長了，老闆似乎留意到灣仔區的市場需要，有一班夜收工嘅朋友而呢d時間附近未必有太多食點心方面嘅選擇，呢點係抵讚嘅。另外，店內客源甚廣，有上班族、內地及外籍遊客(佢地有提供附圖嘅英文餐單，所以喺細節上可看出其心思)，似乎佢地喺市場推廣方面下了不少功夫，最近甚至拓展至台灣市場，似有大展拳腳之意。所以星期六就特意帶埋喜歡點心嘅Kafy媽再食一餐。當晚去到已差不多九點半，但呢個時間竟然座無虛席，所以我地被安排左上閣樓坐。我地叫左四個點心同一個鳳爪排骨蒸飯(好似係$28，另+$10有菜/豆漿)。點心分別係豬仔流沙包、蝦餃、煎蘿蔔糕同小籠包，可惜呢餐嘅整體感覺令人失望。最主要嘅問題係點心唔夠熱，而小籠包內竟然係一大舊肉餡無乜湯。奇怪嘅係我地睇到旁邊嗰枱外籍客，佢地嘅點心係有煙嘅，所以我地決定俾多個機會佢，就後加了馬拉糕和燒賣，今趟好左少少，

年廿九周圍已收爐，老公竟然突然話想食點心，好彩有openrice搵到呢間～ 打去問年廿九都開到凌晨一點～之前唔識呢間，可能因為無乜宣傳；但食完覺得佢比添x運或茶樓好味，食物有水準同款式多，價錢好合理～ 見到好多外國人遊客或單拖嘅自己一個人入黎食～ 叫咗：糯米鷄$24：好味好足料，入面竟然有埋咁大舊臘腸～义燒包$17：我始終最鍾意食傳統义燒包，呢個好軟熟同入面多料～蟹子燒賣皇$26：平時我唔特別食，但都覺得好食～薑蔥牛柏葉$21：好味不太辣，但有d切得太大舊比較難咬～黑松露小籠包$22 & 山竹牛肉球$19：ok～荷香原籠糯米飯$26：一籠滿滿的，但唔夠荷香唔夠多料～紫金煎堆$16：原本想要芝麻煎堆，但得呢個；新鮮即叫即整好脆好熱，原本唔食芋頭都覺得好味～最後特別一提推介：陳皮蜂蜜燉原隻雪梨(原本$24，但今晚優惠$15)，超級真材實料真係燉，d陳皮雪梨好得，唔似得平時d糖水店收三十幾蚊只係糖水浸雪梨～臨走仲每枱送一碟燒肉祝新年快樂～希望傳統小店繼續keep到水準，會再支持！！