齊齊素 (已結業)

朋友話想食清d所以就揀左呢道。睇報導話呢道個廚係酒店道做過，但整體上成個experience都係令人失望既。首先環境比較其他素食自助餐差，好迫好嘈都算啦，拎野食重要好似輪米咁。我地入座既時候大約八點，差唔多半場既人都同一時間係道拎野食，可想而知場面係幾迫狹見到排野食要排咁耐，搞到個個都好似要咩都一次過夾晒番去咁，睇見都覺得心煩食物區d枱面又污糟邋遢，但等拎野食既人太多，d侍應根本唔會行到過去執。野食款式都唔算多，不過要有既都有啦，中西式加沙律甜品，雖然大部分都係一般甚至係水準以下既質素。素食唔代表係無味，但呢d乜野調味都無既漢堡就真係經典最唔滿意係佢地所有食物既羹同夾都係大兜亂放埋係同一個碟上面，可以隨便拎黎夾咩都得。有d人用完個夾黎拎沙律下一個人又會用黎夾甜品，點會有d咁既安排你話兩三碟炸物share一個夾都okay啦，但咸甜食物都要用同一個餐具去夾，真係不了啦128一位其實出面有好多環境好d食物質素高d既地方，唔係住附近既各位真係唔需要專登過黎食

本身前一日訂咗位，去食1300-1415嗰場，去到排隊十分混亂，好多人冇清晰隊形可以排，跟住終於入去比錢啦，就開始食嘢。但食物質素令人十分失望。首先薄餅餅底不脆，又唔熱。炸物不新鮮，有啲係冧，唔脆又涼。整體食物refill速度很慢，沙律又冇醬汁供應。熟食味道一般，冇乜味。甜品質素參差，味道欠佳，去到後尾想食豆腐花但佢竟然話已經唔會再refill！根本限咗量都唔係自助餐。之前喺IG見到某網站推介呢間新開張嘅，又見到佢有咩素漢堡嗰啲好吸引，但原來係冇的！唔知係咪我嗰場先冇，但78嚟講勉強可以，98就不了！

今天早上11:00先致電訂位，而且早一點到達目的地，實地視察一下（原來是麥包之前開設的「六樓後座冰室」舊址）！門口分開兩邊排隊，左邊給walk in的客人，右邊給予已經訂位的客人，但由於太多人，而且沒有足夠地方排隊，門外比較混亂，而職員只在門口叫「請有秩序地排隊」，但沒有人維持秩序！我是預約1300食第二輪自助午餐，但1300仍在門外狹窄的通道等候，只感到很無奈⋯！過了一會兒，終於可以進場，但行行下有一群人不守秩序「打尖」，而令後面的人以為我們反而沒有排隊，我已經有點生氣😤😤，怎料老闆「視而不見」😡😡，只是重複說只要大家有秩序排隊就可以！！！由於是先付款後入座，所以我便立即提議可否排No給予已訂位的客人，避免這種混亂情況，老闆即不接受意見，反而說「環保♻️」而不派籌🤣！籌碼是可以RE-USE!難道他不知道世上有不同的物料，不是只有「📄」！Refill 食物比較慢，中午的款式比其他同類型的素餐廳為「少」！湯比較好飮！甜品比較出色

先講食物質素和味道。 晚餐148元一位，大部份只是蔬菜，這只是提供唔同品種的蔬菜，食物選擇非常之小。 味道又唔係好。豆腐花又唔滑，一D都唔好食。如比148元食蔬菜，不如我自己去街市買斤菜重好食過佢。唔底食。。要求客人餐具重用。 筷子和匙羹都無所謂。 但佢哋都要求客人D用餐碟重用，好唔衛生。 D碟已染有自己口水，又要再接觸拿食物的共用餐具，將自己的口水接觸到共用餐具。將問題告知餐廳負責人，他們並無理會這問題。

堂食晚餐1.5小時。食品選擇有沙律、中西熱食、甜品。欣賞沙律吧的紅菜頭，頗新鮮；中式爐內的熱食較普通，但炸物出色，尤其炸饅頭、一口豆腐很美味；西式較深刻的是焗腰果蘑菇。甜品最令人驚喜，最愛抹茶忌廉撻！抹茶味濃，帶甘苦味，但同行友人認為太苦，但我認為剛好，清新而保留原香。飲品有蝶豆花茶、牛蒡茶，有特色。曾嘗過大角咀及佐敦素食buffet，這間的甜品較優秀，熱食款式相對少一點，但同時價錢又較相宜。

上星期，有網上的素友邀約我參加一個飯聚。 星期四（18/4）碰巧沒有事做，便答應出席。 結果，有十多人參加飯聚。 當中我只認識邀約我的素友，但也是第一次見面。我們用餐的地點是月初開業的齊齊素。 又是一間提供自助餐的餐廳。地方不算小。 裝潢有點像每日蔬食自助餐  。午餐和晚餐都分成兩個時段。 平日和假日是不同價錢的。 試業期間有優惠。 只接受現金。 沒有加一服務收費。 需先付款才可用餐。另外，也有外帶餐盒售賣。 付一個價錢，可以夾取任何食物到餐廳提供的餐盒中。餐廳多是提供港式菜，也有少量西式菜。 熱葷的都是港式菜。 款式不少。西式菜主要是小食。餐廳牆壁上存放了家庭盒裝Oatly燕麥奶。 有甜品是以燕麥奶製成的。這是沙律和甜品區。這裡並不是純素餐廳。 但純素的選擇有很多。 大約是八成吧。 如有蛋和奶，均會清楚列明於食物名牌上。餐廳的後門位置有用過的餐具收集箱。 顧客用餐完畢要自行收拾餐具。也鼓勵顧客使用一套餐具。 但餐具都放在食物枱下，如有需要也可以取用清潔的餐具。餐廳地方其實並不小。 然而，放置餐桌的密度太高。 椅子之間幾乎沒有空間。 有時候，甚至要請後面的客人離開座位以騰出空間來才可以

做過打工仔都知，新仔係好需要前輩提攜。家下素po飛(buffet)越開越多，就好似岩岩加入混戰既就有呢間叫齊齊素既新仔，我地呢啲過廿歲既老前輩當然即刻去幫襯下啦。但其實係去掃場之前，都有一段小插曲...話說，新屎坑驚多人，當然係有你冇你打去book左位先啦，點知...唔比book位！？玩咁大！？A~師主，素食之人乃應內心水靜如鏡，你定定經先～原來因為老闆娘話試業期間發現呢個時段(2:15-330pm) 唔係好多人所以一定會有位，又基於唔想嘥野為理由，唔會再refill野，所以唔敢幫我地留位。然後老闆娘就話：「你黎睇下岩唔岩食先啦，如果OK就比番個優惠價你」。這是什麼意思！？即係話佢做唔做到生意唔緊要，最緊要你地岩食，夠食。係呢個金錢掛帥既商業社會講呢啲，多麼滾動啊...！不過滾動歸滾動，落場睇下你係咪真係滾到我地先！所謂食野先食殼，齊齊睇個殼～整間舖呈小「L」字型，位都OK多，我地去既時段人比較少，夜晚時段的話可能都會逼逼地。整體設計簡約中有少少時尚加懷舊路線，感覺都OK。另外重有啲素食、種野、環保等等既書擺係到任睇，不過因為係限時，血拼之際應該唔會得閑睇吧？又或者你可以比錢入黎睇書放

昨天從元朗出發約朋友到此午飯，有兩樣食物不合意覺得變壞，向員工投訴後對方立即去試之後過來解釋，我覺得態度不錯，但店小食物擺放很逼感覺不舒服，午飯一餐不要期望太高我尚覺可以。

滿心歡喜特登由港島過嚟試，點知未入嚟就已經喺門口做簡介！多多規矩不在話下，好似上堂咁又剔名又對呢樣對嗰樣先入到嚟，入到嚟又話太好生意唔夠位坐，要搭枱！我4個人嚟食都仲要搭枱！都唔緊要喇，放低手袋出去攞嘢食，未排到你就已經無哂，你明知今晚訂滿哂枱，都居然無準備🤦🏼‍♀️我用左OpenRice 咁多年，喺呢度搵餐廳開飯，屋企聚餐，朋友見面都會喺度搵地方食飯，居然呢間鋪頭係第一間值得我用成餐飯嘅時間拎住個電話打呢篇食評，差到不堪！

食物溫度不夠熱及蔬菜數量很少，薄餅好凍、冷盤唔夠凍、所謂國寶茶是沒有茶味.紅棗元肉是沒有味道的.至於價錢都貴了一點.這樣食物不直這個價格.只有説沒有下次及不值的！🥵🤯🤬

同行4人也一致認為食物太淡近乎無味 雖然知道它們主打健康素食 但也不至於完全沒味道吧！refill食物也極慢 種類也小 所以我絕對試一次就夠 失望之極 唯獨是中湯和咕嚕肉有驚喜 店員也很好 值得一讚

近排有一大堆素食自助餐開幕, 港島九龍都有，綜觀咁多餐廳, 大部份都非常近似，有些食物種類好似很少, 所以最終揀了牛頭角這間齊齊素來試試他的lunch buffet主要原因係他的款式好似有啲新意有pizza又有蒸飽類前菜沙律，有紅菜頭，不過不夠酸，都係冇肉食比較好牛油果多士都是其他店沒有的還有韓式炒粉絲和甜品其餘熱食和炸物則和其他自助餐食差不多價錢也是差不多整體坐的環境都ok, 食物也夠多選擇，不過最想食的士多啤梨猴頭菇午巿沒有出現，也許是晚巿才有的菜款。味道也沒有特別好，是不過不失的，我認為刻意坐車過來吃就不必，附近素友，則可以一試。

數晚前，和一眾朋友齊齊到訪九龍灣得寶商場的 齊齊素 Veggie Together，齊齊來支持💪一下素友有份主理的新店。店內的食品主要擺放在左右兩側，左方主要是甜品糕點區，放滿了各式水果🍉🥝、沙律🥗、精緻的甜品和糕點🍰。當各位路過這區域時，可能會聽到「軟硬組合」的呼喚📣📣~「牛油果多士」和「紅豆抹茶銅鑼燒」，絕對可以給牙齒來個「軟硬兼施」的體驗🤣。放心，多士所謂的「硬」，只是相對銅鑼燒而言，這塊多士絕對是脆口的，店方更讓多士化身成「小紅帽」，為多士添加一粒小蕃茄🍅，帶來多一種味道。銅鑼燒則是不錯的開胃小食，鬆軟的餅皮，細綿軟滑的抹茶忌廉，絕對值得大家將佢帶返座位細嚐一番。此外，更有店內孖寶「毛家熊」🐻&「壞人」(Ryan)推介既三色撻~紫薯、粟子、抹茶，營養豐富，絕對係「開口有益，食落有營」，大家都記得食返幾件啦!(註:三色撻的介紹，可以睇返「齊齊素」fb page的介紹喔，貼文有詳細營養說明)店內的右方，主要是「熱食區域」，有各種中式小菜，不過更為吸引的，卻是一些「非中式」的食品。店方預備了2款迷你漢堡🍔，當中又以「紅菜頭猴頭菇漢堡」更吸引😋，廚師把猴頭菇煎香後放在漢堡中，口感鬆軟

新開既自助餐齋舖, 等我做返日健康既寶寶先~ 呢喥種類還算ok~ 煎炸食物好香口, 好味~ salad bar 既食物好新鮮, 好~ 熱食就普普通通啦, 炒粉麵都齊備~ 仲有一款湯款可飲~ 至於甜品方面有幾款選擇, 我揀左紅豆糕&椰汁糕唔太甜, 對我黎講甜品係要甜先好食架嘛, 哈哈~ 另有熱茶同菊花水提供~ 杯茶好似有d酸酸既柚子味, 好特別~環境方面, 因今日只有我同媽咪黎, 所以只可安排搭枱~ 枱與枱之間都唔算太窄既~ 好貼心, 有BB凳提供架~

咁啱經過附近見到新開張就試吓幫襯店員先介紹，有很多款式選擇跟住先俾錢入座啲菜refill 得好快，好新鮮而且用有機菜，有晒証書（不過我唔識睇）全自助形式 少左啲員工行黎行去趕人走既感覺大部份餸菜味到岩岩好我最鍾意食佢個合桃菇細細件咁，好精緻Pizza 有3 款，甜品都唔少有沙律bar ,好似食緊酒店buffet 飲品就得2 款係西蘭花🥦鹹咗少少，感覺唔會好油膩環境都好舒服，仲有書可以睇店員話book 位會好少少