齊齊素 (已結業)

看得食評好壞參半，考慮咗一段時間後，終於試一試。11:45到，應該係食物齊全的時間，食品種類以為多，其實都係左配右搭，特別係熱葷，蕃茄翠玉瓜，辣椒炒福花，另一盤係咖喱雜菜，即係將福花同翠玉瓜等炒埋一齊，所以食材配搭上有點重覆，另外食物牌同食物都不對，黃薑飯打開係糙米飯，蒸包牌有蓮蓉，點知只得豆沙，所以食咗兩個豆沙包。炸品都幾多，可惜我唔好，所以選擇又少了。總體食物味道都幾好，補充都快，只不過食物種類相當有限，連豆腐及蛋都冇，或者係午餐原故，所以之前係食評見嘅食物相片大部分都冇。好食食物係pizza, 炒福花。

朋友話係得寶商場開左一個自助食素的餐廳,叫齊齊素, 價錢又平質素又好,約埋朋友星期六下午去食先,得寶商場係九龍灣站B出口, 一出去天橋向左方向行便到, 好方便。餐廳位於地下 (牛下商場外)。我地打算食午餐, 先睇下價錢, 午餐一至星期日, 成人$78, 小童$58。晚餐星期一至五, 成人$128, 小童$98, 星期六日 成人$148及小童 $118。餐廳十分光鮮, 並以先排隊購票後入座, 餐廳坐滿9成, 眼見都係街坊多。餐廳主張環保, 希望客人只取一份餐具, 而且要自行將餐具, 廚餘分開, 好欣賞呢個做法, 尤其有小朋友可以教導惜食,自動自覺收拾餐具。食物枱有分沙律,甜品,飲品,熱盤,炸物小食,湯類,飯麵等等, 沙律好受歡迎, 沾上芝麻醬好開胃, 清清個胃可以食啦 ~炸物區估唔到有咁多款, 有2款PIZZA, 炸薯條, 蒜蓉包, 炸餃子, 饅頭等等, 至少10種, 而且食晒都好快加添食物, 唔會真空好耐。我中意食炸薯條, 因為加左SHAKE SHAK粉, 好惹味, 仲有豆沙煎堆仔, 好正呀!食左一輪炸物就去搵下熱盤, 熱盤大約有8款, 素菜為主, 啱晒想食菜的朋友, 仲有懷舊狗仔粉及

九龍灣少有素食店，一大班人即來試試自助餐。入塲各自先付款，免大家結帳時過數夾錢等麻煩。店鋪都整齊， 坐近廚房，不停聽到炒菜聲，火喉十足。 一盆即炒苦瓜，香味撲鼻。 芋頭魚太受歡迎，好快比人拎左幾件，影唔到全相。 咕嚕猴頭菇好正，都係好快比人拎晒。沙律吧的菜好新鮮，喜歡紅菜頭，食左不少。 冷麵配蔾麥沙律.豆腐花每人一盒，如果任食就好。食飽飲杯南非國寶茶，好滿足。

地方算是頗大, 座位舒適。如果完全滿座時, 出入是互相讓一下, 香港地少人多, 普遍酒樓食肆一般都是差不多。炸物最美味, 有春卷, 咖喱角, 薯條, 錦鹵雲吞, 燒賣, 素蝦片, 煎堆, 炸曼頭。我只選了春卷, 咖喱角, 薯條, 錦鹵雲吞, 燒賣, 番要了好多轉, 非常好味, 完全食不厭。有2款Pizza, 都非常好食, 因為鋪滿鮮番茄及青椒, 很鮮味, 要了又要。熱菜方面款色是多, 選自己喜愛的口味。此店強調少糖少鹽少味精, 口味比較清淡, 常常山街吃飯的客人可能會嫌稍為淡味, 我以住家飯為主的, 這個味道最適合不過。選了幾款自己喜愛的熱菜, 番吃了幾轉之後, 因為太飽, 茄子沒有機會品嘗, 可惜。有2款湯水, 選了蓮藕湯, 很好味, 湯裡有很多雪耳, 我只要了淨湯。粉麵飯我覺得是比較弱的一環, 今次有上海粗炒, 狗仔麵, 粟米飯, 只嘗了上海粗炒, 很彈牙, 但略為咸了少許。粟米飯沒有吃的意欲, 狗仔粉因為太飽有試食。如果有粥或翅會是不錯的選擇。另外有款冷麵, 各款甜品, 生果, 都因為太飽沒有品嘗。冷飲有2款, 我選了雪梨蜜水, 很清甜。$78午餐, 很滿足了。

食物普通， 嗰度啲湯經過兩個人試過之後呢覺得味道有問題， 有啲餿味 。地方狹窄， 後門（不時有人出入）旁倒垃圾嘅地方都擺咗食枱 ，對食客都係極之不便。 食物也沒有說的那麼多種類， 都是一般普通家常菜， 豆腐花晚上才有得吃， 端出來的食物都不夠熱。 食完飯後感到頭痛。 補給食物太慢 。 甜品及款式唔多， 大菜糕都好硬。訂咗位都冇用，都要同walk- 啲人呀一齊㗎等安排先有位。 得寶商場位置係好唔方便嘅地方嚟㗎。 店內裝修顯得陳舊 ，整體感覺我都係令人失望。

近期素食自助餐越來越盛行，見不少素食店都陸續改革，由餐點改為自助餐，亦有些打正旗號做素食自助餐，不知大家喜不喜歡呢？對我來說....是一個喜訊。近排吃了不少頓素自助餐，有去過佐敦、銅鑼灣和觀塘，而今晚就和肥哥走到九龍灣。點解會我會捐洞捐罅捐到九龍灣得寶商場？皆因我逢星期二到來這裏睇中醫，就俾我發現它。還未到時間，但已有些食客站在門口等入座。餐店環境光猛，裝潢簡約舒適，最吸睛當然是牆上「Veggie Together. Eat Green. Eat Fresh. Eat Healthy. Eat Wise」的字句，還有張設計特別的poster，也是好好的提醒。左右兩邊是自助食物區，中間有行四人枱，再走入一點還有幾張二至六人枱和幾張四人圓枱，枱與枱之間有一定距離，而通道亦挺闊落，方便出入取食物。晚巿自助餐分兩時段，6:00-7:30pm和7:45-9:15pm任食個半鐘，星期一至四成人$128，小童$98；星期五至日成人$148，小童$118。**********************先揀杯飲品，有無糖豆漿、檸檬水、熱柚子茶、有機南非國寶茶和熱水。見宣傳單簡介國寶茶好處多多，一於試試。甘

今日同朋友去食齋,可以清清腸胃也好今日到了齊齊素好快就安排好座位了個環境都唔錯懷舊狗仔粉都唔錯呀個咕嚕猴頭菇隻味真係唔錯,酸酸甜甜咁,而口感都非常之好好多炸物,而炸物都好好食,熱辣辣咁咖哩角,炸薯都好香口好好味道燒菠蘿都多汁香甜個PIZZA個皮好脆口咖哩齋夠晒入味,又唔會好辣茄子翠肉瓜都好FRESH既感覺有南非國寶茶,冇咖啡因除左好飲仲比較有益雪耳糖水唔算好甜幾好飲沙律類好新鮮蔬菜,仲有羽衣甘藍除左口感好好外仲有個味道獨特仲有甜品糕點山楂烏梅汁酸酸甜甜咁,飲左好醒胃每人一個豆腐花作結尾大滿足了

今日對我這個食肉獸講都係一個挑戰， 朋友 食中藥中 要戒口 ，所以去食素。按照他的指示，來到 牛頭角得寶商場，里面 惠康再轉彎, 有幾間食肆， 其中一間齊齊素 食放題落地玻璃設計， 裏面 已經有唔少人 在 進食中環境明亮， 乾淨!先付款沒有加一，挺好，不貴!有沙律吧， 素壽司，甜品類 還有 加了綠茶粉 整的大菜糕甜品， 賣相可愛， 有機豆腐花 還有西瓜 橙等水果熱葷 有pizza， 上面放有番茄和 粟米， 咬落香甜。 炸蝦片我最喜歡吃， 小時候， 媽媽最喜歡 炸蝦片給我們，一放上枱 幾個毛孩 已搶光。還有咕嚕肉， 炆蓮藕， 苦瓜牛肉炆冬菇等等， 素牛肉用麵筋整， 又幾似， 苦瓜炆冬菇好入味。今日還有合掌瓜湯和紅豆沙值得一提的是茶類是 南非國寶茶, 主打高抗氧化. 搞到我連飲幾杯, 感覺人都靚咗， 這裏還有凍檸水和 橙汁食物加得幾快， 值得 一讚這間小舖 很特別， 有很多貼紙 叫大家珍惜食物， 盡量用一套碗筷， 最後 自己收 碗筷， 廚餘分類。這間小店釋放的 環保意識 很值得我們學習， 救救地球人人有責!食完感覺良好， 這間店舖主打少油少鹽， 可能對我來說偏淡了少少， 但我朋友說很好味，

今日係牛頭角食素，真係意想不到有咁多款式。晚餐是放題任食，我先購票後坐下，食物分兩邊擺放，一邊凍食，甜品，水菓，另一邊炸物及熱食，至於熱飲有竹庶茅根及國寶茶擺放最入位置。左邊放沙律，冷麪，糕點有迷你卷蛋，香橙糕，咖啡凍……，水菓有波蘿，蜜瓜，橙……，凍飲有檸檬水及蝶荳花茶。右邊炸物，有薯條，春卷，煎堆仔荳沙餡，咖哩角……，熱食有薄餅，炸饅頭，羅漢齋，韓醬腸粉，蘿蔔牛腩，叉燒，薰蹄，凉瓜牛肉，魚香茄子，五柳炆米，手撕包菜，炆蓮藕，紅米飯，涼瓜湯，芝麻糊………………。蝶豆花茶加檸檬水，由藍變紫，好玩又好味！有機荳腐花一人一盒，又有芝麻糊，識食的我一定兩溝啦😜！我覺得厨師花了很多心思在食物上，整體味道很不錯呀！食完走時，已見下一節的客人排排坐等著喔！晚餐時段6 - 7:30 及 7:45 - 9:15(分兩節任揀)

Found out that there was a vegetarian buffet restaurant in KB so decided to give it a visit.There are two sessions for dinner and different rates for week days and weekends.There was a good spread of choices from Chinese to Western and there was a salad and dessert bar as well as beverages.Food in general was really good especially the Chinese choices as they didn't serve any mock meats.My favourite was the red beancurd snow fungus and the satay sauce radish.The bittermelon soup was quite bitter

想不到素食放題的食物種類很多，與坊間的日式放題店差不多。雖然是素菜，但不會淡到無味，較為清淡健康，吃到食材的原味。每次食放題必食燒菠蘿，菠蘿多汁，燒過暖暖地，很甜好好食，非常熱門的食物，只剩一小盤。蛋白西蘭花的味道好難忘，蛋白超級滑，不知道怎樣做到，加上西蘭花就會多了一種爽脆口感，口感豐富。狗仔粉是意外驚喜，外面很少可以吃到，豉油味炒過很香，而且油很少，沒有變胖的罪惡感可以吃到飽。冷盤很精緻，我特別喜歡冷麵，韓式粉線的麻油味很香，蕎麥麵的質感特別，不會太軟又有咬口。

第一次食素食自助餐，飲品和食物都好齊，質素都幾高。飲品好多，特別喜歡博士茶和蝶豆花，博士茶本來就對身體很好，一般餐廳很少可以喝得到。大家也可以試試檸檬水加蝶豆花，會變紫色很夢幻，自己製作幾好玩。炸物好多款式，我每種都試了一點，咕嚕猴頭菇印象較深刻，口感真的很像肉，外層脆身，有點焦糖的甜味，味道很特別，好好吃。另外還有燒賣，這個十分驚喜，跟真的一樣，朋友還說吃到肉味，真有趣，不吃素的朋友也可以來吃。熱盤種類也很多，每種試一下已經很飽了，非常滿足。

現在愈開愈多素食店，就連牛頭角一個小小的德寶商場都新開了一間，仲要是自助餐形式的，午市及晚市都有分兩段時間，午市成人都只是$78 位，價錢合理，需要先買飛後入座，提意先預早book 位。我們一早預定了一點十分的時段，準時入座，十分爆場，自助區位置不算太大，幸好食客都很有禮貌地排隊拎食物，食物主打中西式素菜。食物refill得頗密，但發現餐廳每次refill 都不會過多，我想是餐廳不想refill得過多而浪費食物，他們寧願refill得密一點，食物又可以新鮮一點。我最鍾意沙律吧，有新鮮沙律菜，木瓜沙律，手拍青瓜，喬麥冷麵，superfood 紅菜頭沙律，仲有生果提供，夏日炎炎最岩食。熱盤及炸物都差不多有十多款，熱盤我最欣賞是上海粗炒，炸物就最鍾意炸豆腐及炸饅頭，炸得不油膩，另有兩款pizza是最為搶手的，仲有杏仁糊及超濃的鮮茄粟米湯，我因為餐廳主張少油，少鹽，少糖，所以對於鍾情濃味的朋友可能會覺得食物淡口一點。仲有甜品區，有杞子桂圓糕，椰汁糕，涼粉及卷蛋，但我最愛只是粒粒泡芙。飲品就有檸水及碟豆花任飲。

7點到達餐廳，要收左錢先可以入去座，只收現金。入到去，有啲似飯堂，唔好要求座得舒服，仲要搭枱。食物方面，款式不多，唔夠熱，有啲食物有酸味。基本上放出黎既食物好多都可以自己整到，例如蕃茄，菜，青瓜，豆腐，茄子等。雜菜湯淡而無味，燒粟米乾到咬唔到，桂花糕太軟，比人夾到爛哂，芝麻糕比較好一點。如對食物冇咩要求，或者唔追求座得舒服，可以試下。希望可以改善下食物水準，加上附近多餐廳，唔花點心思好難留住客人。

大魚大肉了幾日，想食些清淡的菜，放工經過這間齊齊素，見佢價錢唔貴，晚市都是百多元，平時食個set dinner都唔只啦！這裏全部都是自助形式，用完器皿需要放去回收箱。沙律有這一輪大熱的紅菜頭及藜麥等，還有沙律菜，新鮮爽脆。炸物有差不多十款，炸薯條、天婦羅、春卷、咖哩角等等，有些比較脆，但有些可能旆了一段時間，比較腍，春卷的味道最好味，天婦羅比較清淡，但整體都唔會太油膩。西式類有薄餅及小漢堡，雖然係素，但味道卻不俗。咕嚕肉就是用猴頭菇做，酸甜開胃。其他多以蔬菜、豆腐、菇及瓜等為材料，味道不過不失，唔算太特別。而主食就是狗仔粉及粗炒。最後還有桃膠糖水，女士養顏滋潤。