齒留香

营业中

休息中

啱啱開張食左幾次 叉燒個味同ok 同埋衣間叉燒係偏瘦 如果你想食肥瘦適中就唔啱 對好似我衣啲想減肥既女仔來講都幾好 但唔明今次點解整得勁鹹同食緊一塊醃左既鹹肉冇乜分別 食到一半已經頂唔順 驚要洗腎

Openrice見到齒留香好評如潮，於是試試。點了油雞脾及No.1叉燒配瀨粉，午餐送老火湯或熱飲，於是打算試試個老火湯，但湯未煲好，於是點凍檸茶加蠔油生菜。瀨粉比較粗身，叉燒有光澤，肉質非常軟熟，充滿肉汁，給一個讚！油雞脾外皮色澤均勻，雞皮爽口，無多餘脂肪，肉質非常嫩滑。吃著美味的叉燒和油雞脾，侍應小姐突然送上一碗足料老火湯，原來老火湯已經煲好，當然要試試，最後配上碟蠔油生菜，及冰凍檸檬茶，是日午餐就完滿結束！

上次第一次黎食晚飯，店里面員工完全莫視客人坐左係度等落單，叫邊個就話等等，等成十几分鐘先肯寫單！今日黎食下午茶，服務員態度依然差到乜，連臘檔斬野既，講明要肥义，就專登比勁瘦义比我，搞到又要换！老實講，几好食都假既，我就唔會再黎受氣！個老細唔識管理茶餐廳，就返去做燒臘斬料外賣算啦！

今晚會同老公去太子到剪頭髮💇所以順路諗下太子附近有咩正野食老公話之前睇完蘋果動介紹後食過一間叉燒好正帶我黎試下睇完個動新聞我都非常有興趣試下人稱NO.1招積哥既叉燒因為來到店時間仲早居然仲有下午茶餐優惠至到晚上6點鐘今日雖然閒日，來果時可能未到晚市人不多，但到左6，7點已經差不多滿座招積哥本身自己有燒味店幾十年好多粉絲。《超抵食茶餐》$38 包熱飲☕️除左叉燒仲有其他燒味揀，雙拼+$5個人鐘意燒味配瀨粉平時吾係到到食到一黎上左個瀨粉，雖然係下午茶但份量絕不細超大碗。瀨粉望落去好似好清但係小小有湯味的，但就非常之爽同有口感，夾都夾佢吾住終於上主菜啦，平時叉燒非常多多先夠味，但尼個叉燒完全吾洗點加醬汁本身已經好入面平時一定要有少少肥既叉燒先好食吾係會好硬同焦，但尼到既瘦叉反而整到非常有口感同腍腍地，食落有少少日式叉既口感但味道就正中本地叉燒非常之好食。叉燒一點都沒有燒焦既位置，成舊燒到恰好非常惹味果然暫時食過最正既叉燒平民價食到靚叉燒，一定要番轉頭再食個餐仲包埋熱飲☕️港式奶茶亦非常有水準，茶奶恰好調得好飲。

看了網上推介慕名而至，說自己是叉燒number one. 於是特意前往買了一盒叉燒回家加食餸，豈料換來的是極度失望。叉燒的肥瘦適中，也夠腍身，然而却極咸，係真正的number one 極咸，我一世人都沒有吃過如此咸的叉燒。若非外賣而是堂食的話，我一定會直接反映。難道是我走霉運剛好買到例外的差劣品質嗎？若果所謂的number one 是品質不穩定的話，你夠膽叫自己number one?，我可以中伏一次，但以為都不會再幫襯了。自求多福吧。

之前看到最強招積叉燒佬，就想過來試試這個No.1叉燒到底有多好吃。No.1叉燒 配 瀨粉 (HKD 48)叉燒多瘦少肥，只帶住少許脂肪，不會過肥加上肉質細嫩，入口就溶的脂肪，香口的炭火燒過的痕跡，令M先生直接說這是第二次他吃過最好味的叉燒，果然名不虛傳！叉燒香口之餘帶點陣陣蜜汁香味，連最令人恨的叉燒角邊位，外面做得又硬又韌，這裡一概同樣又軟又入味，是如何做到？就是這絕妙配方令到這裡人來人往瑤柱香妃雞 (HKD 88) 雙拼(+HKD 10) 再三回味招牌薰蹄 (HKD 68)雞一看就是皮光肉滑，脂肪較少，幾乎就是皮連肉，色水好靚，連我不愛吃黃皮白切雞都覺得不錯至於薰蹄，一點都不肥而且無渣，肉的比例剛剛好，即使不點醬汁亦有味，M先生吃到津津有味凍奶茶 (配餐+HKD 3)來到最後亦是驚喜不斷，竟然在這裡讓我喝到最舊式茶記沖的原味港式奶茶，茶味香醇，茶與奶的比例剛剛好，甜度亦是我喜歡的，比適中更多一點點甜，喝著回憶就回來了，非常好喝

話說今日去太子係為咗工作，晨早已經到咗，但又未開得工，所以搵嘢食醫肚，本身打算去食嘢一間西餐，點知仲未開，所以行咗一轉附近，比我見到一間茶餐廳，但係門口介紹嘅主打係叉燒，其實我對叉燒都有一定嘅情意結，要肥瘦適中，重點係唔可以鞋皮，但係好多間都做唔到，仲要勁咸，所以當我見到佢話係主打嘅時候，即刻沖左去試一試，我見餐牌上都寫住叉燒飯係推介，價錢都好合理，$48包餐飲，唔算貴，叫咗坐咗1分鐘就已經上嚟啦，一試，好林好juice，雖然我覺得味道上唔係咁入味，但肉質，肥瘦完全啱啱好，真心推介， 餐飲我叫咗奶茶，普通，吾濃郁同淡奶味。下次要再嚟幫襯

今天下午在太子附近有点事要辦，差不多近6点順便去太子的齒留香再嘆叉燒，叫左叉燒飯一碟加咸蛋半隻，仲送例湯一碗。例湯係南瓜，紅蘿蔔㷛瘦肉，味道正常，不過咸。叉燒飯size ok,叉燒份量不算少，咸蛋正常，但可惜今次食到既叉燒同上次的水準相差很遠，上次食到既叉燒真係好正，肉質淋同滑，味道香中帶甜，半肥瘦，但今次的叉燒祇係面層有味，但肉心無乜味，仲帶点乾，毫不軟滑，真是有点失望，水準真係有点失衡，下次要諗諗才光顧……

今日lunch幫襯咗一間好出色的燒味餐廳，好想同大家分享一下乳豬叉燒雙拼飯首先要讚呢碟飯，淋飯的滷水汁另上，令燒味和白飯不至吸收太多汁而變腍。有圖有真相，乳豬皮燒得極度鬆脆，入口即溶。乳豬肥瘦得宜，皮與肉之間帶薄薄的肥膏，經過烘爐猛火燒烤之後，烤得甘香無比，伴飯一流！肉醃得十分合適，那股鹹香的調較另乳豬的瘦肉部份生色不少，基本上不用點乳豬醬已經好啱食了。叉燒亦不讓乳豬專美。一件肥瘦分明的叉燒決定另一眾男士們垂延三尺！瘦肉嫩滑而不會乾爭爭，我最怕外面食到的乾到龜裂的叉燒，痴牙又有渣，好討厭。呢度的叉燒又嫩又多汁，食到令人上癮！叉燒與乳豬，一甜一鹹、一嫩一鬆脆的兩種肉食，令我一試難忘！呢間燒味餐廳的水平咁高，但價錢絕對係大眾化的表表者。

今日去深水埗做少少野, 但做到差唔多1點幾又好餓之後去搵野食, 附近有幾間餐廳但我又覺得自己好耐冇食燒味 然後我就去左齒留香見佢d叉燒燒得唔錯, 好有食慾入到去位唔算太多好多調味做好哂, 用d燒味餐廳差唔多首先我叫左杯凍奶茶哇, 呢個茶真係唔可以唔講, 飲甘耐, 第一次飲到甘好飲奶同呼比例剛剛好, 冇多冇小好飲好飲, 呢d先係港式奶茶之後個叉燒瀨粉到啦哇哇哇,叉燒好鬼好食, 好多汁又唔硬, 有d焦就更好食omg, 真係好`似食神上身一樣點解可以甘好食我甘大個仔冇幾多次可以食到甘好食既叉燒配埋瀕粉冇得頂唔係好飽既原因再叫左個雙拼食d雞真係好嫩滑, 唔點汁食都可以食到鮮味d薰腣又好食, 唔會乾, d骨膠原多到起個口到爆出黎,哈哈打完想去再食過

<我食過最好食既叉燒>🐷😍呢間燒臘店🔥齒留香我喺5 年前以前食過 , 但我唔知我食過既元朗店係咪呢間 anyway我黎到太子經過就試下佢正唔正😃 食店有各種燒味 配飯 河粉 瀨粉等等 🍚🍲 佢最推介係叉燒 我影到張相係佢剛出爐叉燒 成大盆超肥美 離遠望到已好想試😈🐷 1.🍴隻拼燒味🔥炭火乳豬 148 蚊叉燒88 蚊點左呢兩樣雙拼 158 蚊🐷首先佢 d叉燒 勁香 食落超香濃蜜糖味加上少少焦邊 夠哂火喉🔥 出面既肉夠香脆 入面既肉質 juicy仲要厚切 肉質軟熟 好有口感 要用屈機黎形容😈2.乳豬都唔少野 炭火燒真係零捨香 🐖 個皮脆到呢 入面既豬肉肥膏豬肉軟熟加埋甜乳豬醬跟本 冇得輸😃 而佢仲會送埋老火湯 雖然送 但佢既青紅蘿白🥕 同雞腳都落足料 夠哂香甜 而飲品淨點18 蚊 . 跟餐就加3 蚊 價錢合理味道唔錯 🍋#燒味 #燒臘 #叉燒 #乳豬 Score 平均分 <8.5/10>Taste 味道：👍🏻👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍

由朝做到晚，好不容易才收工，因為工作忙碌，中午只食左三文治，往搭車途中見一燒臘飯店齒留香，望到門口廚窗掛左d燒臘。立刻想到斬料回家，但今晚只有我自己食飯，再望下，店內也有堂食，不如入去食完先回家。飯店地方都整潔，找個座位坐下，立即下單叫嘢食！燒豬頸肉和燒排骨有甜甜的蜜味，好有口感。薰蹄切片，厚薄適中，皮比較有口感，肉質不硬，配些酸醋食可以提升味道！有粉、麵、飯，因為太肚餓，所以叫了白飯，飯熱騰騰軟硬適中。

今日假期去做義工，到太子探訪獨居長者，幫助他們做家務，做到晚上8點才完成，之後就到附近找食店食飯，見到一燒臘店叫齒留香，我一個人就最好食碗燒臘粉，方便快捷。可能太夜，好多嘢都賣完。本來是想食佢比出名的义燒，點知又是賣曬，好彩重有雞！店內地方不大，客人要自己找座位。之後請侍應落單。豉油雞和白切雞：雞肉都好嫩滑。附上的薑蓉是自家製的，點些可以提升味道！河粉口感幼滑，但湯底比較淡味。我喜歡湯的味道濃一點。

傳說中香港义燒No. 1果然名不虛傳78蚊個乳豬义燒飯乳豬皮脆肉嫩义燒炭香＋蜜糖香好食到停唔到口飯，湯可以Refill啱哂大胃王對燒味有要求？來呢度無投訴沒有對比，便沒有傷害。在這裡，這句話更有意思。

難得來到太子，早餐吃了塊扒，就索性也試名氣大的燒味吧。中午差不多一點到場，店子不大不小也算坐滿了人，燒味飯搭枱也少不了。既然叉燒出名，天氣轉涼食鵝也是好的，來個雙併飯就好。叉燒最肥叉，肥到幾乎見不到肉最白色一片的。還好，我是不介意的。年輕時所吃到的肥叉，其實本當如是，是老味道。可惜火喉不夠，沒有夠焦燶，口感打了折扣。叉燒醃料也不過不失，比坊間多了一陣小茴香，算是特別吧。燒鵝也夠肥美，食的是胸位，算是合格，肉質沒有起渣，只是醃料入不到心，肉本身味道也欠，養的日子不夠，是貨源的問題。整體來說，60元還可以吧。假如在附近生活，它的質素要比一般的好，也比一般人的貴。只是不值得特意前來就是了。其實早前也買了一次外賣叉燒，分到的是瘦叉，瘦叉也好，只是斬切時需注意薄一點，否則就不好咬了。還有薰蹄，反觀就比較出色，白滷水有味，啖啖沙薑香味，即來即切，可惜有厚有薄，口感就偏差了。為免有欠公允，就特意來多一次，結果也不見留香。我只可以說，上電視那件叉燒必定第一，只可惜你品嚐不到。