齒留香

营业中

休息中

是日午餐諗唔到食乜嘢,所以就揀咗最穩陣嘅燒味飯,呢間齒留香喺太子都開咗幾年,我都幫襯咗幾年,因為佢個燒味相對比較穩定.點知今日就畀我食咗一個我生平認為最難食嘅燒味飯,平時我都係食佢嘅叉燒因為佢叉燒比較出名,今日就諗住豪少少食個乳豬飯啦喺阿姐打包飯盒嘅時候我都知奶嘢,因為見到嗰幾舊乳豬好似同我想像中有啲出入唉算啦就抱住一個心態,可能個賣相唔係咁好,但係可能好食呢點知返到屋企一打開個飯盒有一陳燒味嘅味道夾雜住一陣酸酸叔叔嘅味道飄入我個鼻心諗用咗55蚊買盒乳豬飯點都要試一試係咪真係變壞,點知一咬落去真係有一陣臭味,乳豬皮根本就好似一塊燒鴨皮咁樣(平時七月十四人哋喺街邊燒衣用嚟拜祭嗰啲）,根本食唔到落去,結果夾硬用薑蓉撈咗少少飯估計舊乳豬可能隔夜甚至乎隔咗幾夜,首先啲皮已經係淋曬好似浸過水或者擺過入雪櫃再攞返出嚟,啲肉係雪到白曬

因為轉左工作環境，心情特別興奮。又可以試試未食過的。見到周圍都冇咩地方可以坐得舒服，所以就試吓食燒味。舖頭阿姐誤會要雞胸，最後換來雞肋。雞肋我也不介意，但一食到一條條雞毛🥵。叉燒是瘦义😥，大家都想像到有幾好味，味道方面也沒有什麼特別，只有一次，下不為例。

朋友說太子有一間叉燒好食昨天他去了今天繼續食帶埋我.2點已經是下午茶時間 $30-$40有雙併叉燒很不錯，肉汁夠不太乾雞雞我覺得肥，肉不多，但味道ok當時滿座，要等5-10分鐘

昨晚慕名去試下齒留香的义燒入到店裏叫了一個肥义飯碟飯來到只有一兩件是肥的萁他大部分都是瘦的不單止而是冇聞冇味實在是大失所望如此普通同出面的义焼飯冇分別還貴很多呢實在非常失望

今日早了收工, 趕得及六點前的下午茶時段, 於是前往太子幫襯齒留香.五點四十分去到, 見到門口很多人等外賣, 心中一喜, 果然沒來錯!立刻排隊買票, 燒腩瀨 + 油雞飯... $72? 這麼貴, 加價了? 算, 付款之後, 想起下午茶包飲品, 於是回收銀處告知, 可是收銀表示不包飲品, 而凍飲要加$9!!! 原來收銀將我的落單當作正價普通燒味飯. 我立即理論, 下午茶時段為何收正價亦不包飲品? 收銀義正詞嚴地說必需/必須於落單前聲明是買下午茶, 才會收下午茶價錢, 否則要收正價!!!!!我並不是第一次於下午茶時段幫襯, 從來沒聽過如此規矩, 但收銀說一直也是這樣. 打死狗講價, 為了賺到盡而無所不用其極!至於食物味道方面, 與其他燒味舖沒甚麼大分別, 只屬一般.

聽過呢個名想試好耐不過之前唔係好就腳所以之前冇出嚟今日由西貢出來去開太子順便試下!叫左碟叉燒飯,d叉燒嘅肉質非常之彈牙!肉質彈牙得黎咬落口又有似溶化既感覺,一個字,"正"!

呢間舖位令我印象好深刻嘅係，門面相當闊大，但入到去好細，坐位亦唔多。呢條友出名招積，今次嚟就係專登試佢嘅出品究竟有冇名過其實。店內座位比我想像中少，我坐喺門口已經算比較闊落，見裏面仲迫，座位之外只得一條窄窄嘅通道。我淨係想食叉燒。仲記得網上有影片老闆係舖門口捧住盤叉燒請街坊食，舉起紙牌大吹大擂，話自己叉燒比同行都好，呢幕令人印象深刻。就叫個叉燒瀨加杯奶茶，目標係叉燒。結果發現瀨粉水準都相當高，湯底有花椒八角十分清香。主角叉燒的確有水準，瘦位都10分淋滑，香味同我食過其他地方嘅叉燒有啲分別，係比較低調嘅甜，我估係老闆特製嘅醬料發揮功效。或者可以話稍稍欠啲豬肉味，但絕對係水準之作。如果再腌尖啲，仲可以批評佢顏色唔sharp唔夠鮮艷奪目。不過我都唔係咁奄尖嘅人，味道好比較重要。杯奶茶有甶個杯開始已經有啲九唔搭八，水準亦一般般。但佢唔係我嘅測試目標，不談也罷。

返港後第一餐，用咗網上外賣平台訂咗燒肉义燒，15分鐘後，阿姐打嚟話燒肉賣哂，問要唔要轉其他野，我話Okay, 轉切雞。點知盒飯嚟度打開⋯⋯切雞份量少得可憐，只有隻雞中翼及尖，重要切開6份，碎哂咁。 心唸okay, 如果你好好食嘅冇問題，我蝕少少又有乜所謂啊! 少D咪少D囉，但係唔係囉！又唔好食又貴！唔知想點。 最衰唔記得影張相， 正所謂有圖有真相！當然可能我係用網上外賣平台, D奸商覺得我哋的食客好難投訴好難跟進。冇下次囉！

我好喜歡食燒味，特別是叉燒。有次是午飯時隨便找間去吃，誰知道意外驚喜！兩個人叫兩碟兩餸飯，就有四款，其實都好味。而叉燒是特別覺得好味，首次是調味好好味，半肥瘦適中，有肥脂的軟綿綿但不油尼，而且它選的豬肉部位用來做叉燒真是一流，又有少少燶邊。昨天匆匆忙忙路過都要特別停下來買番半斤返屋企加餸，真係好好味，比起樓下果間太興，我又真係覺得呢間叉燒好味得多了。希望多點人知道，咁好味既燒味，點解只係得兩間分店呢？

可惜呀，幾招積都無用，水準穩持唔到，幾好食都無用。員工都唔憂做，舊叉燒no.1 倒數就有...唉 食咗兩啖飯成盒扔咗。講到幾巴閉幾巴閉，又唔係平過人。唔會有下次，希望可以有改善啦。

上次食完哩度啲叉燒念念不忘呀，所以再黎幫襯哩度既叉燒，但係今次既叉燒唔係新鮮出爐，唔夠熱既，好不開心喔😖😖😖食落感覺似係浸得太耐啲汁啦，因為麥芽糖太甜了，所以令到啲叉燒吸哂啲麥芽糖，太甜了，同埋一咬就散哂啦啲肉質，淨係食到醬住口既麥芽糖味，完全食唔到叉燒味既😫😫所以好失望喔啲叉燒😫😫😫不過炭燒乳豬飯就有驚喜既，乳豬燒得岩岩好，皮好脆身，肉又唔會好肥，唯一係凍左啲🥺🥺但乳豬黎講都okay既

我係一個叉燒怪黎架唔知有無人同我一樣都好鐘意食叉燒架呢？我對叉燒係有一份執著架我要新鮮熱辣辣燒好既，刀功要厚切既要半肥瘦夾雜住既唔可以太瘦既，醬汁又要另上既，因為唔鐘意浸住啲叉燒其實一直都好想試下哩間燒味店，佢係塘尾道有一個主店，但係就無堂食既，主打外賣，直至係太子開左分店，仲做埋堂食，真係好想試，因為我鐘意既新鮮熱騰騰既食物今日五點九黎到諗住食番嗰early dinner，點知原來仲有下午茶下午茶好抵食呀。仲有得選擇飯，米粉，賴粉，由於我太鐘意食叉燒，所以嗌左嗰叉燒飯同埋叉燒賴粉。食物好快就送到啦，齋望嗰樣就好吸引喎叉燒仲要厚切，係半肥瘦架，一啖咬埋去真心係一種享受呀叉燒夠厚身，但肉質無因為咁而鞋口反而係燒得好淋身，咬落去仲好有肉汁哩度啲叉燒果然係number one!!!!算係我食過比較出色既叉燒，下午茶都有咁既質素真心推薦呀！

因為你地d價錢都大眾化，味道都唔錯，我一直都有幫襯的⋯不過，最近因為你地操內地口音既收銀姐姐態度問題，我同家人及朋友唔會再幫襯你地買幾個外賣飯盒，無啦啦罵人咁同我講野，仲要一副唔想做你生意個樣⋯落單期間撞正你地有幾箱貨入鋪，個姐姐仲要粗聲粗氣叫：出去啦⋯⋯阻住曬⋯出去之後無再跟進我既外賣⋯要我再落多次單⋯如果唔係我父母當日堅持想食，咁受氣既情況唔會再買lor⋯你地有咁既質素員工，唔換左佢我相信食客只會愈來愈少⋯

之前做哂廣告話燒味好好食，尤其叉燒堪稱全港第一，有日經過決定一試。入到去問收銀呀姐仲有無叉燒同燻蹄，佢可能以為我買好多，即刻笑住問我要幾多，但當知我只係要個雙併飯態度就即刻180度轉變。因為當時落住細雨，我又孭住個仔，落完單諗住係入面等外賣，當時鋪內客人大概只佔一半左右，但收銀呀姐粗聲粗氣咁叫我係門口等，話我會阻住啲客。。。咁好啦，出門口之前同個呀姐講多句想要多汁，點知佢好大反應答我”薑蓉要另外加錢架，汁就唔洗架。。。！”果一刻真係覺得好反感，加果幾蚊我絕對比得起，但係啲語氣係咪可以好啲？再講啲燒味，味道不過不失，雖然唔難食，但又未置於好似廣告所講咁誇張好食，自誇全港第一絕對受之有愧。不過值得一讚既係以外賣雙併$37既價錢黎講，啲燒味既份量唔算少，算係幾抵食。希望服務真係可以改善下，如果想食好野又有服務既其實真係大把選擇唔洗揀你地。

前一天因工作關係路過被門口招牌廣告吸引、今日再臨見時間尚早、一於試試棒吓場。自選燒味雙併套餐 ~ 燒鵝併燒肉燒鵝賣相似放咗大半日、相信係早上由中央工場制做、燒鵝和燒肉食得出用靚嘅原材料、入口味道偏清淡、感受得到老板用心想做好燒臘、不過相信品質控制在量產上出咗問題、真心講門口大大隻字寫住神級調味我個人食完唔係好識得欣賞、有點自吹自擂、理想同事實嘅出品上存在一段距離、不過青菜蘿蔔各有所好、老板喜歡自我感覺良好要尊重、亦都係進步嘅原動力。只係希望老闆可以多花些時間整理一下成個流程同品質控制。例湯蓮藕煲排骨湯～ 合格跟餐奶茶合格油菜快餐式一早大鑊一次過煮起、凍冰冰、無奈地食哂免浪費食物白飯合格香港地、租金、人工、原材料樣樣都貴，做老板嘅壓力一d都唔細。真心期待下次再幫櫬時會有改變。