龍圖閣海鮮飯店

营业中

休息中

上星期去了尖沙咀一間酒樓吃晚飯，主打香港懷舊手工菜及海鮮，當晚都有不少客人，我們當晚的晚餐有: -冰川咕嚕肉這個十分特別，咕嚕肉放在冰上，冰鎮咕嚕肉，冰火交融，保持了咕嚕肉的爽脆，很香甜-糯米飯天氣涼最適合食糯米飯了! 份量多，很多花生在面，糯米飯口感不錯，配臘腸、蛋絲和蔥很香-淮山百合炒勝瓜這道菜很清新，簡單炒香淮山百合和勝瓜就很香很清甜-百花煎肉餅原來這道用了馬友來和蝦膠製成的肉餅，味道十分濃郁，充滿鹹香-沙薑焗雞是類似啫啫雞煲般，以沙薑來焗，很香，雞肉很惹味-蝦多士一碟有四件，很久沒有食過這道料理了，是少見的港式懷舊菜，蝦多士很香脆

星期日朋友敘舊六位去用餐，冇邊樣嘢好食，最後仲要有小插曲。鹹菜胡椒花甲好多沙，分量大概每人2-3隻收$328，呢個價錢加咁既質素都幾離譜。辣子雞唔辣根本唔似辣子雞味；鹹魚煎肉餅分量每人一小件，仲要明顯食到啲肉唔新鮮；椒鹽白飯魚淨係食到啲粉，食唔到條魚。最後蒸糯米蟹，糯米飯還可以，蟹得個細細隻， $768絕對唔值。埋單$3113 ，有人嚟碌卡果時明顯飲醉，叫佢俾外賣盒都聽唔到，收咗我張信用卡即刻跌落地下又唔知道。最後返嚟話我知碌唔到，要我俾第二張卡佢。後尾番查原來佢碌咗$31,130 ，過左信用額過唔到，再過第二次銀行以為係可疑交易所以send左短訊要確認，全程呢位疑似老闆娘冇講過佢碌錯咭。呢啲咁既餐廳可以執咗佢。

一季一度的意義, 除了是光顧這餐廳的頻率外, 也是和這班新公司的好戰友一起聚餐的頻率. 作為一家朋友歡聚的餐廳, 最重要的是空間夠, 有足夠的大枱, 這也是我在群組聚餐的時候, 他會放在我的考慮之列的前位, 價錢公道, 份量夠, 也是群組聚餐的餸菜要有的. 當然菜式水準也是正常, 並非驚為天人但吃得滿足, 例如是海鮮的處理, 這裏的蟶子份量, 比起平時吃海鮮的熱點更大件, 也更鮮. 油鹽水浸花甲味道簡單, 就是鮮味和鹹香的結合. 其他魚鹹雞煲以及炸大腸, 也是預期之內的水準, 和朋友喝著啤酒, 花天雪地, 再填飽肚子, 這樣的身心靈滿足, 簡單而隆重.

話梅涼瓜苦中帶清甜口感爽脆 多汁很開胃的前菜陳皮一字骨皮脆肉嫩 很鬆化味道酸酸甜甜辣辣地 令人越食越想食送啤酒很對味水煮牛肉又麻又辣的味道再配上紅油鋪面的視覺效果令人食指大動牛肉滑入口不韌肉質細嫩 口感極佳琵琶豆腐很考功力的一道菜保持到滑嫩口感富有豆香剛炸好加上椒鹽會很美味沙薑焗雞沙薑的味道較香濃可突出雞的鮮味雞皮清爽幼滑肉質細嫩可口食而不膩 入口回味無窮整體黎講食物質素有保證正宗傳統的中菜館會同朋友再來品嚐其他菜式

最近比較少吃中菜，朋友提議龍圖閣，我也想一試；這個老字號海鮮酒家，子承父業主打海鮮/小炒等聞名……一入門口就很有懷舊特色，有魚缸養活海鮮，保留老香港的昔日情懷，今次環境也很切合我們與幾個舊朋友相聚的主題❣️話梅涼瓜 這個前菜冷盤很精緻開胃，涼瓜一點也不苦，只微甘及酸甜❣️水煮牛估不到這裡也有川菜，味道也不差，有齊花椒八角及微辣香味❣️琵琶豆腐這個傳統菜式口感不錯，釀入一些疏菜豐富口感❣️沙姜焗雞這個煲遠處已聞到香氣，沙姜汁很入味沾上雞很配合，熱辣辣很受歡迎❣️陳皮一字排骨這個菜式也很有人氣，果然保留一點陳皮香味，排骨不算肥膩，而且炸得很香❣️蒜頭白菜仔翠綠白菜仔配炸過的蒜頭🥂溫馨提示 ：免開瓶費，朋友們可以帶私貨

今日放工同屋企人去左尖沙咀龍圖閣中菜館食晚餐。近尖東，尖沙咀地鐵站行過嚟大約10分鐘，唔算好方便，但屋企人想食中菜，呢間又未試過就決定試下。我哋叫咗話梅涼瓜、上湯浸菠菜、琵琶荳付、蜜椒薯仔牛柳粒、籠仔蟲草花杞子蒸雞同埋咸菜胡椒花甲。話梅涼瓜:4.2/5⭐️話梅涼瓜口感清脆，略帶酸甜，好開胃。涼瓜入面嘅話梅味道亦都唔會太濃，食落清新爽口，適合夏天食當開胃菜。上湯浸時菜:4.1/5⭐️白菜經過上湯浸煮後，保持住嫩綠色，口感軟滑。湯汁鮮甜，正常既家常菜味。琵琶荳付:3.8/5⭐️琵琶荳付先炸後炒，香口入味，同平時食既魚付差唔多。可一試。蜜椒薯仔牛柳粒:4.3/5⭐️薯仔牛柳粒炒得恰到好處，牛柳粒嫩滑多汁，配合蜜椒醬汁，味道鮮甜，蜜椒帶點甜辣味道，增添了菜餚的風味。籠仔蟲草花杞子蒸雞:4.3/5⭐️蒸雞肉嫩滑，蟲草花同杞子提供了獨特嘅香氣，令整道菜更加香濃。湯汁濃郁，味道啱啱好。唯一美中不足就係個份量比較少，唔多雞肉，如果再大煲啲就更好。咸菜胡椒花甲:4.2/5⭐️花甲鮮嫩多汁，咸菜同胡椒調味得宜，唔算咸，花甲好大隻，勁鮮甜。咸菜嘅酸味同胡椒嘅辣味互相輝映，令菜式更加開胃。

成日經開尖沙咀見到龍圖閣，前排終於同屋企人去試試，一上到去就感受到環境氣氛唔錯，好有古色古香嘅感覺🧐 佢哋嘅菜單好豐富，長輩發板揀咗幾款特色菜嚟試吓話梅涼瓜好啱夏天食嘅清爽開胃菜，涼瓜切條，入口回甘，長輩滿意😆咸菜胡椒花甲王好大隻花甲！新鮮飽滿彈牙，加上咸菜同胡椒嘅香辣味道索晒入粉絲，好食琵琶豆腐同我哋認知中嘅琵琶豆腐有d出入，炸粉亦頗厚，相對失望🥲上湯浸春菜比較少食到嘅菜，春菜煮得剛剛好，保留到鮮味同爽脆口感蜜椒薯仔牛柳粒有鑊氣，牛柳大粒，薯仔表面香脆，唔會出錯的一道菜籠仔蟲草花杞子蒸雞營養又滋補，雞肉尚算嫩滑，蟲草花同杞子味道令雞件更加鮮味總括尼度嘅氛圍同菜式似舊式高級酒樓，份量精緻，味道偏濃，長輩可能會比較鍾意，唔收開瓶費加分

今日約咗幾位朋友敘舊，揀咗間中式酒樓，可以坐耐啲慢慢傾。酒樓主打懷舊菜。尖椒釀九肚魚尖椒釀鯪魚肉就食得多，釀九肚魚第一次試，比起鯪魚肉九肚魚軟滑很多，口感特別，加上天婦羅做法，另外被更加香脆。百花馬友蝦膠煎肉餅平平無奇的煎肉餅，加了蝦膠，令整碟菜式即時高貴左，而且馬友也增添了鹹香。懷舊手打蝦多士一聽就知心機菜，手打蝦膠又確係彈牙，多士做得好香脆。椒鹽排骨少少辣，幾香口，送飯一流。川式辣子雞川式做法，用咗好多配料用煲仔上，少少麻辣，好惹味，計也做得好嫩滑。菜遠琵琶豆腐食咗咁多肉類，清清地有菜有豆腐。琵琶豆腐做得不錯，好幼滑。

今晚飯聚，約了很久朋友，終於齊人，需找一個坐下可談得耐的地方，就想起去酒家，大家晚上少吃，選這間，環境不錯，地點方便，坐下看了一會餐牌叫了懷舊手打蝦多士  有特色，蝦肉身厚實，濃鮮蝦鮮味，特別彈牙，蝦同多士好爽脆，好有咬口感金沙椒鹽九肚魚  魚身脆炸，炸得本身鮮魚味更加鮮香，爽滑嫩口生睹馬拉盞芥蘭  用馬拉蝦醬炒過芥蘭，獨特菜鮮香味，唰唰聲，另一番味道菠蘿咕嚕肉 (即做) 即做咕嚕肉特别脆身，肉味更鮮香同軟霖，菠蘿香味更鮮睹睹焗雞煲  份量剛剛好，每件雞厚肉身，入口微微香辣味，醒胃，好嫩滑彈牙百花馬友咸魚蝦膠煎肉餅  有特色，煎到餅身脆皮，濃厚咸魚香味，肉香味同蝦鮮味，味道搭配，獨特口感金沙椒鹽豆腐  豆腐炸到金黄，脆卜卜，咬一口滑身，好香椒鹽味杏仁露  清香杏仁味，豆子爽滑，甜度適中

每次和一大圍朋友聚餐, 這酒家也是我的選擇, 與海鮮作為主打, 價錢比鯉魚門又或者是西貢等海鮮餐廳集中點, 更為便宜, 水準也更好. 雖然有時烹調水準有點參差, 但吃得飽也夠滿足, 而且餐廳位置方便, 還是不錯的. 我們的海鮮選擇，當然是有蟶子, 用上最基本的豉椒, 煮起來夠入味, 沒有沙泥而且口感爽彈. 清蒸紅瓜子斑魚肉夠鮮, 沒有火水味, 口感實中帶層次, 豉油微甜可以帶起魚肉本身的鮮味. 籠仔蟹蒸糯米份量大得驚人, 蟹肉的鮮味與糯米結合一起, 糯米軟熟才是主角.除了海鮮之外, 今次點了不少小菜, 也能感受餐廳的功力. 風沙雞皮脆肉腍, 肉汁豐富而且上面的蒜蓉味道濃香. 豬肉料理不比海鮮料理的種類少, 黑椒豬手相當入味, 外皮彈牙肉質爽而入味, 送酒一流. 馬蹄煎肉餅簡單但口感平衡, 豬腩叉燒濃邊不錯相當肥美. 一班好友簡單飲杯啤酒, 吃得飽又有水吹, 中年人的快樂就是這樣樸實無華.

國內朋友來港約會想吃港式粵菜，所以約了在尖沙咀晚餐順道逛街。此店是老派粵菜，訂枱時更預訂了一味特別菜式～八寶鴨(須提前一天預訂)，此為功夫菜，內有栗子、蓮子、蛋黃、桂圓、紅棗、糯米等等食材釀入鴨中，煮得鴨肉軟糯香濃，製作需時，但絕對值得一試。流沙炸魚皮，見到牆上推介是新派小食，所以二話不說就點了，的確不錯，熱辣辣炒起，又脆又咸香，不消2分鐘已清空盤中物。干蔥頭豆豉爆雞煲，非常惹味，連蔥頭的刺激味都變得甜味易入口。豉油皇炒麵，非常馳名，老闆還跟我們說有人試過叫3碟一吃而盡，的確火候十足味道正，有別一般炒麵。

龍圖閣海鮮飯店 - 尖沙咀今日同事帶我去尖沙咀食中式小炒 餐廳唔算位置顯眼 但係就係正尖東站對出 交通都方便冰川咕嚕肉 外皮鬆脆 唔會太厚漿 用冰令個外皮更加脆 而且肉質爽彈 大家對佢有讚冇彈 店員話如果想另外皮更加脆就要冰耐啲淮山百合炒勝瓜 清清地既配搭 淮山勝瓜依然保留爽脆口感沙薑雞煲 上菜嘅時候咋咋聲 啖啖肉 不過如果想惹味啲就要點多d沉咗喺煲底嘅沙薑醬汁同埋餐廳周圍都有圍板圍住 方便間房 如果想有自己私人空間同朋友傾下計 呢度都係個選擇

跟朋友嘆粵菜，可以飲啖茶慢慢聊，開了壺普洱，店員姐姐介紹點了款小食～話梅拌涼瓜，起初食第一塊時覺得好苦，但越食越有味，酸甜話梅味慢慢滲出來中和了涼瓜的苦，挺有驚喜。主菜點了～百花馬友鹹魚蝦膠煎肉餅，送飯一流，鹹香鮮脆的味道夾在肉餅裡，味道一絕。乾蔥豆豉爆雞塊，濃濃的豆豉蒜頭乾蔥香氣直迫煎炸過的雞塊，味道很夾。酸菜煮龍躉魚片，芽菜配菜是精華，索了酸菜和魚的濃香，魚片爽口彈牙，吃得出新鮮。全晚見到疑似老闆周圍遊走跟食客聊天，看得出心機經營，雖然店舖不大大，環境比較舊式，但絕對吃得出人情味和廚師的功架。

龍圖閣海鮮酒家，一家擁有濃烈香港風情的中餐館，將經典的傳統菜式重新詮釋，為食客帶來一場古典味道的美食盛宴。餐廳的裝潢充滿了老香港的氛圍，與那些追求時尚設計的餐廳形成鮮明對比。這裡的個性設計散發出一種漫不經意的魅力，讓人彷彿置身於過去的年代。而負責我們桌的服務員阿哥非常熱情，他細心地滿足我們各種要求，為整個用餐體驗增添了愉悅的元素。話梅拌涼瓜這道前菜絕對是一道令人驚艷的創意菜。冰鎮的苦瓜融合了酸甜的話梅味道，再加上少許檸檬汁，帶來了絕妙的口感。這道菜不僅能夠消暑解渴，還能夠引起味蕾的愉悅，讓人回味無窮。另一道令人驚喜的菜式是冰川咕嚕肉。它的皮炸得酥脆，搭配著蕃茄、藍莓、紅椒和黃椒，形成了一道豐富多彩的搭配。而且，冰鎮的服務方式使得咕嚕肉保持著冰涼的狀態，絕對是夏天消暑的必點佳品。尖椒九肚魚也是我極力推薦的一道菜。它的炸製使得魚肉外脆內嫩，內部則釀入了青椒，帶有一絲微辣的風味，口感香口十足。除了以上的推薦菜式，酥炸墨魚嘴、啫啫通菜煲和生炒糯米飯也值得一試。酥炸墨魚嘴的外層酥脆，內裡鮮嫩多汁，是一道口感豐富的菜品。啫啫通菜煲則以清淡的湯底營造出清新的口感，給人一種舒爽的感受。至於生炒糯米飯，

最近同fd黎咗一間比較傳統嘅中菜館，一於試試佢先 💕⠀⠀⠀⠀⠀⠀⠀⠀⠀⠀⠀🙆🏻♂⠀M͓̽y͓̽ ⭕r͓̽d͓̽e͓̽r͓̽ ⠀🙆🏻⠀⠀⠀⠀↓⠀⠀🔸冰川咕嚕肉 正直炎夏，當涼浸浸嘅冰塊头碰上咕嚕肉後，會令外皮更加鬆化，然後，入口後郤又會食到暖签笠而又美味嘅肉塊，呢種冷熱衝擊食法，實在可以為你味蕾激出大滿足 ‼️🔸沙薑焗雞 雞肉鮮嫩多汁，肉質緊實，而且在焗烤過程中，肉汁得以保留，每一啖都充滿住濃郁嘅雞肉香味。沙薑的香氣與雞肉完美融合，使得整道菜的味道更加鮮美。除了雞肉本身的美味，沙薑焗雞還搭配了其他的配料，例如蒜蓉、蔥段和辣椒等，增添了層次感和香氣👍🏻🔸酸菜魚酸菜的酸味同魚的鮮味完美結合，令整個湯底更加豐富而有層次感，湯底酸中帶有一定的辣味➕偏重胡椒味，非常開胃。而魚肉質鮮嫩，入口鮮美。魚肉在湯底的滋潤下更加鮮嫩多汁🔸炸大腸 炸大腸的外觀金黃酥脆，外層炸得酥脆，內部的大腸則保持了一定的嚼勁🔸 豉油皇炒面 💰138麵條的口感彈牙有嚼勁，炒得熟透卻不過軟，保持了一定的韌性，使得咀嚼時有愉悅的口感，自己比較鐘意食辣嘢，所以另外加咗d辣椒醬，味道更加好食👍🏻🔸 話梅拌涼瓜話梅的口感較為脆爽，味道酸甜；而涼瓜則口感脆嫩，味道